رواية غرام الفصل الثالث والعشرون 23 - بقلم زهراء الربيع

كمال بصلو برعب وخوف شديد وقال بتهته: سسس… سحر… سحر هيه اختك. بدر بصلو بصدمه واتسعت عنيه بشده، فضل واقف ساكت شويه وبلع ريقه وقال بزهول: بتقول ايه انت… انت اكيد… اكيد بتضحك عليا صح… سحر بنتك.. بنتك وبنت خالتي وبس. قاطعو كمال بخوف وقال: وحيات هشام ابني هيه دي الحقيقه.. انا هحكيلك كل حاجه بس.. بس انا وابني ملناش دعوه ورأفت .. رأفت هو ال… قاطعه بدر بغضب مرعب وقال وهو بيضغط على كل حرف بيقوله:

عايز… اعرف… ازاي… ده حصل… اتكلم بسرعه احسنلك. وزعق جامد وقال: انطق. كمال اترعب جدا قال بسرعه:

حاضر.. حاضر هتكلم اهوه… لما رأفت خطف ملك اختك كانت صغيره جدا اققل من ٣ سنين قام هو جبهالي وقلي اخبيها كويس … طبعًا مكانش ينفع اوديها البيت لان احلام مراتي هتعرفها على طول ودي بنت اختها واكيد هتقول لوالدتك.. قمنا اتفقنا انا ورأفت وودينا البنت عند مربيه تخلي بالها عليها واستنينا لما كملت ١٢ سنه وارجعت انا وهشام رحنالها وقلنالها اننا اهلها واننا كنا سيبينها مع الست دي تاخد بالها منها لان والدتها كانت تعبانه وبتتعالج بره وهيه لانها طفله صدقت واخدتها معايا البيت.

بدر بصلو بزهول ودهشه شديده من كلامه وقال: يعني ايه .. يعني خالتي معرفتهاش ولا عرفت واتفقت معاكم ولا ايه. كمال كمل بخوف وقال:

لا وهيه هتعرفها ازاي ازا كنتو انتو معرفتوهاش كانت كبرت وشكلها اتغير واحلام اخر مره شافتها قبل ماتنخطف كانت اققل من ٣ سنين وبعدين لو كانت عرفت كانت بوظت الدنيا .. انا قولت لاحلام قصه كده رتبناها انا ورأفت ان دي بنت واحد صاحبي مخلفها من واحده في السر وامها اتوفت وهيه بتولدها وهو سابها من يومها عند واحده غلبانه بتربيها ومسالش فيها ودلوقتي صاحبي اتوفى والست اللي بتربيها عايزه تخلص منها عشان محدش بيدفع لها فلوس والبنت

مستنيه اهلها ييجو ياخدوها وهي ملهاش غيرنا هنربيها على انها بنتنا ونكسب فيها ثواب وهي طبعا لانها كانت ست طيبه اقتنعت.. وطلبت منها كمان متقولش حاجه قدام ملك لاني مفهمها اننا اهلها واول ما جبت ملك البيت احلام حبتها جدا وملك كانت فكراانا اهلها بجد لان كل اللي فكراه ان عندها ام واب واخ وعاشت معانا سنتين في اسكندريه وبعدها انتقلنا هنا وجبناها معانا.

بدر كان مستغرب جدا ازاي اختو كانت معاهم من سنين ومعرفهاش بقى هيتجنن وقال: وامي.. قولتلها ايه. كمال قال بخوف:

احلام قالتلها نفس اللي انا حكيتهولها بس طلبت منها متقولش لاي مخلوق على حكاية سحر عشان نفسيتها وفعلا والدتك عاملتها على انها بنت اختها… باباك كمان فاهم كده وغرام كانت صغيره مسألتش حاجه انت بس اللي استغربت ازاي بنت خالتكم ومشفتوهاش ولا مره ووالدتك يومها قالتلك ان سحر مبتحبش الزيارات وانها كانت في مدرسه داخليه… ومن يومها عاشت وسطكم على انها بنتي انا واحلام… ورأفت جهز لها اوراق بتثبت انها بنتنا واسمها سحر لان ده الاسم اللي كانو بينادوها بيه لما كانت عند المربيه ادي كل الحكايه.. والله ماكدبت عليك في حرف ابوس ايدك بقى فكنا خلينا نمشي احنا ربينالك اختك ومودينهاش ملجأ او سبناها في الشارع افتكرلنا دي.

عماد هز راسه بيأس من غبائه وبدر ضحك بقوه وقال: تمشي… تمشي اه… بقى خطفتو اختي… وحرمتونا منها… وعيشتوني عمر حاسس بذنبها… وشفتوني مزلول قدام الحيوان ده عشان يقولي أي معلومه عنها…. ونزلت دموعه وقال: بوظتلي حياتي مع اول واكتر انسانه حبيتها وكله كان قدامكم وساكتين وعايزين تمشوا… غالي والطلب رخيص بس كل اللي قولته ده كوم… وانك كنت هتجوزهالي كوم تاني كنت هتموت والجوازه تتم… زعلت قوي وكنت هتتشل لما اتجوزت عصام.

