رواية غرام الجاسر الفصل الخامس 5 - بقلم ولاء أحمد

جاسر بصدمة: اللي اتجوز ماما؟ ثم أكمل باستغراب: ماما مين يعني اسمها إيه؟ رحمة باستغراب لصدمته: اسمها صافي، قصدي صفية. قام جاسر ووقف عند الشباك بعيد ورن على شخص. جاسر: ها، وصلت لحاجة؟ الشخص: أيوه ياباشا، البنت كل كلامها صح، بس في حاجة مستغربها. جاسر: أي، إيه؟ الشخص: إن الست اللي كانت عايشة معاها دي تبقى بنت عم أمها الحقيقية، بس بعد ما هي ماتت اتجوزت جوزها. والغريب بقي في الموضوع... جاسر بضيق: انجز.

الشخص: إن أمها الحقيقة اسمها رندا السيد محمد المنزلاوي، وخالد باشا اسمه خالد السيد محمد المنزلاوي. جاسر بصدمة: متأكد يابني من المعلومات دي؟ الشخص: طبعًا ياباشا. قفل جاسر ورجع قعد معاهم. جاسر موجهًا حديثه لرحمة: إنتي عارفة إن اللي عايشة معاها دي مش مامتك؟ رحمة بحزن وإيماء: أيوه عارفة. جاسر: هي اللي قالتلك ولا إنتي اللي افتكرتيها؟ رحمة بنفي: لا طبعًا مفتكرهاش، ولا حد قالي.

ده أنا سمعت مرة مرات بابا كانت بتكلم واحدة جارتنا. **Flash back** كنت في سنة أولى إعدادي وراجعة من المدرسة وسمعتها بتكلم طنط أحلام. أحلام: أومال صحيح يا صافي. صافي بضيق: قولي صافي. أحلام بلوي شفايفها: صافي!! طب صحيح يا ست صافي. صافي بنفاذ صبر: خير. أحلام بفضول: هو إنتي قولتي للبنت رحمة على أمها الله يرحمها؟ صافي بغضب: وإنتي مالك يا ست إنتي، أقولها ولا مقولهاش. صحيح إنتي حشرية.

وتركتها ورحلت، وكل ده ورحمة واقفة وبتعيط. **Back** رحمة بدموع: ومن ساعتها وأنا بدور على حد من أهلها وملقتش، عشان معيش أي معلومات غير اسمها بس، أصلي شفتوا في شهادة ميلادي القديمة، بس هي خطفتها مني بسرعة وقعدت تبرر وتقول كلام مدخلش دماغي أساسًا. جاسر بحذر استغرب: خالد، إيه اسم مامتك؟ رحمة استغربت من السؤال بس معلقتش: اسمها رندا السيد المنزلاوي تقريبًا. بصلها خالد بصدمة شديدة: إنتي بنت محمود ورندا؟ رحمة بإيماء: أيوه.

قام خالد وحضنها وسط استغرابها الشديد. خالد بفرحة شديدة: أنا خالك يا حبيبتي، أنا أخو رندا. رحمة بدموع وعدم تصديق إنها أخيرًا وجدت حد من ريحة مامتها: إنت خالو؟ خالد شدد على حضنها: أيوه يا حبيبتي. انسحب جاسر بهدوء يعطيهم مساحة. ظلوا هكذا ربع ساعة تبكي فيها رحمة في أحضان خالها. ثم خرجت من أحضانه وجففت دموعها. رحمة: عندك صورة لماما؟ أومأ خالد. رحمة بحماس: أنا عايزة أشوفها. خالد: حاضر يا حبيبتي، بس تعالي الأول نعرف جميلة.

ثم قام وقعد على كرسيه العجل. رحمة: ااا... قاطعها خالد: هحكيلك بس مش دلوقتي. خرجوا من المكتب وتبعهم جاسر من الخارج. في الخارج. خالد بفرحة وصياح: يا جميلة، يا أسر، يا مريم. نزلوا جميعًا. جميلة باستغراب: خير يا خالد؟ خالد بحماس وفرحة مشاورًا على رحمة: لقتها، لقتها يا جميلة، لقيت بنت الغاليين محمود ورندا. لقتها بعد تدوير كتير، وكل ده وهي قصاد عيني ومش عارفها. أخدتها جميلة في حضنها هي ومريم.

وسط سعادة الموجودين، وقضوا اليوم معاها. ضحك وهزار وفي ساعة وهم قاعدين. دخل حد وكان بالنسبة للجميع صدمة.