رواية غرام رحيم الفصل السادس 6 - بقلم فرح القصاص

رحيم بضحك: لا مسمعتيش غلط... ها موافقه نتجوز و دلوقتي لو عايزه؟ غرام بتفاجؤ وبإرتباك: انت بتتكلم بجد.. يعني.. هو.. قصدك إيه؟ رحيم: شش اهدي. خديني نفس واهدي خالص. غرام بتاخد نفس عميق. رحيم: ها أحسن؟ غرام بتهز راسها بمعني (آه) رحيم: أنا كل نيتي إني أساعدك بس. فلو حابه تاخدي وقتك وتفكري، ولمّا تاخدي قرارك إنتي عارفة مكان الشركة. وبيقوم. غرام بتسرع: أنا موافقة. رحيم بيقف لحظات وبيرجع لها تاني. رحيم: قولتي إيه؟

غرام: أنا موافقة نتجوز. رحيم: متأكده؟ غرام: آه متأكده. رحيم بابتسامة: تمام. غرام: مش إنت قولت لو دلوقتي ماعندكش مانع؟ رحيم: أيوا. غرام: وأنا جاهزة نتجوز وحالا. رحيم بابتسامة، وبيمد إيده ليها. غرام بتمسك إيده وبيمشوا. *** ساجدة بابتسامة: عمر. عمر بيلتفت وراه. عمر باستغراب: ساجدة؟ ساجدة بضحك: مالك مستغرب ليه؟ عمر: يعني إن أحلى وأشهر بنت في الجامعة كلها جت لحد عندي وكمان بتكلمني.

ساجدة وبتمسك إيده وبتنظر له بنظرات إعجاب. عمر بارتباك: س.. ساجدة إنتي كويسة؟ الجامعة كلها بتتفرج علينا. ساجدة بدلع: وإيه يعني؟ خليهم يتفرجوا.. عمر أنا كنت عايزة أتكلم معاك في موضوع مهم بس طبعًا مش هنا. عمر: موضوع إيه؟ ساجدة ومازالت ماسكة إيده: منا قولتلك مينفعش هنا. عمر: طب إيه رأيك إنهرده نروح نشرب قهوة وتقوليلي؟ ساجدة بتمثيل حزن: لا للأسف مش هينفع إنهارده. عمر: طب بكرة. ساجدة بضحكة خفيفة: أوكي.

عمر بيسرح في ضحكتها وعيونها اللي بتلمع. ساجدة: عمر.. عمر.. يا عمر. عمر بيفوق من سرحانه: احمم خلاص يبقى بكرة.. معلشي لازم أمشي. ساجدة بابتسامة: أوكي باي. إنجي بندهاش وكانت بتسقف لها: واااو..... إنتي إزاي كده؟ ساجدة بتضحك بصوت عالي: عشان تبقوا تتحدوني. إنجي: إنتي عملتي كده إزاي؟ ده ما أخدش معاكي دقيقتين وكان الواد واقع. ساجدة بابتسامة نصر وغرور: قولت إني مش زي أي حد. ومتنسيش إن الجامعة كلها بتتمنى كلمة مني بس.

جيهان بغيره وبتخفيها بابتسامة مزيفة: أيوا طبعًا، ما إنتي أخت رحيم بيه وياسر. ساجدة بفخر: امم أكيد... على العموم يلا باي، زمان الشوفير مستنيني بره. *** إسلام بعصبية شديدة: هييي فييين غراااام يا خالتي؟ جميلة: والله يبني من ساعت ما طلعت الصبح مرجعتش لحد دلوقتي، ليه خير؟ إيه اللي حصل؟ إسلام والشر طالع من عينه: بنتك لازم تتربي من أول وجديد وأنا اللي هربيها.

جميلة بزعيق: التزم حدودك يا إسلام، مش عشان أنا دايمًا واقفة معاك يبقى هسمحلك تهين بنتي. وعلى فكرة يا إسلام الصور اللي إنت بعتها لغرام الصبح أنا واثقة في بنتي وعارفة إنها مش حقيقة، رغم كده جيت عليها ومديت إيدي عليها عشان توافق تتجوز، بس مش معنى كده يبقى أنا موافقة بتصرفاتك دي. وبيدخل عمر. عمر: إيه الزعيق ده؟ وإنت صوتك عالي ليه يا إسلام؟ إسلام: متدخلش إنت يا عمر. عمر: هو إيه اللي متدخلش؟

إنت بتعلي صوتك على خالتي وأسكت لك؟ احترم نفسك يا إسلام عشان أصلاً ساكت لك من زمان احترامًا لخالتي، غير كده كان هيبقى فيه تصرف تاني. إسلام بغضب أكتر وبيمسكه من التيشيرت: عمر إنت مش قدي، فـ أحسن لك تسكت خالص، فاااهم؟ عمر: لا مش فاهم، وهات آخرك. جميلة بعصبية وزعيق: هو في إيه؟ ما فيش احترام ليا خااالص؟ ولا عشان أنا سكتلكوا يبقى خلاص... إسلام سيب عمر... بشخط... أسلااااام بقولكك سيب عمرررر. إسلام بيسيبه. عمر: هي فين غرام؟

غرام: أنا أهو. جميلة: حبيبتي كنتي فين؟ غرام بابتسامة: متقلقيش عليا يا حبيبتي، أنا كويسة. إسلام بعصبية وبيقرب منها وبيمسكها من إيدها وبيشدها. غرام بألم: آآآه سيب إيدي يا إسلام. جميلة بخوف: إسلام سيب غرام، إنت واخدها فين؟ إسلام: عند المأذون هنتجوز. وبيشد في غرام بيلاقيها تقلت وبينظر يشوفها. بيلاقي رحيم ماسكها. رحيم: تتجوز واحدة وهي على ذمة راجل تاني؟ جميلة وعمر وإسلام بيتصدموا. إسلام بصدمة: على ذمة راجل؟

رحيم وهو بينظر له بحدة: سيب إيد غرام. إسلام بدون استيعاب: أستاذ رحيم حضرتك بتقول إيه؟ رحيم بعصبية: أنا مبحبش أعيد كلامي وإنت عارف... وبصوت عالي لدرجة إسلام اتنفض: سييييييببببب إيدهااااااا قولتتتتت. إسلام بيسيبها على طول. جميلة: أنا مش فاهمة حاجة، مين الراجل ده وقصده إيه بالكلام ده؟ عمر: مش ده رحيم الأسيوتي؟ غرام باستغراب: إنت عرفت منين؟ عمر: قولي مين مايعرفهوش. رحيم بيوجه كلامه لجميلة: أنا وغرا...

جميلة بتقاطعه بحدة: أنا موجهتش كلامي ليك، ويا ريت لو متتكلمش خالص أحسن. غرام: خلاص يارحيم، سبني أنا أقولها. غرام: ماما أنا ورحيم اتجوزنا. جميلة: اتجوزتي؟؟؟؟؟ غرام: اسمعيني أنا هفهمك كل حاجة. رحي... جميلة: إنتي من إنهارده ولا بنتي ولا أعرفك. غرام بدموع: ماما أنا والله... جميلة: غرام خدي جوزك واطلعي بره يلاااا. إسلام يحمل في إيده سكينًا وبشر: غرام هتطلع من البيت بس هتكون ميتة. وبيقر*ب منها وبيضر*بها.