رواية غصون الفصل التاسع 9 - بقلم يارا عبد العزيز

كانت لسه هتتكلم بس قاطعتها مي اللي فتحت الباب بدون أي استئذان. غصون بصتلها باحراج شديد، وبعدها دفنت وشها في حضن يونس أكتر. عند اللحظة دي مي مقدرتش تستحمل، فقدت كل عقلها وعينيها اتملت بالشر. دخلت الأوضة بسرعة وتوجهت عند غصون. يونس قام من مكانه وهو بيلبس بنطلونه اللي كان واقع على الأرض. وكان لسه هيتكلم بس برق بخوف شديد لما مي حطت المخده على وش غصون وضغطت عليها بقوة. اتكلمت مي بغضب مفرط ودموع:

= محدش هيرحمك من تحت إيدي. هموتك وأخلص منك. غصون كانت بتحرك رجليها وكل جسمها بخوف ومش قادرة تاخد نفسها ولا تتكلم، بتصرخ بس. يونس جري على مي واتكلم بغضب مفرط وهو بيبعدها: = ابعدي عنها، انتي اتجننتي! بقولك ابعدي عنها! مي كانت متجاهلاه وبتحاول تقاومه على قد ما تقدر، وهي مركزة مع غصون، ومفيش في دماغها غير المشهد اللي شافته وإنها لازم تتخلص منها. مسك إيديها وبعدها بكل قوته واتكلم بغضب مفرط:

= ابعد عنها، قولتلك. هتموت في إيديك. من قوة الدفعة مي وقعت على الأرض واتخبط ضهرها في الكرسي بقوة. اتكلم يونس بخوف وهو بيشيل المخده من على وش غصون: = انتي كويسة؟ هزت غصون راسها بدموع وهي بتحاول تاخد نفسها اللي كان شبه انعدم. كانت بتبصله بخوف وجسمها كله بيترعش. رفعت اللحاف على نصفها العلوي واتجمعت الدموع في عينيها وهي بتبصله بكره وعتاب. مي كانت بتبصله بصدمة. راحت عنده ومسكت معصم إيديه وهي بتلفه ليها وبتتكلم بحرقة:

= لدرجة دي! لدرجة دي يا يونس! لدرجة إنك مهمكش إنك تيجي حتى تطمن عليا عشان ابنك اللي حتة منك اللي أنا شايله جوايا. فضلتها هي على ابنك! إيه المنظر اللي أنا شوفته من شوية ده! رد عليا! أنا مش قولتلك متقربلهاش! انت مش قولتلي إنك مش بتحبها ومش عايزها! طب أنا قصرت معاك عشان تخوني معاها! دا أنا استحملت اللي مفيش واحدة تقدر تستحمله ووافقت بجوازك بيها، تقوم تعمل فيا أنا كدا!

عملتلك إيه عشان بسببك أشوف واحدة تانية في حضنك بالشكل ده! مفكرتش فيا! طب بلاش أنا، مفكرتش باللي في بطني! رميتنا إحنا الاتنين عشان دي! جري كل اللي في القصر على صوت مي ودخلوا أوضة غصون. انصدموا كلهم لما شافوا غصون وهي على سريرها وبتحاول ترفع اللحاف عليها وتداري نفسها وكانت بتعيط. منى بصتلها بغضب وكانت لسه هتروح عندها. اتكلم كامل بحده: = استني عندك. اطلعي برا، يلا كلكوا برا. طلعوا كلهم ومفضلش غير مي ويونس وغصون وكامل.

اتكلم كامل بغضب وهو بيبص لمي: = إيه! مسمعتيش؟ قولت اطلعوا برا. مي بغضب وبكاء: = انت عايزني أسيبه معاها بعد اللي انتوا شفتوه؟ كامل بص ليونس اللي كان بيبص لغصون ومش فارق معاه أي حاجة غيرها. واتكلم بحده: = هيلبسوا هدومهم وهينزلوا. أنا عايز الكل تحت. بصت مي ليونس بغضب ومشيت مع كامل. يونس بص لغصون اللي كانت بتعيط وراح عندها واتكلم بحنان: = غصون أنا آسف. أنا... قاطعته وهي بتقومه وبتتكلم بغضب وانهيار:

= ابعددددد عنيييي. ابعد عني. حرام عليك. أنا بسببك اتحطيت في موقف عمري ما هنساه. البس هدومك واطلع برا الأوضة. أنا مش طايقة أشوف وشك. بصله بدموع وحزن وخد القميص بتاعه ولبسه وهو مركز بنظره عليها. كانت قاعدة على السرير وموطية وشها في الأرض ودموعها بتنزل بقوة. خلص لبس وجري عليها ورفع وشها واتكلم بحنان: = ارفعي وشك. إحنا معملناش حاجة غلط. أنا مراتي. بعدت إيديه عنها بغضب ومسحت دموعها واتكلمت بحده: = اطلع برا يا يونس.

