رواية غرام رحيم الفصل الخامس 5 - بقلم فرح القصاص

اسلام بعصبية وبيجز على سنانه وبزعيق: غرررررام. وبيرفع إيده عشان يضربها بس بيلاقي حد مسك إيده. اسلام بينظر يشوف مين. أسلام بتفاجؤ وبيبلع ريقه بخوف: أستاذ رحيم. رحيم بينزل إيد اسلام من على وجه غرام. غرام بتفاجؤ: مش هو ده اللي أنقذني؟ رحيم وبيوجه كلامه لإسلام: هو إنت متعرفش إن اللي بيمد إيده على بنت أو ست بيكون زيها مبيفرقش عنها حاجة؟ أسلام بتوتر: حضرتك متعرفش الحصل أصل...

وبيقاطعه رحيم بعصبية: لا أصل ولا فصل، إنت هنا في شركة محترمة يا أستاذ مش في شارع، يعني تلتزم حدودك، مفهوم؟ أظن كلامي واضح. إسلام وبينظر للأرض بخجل: مفهوم. وأنا بعتذر لحضرتك والحصل مش هيتكرر تاني. رحيم بضحكة سخرية: ومين قالك إني هسمح بحاجة زي دي تحصل تاني؟ إسلام: أنا آسف مرة تانية. رحيم: عادل، اخصم شهر من مرتب الأستاذ. عادل: حاضر. أسلام: أستاذ رحيم أنا والله...

رحيم: مش عايز أسمع ولا كلمة. ده إنت تحمد ربنا إنك لسه في الشركة مترفضتش بعد الأسلوب ده. أسلام: شكراً لحضرتك. رحيم بعصبية شديدة: وإنتوا واقفين بتتفرجوا على أييييه؟ ولا حابين إنتوا كمان يتخصملكم؟ وبزعيق: كُللللل واااااحددددد علىييييي شغللللللهههه يلاااااا. كل الموظفين بيروحوا على شغلهم. وغرام كانت واقفة بتراقب أسلوب رحيم وتفاجأت بهيبته وشخصيته القوية، وإنها أول مرة تشوف إسلام بيخاف من شخص لدرجات دي.

غرام بندهاش: معقول ده إسلام؟ وبيقاطعها: عادل: آنسة... غرام: آنسة غرام. عادل بإبتسامة: آنسة غرام، أستاذ رحيم عايز يتكلم مع حضرتك. غرام بتوتر: إن... أنا. عادل بضحك: متوترة ليه؟ متخافيش مش هيعملك حاجة. غرام بطمئنان: آه، اوكي. بس فين هنا في الشركة؟ عادل: لا بره الشركة، أنا هوصلك. غرام بإبتسامة: اوكيي. *** چيهان: ساجدة بصي مين اللي جاي. ساجدة بتنظر تشوف مين: آه ده عمر.

چيهان: أنا مش عارفة شايف نفسه على إيه ده، حتى مفيش بنت عرفت توقعه أو حتى تتكلم معاه دقيقة. إنجي: ده كراش نص بنات الجامعة. ساجدة بسخرية: هه، مش عارفة بيكرشوا عليه على إيه. چيهان: إنتي مش شايفة ده عينه لوحدها تسحر ولا جسمه الرياضي ولا شعره. ساجدة: بس بس بس، في إيه يا چيهان؟ اللي يشوفك كدا يقول إنك معجبة بيه. چيهان: دي حقيقة، آه نفسي أكلمه لو لمرة.

ساجدة بغرور: أنا مش شايفة فيه حاجة مميزة يعني، أومال لو شفتوا رحيم أخويا هتعملوا إيه؟ وبعدين أصلاً ده بالنسبة لكوا إنتوا مش عارفين تكلموه، أما من كلمة واحدة مني أخليه يدوب فيا. إنجي: طب ورينا. ساجدة: أوريكو إيه؟ إنجي: رهان، تقدري تخليه يحبك؟ چيهان بضحك: لا لا يا إنجي، دي صعبة أويي. ساجدة بغرور وتحدي: صعبة عليكوا مش عليا، إيه رأيكوا إن هو بكرة هيعزمني نشرب قهوة مع بعض؟ إنجي بستغراب: إزاي؟ ساجدة: هتشوفه بعينك. ***

