رواية غرام رحيم الفصل الرابع عشر 14 - بقلم فرح القصاص

غرام كانت بتتقلب وبتفتح عنيها وبتلاقي شخص لبس اسود في اسود وماسك سكين ورافعها ناحيتها. غرام بخوف ولسه كانت هتص*وت بيكتم صوتها. أسلام بشر: انتي فكراني هسيبك بساهل. غرام بصدمه وخوف: امممممممم.. اممممم. أسلام بيرفع السكين وبيضر*بها بيها. غرام بصوت: لااااااااا لااااااععععع. بيدخل رحيم جري على صويتها. رحيم بقلق: غرام مالك في ايي. غرام بتتنفض وبخوف: أس.. أسلام كان..كان هنا و ضر*بني بالسكين.

رحيم: هو فين انا مش شايف حد هنا وبعدين هيدخل هنا ازاي وقدام الفيلا حراس. غرام بعياط: والله شوفته هنا وقالي انه مش هيسبني و حتي بص وبتشاور على بطنها مكان ضر*بت السكين ومبتلاقيش حاجة. غرام بعياط أكتر: والله كان هنا وضر*بني بالسّكين. رحيم بيخدها في حضنه وبيطبطب عليها براحة. رحيم: ششش اهدي ده كان مجرد كابوس وخلاص راح... وأنا عمري ماهسمح لمخلوق إنه يخدك مني أو يفكر يقربلك تاني.

غرام ومازلت بتعيط: أنا خايفه اويي يرحيم اول مرة في حياتي أخاف كدا. رحيم وبيضمها لي أكتر: طول ما أنا لسه فيا نفس وعايش متخافيش لأن مش هسمح لحاجة تقربلك. غرام بتطمن وبتنام في حضنه. رحيم بيلاقيها نامت بيقوم يعدلها على السرير وبيغطيها وبيقوم. غرام بتمسك إيدو. غرام: ممكن تخليك جنبي. رحيم بيفرح وبيبتسم: أكيد طبعاً. وبينام جنبها وبيخادها في حضنه وبينامو. ~~~~~~~~~~~~~~~~~~ في الصباح.

ساجده بتفوق وبتفتح عنيها براحه وبتنظر حوليها بتلاقي ميار نايمه جنبها. ساجده بتحاول تقوم بس راسها كانت تقيله ومش عارفه تتحرك. ساجده: اوف.. وبتصحي ميار.. ميااار.. يميارر. ميار بنوم: امم وبتفتح نص عنيها بتشوف ساجده اللي بتصحيها بتقوم على طول. ميار بفرحه: ساجده حبيبتي انتي فوقتي. ساجده: سعديني أقوم بس الأول. ميار بتساعدها وبتقومها وبتحط مخده ورا ضهرها تسند عليها. ميار: مستريحه كدا. ساجده: اه بس دماغي تقيله وبتلف أويي.

ميار: من المخدر اللي خدي. ساجد بستغراب: مخدر!!! مخدر أي. ميار: ساجده هو انتي مش فاكرة حاجة عن أول امبارح أو امبارح. ساجده بتمسك رأسها: أنا مش فاكرة غير إني كنت مع صحابي وبعدين شربت عصير وحسيت إن دماغي تقلت زي دلوقتي ومحستش بأي حاجة تاني. ميار: رحيم كان جابك وانتي كنتي ملفوفه في ملايه. ساجده بتفاجأ: اييييييييييي ملفوفه في ملايه هو أي الحصل يميار أنا مش فاكرة حاجة. ميار: بتحكيلها الحصل معاها زي محكالها رحيم.

ساجده بصدمه وعياط: طب هو معمليش حاجة مش كدا. ميار: اهدي متخافيش ملحقش يقرب منك لأن حد جي وأنقذك في آخر لحظه وشخص انتي مكنتيش متوقعه يعمل. ساجده: شخص زي مين يعني. وقبل ما ميار تتكلم بتدخل آيسل. آيسل بفرحه: ساااجده انتي فوقتي وبتجري عليها تحضنها. ساجده بإبتسامه: انتي جيتي امتي. ميار بستغراب من ساجده إنها معملتش أي ردت فعل أو اندهاش إن آيسل لسه عايشه. ميار: ساجده انتي مش متفجأه إن آيسل.....