شالها باللحاف اللي عليها. ضربته في صدره واتكلمت بغضب: = نزلني واخرج. نزلها في الحمام واتكلم بحنان وهو بيقبل رأسها: = هستناكي برا.

قال كلامه وخرج وقفل عليها الباب. قعدت على البانيو وكل اللي حصل مش بيروح من بالها ونظراتهم. فضلت تعيط بقوة. كان سامع صوت شهقاتها من برا ونفسه يدخل بس وجوده بيزود وجعها. فضل قاعد مستنيها تخلص لحد أما خرجت وهي لابسة البرنص. بصتله بقله حيلة وغضب ودخلت غرفه الملابس تلبس هدومها وطلعت. فتحت الباب ونزلت وهو نزل وراها.

كان الكل متجمعين وفي حالة من السكوت. غصون كانت حاسة بكل حاجة منغمشة قدامها. قعدت على الكنبة وهزت رجليها بتوتر وخوف من اللي جدها هيقولها. قاطع حالة السكوت دي صوت يونس الغاضب: = أنا مش فاهم كل دا ليه! يعني ليه أتحط في محاكمة عشان قربت من مراتي اللي هي حلالي. كامل راح عنده ووقف قدامه واتكلم بحده:

= والله هو لو كان جواز حقيقي مكنش حد فينا اتكلم. بس باللي انت عامله أثبتت لينا كلنا إنك بتستغل بنت عمك الصغيرة عشان تاخد اللي انت عايزه وبعدين هترميها. عارف أنت اتعاملت مع بنت عمك إزاي على إنها بنت جبتها عشان مزاجك ولما يخلص تطلقها. يونس بصدمة واتكلم بغضب مفرط: = غصون مراتي. كامل بحده: = مراتك! وانت بتتعامل معاها بقى على أساس إنها مراتك!

يعني لما تقولنا أنا اتجوزتها عشان سمعتها وشهرين وهطلقها وخد مراتي اللي بحبها وامشي يبقى أنت بتتعامل معاها على إنها مراتك! ما ترد!

اللي أنت عامله ملوش غير التفسير اللي أنا قولته وبس. لما مي جت أنا قولتلك طلقها ومتكسرش بخاطر بنت عمك وانت وقتها اخترت مي. أنا دلوقتي حتى مش هينفع أحطك ما بين اختيارين لأنك لازم تعيش مع مي عشان اللي في بطنها. وفي نفس الوقت أنا مش هستحمل إن بنت ابني تتعامل بالطريقة دي وتبقى على حسب احتياجاتك. بلع لعابه بخوف واتكلم بتلعثم: = يعني إيه يا جدي! كامل بحده:

= يعني المأذون اللي جوزك أنت وغصون هو نفسه اللي هيجي النهارده ويطلقكم. والطلاق هيكون في السر دلوقتي عشان محدش يتكلم عن بنت عمك. بصله يونس بصدمة وهز راسه بالنفي: = مستحيل! مش أنت اللي هتقرر أطلقها امتى. كامل باستغراب: = ما أنت كدا كدا هتطلقها. هتفرق دلوقتي ولا بعدين! يونس بحده: = مش هسمحلك تجبرني على حاجة زي دي دلوقتي وأنا مش هطلق غصون غير في الوقت اللي أنا هحدده.

قال كلامه ومشي وغصون بصت لطيفة وابتسمت بسخرية. ومي بصت لطيفة بغضب مفرط. مشيوا كلهم ومفضلش غير مي وغصون. غصون كانت قاعدة وحاسة بدوخة قوية. مي راحت عندها وقعدت جنبها واتكلمت بغضب: = أوعي تفكري إنه بيحبك. هو أنت بس شكلك عاجبتيه فواخد موضوع الجواز ده حجة عشان ياخد منك اللي هو عاوزه. غصون بصتلها بقله حيلة واتكلمت بسخرية:

= تعرفي يا مي، أنتِ بجد مش مفهومة. يعني قاعدة بكل برود وبتقولي إن جوزك عاجبني. المهم عندك وبس إنه ميبعدش عنك. ماشية بمبدأ يلف لفته ويرجعلي، المهم يرجعلك. امممم، تصدقي حالك صعبان عليا. بس متخافيش أنا عمري ما هرضى إني أعيش معاه. مي ببرود: = ما هو واضح فعلاً إنك مش عايزاه معاكي. بدليل إنك جريتيه وراكي لأوضتك. يبت، قولي كلام غير ده. دا أنا شايفة بعيني! وعلى فكرة مش بمزاجك خالص إنك تبعدي عن يونس. عارفة ليه؟

عشان أنتِ لو بقيتي مع جوزي هتموتك. يحبيبتي بجد هموتك ومحدش وقتها هيقدر ينقذك من تحت إيدي، لا يونس ولا غيره. فحافظي على حياتك وخليكي شاطرة وابعدي عن جوزي. قالت كلامها ودست على رجل غصون المحروقة برجليها بقوة. أتأوهت غصون بألم شديد ودموع. اتكلمت مي بغضب: = إيه اتوجعتي؟ حاولتِ تقربي من جوزي تاني؟ هوجعك أضعاف دلوقتي. قالت كلامها وبعدت عنها وقامت وهي بتبتسم بشر. يونس كان قاعد في الجنينة ودافن وشه بين إيديه. مي قعدت جنبه.