وزعق بصوت عالي جدا وقال: كنت مستني اتجوزها… اتجوز اختي يا واطي. ورمى الكرسي اللي جمبه بقوه وبقى زي المجنون ورمى المسدس من ايده بقوه والغضب مالي قلبه. هشام قال برعب: والله يا بدر ده عماد صاحب فكرة انك تتجوزها هو قال انو هيراهنك عليها وانك هتخاف وتخطبها وقلنا نكمل الجوازه عشان بعدها يقلك انها اختك وينتقم منك احنا ملناش دعوه. قاطعه بدر بغضب شديد وقال:

اه انتو ملكمش دعوه طبعا… هو قللكم اعملو كده وانتو وافقتو وبس… فعلا ملكمش دعوه انا هوريكم كلكم يا كلاب. كمال وهشام كانوا بيرتعشوا من الخوف خصوصا لما بدر فك عماد وفضل يضرب فيه بغل وغضب شديد حرفيا كسر عليه المكان لدرجة انو تعب من كتر ما ضربه وقف وهو بينهج وساب عماد واقع على الارض سايح في دمه وبص بنظرة كره ترعب لهشام. بدر فكوا وقال وهو ماسكه بغضب:

عارف لما اخدت غرام شقتك وانا جبتك المخزن يومها حطتلك جهاز تنصت في تليفونك … وكنت اسمعك بتكلمه وتقله خايف ننكشف وكنت اسمعكم بتتكلمو بالالغاز لاكن ولا مره جه في بالي ان لك ايد انت او ابوك في خطف بنت خالتك … قولت مهما يكون متعملش كده افتكرتك بتتفق معاه ضدي على شغل … او على غرام لاكن انك تطلعو العمر ده كله متفقين معاه على خطف ملك ولا حتى جه في بالي لحد ما سمعت اخر مكالمه وهو بيقلكوا تقولولي ايه لما اسألكم بعد ما خلاني طلقت مراتي بسببكم… بس خلاص جه وقت الحساب هتدفعو التمن هتتمنو الموت مش ورايا غيركم انهارده يا اوسخ.

وبقى يضربه بطريقه وحشيه لما خلى وشه شوها. بدر كان في حالة مش طبيعيه زي المجنون كل ما يفتكر الي حصل معاه واخته اللي كانت قدام عينيه يضرب فيه زي المجنون ووقفه عند الحيط وبقى يخنقو وكمال بقى يترجاه يسيبوه بس مكانش سامع. عماد حاول يقف بالعافية وانتهز فرصة ان بدر مشغول مع هشام ومسك مسدس بدر من على الارض وضرب طلقة على بدر. بس بدر لمحه وبحركة سريعة شد هشام قدامه والطلقة جات في نص قلبه وقع ميت في الحال.

عماد ارتبك ووقع المسدس من ايده وبدر هجم عليه بغضب وبقى يضربه بشدة وعنف وهو بيقول: هتدفع التمن غالي .. تمن حرماني انا واهلي من اختي بسببك وبسبب ابوك الواطي وهدفعك تمن ايدك الو*سة اللي حاولت في يوم تلمس مراتي بيها هدفعك تمن كل دموعها اللي نزلت بسببك… وكل الوقت اللي قضته في المصحة وهيه بتبكي على حيو*ان ميستهالش… وكل ما يقول كلمة يضربه بشدة وقال هربيك يا وس*خ.

ومسك المسدس وضربو طلقة في دراعه خلت عماد وقع على الارض من كتر الألم. وبدر فضل يبصله وبيحاول يهدى وياخد نفس لان نفسه مبقاش منتظم طلع البخاخ من جيبه وحط منه وبقى يحاول ياخد نفسه بصعوبة. بعدها بص على كمال اللي كان منهار حرفيا وبييبكي على ابنه بشدة وبيقول بانهيار: قوم.. قوم يا هشام.. قوم يا حبيبي… انا مليش غيرك … يارب. بدر بص له بشفقة بس كره ليه كان اكبر قال:

دلوقتي افتكرت ان ليك رب.. مفتكرتش ان فيه رب هيحاسبك على دموع اب وام قلبهم محروق على بنتهم زي ما انت عندك ابن بتزعل عليه.. مفتكرتش ان فيه رب هيحاسبك وانت شايفني بقضي عمر بحاله وانا بدور على اختي وشايل ذنبها… ومليك.. مفيش رب هيحاسبك على بعدها عن اهلها ومعاملتك الزفت ليها … طب كنت افتكر ربنا وانت عايز تجوزهالي تجوزني اختي واتشوف الحرام بيحصل قدام عينيك وانت ساكت.. مستمتع .. مش مهتم بس اللي انت فيه كان هيبقى بنسبالي كفاية اوي لو مكنتش.