وقبل ما تكمل كلامها آيسل بتسبقها في الكلام. إيسل: ساجده عارفه كل حاجة بس قريب من حوالي أسبوع بس أنا نبهت عليها متجبش سيرة لحد وعاملة لكو مفجأه. ميار: ساجده ومخبيه سررر معقول أنا مصدومه أكتر من صدمتي لما شفتك. ساجده بضحك: شوفتي عشان تعرفي اختك مش قليلة برضه. ميار: طلعتي مش سهلة خالص. ساجده: طبعاً. آيسل وبتحضن ساجده. آيسل: دي روحي أصلاً. ميار: اممم اشبعو ببعض أساساً. علي دخلت ناديه وياسر. ناديه بلهفه وبتخضنها جامد.

ناديه بعياط: حمدالله على سلامتك يقلب ماما الحمدلله إنك بخير وبقيتي كويسه. ساجده: أنا كويسه يمامي متقلقيش. ناديه: أنا كنت هموت من قلقي وخوفي عليكي يساجده بس أنا مش هعتبك دلوقتي عشان انتي لسه فايقه بس هعتبك أكيد لما تخفي خالص وأشوفك زي الأول. ساجده بضحك: لا أنا خلاص هفضل كدا. ناديه: بعد الشر عليكي دا أنا مصدقت إنك فوقتي. ياسر: بس يبت وبطلي دلع وقومي يلا أنا عارف عامله كدا عشان العيلة تدلعك أكتر ما انتي مدلعه أصلاً.

ساجده: بس يالا وبعدين انت مش المفروض عندك شغل انهارده روح يلا. ياسر: يعني أنا جي لحد عندك وبطمن عليكي تقومي تطرديني.. ماشي يساجده لما تقوميلي. ساجده: هو في حد بيطمن بطريقة دي. ياسر: عجبك ولا مش عجبك. ساجده: مش عاجبني. ياسر: والله مهتتغيري هتفضلي انتي زي ما انتي. ساجده: ماشي ماشي خليك في حالك... اومال فين رحيم. ميار: ممكن يكون نايم لسه مهو كان تعبان برضه. ساجده: اهه.

ناديه: أنا هقوم هخليهم يجهزولك أحلى وأجمل فطار يعيوني. ياسر بلاماضه: وه وه واحنا برضه عايزين زيها. آيسل: ده أنا لسه جايه حتي يخالتو ومش بدلعيني كدا. ناديه بضحك: خلاص ليكو كلكو. ساجده: والله انتو بارده. وبيبفضلو يضحكو ويهزرو مع بعض. ~~~~~~~~~~~~~~~~~~~ غرام بتصحي من النوم وبتشوف إنها في حضن رحيم. غرام بتتسم وبتتأمل في ملامح وجهه. غرام بتفضل سرحانه في ملامحه وبتتأملها وبتقوم تلقائية تبو*سه من خده.

رحيم بيقوم من النوم وبيفتح عينه بيلاقي غرام قريبه منه. رحيم: انتي بتعملي اي. غرام بإحراج وتوتر: أنا.. وبتبلع ريقها.. كان في ناموسه واقفه على خدك بس عشان كده. رحيم بضحك: اممم ناموسه بس بو*سه الناموسه كانت حلوة أويي. غرام: والله بجد مجربتهاش. رحيم بيتعدل وبيحاوطها بإيدو. رحيم: عايزه تجربيها. غرام بتفاجأ: اييي ده. رحيم بستغراب: في أي. غرام: بص شوف وراك كده.

رحيم بينظر ورا بس مبيلاقيش حاجة وبيرجع يلتفت قدامه بيلاقي غرام قامت. غرام بضحك: بقا رحيم الأسيوطي يضحك عليه بسهولة دي. رحيم بضحك: تعاليي هنا أنا هوريكي تضحكي عليا ازاي. غرام: اااععع وبتدخل الحمام وبتقفل عليها. رحيم: يعني مش هتطلعي يعني. غرام: اهه هقعد جوه. رحيم: أما نشوف لو هفضل قاعدلك بره على الباب لسنة الجاية معنديش مانع. غرام: رحيم متنساش نطمن على ساجده.

رحيم بيبتسم: رغم إنك عارفه إن ساجده من طيقك أصلاً روحت خاطرتي بحياتك وأنقذ*تيها طبعاً دي فيها كلام تاني بس بعدين ودلوقتي رايحه تطمني عليها. غرام: أصل كل واحدة بقى وطبعها أنا مش بعرف أحقد على إنسان أو أكرهه وكلام ده مبعرفش خالص. رحيم: عشان قلبك طيب بس... المهم انتي مش حاسة بتعب أو حاجة وجعاكي نروح المستشفى على طول. غرام: تؤ أنا كويسه اه حاسة بشوية تعب وإرهاق بس تمام.

