رواية غرام العيسى الفصل السادس عشر 16 - بقلم اسماء السيد

فجأة غرام حست بدوخة ونزل من مناخيرها دم ووقعت في الأرض على وشها مغمى عليها. دخل عيسى وهو عاري الصدر وحاطط الفوطة على شعره ورقبته، واتصدم من غرام اللي واقعة على الأرض وجري عليها بسرعة. عيسى برعب: غرام يا غرام يا حبيبتي. لفها واتصدم لما شاف دم على وشها. عيسى بخوف: غرام! حاول يفوقها لكن مستجابتش خالص. جري بسرعة لبس تيشرت واتجه ليها ولبسها نقاب، وشالها بسرعة ودفن وشها في صدره ونزل جري لتحت وهو مرعوب.

نزل ركب عربيته بأقصى سرعة ووراه الحراس. بعد دقايق وصل عيسى المستشفى في وقت قياسي. نزل شال غرام ودفن وشها في صدره ودخل بيها جري المستشفى. عيسى بخوف: GO.GO.GO.GO. في ثانية كان متواجد أكتر من دكتورة ودكتور. عيسى: أريد دكتورة حالًا. دكتورة: أنا موجودة هيا هيا إلى الغرفة. وقرب الممرض بترول ياخدها منه. عيسى بغضب ودفن وش غرام في صدره أكتر: NO سأحملها أنا وأدخلها إنها منتقبة أريد ممرضات.

وبالفعل دخلها عيسى جوا ومنع دخول أي راجل. كان رايح جاي في الطرقة هيتجنن ومرعوب لتروح منه. عيسى بخوف: يارب يارب سلم. كل دا وما أخدش باله من كمية الممرضات والنساء اللي عينهم هتتخلع عليه من حلاوته. بعد مدة طلعت الدكتورة. قرب منها عيسى: ما بها؟ الدكتورة: هيا كويسة بس ضعيفة جدًا وكمان ياريت حضرتك يستحسن ما تقربش منها يومين كدا. عيسى برفع حاجب: اشمعنا؟ الدكتورة: لأن هيا ضعيفة وما تستحملش حاليًا، هيا بس محتاجة رعاية شوية.

عيسى: تمام. روحي أنتي. وبالفعل مشيت الدكتورة وهو دخل لغرام. عيسى بخوف: أنتي كويسة؟ غرام هزت رأسها بـ "آه". عيسى بضيق: أنتي ما بترديش ليه؟ غرام لفت وشها الجنب التاني بزعل وضيق. عيسى بغضب: مش بكلمك ما بترديش ليه؟ غرام بدموع: نعم يا عيسى في إيه؟ عيسى بحدة: أنا مش بكلمك إيه اتخرستي تاني ولا إيه؟ غرام نزلت من على السرير وبصت له بكسرة. غرام بزعل: على فكرة أنا عمري ما كنت خرسة.

عيسى بغضب وعدم استيعاب: والله دا اللي عندي ويلا عشان نغور. غرام بصت له بصة فيها كلام كتير وهو بعد وشه عنها بضيق. عيسى بحدة: ورايا. وبالفعل طلع عيسى وغرام وراه ودموعها ما نشفتش. خارج المستشفى. طلع عيسى ركب عربيته وغرام ركبت جنبه وعيسى طول الطريق ساكت وما بيتكلمش وهيا دموعها ما وقفتش. بعد مدة وصل القصر. نزل ودخل وهيا وراه، طلع عيسى بغضب للغرفة وغرام وراه ودموعها ما نشفتش. في الغرفة.

دخل عيسى قعد على الكنبة بضيق وغرام دخلت قلعت النقاب وبصت عليه بحزن واتجهت للدريسنج أخذت بيجامة ودخلت الحمام. وعيسى دخل الدريسنج ولبس بنطلون جينز وتيشرت أبيض وكوتش أبيض واتجه لتحت وهيا لسه ما طلعتش. طلعت غرام وما لقتش عيسى فزعلت أكتر واتجهت للسرير ونامت عليه بتعب. في القصر. كان الكل متجمع على الغدا. عامر: حسن ما نزلش بردك؟ روحية بحزن: لا بقاله أسبوع ما نزلش. كامل بحزن: معذور يا جماعة دي بنته بردك وهو قلبه واجعه عليها.

رحمة بحزن: أنا عيسى وحشني أوي. تفيدة: ربنا يرحمه ويغفر له البلد كلها بتحلف بحياته وسيرتها الطيبة يا خيتي. مصطفى: أنا شايف إن تفيدة عندها حق. فجأة رن تليفون كامل. كامل: ألو؟ الموظف بسعادة: مبروك يا كامل بيه. كامل: على إيه؟ الموظف: أخدنا المناقصة من سليمان يا بيه. كامل بفرحة: بتتكلم جد؟ الموظف: والله كسبنا يا باشا. كامل بفرحة: زيادة على المرتب الشهر دا... وقفل. عامر بقلق: في إيه؟ كامل: أخدنا المناقصة من سليمان.

