رواية غرام اولاد الديب الفصل السابع 7 - بقلم ريتال احمد

عند سليم كان قاعد مع نور وبيقول لها أن هيروحوا الصعيد يومين. نور بتوتر: ما انت عارف الي فيها يا سليم.. اختك ثريه وابنها. سليم مسك دماغه بتعب: مش عارف بس مش عايز اسيب امي في رمضان من غير ما ازورها يا نور. ثريه مدحت مش في الصعيد.. لما كلمت امي قالت كده. نور باستغراب: اومال هيكون فين يعني؟ سليم بارهاق وتعب بدأ يظهر عليه: مش عارف يا نور مش عارف. نور قربت منه وحطت

ايدها على كتفه وقالت بحب: اهدى يا حبيبي وباذن الله كل حاجة هتكون كويسة. وماله تروح الصعيد نقضي يومين فيها.. ده رمضان هناك ليه طعم تاني خالص. سليم ابتسم وخدها في حضنه. في شقة روز وأسر. كانت واقفة روز قدام المرايا بتسرح شعرها. وأسر نايم على السرير. جت روز وقعدت جنبه بابتسامة. اسر خدها في حضنه وباسها من راسها بحب وقال بقلق: عاوزة نروح الصعيد نقضي يومين رمضان هناك؟ روز بحماس: اه بجد حلو أوي. وبسرعة اتغيرت ملامح فرحتها

لخوف وتوتر وقالت برعب: بس بس خالتو ثريه. اسر ضمها لحضنه زيادة علشان يطمنها: اهدي خالص مفيش حاجة هتحصل يا روزي. نام على ضهره وخدها في حضنه. يلا ننام علشان ننزل على السحور. في شقة غسان ولين. كانت نايمة لين بعمق وغسان بيحاول يصحيها. غسان: يا حبيبتي يا ماما اصحي بقى. غسان بتعب من لين اللي مش راضية تصحى. لين قامت بصت عليه بنوم وقالت: غسان أطفي النور عاوزة انام. مش هتسحر مش عاوزة. غسان: يعني ايه مش هتتسحري؟

عاوز أفهم. هتجوعي يا ماما مبينفعش كده. قومي يا حبيبتي قومي كلي حاجة خفيفة ونامي. بس لين مردتش ونامت بعمق تاني وكان واضح عليها إنها تعبانة ومش قادرة. غسان بسها من راسها بقلق ونزل تحت. نور باستغراب: فين لين يا ابني؟ غسان: مش عاوزة تتسحر نامت. سليم: هتجوع. غسان: هبقى أحاول اخليها تاكل أي حاجة قبل الفجر.

بعد شوية كان متجمع الجميع على سفرة السحور ما عدا لين. وبعد السحور طلع غسان الشقة لـ لين. لقاها في التويلت. وبعد وقت خرجت لين من التويلت بتعب. غسان بقلق: مالك يا لين؟ لين بدموع: مش عارفة. أنا مش قادرة يا غسان. غسان قرب شالها ونيمها على السرير وخدها في حضنه. كانت سخنة بس مش أوي. غسان بقلق وخوف عليها: أنا هطلب الدكتورة. لين برفض: لا لا أنا خلاص خدت دوا وهبقى كويسة. خليك معايا بس أنا عاوزة انام.

خدها في حضنه وهو قلقان جداً عليها ومرعوب وناموا. تحت قالت سيلا: هروح أذاكر أنا بقى. قام صهيب بابتسامة: يلا يا سيلو. ابتسمت سيلا وجابت الكتب وقعدوا في الحديقة مع بعض. وفضل يذاكر ليها الحاجات اللي بتقف عليها. وفجأة قالت: سيلا: أنا نفسي أعمل عمرة أوي. اسر بتفكير في الأمر: اممم السنة دي؟ سيلا: اه وأروح وأدعي ربنا هناك. اسر بتفكير: طب كملي مذاكرة يا صغنن وأشوف الحوار ده.

ابتسمت سيلا بس بصت ليه بضيق من كلمة صغنن وضحك عليها أسر وعلى كرمشة وشها. وبعد وقت سمعوا صوت أذان الفجر وقام الكل يصلي. وغسان صلى من لين وخاف ينزل ويسيبها. عند سيلا وصهيب. صهيب: ها أنت باقي ليكي الوحدة دي بس. سيلا: اه هذاكرها. كدا كدا مش جايلي نوم. صهيب بنوم: بس أنا بقى جايلي نوم يا سيلا هانم. سيلا ضحكت: لا هنكمل معايا. قعد صهيب وقال بعيون بتطلع قلوب: أنت تؤمر يا باشا بس كده؟

اتكسفت سيلا وقعد صهيب معاها لحد ما خلصت وناموا. تاني يوم الصبح عند غسان ولين. قامت لين اللي كانت كويسة بسبب الدوا اللي خدته قبل الفجر. لين بمشاغبة: غسان. يا غسان. غسان بنوم: اممم. لين: غسااااااان. قام غسان بفزع خوف من إنها تكون تعبانة: إيه في إيه؟ أنت كويسة؟ لين: اه يا حبيبي كويسة متقلقش. بس اصحى بقى أنا صاحية لوحدي. غسان: يلا علشان هتفطري وتاخدي الدوا. لين: لا طبعاً مش هفطر.

