رواية غرام قلبي الفصل الأول 1 - بقلم نبض القلب

عماد: غرام، يابنتي. افهمني. أنا كذبت على أبويا وقلت له إني خلفت ولد. أنا عارف إنك مصدومة. مفيش وقت أوضح لك اللي حصل. لأن سواق جدك جاي ياخدك القصر دلوقتي عشان جدك يشوفك. فلازم تنكري في شكل ولد. غرام: أنت بتهزر يا بابا، صح؟ عندك مقلب فظيع. فريدة: باباك مش بيهزر يا غرام. عماد: يلا يا غرام عشان السواق على وصول. غرام فضلت تاكل فاكهة، عملت سلطة من الفواكه، بتحبها أوي. طبعًا هي فاكرة إن باباها بيهزر.

عماد بنرفزة: يا بنتي، يلا. غرام: بابا أنا مش هقوم من مكاني إلا أفهم. عماد نظر للساعة وقال يكلم بسرعة قبل السواق ما يجي. عماد: أنتِ عارفة إننا من أسرة غنية عندها شركات وفلوس. غرام: أيوه عارفة. عماد: كنت ديمًا تقول لي إشمعنى أنا الوحيد في إخواتي اللي عايش في شقة بالإيجار ومعيش فلوس زيهم. مش عايش ليه في القصر مع جدك؟ غرام: أنت قلت لي إنك ديمًا في خلاف مع جدي. بس معرفش إيه السبب. عماد: من عشرين سنة. فلاش باك

عادل: بتقول إيه؟ عايز إيه؟ عماد: بحب فريدة. عادل بغضب: فريدة بنت البواب؟ أنت مجنون وعاوز تتعالج؟ عماد: مش مجنون. أنا بحبها. مفيش قوة هتبعدني عنها. عادل: لو قلت لك مش موافق. عماد: هتجوزها. عادل بغضب: اطلع بره، مشوفش وشك هنا تاني. بره. باك جدك طردنا كلنا. طبعًا أعمامك زودوا الحكاية أكتر. خلو جدك يكرهني. أنا أخوهم من الأب. وأعمامك التلاتة إخوات من الأب والأم. بيحبوا بعض جدًا. كلهم بيكرهوني أنا.

عايزني أبعد. في نظرهم إني مليش حق إني أقعد في القصر. مليش حق في أملاك جدك. بعدت عنهم. وكان بيقول لي ديمًا أخبارهم عم محسن الطباخ. هو عارف الحكاية من أولها. فات سنين وإنتي جيتي نورتي حياتنا. المصاريف زادت علينا. مكنش قدامي إني أرجع تاني لجدك. أقول له إني خلفت. يمكن قلبه يحن. روحت يومها القصر عشان أقول لجدك. فلاش باك محسن الطباخ: إزيك يا ابني؟ عماد: تمام يا عم محسن. محسن الطباخ: إزي فريدة؟ عماد: كويسة.

محسن الطباخ: مالك؟ عماد: مصاريف كترت عليا. ديون. جاي أقول لأبويا يمكن قلبه يحن عليه لما يسمع بظروفي. وإني خلفت وبنتي محتاجة مصاريف وفلوس. محسن الطباخ: أنت خلفت بنت؟ عماد: أيوه. اسمها غرام. محسن الطباخ: أنت عارف إن عادل بيه، أبوك، بيكره البنات ويحب إن أحفاده كلها أولاد. عماد: أنا عارف إن ده تفكيره. بس أنا عندي بنتي دي مليون ولد. محسن الطباخ: بلاش تقوله. مش يفرح لما تقوله إن ليه حفيدة بنت. فجأة حضر عادل.

عادل بغضب: أنت اللي جايبك هنا. مرتضى: مش بابا بيقولك امشي من هنا. أنت غبي. عماد حاول يتحكم في أعصابه. هو ينظر لأخوه مرتضى. مرتضى ينظر لعماد وملامح الفرحة في عينه. كان عماد ده شغال عنده. ماليش حق يدخل هنا القصر. عماد في صمت: صدقني هرجع هنا القصر. مرتضى: أنا صحيح سمعت إنك خلفت. عماد بغيظ: أنا خلفت ولد. ليه حق يجي هنا. ولا ولادكم أنتم اللي ليهم حق يتمتعوا يعيشوا هنا في عز أبويا. عادل: أنت بجد خلفت ولد؟ عماد: أيوه.

عادل: اسمه إيه؟ عماد: اسمه… اسمه أكرم. عادل: جميل أوي. ابنك ييجي يقعد هنا من بكرة. عماد: ده لسه عنده سنتين بس. مرتبط بأمه أوي. عادل: فلوس هبعتها مع سواق تصرف على حفيدي هو وبس. أنت فاهم. عماد بنظرة انتصار: تمام. باك من ساعتها بتهرب كل مرة بحجة إنك تعبان، إنك مسافر. لحد خلاص مفيش مفر. عشان هو هيبعت سواق مش هيمشي من هنا إلا لما ييجي ياخدك. يلا بقى يا غرام، عشان خاطر أبوكي. البسي لبس ده. هيشوفك ونرجع تاني.

غرام: بس ده مش حل. لازم جده يعرف إن ليه حفيدة بنت. سيبني أنا هخليه يحبني وهقنعه. عماد: لو روحتي على إنك بنت أنا وأنتي هننطرد من القصر. فلازم تدخلي على إنك ولد. غرام: بس يا بابا… قطع حديثها صوت طرق على الباب. فريدة شافت من عين السحرية الموجودة في الباب. فريدة: ده سواق. عماد: يلا يا غرام. بالفعل غرام لبست وتنكرت بشكل ولد ونزلت هي وباباها. ركبوا العربية وصلوا إلى القصر.