ونزلت دموعه وقال: لو مكنتش جرحت غرام واذيتها بسببكم منكم لله انتو التلاتة … بجد منكم لله على اللي عملتوه فينا. ومسح دموعه وتكلم بقوة وقال: وعلى فكرة انا بلغت عنك عن كل القضايا اللي كنت مداريها خلاص خلي الناس تخلص من فسادك يا كمال بيه… قضي بقيت عمرك في السجن احسنلك … اتحسر على عمرك اللي ضاع ومطلعتش منه غير بذنوب…. واتحسر على ابنك اللي مات… وفلوسك اللي تعبت نفسك فيها على الفاضي. وسابه ووقف قدام عماد بكره شديد وقال:

وانت اقف يا عماد اصلب طولك انا وعدتك…. وعدتك اموتك وانت واقف على رجليك كامل مكمل… وزعق بقوه وقال: اقف… بقولك. عماد وقف بصعوبة وهو بيتألم بشدة ودموع في عينيه قال: اه.. اهدي يا بدر انت.. انت لو موتني هتتحبس انت كمان .. سبني… سبني عايش واوعدك انك مش هتشوف وشي تاني ابوس ايدك فكر بالعقل. بدر ابتسم بسخرية وقال:

امممم كلامك منطقي قوي… بس في تعديل بسيط انا مش هتسجن ابدا.. تؤ انا واحد بيدافع عن نفسو وشرفو ولا انت ناسي انك كنت خاطف مراتي وكل الرجالة اللي كانت معايا شاهدة بكده متتعبش نفسك انت كده كده ميت. عماد بقى يتنفض برعب وقال: اس اسمع بس.. انت خلاص خدت اللي عايزه وخدت غرام كمان. وبدر شخط فيه بقوه وقال: اسمها متنطقوش فاهم… وقال وهو بيضغط على كل حرف بيقوله: غرام مراتي…. عماد قال برعب: مراتك… مراتك. بدر قال باستهزاء:

كده تمام … هتوحشني يا عمدة. وقبل ما ينطق ضربه رصاصه في دماغه وقع ميت في الحال. بدر بص لهم باشمئزاز وخرج من المكان وكان منتظر البوليس لحد ما وصل. بدر قال: اتفضل يا حضرة الظابط زي ما عصام بلغ حضرتك انا رجعت المدام والمجرمين جوه اتنين ماتوا وواحد عايش. الظابط: كده حضرتك مضطر تيجي معانا عشان التحقيق يكمل وحضرتك متخافش انت اكيد هتخرج دا دفاع عن النفس بس لازم نكمل الاجراءات ونستنى امر المحكمة. بدر قال بجدية:

طب وانا هفضل في الحبس لحد ما المحكمة تحكم. الظابط: لا حضرتك ممكن تخرج بكفالة مالية بس نتكلم في القسم يكون احسن. بدر: تمام. وتم القبض على كمال بالاوراق اللي قدمها بدر وهو دخل في حالة صدمة على فقدان ابنه واتحول للكشف الطبي عليه. وبدر كمل التحقيق ودفع الكفالة المادية وخرج وفي انتظار امر المحكمة في القضية.

بدر رجع اخر النهار وعصام كان متابعه بالتلفون بس مقلوش على موضوع سحر واول ما وصل بدر القصر كان الجميع في انتظاره ما عدا غرام لانها دخلت في حالة انهيار لما فاقت لقت نفسها في القصر وبقت تبكي بشده واتصلو على الدكتورة بتاعتها ادتلها مهدأ وكانت نايمة. بدر اول ما دخل كانو امه وابوه قلقانين عليه بشده وبقو يسألوه عن احواله بس هو مردش كان بيدور بعنيه على سحر ولمحها واقفه جمب عصام وساكتة.

بدر ابتسم اول ما شافها ووقف جمبها ومسك ايديها وبقى يلمس بايديه على شعرها و وشها ويبص على ملامحها كأنو اول مرة يشوفها وقال بفرحة والدموع في عينيه: وحشتيني… وحشتيني قوي يا قلبي… انا مكنتش اعرف اللي ديما بيقربنا بس كنت متأكد اننا لازم نكون سوا كنتي بتفهميني اكتر من نفسي وكنت بحس انك اهم من حياتي …. ونزلت دموعه وضمها بقوه وقال: الحمد لله .. الحمد لله.

صفاء ومحمود بقو يبصو لبعض ومستغربين جدا وسحر كانت واقفة مخضوضة وسابته مكانها زي الصنم. بس فيه حد بقى الموضوع معجبوش خاااااالص .. طبعا عصام.. واول ما شاف بدر عمل كده شده بقوه وبصله والشر في عينيه وضربو بوكس قوي جدا جدا وقع بدر على الارض. بدر بص له بزهول لان دي اول مرة عصام يضربه في حياته واهله جريو عليه بخضة وعصام شد سحر خباها ورا ضهره وبص لبدر بتحدي شديد.