رواية غرام العشق الفصل الثاني 2 - بقلم شيماء ناصر

نعم طلاق، انتي متأكدة من كلامك ده؟ أيوه ياهانم، أنا شفت الورق بعيني وتوقيعك كان على الورق، بس متخافيش أنا حليت الموضوع. نيرة بعصبية: إزاي؟ عملتي إيه؟ دلقت القهوة اللي كنت مدخلاها للبيه على الورق، وأكيد المحكمة مش هتاخد الورق. نيرة: طيب روحي دلوقتي، وإياكي حد يعرف بكلامك ده، ولا هيبق فيها طردك، وإنتي عارفة الباقي بقى. حاضر ياهانم، هقفل بوقي ومحدش هيعرف حاجة. ليه تعملي كده؟ حرام عليكي، أنا عملتلك إيه عشان تأذيني كده؟

أكمل بخبث ونظرات شهوة: بس أنا مش عايز أأذيكي إنتي، أنا عايز أخوكي، أشوف الكسرة في عينه لما أفضحك قدامه، وأبقى قابليني بقى، مين هيتجوز واحدة، يلامؤاخذة، زيك. وطت على رجليه بسرعة وهي بتشهق من البكاء: وحياة النبي امسح الصور دي، والنبي امسحهم، أنا هعمل أي حاجة إنت عايزها، بس امسحهم، أخواتي البنات حالهم هيقف بسبب. نزل لمستواها: هتعملي أي حاجة أنا عايزها من غير ما تعترضي! اتكلمت بسرعة: أيوه، عايز فلوس؟

اطلب كل الفلوس، هتبقى تحت رجلك. لا ياحلوة، مش عايز فلوس، أنا عايزك إنتي. أنا يعني إيه؟ أتجوزني. بس أهلي مش هيوافقوا عشان إنت مش من مستوانا. أكمل بسخرية: حلو، لما أبيع الفيديو والصور وأكبر على حسك، هبقى معايا فلوس من ورا فيديوهاتك، هبقى من مستواكي، ولا أنا مش معايا حق؟ قدامك ساعة تفكري، سلام ياقلبي. مسكت تليفونها: إيه يانيرة؟ بترني كل شوية ليه؟ ما إنتي عارفة إني في الشغل ومش فاضية.

نيرة: محتاجة مساعدتك ضروري، وعارفة إنك مش هترفضيني، أنا ياما وقفت جنبك، وده دورك عشان تردي الجميل. سارة بعدم فهم: دور إيه وجميل إيه يابنتي؟ إحنا زي الأخوات، وأنا هرفض ليه؟ قولي محتاجاني في إيه. نيرة: عايزاني تبعتي ورقة تحليل حمل من عندك باسمي. سارة: إيه اللي بتقوليه ده؟ ليه! نيرة: اسمعي اللي بقولك عليه وخلاص، وبسرعة، وأنا هبقى أفهمك. سلام. سارة: أيوه بس أنا لازم أفهم دلوقتي... الو نيرة، الووو.