رواية غرام رحيم الفصل التاسع 9 - بقلم فرح القصاص

غرام بصدمة وبصوت عالٍ: رحيم! فيه حاجة على ضهرك. رحيم: حاجة إيه؟ غرام بخوف: تعبان يا رحيم، تعبان أسود. رحيم بقلق: تعبان؟ رحيم: بس أنا مش حاسس بحاجة ماشية عليا. غرام: بس هو لي ساب مش بيمشي. رحيم باطمئنان: غرام، ده مش تعبان. غرام باستغراب: اومال إيه... ثانية واحدة وبتُقرب منه وبتضع إيدها على ضهره. غرام بندهاش: أنت عامل وشم؟ رحيم: أيوه وشم، اهدي ومتخافيش. غرام بصوت منخفض: ياريته كان تعبان مش وشم.

رحيم بيسمعها: أنا عارف إنه حرام، بس أما عملته كنت شاب طايش، ولما كبرت ووعيت ندمت. غرام: وأنت لما كنت صغير مكنتش عارف إنه حرام وإن ربنا لعن الواشم والموشوم؟ رحيم: كنت عارف. غرام: ورغم كده عملت! رحيم بيتهرب وبيتعصب: أنتِ آخرتيني عن شغلي النهارده... وبتحذير: وبعدين أنتِ متدخليش في أي حاجة تخصني، مش عشان ساعدك وبتكلم معاكي باحترام يبقى تفكري نفسك مراتي بجد، ده مجرد اتفاق وبس، مفهوم؟ وبيزقها بكتفه وبيدخل ياخد شاور.

غرام وبتكلم نفسها: أنت مالك، هو اللي هيتحاسب، مش أنتِ. وبعدين أنا اتضايقت ليه يعني؟ أنا مجرد مراته على الورق زي ما قال... وأنا مش هدخل في حاجة تاني متخصنيش. *** ميار وبتقبل خدها: صباح الخير يا ماما. نادية: صباح النور يا قلبي. رايحة المستشفى؟ ميار: آه، عندي عملية النهارده. ادعيلي المريضة تقوم بخير. نادية: إن شاء الله يا حبيبتي والعملية تنجح. ميار: يارب... ساجدة راحت الجامعة. نادية: أيوه...

وياسر راح المحكمة عنده قضية النهارده، ربنا معاه. ميار: يارب... وبيقاطعهم صوت رحيم. رحيم: صباح الخير. ميار ونادية في نفس اللحظة: صباح النور. رحيم: ميار، عايزك تطلعي لغرام وهتعرفي طلعتك ليه. نادية: ميار عندها عملية مش فاضية لتفاهات مراتك. رحيم بتنهيدة وبينظر لميار: ميار، سمعتيني؟ ميار: مفيش مشكلة يا ماما، لسه شوية على العملية. أنا هطلع أشوفها على طول، وبعدين البنت لسه جاية امبارح، أكيد محتاجة مساعدة.

رحيم بابتسامة: يا ريت كل اللي في البيت يكونوا زيك يا ميار، والله. ميار وبتقرب منه وبتوشوشه: أقولك على حاجة، شكلي هكون أنا وغرام صحاب. رحيم بيبتسم: معنديش شك... المهم، أنا رايح على الشركة، محتاجة حاجة يا ماما؟ نادية: لا يا حبيبي، عايزة سلامتك. رحيم: وانتِ يا ميار؟ ميار: تؤ تؤ. رحيم: تمام... بدررريه! بدرية: نعم يا بابا. رحيم: أي حاجة تطلبها غرام، أي حاجة بدون استثناء، تعمليها لها وتقولي لكل اللي بيشتغلوا معاكي. مفهوم؟

بدرية: حاضر يا بابا. رحيم: يلا روحي على شغلك أنتِ. *** في الكافيه. عمر بابتسامة: عاملة إيه يا ساجدة؟ ساجدة: أنا تمام، وأنت؟ عمر: الحمد لله بخير... المهم، إيه الموضوع اللي كنتي عايزاني فيه؟ ساجدة بتفكير: آه، الموضوع، تصدق راح عن بالي، نسيت كنت عايزة إيه. عمر: اممم... تمام، خلاص أنا همشي. ساجدة وبتمسك إيده: طب متخليك قاعد معايا شوية. عمر بيبتسم بحب: تمام، هقعد بس مش هطول عشان ورايا مشوار مهم. ساجدة بفضول: مشوار إيه؟

عمر: هاجي عندكوا النهارده. ساجدة بتشيل إيدها من على إيده: هـ... هتيجي عندنا؟ عمر: آه، وبيضحك: مالك اتوترتي كده ليه؟ ساجدة: هتتوتر ليه يعني؟ وبعدين جي عندنا تعمل إيه؟ عمر: عشان غرام. ساجدة باستغراب: أنت تعرف غرام منين؟ عمر: غرام بتكون بنت خالتي. ساجدة بتفاجأ: إيييه! عمر: أنتِ متعرفيش؟ ساجدة بتتعصب وبتقوم تمشي من غير ما تقول ولا كلمة. عمر بيقوم وراها: ساجدة، استني يا ساجدة. ساجدة بتركب عربيتها وبتمشي.