عامر بفرحة: بتتكلم جد؟ مصطفى: بجد يا كامل؟ كامل بفرحة: والله بجد. عامر براحة: نام وارتاح في تربتك يا ولدي وراك رجالة. سامي بسعادة: ألف مبروك يا عمي. كامل: الله يبارك فيك يا ولدي. يوسف: مبروك يا عمي. كامل بفرحة: الله يبارك فيك يا حبيبي. بسمة بغل: مبروك يا كامل. كامل بضيق: الله يبارك فيكي. نور ومريم مع بعض: إحنا عاوزين حقنا. كامل باستغراب: حق حق إيه؟

نور: عيسى الله يرحمه لما كان بيدخل مناقصة صعبة كان بيجيب لنا هدية وبيدينا فلوس وكان بيكسب. كامل بضحك: حاضر يا ستي أنتي وهيا. فجأة نزل حسن ووشه باين عليه الحزن. روحية بسعادة: كويس إنك نزلت يا ولدي. حسن بتعب: اشمعنا؟ عامر: أخواتك كسبوا المناقصة. حسن: آه ألف مبروك عن إذنكم. عامر: على فين يا حسن؟ حسن بحزن: في أي حتة عن إذنك.... وخرج. عند عيسى. كان وصل المخزن لقى شهاب ومكرم قاعدين على كراسي ومتربطين. عيسى بحدة: ها فكرتوا؟

شهاب بتوتر: أنا هقولك كل حاجة بس بس بشرط. عيسى بغضب: أنا ما فيش حد يتشرط عليا يا روح أمك. شهاب بخوف: أنا هقولك بمقابل. عيسى: قول. شهاب برعب وتوتر: أول حاجة تسيبني أمشي وتاني حاجة تديني غرام. عيسى عروقه برزت وعيونه احمرت وقرب منه بغضب ومسكه من ياقة قميصه. عيسى بغضب جحيمي: نعمم يا روح أمك دا أنا هوريك اللي عمرك ما شفته. ونزل فيه ضرب وفي وشه لحد ما شهاب كان هيموت. دياب: خلاص يا عيسى هيموت في إيدك.

ودياب وعمار بعدوا عيسى بصعوبة. عمار بخوف: خلاص يا باشا إحنا محتاجينه. اتجه عيسى للكرسي اللي قدامهم وقعد عليه وحط رجل على رجل وطلع سيجارة وولعها بضيق وبقى ينفث دخانه بغضب. عيسى بغضب: قسمًا عظمًا أنتا وهو لو قلتوا لي فين البلاتينيوم لأكون دافنكم هنا وهجيبه برضه. مكرم برعب: هقولك هقولك بس ارحمني يا عيسى بيه. عيسى بحدة: فين انطق؟ مكرم بتوتر وخوف: في في جبل الثلج العالي اسمه.......

اللي من الناحية الغربية هتلاقي هناك كوخ حواليه رجالة كتير هناك الشنطة اللي فيها أنابيب البلاتينيوم. عيسى بحدة: دياب... عمار. دياب وعمار: نعم. عيسى بغضب: تروحوا مكان ما قال وتجيبوا الشنطة دي يلا. وبالفعل طلعوا الاتنين من المخزن ومعاهم حاشية من الرجال واتجهوا للجبل. عيسى للرجالة: روقوا عليهم لحد ما أجيلهم. وطلع هو كمان وأخذ عربيته ووراه رجالته. عند سليمان. كان قاعد في مكتبه ومعه السكرتيرة. بس فجأة دخل منصور بتوتر.

منصور بتوتر: الحق يا باشا. سليمان: اممم. منصور بخوف: في كان في. سليمان بحدة: ما تنطق في إيه؟ منصور: كامل الهواري أخذ المناقصة. سليمان بشر وغضب: هو أنا أخلص من ابنه يطلع لي هو دا إيه العيلة دي يا ربي. منصور بتوتر: هنعمل إيه دا خسرنا ملايين. سليمان بخبث وشر: نفذ يا منصور. منصور: متأكد يا كبير؟ سليمان: متأكد يلا. وطلع منصور والسكرتيرة حطت إيدها على صدره بوقاحة. السكرتيرة بدلع: ما تزعلش يا بيبي.

