رواية غرام نمر الصعيد الفصل السابع 7 - بقلم نرمين حمدي

أدهم فتح الباب ليجد غرام أمامه. أدهم بصدمة: غرااام! يخر*ب بيتك، إيه اللي جابك هنا دلوقتي؟ غرام: هتسبني واقفة على الباب كده؟ أدهم بصّ لبره شقته، حسن يكون حد شايفهم، وسحب غرام لجوه بسرعة وقفل الباب: إنتي أكيد اتجننتي. غرام بعياط: أنا فعلاً هتجنن لو سبتني يا أدهم، أنا لسه بحبك وعايزاك. أدهم ببرود: والمطلوب مني إيه؟ غرام: إنك متسبنيش، أنا مش قادرة أعيش معاه. أدهم عمل حركة بند*الة وسجل كلامها

من غير ما تاخد بالها: اممم، يعني إنتي عايزاني أروح ليونس وآخدك منه بالساهل كده، مش كده؟ انتي عايزاني أرمي نفسي في النار عشان خاطرك. غرام استغربت كلامه: وهو أنا مستاهلش؟ أدهم: يا غرام، افهمي، أنا مينفعش أعمل كده، ده ممكن يخلصني ومتعرفليش طريق. غرام: خلاص، نهرب أنا وإنت بعيد عن هنا، وأنا هرفع قضية خلع ونتجوز. أدهم بخبث: أنا عندي حل أحسن. غرام: إيه هو؟ قول بسرعة. أدهم بصّ لها من

فوق لتحت وحاوطها بزراعيه: نعيش مع بعض من غير جواز، يعني تجيلي كل فترة، زي ما جيتي دلوقتي. غرام حاولت تبعده عنها: انت أكيد اتجننت، إيه اللي انت بتقوله ده؟ أدهم حط إيده على وشها: يابت، أنا بحبك وإنتي بتحبيني، ومحدش هيعرف حاجة، متخافيش، لحد ما يونس يطلقك وأنا هتجوزك. غرام بعصبية: وانت شايفني رخي*صة كده؟ كنت فاكراك هتقدر، مجيتي ليك لحد هنا وتمسك بيك، بس الظاهر كده إنك بايعني.

أدهم: ماهو بصراحة كده، الحب مبيأكلش عيش. واحدة زيك متجوزة واحد زي يونس النمر، تحاول تستفيد منه بأي حاجة. غرام بعياط: يا أدهم، انت مكنتش كده، مش انت أدهم اللي حبيته؟ لا، قولي إنك بتهزر، وكل اللي قلته ده غلط. أدهم: آه، أنا مش أدهم اللي إنتي حبتيه، أنا من دلوقتي مش هفكر غير في نفسي وبس، ولازم أكسر يونس زي ما كسرني قدامكم. غرام: وهتكسره إزاي بقى؟ أدهم بصّ لها بر*غبة: بيكي يا روح أدهم.

غرام بتخاف وترجع لورا: قققصدك إيه يعني؟ أدهم بيضحك: لا لا لا، متخافيش، إنتي برضو بنت عمي. اسمعي، كل اللي هقولهولك تنفذيه، وإلا يونس هيعرف إنك جيتيلي هنا وعايزة تهربي معايا، وشوفي بقى هو هيعمل فيكي إيه، ولا عمي صابر واللي هيجراله من تحت يونس، أصله معرفش يربي بنته. غرام اتصدمت باللي بتسمعه: اه يا و*سخ، يا ز*بالة، اتفووو عليك.

أدهم باستفزاز: ياستي، ماشي، يلا بقى، الحقي، امشي، لحسن حد يشوفك هنا، يا بيبي، وتبقي فضيحة بجلاجل، هبقى أكلمك، باي. غرام جريت على الباب ومشيت وهي مش مستوعبة اللي حصل. غرام مشيت على السرايا، ولما قربت عليها.