غسان بخوف عليها: هتفطري يا لين قولت يلا بقى. لين بعياط: لا مش هفطر يا غسان. وأنا أصلاً غلطانة إني بصحيك. ابعد بقى. غسان شدها لحضنه وبدأ يطبطب عليها: بس إشش أهدي يا بابا خلاص متفطريش. لين هديت وقالت بخبث وهي بتفكر في حاجة: طب ابعد عاوزة أدخل التويلت. وقامت لين واتجهت التويلت. وبعد وقت كانوا جهزوا ونزلوا. عند أسر وروز. قامت روز وجهزت وصحيت أسر ونزلوا. وتحت كانوا قاعدين روز ونور وسيلا ولين يتكلموا بهمس.

لين بهمس: اه و نخليهم هما اللي يطبخوا النهاردة والسحور. وكلهم: نور ضحكت: طب والله فكرة. روز ضحكت بشر: وكدا كدا الدادا النهاردة هتفطر مع أهلها يعني كمان المواعين عليهم. ضحكت سيلا. فقال صهيب: ما تضحكونا معاكم. سليم بهمس: مش مطمن ليهم نهائي. غسان بهمس: ولا أنا. استر يا رب من مصايبهم. اسر بضحك ونفس الهمس: لا كلهم مع بعض وأمي معاهم يبقى في مصيبة. نور اتكلمت بخبث: اه مش عارفة في إيه مالي النهارده يا ولاد مش قادرة خالص.

سليم بقلق: أنت كويسة يا نور؟ نور وبتمثيل: لا مش قادرة أتحرك. مش عارفة هنعمل الفطار إزاي يا بنات. ده حتى لين يا حبيبتي تعبانة خالص و سيلا عليها درس. المدرس شوية وهييجي. وروز يا حبة عيني دايخة خالص. غسان اتخض على لين: لين أنت تعبانة؟ لين بتمثيل: اه مش قادرة خالص. اسر وحس إن روز بتمثل: روز مين اللي تعبانة دي؟ دي كانت بتتنطط من شوية. روز ومش عارفة تمثل: ده أنا تعبانة خالص يا أسر. شوف مش قادرة. اه اه. اسر

ضحك بشدة ونور همست بضيق: يا مجنونة بوظتي كل حاجة. اسر بضحك: مش قولت ليكم مش مطمن. ها بتمثلوا في إيه بقى؟ نور: اممم بصوا بقى كده مفيش فطار هيتعمل النهاردة. سليم بصدمة: وده من إيه بقى يا نور؟ صهيب بضحك: الدادا موجودة. ماما أروح أقول أنا اللي هعمل الفطار. الدادا مش موجودة يبقى ماما مش عاوزة تعمل فطار. غسان: سهلة يعني نطلب دليفري. لين بخبث: لا طبعاً يا حبيبي. سيلا: أنتم اللي هتعملوا الفطار. اسر بردح: نعم يا أمي؟

سيلا ضحكت على أسر وضحك البنات على منظر الشباب. نور: زي ما سمعتم كده. أنتم اللي بتعملوا الفطار. يلا يا بنات تعالوا نقرا قرآن شوية ولا نشوف هنعمل إيه؟ قامت نور ومعاها كل البنات. بس قال غسان بسرعة: يا نور يا نور استني عاوزة أقول حاجة لمراتي. نور بصت على لين. وراحت لين لـ غسان اللي خدها الحديقة وقال: حاسة بحاجة يا لين؟ لين بحب: لا والله أنا كويسة. شوية دوخة بس مش حاجة. يمكن عشان مش اتسحرت. غسان

حضنها وباس راسها بخوف: مش بتسمعي الكلام ليه وتفطري؟ وكدا كدا هتعوضي بعد رمضان مع الأيام اللي هتبقي تعوضيها. وغمز. بين بعدا عن حضنه بكسوف: أنت سافل ابعد بقى. غسان بص عليها: اللهم إني صائم يارب. جوه قال أسر: وجت عليا أنا. عاوزين فطار يا نور. هقول حاجة. تعالي يا روز. راحت روز. وخدها أسر دخل المطبخ وقرب منها باسها من راسها بعشق. روز: ابعد يا أسر بتعمل إيه؟ اسر بحب: عاوزة تفطري إيه يا عيون أسر؟