سليمان بوقاحة: هو اللي يشوفك يزعل يا جميل أنتا. (استغفر الله) عند غرام. كانت نايمة على بطنها وبتلعب في الموبايل ومندمجة أوي. فجأة دخل عيسى وهيا ما حستش بيه خالص وهو كان معه بوكيه ورد أحمر وبوكس فيه سلسلة ودبلتين وحلويات. حط الحاجة على التربيزة وقلع الجاكت وحطه على الكنبة. وقلع الكوتش والشراب وقرب عندها. عيسى دفن وشه في رقبتها وهيا اتخضت. غرام بخوف: عاااا. عيسى: اهدي دا أنا.

غرام بعدت بخوف وعيسى اتعصب بس حاول يهدي عشان ما تخافش منه. عيسى وقف وفتح دراعاته بحب وغرام بصت له وقامت وقفت على السرير. غرام عطيته ضهرها بزعل طفولي. عيسى اتنهد ولف الناحية التانية وغرام فرحت من جواها إنه عاوز يصالحها. عيسى فتح دراعاته تاني: هاا هفضل كدا كتير تعالي في حضني وحشتيني. غرام بخبث طفولي: تؤ تؤ ما فيش أحضان وأنتا هتنام على الكنبة النهاردة. عيسى نزل إيده: نعمم مين دا اللي ينام على الكنبة؟

غرام عقدت ذراعيها وببرود: أنتا يا عيسى. عيسى بحدة: وأنا مش هنام على الكنبة. غرام بعند: يبقى أنا اللي هنام على الكنبة النهاردة. عيسى بنفاذ صبر ورفع حاجب: عاوزة توصلي لإيه ها؟ غرام بتوتر: أنا أنا عادية أهو ويلا عشان عاوزة أنام. عيسى بخبث: متأكدة إنك هتنامي من غير حضني؟ غرام بتوتر وخوف: آه وماله يعني عيلة صغيرة مثلًا. عيسى بحزن: تمام.... واتجه للحمام. غرام: لازم أعلمك الأدب اصبر عليا.

ولقت علبة فاستغربت، وقرّبت منها، وفرحت جدًا إنه افتكرها. *** عند دياب كانوا اتجهوا للمكان ونزلوا بحذر، وفعلاً لقوا كوخ وحواليه رجالة كتير. وفجأة اضرب عليهم نار، وبدأوا يطلقوا هما كمان. بعد دقايق بيخلص ضرب النار، وبيخلصوا على الرجالة كلهم. بس في واحد كان هيضرب عمار بنار، بس لحقه دياب وضربه طلقة في دماغه. وبيدخلوا وبيتصدموا من اللي شافوه. شافوا أسلحة كتير ومخدرات بكميات، وشنطة على جنب مقفولة بسلسلة حديد كبيرة.

فبيقرب دياب وبيشيلها، وبيتجه للخارج. عمار: طب والحاجة اللي جوا دي؟ دياب: ملناش دعوة، احنا ملناش في الحرام يلا. عمار: إيه رأيك نكلم الشرطة وهيا تتصرف؟ دياب: عندك حق، اتصل بيهم. وبالفعل رن عمار بالشرطة يجوا، ومشي هو والرجالة ودياب بسرعة. *** عند عيسى طلع من الحمام ببنطلون بس، وبص على السرير ملقاش غرام فتوتر، فبص على الكنبة ولقاها مشغلة كرتون وبتعيط. قرب قعد جنبها. عيسى بخوف: بتعيطي ليه يا حبيبتي؟

غرام ببكاء: عشان البطلة حبيبها خانها. عيسى اتنهد: غرام أنتي عبيطة؟ غرام: أنا ليه؟ عيسى: بتعيطي عشان كرتون؟ غرام وقفت بغضب طفولي وعقدت ذراعيها: تفهم أنت إيه في الكرتون يا بيه ها؟ عيسى ضحك وشدها قعدها على رجله ودفن وشه في رقبتها. غرام بتوتر: عيسى. عيسى بتوهان: قلبه. غرام: ممكن أنام أنا تعبانة. عيسى اتنهد: من عيوني... وشالها واتجه للسرير وغطاها ونام جنبها وهيا ماتكلمتش. *** عند كامل كان سايق العربية وبيكلم حد.

كامل: اسمع اللي بقولك عليه يا سعيد. سعيد: ربنا يجبر خاطرك. كامل: البضاعة بتاعت الصفقة هتتوزع عليكم زي ما عيسى كان بيعمل، وبسعر أقل كمان. سعيد بفرحة: ربنا يخليك يا كامل بيه يا رب. كامل: كتر خيرك يا سعيد. وفجأة أخذ طلقة وجت في كتفه، وقابلته عربية نقل ووووووو... ***