رواية غرفة ثعابين الفصل الخامس 5 - بقلم محمد طه

بعد محاولات إقناع كتيرة من بكر لصفاء، في النهاية صفاء وافقت عشان خاطر ولادها. وبدأو ف تنفيذ الخطه والشغل. ومشيت معاهم مره وأتنين وتلاته وأربعه. لحد ما ف مره بكر قابله ف بيت ثعبان بجد وكان شرس ومؤذي. أتفاجئ بكر بثعبان بجد وكان طوله حوالي مترين وكان شكله بس يخوف. ف الأول بكر خاف وقال مش هقرب منو وخليني ف الثعبان اللي معايا عشان أبقي ف الأمان. وبعدين قرر إنو يواجه الثعبان الشرس وزي ما تيجي تيجي.

فضل يحاول معاه لدرجه إن الثعبان كان هيقرصه. لكنه ف الآخر قدر إنو يسيطر على الثعبان ومسكه. وأصحاب البيت راضوه مراضيه حلوه. يمكن دي أول مره ف حياته يمسك مبلغ زي ده. وأخد الثعبان الشرس والثعبان اللي كان معاه وراح على بيته. "منين الثعبان التاني دا يا بكر؟ "أسكتي يا صفاء دا أنا كنت همو،ت النهارده..لكن ربنا ستر والحمدلله." "يبقي ترجع عن السكه دي بقي يا بكر.. الطريق دا مش هتلاقي فيه غير المو،ت."

"عندك حق يا صفاء..بس الطريق دا زي ما فيه المو،ت.. فيه فلوس كتير..خدي يا صفاء شوفي الفلوس قد إيه." "أنا خايفه عليك يا بكر..لو لا قدر الله حصلك حاجه هعمل إيه أنا والعيال." "إن شاءالله مش هيحصل حاجه..أسمعي أنا هجيب قفص تاني للثعبان ده..وهنخصص الأوضه دي للثعابين ومتخليش حد من العيال يقرب منها."

"أنا مش مطمنه يا بكر..الموضوع هيكبر منك والثعبان الواحد بقو أتنين..وإن كان ربنا سترها معاك المرادي..الله أعلم هيحصل إيه المره الجايه." "إن شاءالله مش هيحصل حاجه يا صفاء..إنتي بس أتفائلي بالخير..تفائلو بالخير تجدوه." "إحنا بننصب على الناس يا بكر..هتفائل بالخير إزاي..هوا أنته مش فاهم وبتقول أي كلام وخلاص."

"لأ يا صفاء مش بقول أي كلام وخلاص..أنا المرادي طلعت ثعبان من البيت بجد وكان هيموتني يعني الفلوس دي كلها حلال ولو مكنتش طلعت الثعبان دا كان هيأذي الناس اللي ف البيت." "بس دخولك البيت من الأول كان بغرض النصب يا بكر..وأنا مش هساعدك تاني ف الموضوع ده." (بعد كام يوم صفاء لقيت بكر داخل عليها ومعاه) "إيه اللي معاك دا يا بكر؟ "دي علب صغيره." "وهتعمل بيها إيه العلب دي يا بكر؟ "هتعرفي دلوقتي يا صفاء."

(وسابها ودخل أوضه الثعابين وصفاء دخلت وراه) "أنته هتعمل إيه؟ "هصفي سم الثعبان الشرس دا ف العلب دي." "يا نهار أسود..وهتعمل إيه ب سم الثعبان يا بكر..أنته بدل ما كنت بتنصب على الناس.. دلوقتي هتمو،ت الناس ب السم يا بكر." "همو،ت الناس إيه بس يا هبله إنتي..سم الثعبان دا أنا هبيعه..فيه ناس بتشتريه وبيستخدموه ف حاجات كتير."

"أنا مش مصدقاك يا بكر..السم ملوش غير إستخدام واحد وهوا المو،ت.. قصدي الق،تل..الق،تل يا بكر..وأنته لو أرتجعتش عن اللي ف دماغك دا أنا هبلغ عنك." "تعالي بس يا صفاء العلبه اللي تتملي أقفلي الغطا بتاعها كويس..وأنا هبقي آخدك معايا وأنا رايح أبيعهم عشان تتطمني." "وهتبيعهم بقي فين إن شاءالله؟ "ف المستشفى يا صفاء..أنا سألت ناس ف المستشفى وقالولي إنهم بيستخدمو سم الثعبان ف علاج أمراض كتير."

"يبقي رجلي على رجلك عشان أنا برضوا مش مصدقاك." وبعد ما خلص بكر تصفيه السم من الثعبان، قال لصفاء إنو هيريح شويه وهينام. وصفاء دخلت المطبخ عشان تحضر الأكل. والثعبان اللي بكر صفي منو السم، بكر نسي يحطلو أكل بعد ما صفي منو السم. والثعبان حصل عندو حاله هيجان وفضل يخبط ف القفص اللي محبوس فيه بكل قوته. والقفص كان من الأزاز والأزاز كان ضعيف ما أستحملش قوه الثعبان وأتكسر الأزاز وخرج الثعبان من القفص.

ف نفس الوقت كان أولاد صفاء وبكر كانوا بيلعبوا ف الصاله وطبعا كانوا لسه صغيرين. وخالد دخل عند الثعابين والباب أتقفل عليه. ومفيش دقايق وصفاء خرجت من المطبخ وما لقيتش غير ندي بنتها ف الصاله. ولما سألتها على أخوها قالتلها إنو دخل الأوضه دي وشاورتلها على أوضه التعابين.