غرام بتنزل من العربية. عادل: استني في الكافيه ده، وأستاذ رحيم هيجيلك. غرام: تمام. عادل: عن إذنك. وبيمشي. غرام بتدخل الكافيه وبتقعد تستنى رحيم. بعد 10 دقايق: رحيم: آنسة غرام. غرام بتلتف وراها: آه رحيم... احم... آآ... أقصدك أستاذ رحيم. رحيم بإبتسامة: لا عادي، قوليلي رحيم. غرام: اوكي. وانت قولي غرام عادي. رحيم: تمام. اتفضلي اقعدي... تشربي إيه؟ غرام: آيس كوفي. رحيم: تمام... لو سمحت... عايز واحد آيس كوفي وفنجان قهوة سادة.

غرام: بجد مكنتش أتوقع إننا نتقابل تاني. رحيم: بصراحة ولا أنا. غرام: بما إننا اتقابلنا، فـ عايزة أشكرك على أول مرة لما أنقذتني، وعلى تصرف النهاردة. رحيم بإبتسامة: مفيش داعي للشكر. لو كانت أي واحدة مكانك كنت عملت برضو، ولو كان حد مكاني كان عمل كدا. غرام: أيوا... بس إنت كنت عايزني في إيه؟ الجرسون بينزل المشروبات. غرام بإبتسامة: ميرسي. رحيم: أنا مش من حقي إني أتدخل في حياتك الخاصة، وحتى إحنا منعرفش بعض غير دلوقتي...

بتقاطعه غرام: أنا فهمت قصدك، عايز تعرف إيه سبب الحصل في الشركة النهاردة. رحيم: يعني مش... بتقاطعه تاني: غرام: ده من حقك طبعاً، لأنها في الأول والآخر دي شركتك، وتصرفي النهاردة مكنش صح، وأنا بعتذر ليك بجد. رحيم: حصل خير. بس إنتي تعرفي إسلام منين، ولا هو قريبك؟

غرام: إسلام للأسف قريبي، ابن خالي. الله يرحمه إسلام من قبل ما يموت خالي وهو مصمم وعايزنا نتجوز بأي طريقة، حتى لو يشوه سمعتي. وطبعاً ماما موافقة إننا نتجوز، وأنا عارفة بعد اللي عملتوه معاه النهاردة، رغبته إنه يتجوزني هتزيد، وبذات عشان ينتقم مني بعد الفضيحة اللي عملتهاله، وإنت كملت عليه. وبدموع: بس أنا مش في إيده حاجة أمنعه بيها. رحيم: طب ومامتك موافقة على واحد زي ده ليه؟

غرام: ماما مفكرة إنها السبب في موت خالي، وعشان كدا مبترفضش حاجة لإسلام. يعني بتقول إن كدا ضميرها بيرتاح، حتى لو عارفة إنه إنسان مش كويس وكداب، بس عشان إحساسها بالذنب هو اللي جبرها تعمل كدا. رحيم بحزن عليها: طب وإنتي هتوافقي عليه؟ غرام: مليش حل تاني إذا... رحيم: إذا إيه؟ غرام: إذا اتجوزت، ساعتها مش هيبقى لي سلطة ولا حكم عليا. رحيم: طب إنتي فيه حد في حياتك وعايزة تتجوزي؟ غرام: تؤ تؤ...

مفيش للأسف. ده حتى لو زي نعمل صفقة نتجوز زي شهرين وننفصل، بس هيكون إسلام بعد عني وخلصت من زن ماما. وبضحك: بس هلاقي فين...... وبتشرب الآيس كوفي. رحيم بعد تفكير: طب وإيه رأيك إن أعمل معاكي الصفقة دي ونتجوز؟ غرام بتشرق وبتفضل تكح. رحيم بيديها ميه: إنتي كويسة؟ غرام: آه كويسة... بس إنت قلت إيه؟ تقريباً أنا سمعت غلط. رحيم بضحك: لا مسمعتيش غلط... موافقة نتجوز؟ وانهاردة كمان. غرام: ............