رحيم بضحك: عارفه ساجده بقا هتقعد أسبوع بتشتكي كل يوم بتعب شكل. غرام: عشان مدلعنيها زيادة عن الزوم وده غلط أصلاً. رحيم: إحنا هنفضل نتكلم من ورا الباب يعني ولا أي. غرام بضحك: لأ هاخد شاور بسرعة وهطلع وانت تاخد شاور بسرعة برضه ونروح نطمن على ساجده. رحيم: خلاص ماشي مستنيكي تطلعي. ~~~~~~~~~~~~~~~~~~~ رحيم بيدخل. رحيم بيروح يحضن ساجده: حمدالله على سلامتك يسجوديي. ساجده بإبتسامه: كويسه الحمدلله... رحيم: علي إيه؟

ساجدة: علي إنك أنقذتني ومخلتش الحيوان ده يقرب عليا. (تحضنه) ساجدة: بجد أنت أحسن وأحلى أخ في الدنيا. رحيم: بس مش أنا اللي منعته. ساجدة بستغراب: اومال مين؟ (بتدخل غرام) غرام بإبتسامة: حمدالله على سلامتك. الحمدلله إنك بقيتي بخير. ساجدة بنرفزة: أنتِ مين اللي سامحلك تدخلي؟ غرام: أنا بس حبيت أطمن عليكي. ساجدة: أنتِ مين أنتِ عشان تيجي وتطمني عليا؟ وبعدين أنا مش عايزة أشوفك في أوضتي مرة تانية.

(رحيم كان لسه هيزعق بس غرام بتهزله رأسها بمعني إنه يسكت) غرام بإبتسامة حزينة: عموماً أنا حبيت أطمن عليكي مش أكتر. (بتطلع بره الأوضة) ساجدة: يلهوي على التمثيل. عاملة فيها الملاك وهي تعبانة أصلاً. رحيم بشخط: ساااااجدههه! احترمي نفسك بقااااا. (بيتحكم في أعصابه) رحيم: أنتِ عارفة مين خاطرت بحياتها ومفرقتش معاها إذا كانت هترجع البيت أو لأ، كله ده عشان تنقذك؟ عارفة مين هي؟

غرام اللي أنتِ بتنهيني فيها في الراحة والجايه. وهي عشان محترمة ومتربية صح مبتردش عليكي مع إن عندها لسان ترد عليكي وتسكتك، بس مبتعملش كدا عشان متزعلش حد منها. ساجدة بتفاجأ: غرام اللي أنقذتني؟ رحيم: أه هي. (بيسبها وبيقوم يروح ورا ساجدة) ساجدة كانت قاعدة ومتفاجئة إن الإنسانة اللي مفكراها عدوتها وإنها خدت أخوها منها وهتاخد مكانها وهتبقى هي الكل في الكل، طلع ظنها غلط وإنها خاطرت بحياتها عشان تنقذها هي. ~~~~~~

رحيم كان رايح الأوضة عشان غرام. (آيسل بتطلع قدامه) رحيم: في حاجة يا آيسل؟ آيسل بخوف: ممكن تيجي أوضتي ثانية؟ رحيم: لي؟ في إيه؟ آيسل: في فار في الأوضة وأنا هموت من الرعب. رحيم بستغراب: فار؟ آيسل: أه والله، أنا مرعوبة أوييي. رحيم: خلاص اهدي، أنا جاي معاكي. (وبيدخلوا الأوضة) رحيم: هو فين الفار؟ آيسل وبتقفل الباب بهدوء: مش عارفة. رحيم وهو بيدور عليه: شوفتي طيب راح من أنهي اتجاه؟ (آيسل بتقرب من رحيم) آيسل: لأ مش شفته.

رحيم بشك: امم، خلاص أنا هروح أشوف حد يجي يشوف الفار ده. (آيسل بتمسكه تقربه منها وبتحاوطه بإيديها) رحيم: بيبعدها. آيسل أنتِ بتعملي إيه؟ آيسل: أنا لسه بحبك يارحيم. عمري ما نسيتك ولا هنسالك. رحيم: آيسل أنا متجوز دلوقتي ومينفعش اللي أنتِ بتعمليه ده. آيسل: مينفعش لي؟ ساجدة قالتلي إنكم متجوزين على الورق. رحيم: ساجدة بتكدب عليكي. أنا بحب غرام وجوازنا حقيقي. آيسل بعياط: ده أنا جيت مخصوص عشانك يارحيم عشان لسه بحبك.

رحيم: أنا مش هعيد وأزيد في الكلام. قولتلك أنتِ متجوز وبحب مراتي. (آيسل بتقرب منه أكتر وبتبوسه) (غرام بتفتح الباب بتلاقي آيسل ورحيم مقبلين بعض)