نزلت غرام وهي ماشية. ظلت تنظر في كل مكان وهي منبهرة. غرام في صمت: وووووو. هو ممكن أنا أعيش هنا؟ عماد بصوت منخفض: جدك هنا أهو. تعالي سلمي عليه. غرام: أنا خايفة. عماد: خلي قلبك جامد. عادل كان قاعد في جنينة القصر. غرام: أهلاً وسهلاً. عادل: اسمك إيه يا ولد؟ عماد: اسمه أكرم. عادل: تعالي سلم على جدك. أنت هتفضل تبص لي كده كتير؟ غرام راحت سلمت على جدها. عادل: عماد. عماد: نعم. عادل: ولد ماله كده؟ مش جسمه قوي زي رجالة ليه؟

عماد: أصل… عادل: ولد يقعد معايا هنا في القصر. غرام: يا نهار أسود. ثم قربت من باباها: مش قلت زيارة لجدك ونرجع تاني. عادل: بيقول إيه؟ عماد: جدي يأمر. غرام: أنا بقول له إني أنا هسلم على جدي وأمشي. عادل: طالع عنيد. بتقول حقيقة مش بتخاف زي جدك. عماد: كل صفاته ليك. عادل: أنت في كلية إيه؟ غرام مش واخدة بالها. عماد بصوت منخفض: ردي. غرام: نعم. عادل: في كلية إيه؟ غرام: خلصت هندسة. عادل: كويس أوي. عشان تمسك شركة مع ولاد عمك.

عماد كان فرحان. غرام: شركة إيه؟ عادل: أملاك جدك. شركات وأراضي. غير المول والمستشفى الخاصة. غرام: ما شاء الله. عماد في صمت: كل ده اتحرمت منه. وأولادهم هو اللي في عز ده. بس خلاص لازم يا بنتي تتمتعي بيه. لازم أسيبك هنا. غرام بخوف: يلا بقى نمشي. عادل بغضب: بطل عناد بقى. غرام قعدت جنب باباها وخافت. لحظة وحضر أولاد عم غرام. إيه اللي حصل تابع البارت الجاي. ***

عماد في صمت: كل ده اتحرمت منه. وأولادهم هو اللي في عز ده. بس خلاص لازم يا بنتي تتمتعي بيه. لازم أسيبك هنا. غرام بخوف: يلا بقى نمشي. عادل بغضب: بطل عناد بقى. غرام قعدت جنب باباها وخافت. لحظة وحضر أولاد عم غرام. عماد: سلم على ولاد عمك. غرام سلمت على عمار. غرام: آخ إيدي. عمار: مالك؟ أنا سلمت عليك بس. أومال لو ضربتك هتعمل إيه؟ كريم: أنت مالك ضعيف كده ليه؟ غرام بنرفزة: بابا يلا نمشي. عمار: واحدة واحدة على نفسك كده تتعب.

فجأة كريم جاب كلب بتاعه. غرام وقفت على كرسي. غرام بخوف: ابعد الكلب ده. عمار: ماتخليك راجل يالا. بلاش خوف. غرام اختل توازنها كادت تقع لكن يمسكها ابن عمها تالت عز الدين. عز الدين: أنت كويس؟ غرام بتوهان: آه. عز الدين: بقولك أنت كويس؟ غرام: آه. عز الدين: اسمك إيه؟ غرام: غرام. عز الدين: نعم؟ غرام: اسمي أكرم. أنت اسمك إيه؟ عز الدين: اسمي… عز الدين. غرام: جميل. عز الدين: هو الجميل. غرام: أنت خاطب؟ عز الدين: لا.

غرام: كويس. أنا كمان مش مخطوبة. عز الدين: قصدك مش خاطب. غرام: صح. دادة سعدية: الأكل جاهز يا بيه. اتغدوا كلهم. عماد أخد غرام عشان تشوف القصر كله. عماد بكذب: اقعدي هنا. وأنا هتيجي. غرام بخوف: رايح فين يا بابا وتسيبني؟ عماد: رايح مشوار وجاي. غرام: أجي معاك. صدقني هيعرفوني. عماد: خليكي ذكية بقى. مشى سابها. خيم الليل في القصر. غرام كانت قلقانة لسه باباها مجاش. غرام: كده يا بابا تسيبني هنا.

عادل: أنت هتنام مع ولاد عمك لغاية لما يحضروا لك أوضة خاصة. غرام: يا نهار أسود. عمار: أنت تيجي معايا تنام في أوضتي. غرام: أصلي بسهر مش بنام. كريم: حلو نسهر مع بعض كلنا. يلا يا راجل. بيشدوا غرام. غرام: لا. أصلي هستنى بابا أصل جاي ياخدني. عادل: باباك مشي. غرام في صمت: كده يا بابا. عمار: يلا يا أكرم. بيشد غرام من إيدها. غرام في صمت: محدش ييجي يلحقني. عز الدين: سيبوه يا كريم. هو هينام معايا في أوضتي. تعالى يا أكرم.

قربت غرام منه. عز الدين: مالك أنت خايف كده ليه؟ غرام بخوف: مش خايف ولا حاجة. عز الدين: طب تعال ادخل. دخلت غرفته وهي تقدم رجل وتؤخر أخرى. عز الدين: ماتدخل بقى. غرام: حاضر. عز الدين قرب من الدولاب.