روز بحماس: اممم اعملي مكرونة بالبشاميل. وأوعى يا أسر اوعى تنسى السمبوسة والعصير. دول أهم حاجة أصلاً. اسر ضحك عليها وحضنها وباسها من راسها وهمس في ودنها: عيوني يا عيون أسر. وطلعت روز وأسر من المطبخ وراحوا البنات. وقعدوا الشباب بحيرة. وقال صهيب: صهيب بضحك: ها يا شباب الديب اللي الكل بترعب منكم هتعملوا إيه بقى؟ اسر ضحك: إيه يا عم صهيب أنت كمان. غسان بضحك: ها نعمل إيه على الفطار بقى؟ اسر: صينية مكرونة بالبشاميل.

غسان بتفكير: أو صينية بطاطس بالفراخ زي اللي كنت بتعملها لينا زمان يا بوب فاكر؟ قام سليم بحماس: ده أنا هدلعكم يا عيال. يلا بينا على المطبخ. وفي المطبخ قال سليم: حظ يلف السمبوسة. غسان: هاتوا أنا هلف السمبوسة. اسر: هعمل العصير. بص سليم لـ صهيب بخبث: وأنت زي زمان تساعدني وتغسل المواعين. مسح صهيب على وشه: لا لا لا مواعين لااا. ضحك الكل. وقال سليم: سليم: مفيش إلا المواعين.

عند البنات كانت قاعدة نور ونايمة روز على رجلها ولين وسيلا في حضن نور. نور لسيلا: هتذاكري الوقتي ولا إمتى؟ سيلا: لا خلصت كتير امبارح الحمد لله. هبقى أذاكر بعد الفطار بقى. نور: بإذن الله يا حبيبتي بالتوفيق يا قلبي. لين: تتوقعوا بيعملوا إيه الوقتي؟ روز بضحك: في المطبخ مش عارفين بقى. نور بضحك: تيجوا نقوم نبص عليهم؟ قامت سيلا بحماس: يلا بينا.

قاموا البنات وراحوا المطبخ. كان واقف صهيب على الحوض يغسل مواعين وأسر عمل العصير وبيقطع بصل لـ سليم. وغسان بيلف السمبوسة. سليم: خد يا صهيب اغسل دي. صهيب بضيق: حج أنا شايف المواعين تتجمع وتتغسل مرة واحدة. سليم: لا علشان متكونش كتير اغسل أول بأول. اسر بدموع: يا حج ما كفاية بصل بقى. قاطعهم صوت ضحك البنات بشدة على منظرهم. بص الشباب ليهم وقال سليم: سليم: لا لا يلا بره علشان تشوفوا عظمتي. وطلعهم سليم من الطبخ وفضلوا يضحكوا.

وقبل الفطار بدقايق كانوا قاعدين الشباب بارهاق. سليم: قوموا يا ولاد جهزوا السفره. روز بسرعة علشان أسر اللي مش قادر: لا خلاص أنا هجهزها. قامت لين وسيلا ونور: يلا يا بنات. سليم بحب: مفيش أطيب من قلبهم والله. قام أسر: هروح أعمل السفره معاهم برضوا. قام صهيب وغسان وقام سليم. سليم: مهو مفيش أحلى من إنك تجهز السفره مع حبايبك. وبدأوا يحولوا الأكل كلهم مع بعض بحب شديد. وعلى السفره وبعد صلاة المغرب قالت نور بحب لـ

سليم: يسلم ايدك يا حبيبي. سليم باس ايدها: الله يسلمك يا قلبي. وإحنا تيجي إيه جمبك يا نور البيت. صهيب: احم احم إيه يا جدعان مش كده يا رومانسي بوب. لين لغسان بهمس: إزاي مكرونة بالبشاميل وبطاطس وفراخ؟ غسان بهمس: بحب البطاطس وأسر قال مكرونة فعملنا الاتنين علشان يكفي يا بت. لين وهي بتاكل: لا يسلم ايدك يا بابا. الأكل تحفة والله. روز: يسلم ايدك يا بابا ربنا يخليك لينا.

اسر: وأنا كمان يسلم ايدي. فضلت أقطع بصل لحد ما عنيا مبقتش حاسس بيها أصلاً. سيلا برقة: يسلم ايدك يا عمو. الأكل حلو أوي. ضحك سليم بحب: الله يسلمكم. صهيب بتفكير: الا المواعين دي مين هيغسلهم. نور: أنا هموت وأنام. أنا ست كبيرة. روز: وأنا دخت فجأة. لين: اه الحقني يا غسان. بص صهيب على سيلا اللي قالت برقة: حاضر. أنا ممكن أغسلهم.