عمر باستغراب: دي مالها دي!!!؟ *** في غرفة رحيم. الباب كان بيخبط. غرام: ادخل. ميار: غرام، رحيم قال إنك... وبتشوفها وبتفضل تضحك. غرام: وانتِ كمان يا ميار. ميار بضحك: أنا عرفت رحيم طلعني ليه. غرام: طب هنزل كده إزاي وكل ما حد يشوفني هيضحك عليا؟ ميار: متقلقيش، هجبلك حاجة تلبسيها دلوقتي لحد ما تجيبي لي هدوم. غرام بابتسامة: بجد، شكراً أوي. ميار: لا، أنتِ زي أختي يا غرام، متخافيش، أنا مش ساجدة.

غرام: أنا مش عارفة مش طيقاني ليه بجد. ميار: بصي، هي ساجدة طفولية شوية، وكانت مدلعة من كله في البيت، من ماما وبابا الله يرحمه، ومن رحيم، فهي بتحب كل حاجة على مزاجها، بس مع الوقت هتتعودي عليها وهتتقبلك. غرام: مستبعداها، بس مش حاجة مستحيلة. ميار: بالظبط... المهم، تعالي معايا يلا أجيبلك حاجة تلبسيها بدل اللي أنتِ لبساه ده، وبتضحك. غرام: لا والله، كده كتير يا جماعة، في إيه، لبس عادي زي أي لبس.

ميار: أنتِ لو شفتي نفسك هتفهمي بنضحك ليه. *** ساجدة بتدخل البيت وهي متعصبة. نادية: مالك يا ساجدة؟ ساجدة بعصبية: عمر طلع ابن خالتها يا ماما. نادية بعدم فهم: عمر مين وابن خالة مين؟ أنا مش فاهمة حاجة. ساجدة: وقال إيه شايف نفسه على الجامعة كلها، وهو طلع ابن خالة المتشرّدة دي. نادية: ساجدة، ممكن تهدي وتفهمني بالظبط قصدك إيه. ساجدة: أوف، أنا مش فاوقة أفهمك حاجة دلوقتي، بجد أنا هطلع أوضتي أغير وهخرج مع صحابي.

نادية: مالها البت دي وعمر مين اللي كانت بتتكلم عليه ده؟ *** جابر: أنت رايح فين؟ إسلام: أنا سمعت إن أخته بتسهر في night club وهو ميعرفش. جابر: أيوه، وأنت مستفيد إيه من المعلومة دي؟ إسلام بشر: مستفيد كتير أويي. جابر: إزاي؟ إسلام: قوم البس وتعالى، هتشوف بعينك. *** إنجي: إيه يا شباب، ساجدة جت. ساجدة: هاي. چيهان: مجتيش امبارح ليه يا ساجدة؟ ساجدة: بعدين أبقى أقولكم، مزاجي دلوقتي متعكر بجد. أمير: هاي ساجدة، عاملة إيه؟

ساجدة: زي ما أنت شايف. أمير: شكلك مضايقة النهارده. ساجدة: اممم. أمير: تيجي ترقصي، يمكن مزاجك يتعدل. ساجدة: تؤ، مش عايزة. يوسف: روح أنت يا أمير. أمير: اوكي، باي. يوسف: مالك يا ساجدة؟ ساجدة: مفيش يا يوسف، وبعدين أنت ليك عين تيجي وتكلمني إزاي بعد اللي حصل؟ يوسف: منا جاي عشان أعتذر منك. ساجدة: امم، وأنا مزاجي مش رايق ومش حابة أسمع ولا اعتذار ولا غيره، ويا ريت لو تسبني لوحدي. يوسف: تمام يا ساجدة، بس خليكي فاكرة.

ساجدة بتنهيدة: امم، ماشي. چيهان: تشربي حاجة تروقي؟ ساجدة: اوكي. چيهان: تمام، اتفضلي... وفكي بقى. ساجدة بابتسامة: تمام، وبتشرب. إسلام: شايف اللي هناك دي؟ جابر: آه. إسلام: هي دي أخته. جابر: طب، منا مش فاهم، هتعوز إيه من أخته؟ إسلام: بص واتفرج. إسلام: عملتي زي ما أقولتك؟ ساجدة: أه. إسلام بشر: برافو عليكي، خدي ده حسابك. ساجدة: تمام، أنا همشي. جابر: أنت هتعمل إيه؟ إسلام، لحد دلوقتي أنا مش فاهم حاجة. إسلام

بيبتسم وبيخبط على كتفه: متستعجلش، هتشوف. ساجدة كانت مش في وعيها ودايخة وكانت هتقع. وإسلام بيلحقها. إسلام: أنتِ كويسة؟ ساجدة بدون وعي: آآه... إسلام: طب أساعدك تروحي بيتك؟ ساجدة بيغمي عليها. إسلام: يااا... أنتِ كويسة؟ مبتردش عليه. إسلام بيضحك بشر وبيشلها وبيركب عربيته وبيمشي. *** إسلام بيدخل البيت وبيدخل الأوضة وبيحطها على السرير.

إسلام بشر وحقد: أخد مني غرام وشغلي يا رحيم، وأنا هاخد منك شرفك، ورأسك اللي أنت رافعها هتبقى في الأرض. وبضحك بشر، وبيُقرب من ساجدة وبيفك شعرها وبيفتح سوستة الفستان بتاعها وبيعلّي الفستان وبيُبص على جسمها بتشوّق وبيبلع ريقه. وبيُقرب منها أوي وبيحسس على وجهها وبيبعد خصلات شعرها وبيُبوسها و...