اتكلم بحده وهو بيبصلها: = مش عايز أي كلام بخصوص اللي انتي شوفتيه وخصوصاً دلوقتي لأني مش ناقص. مي ببكاء: = وأنا مش من حقي أسأل على اللي شوفته. أنت ليه بتعمل فيا كدا يا يونس! هو كل دا عشان ساكتة وبستحمل! توصل بيك إن إني أشوفها في حضنك! أنت مخوفتش على مشاعري وكمان وقعتني زي الكلبه على الأرض ومهتمتش لابنك اللي في بطني! قولي يا يونس، اللي أنا فيه دا فيه أي واحدة تستحمله ها! ما ترد عليا!

قولي أي حاجة تطفي النار اللي جوايا من ساعة ما شوفتكوا. يونس بص لها بحزن وخدها في حضنه وقبل شعرها بحنان: = أنا آسف، حقك عليا. حاولي تنسي اللي حصل وأوعدك إنه مش هيتكرر تاني. طلعت غصون أوضة منى واتكلمت بدموع: = ماما. منى اتجاهلتها ودخلت غرفة الملابس. غصون دخلت وراها واتكلمت بدموع: = ماما ردي عليا. أنا والله استحمل أي حاجة غير إنك تزعلي مني. منى بحده:

= أنا مش هتكلم معاكي في الموضوع ده تاني. دي حياتك وأنتي حرة. أنا عاجبك شكلك وأنتِ قاعدة بترفعي الغطا عليكي قدامنا. أنتِ اللي عايزة ترخصي نفسك معاه وتقللي من نفسك قدامنا. شوفتي جدك قال عليكي إيه! سمعتي أنتِ عند يونس إيه وهو مقدرش يتكلم. عارفة ليه؟ عشان هو عارف إن جدك صح. خليكي قللي من نفسك، أنا مش هتكلم معاكي تاني. بصت لها غصون بدموع واتكلمت بصوت متحشرج:

= أنا عارفة إني غلطت بس أنا مش بقدر أسيطر على مشاعري وهو قريب مني. أنا عيبي الوحيد إن بسيب قلبي يمشي، وأنا معاه بس والله غصبن عني يا ماما. أرجوكي متبقيش أنتِ كمان عليا. أنا محتاجاكي جانبي يا ماما. أنا مضايقة أوي ومخنوقة من كل حاجة بتحصل. ماما أنا مليش غيرك، متزعليش مني. طريقتها في الكلام وكلامها مزق قلب منى عليها. خدتها في حضنها واتكلمت بحنان: = هو أنا هتمنالك الوحش ها. هزت غصون راسها بالنفي. اتكلمت منى بحنان:

= يبقى تسمعي كلامي، ماشي. في المساء. كانت غصون واقفة في المطبخ كعادتها لما تكون مضايقة، بتطلع عصبيتها في الأكل. كانت شارده في كل حاجة بتحصل معاها. دخلت الخدامة واتكلمت باحترام: = ست غصون. ست غصون. غصون بشرود: = ها. الخدامة باحترام: = الأكل هيتحرق. انتبهت غصون وطفيت النار بسرعة. كانت لسه الخدامة هتتكلم بس انتبهت على جرس المطبخ اللي جه من جناح يونس. اتكلمت الخدامة بخوف:

= دي طلبت مني أعملها لبن ودلوقتي عايزاني أعمل إيه. غصون بهدوء: = متخافيش كدا. روحي أنتِ وأنا هعمل اللبن وأبعتهولها مع أي حد. هزت الخدامة راسها بخوف ومشيت. وغصون بدأت تعمل اللبن. خلصته وحطيته على الرخامة. دخلت مي واتكلمت بغضب مفرط وهي بتتظاهر بالخوف: = أنتِ بتعملي إيه! غصون بصتلها باستغراب ومي استغلت انشغال غصون بيها وحطت سم في اللبن. اتكلمت غصون باستغراب: = بعمل اللبن. مش أنتِ طلبتيه من الخدامة. مي بغضب شديد وزعيق:

= لا! أنا شوفتك بعيني وأنتِ بتحطي حاجة في اللبن. أنا متأكدة. غصون بحده: = وأنا هحطلك إيه يعني! مي بزعيق وصوت عالي: = تعالوا كلكوا هناااا! شوفوا الست غصون بتعمل إيه. أكيد عايزة تموت ابني. دخلوا كلهم على صوتها واتكلم يونس بحده: = فيه إيه يا مي صوتك عالي ليه. مي بغضب: = الست بنت عمك اللي عاملة نفسها بريئة. عايزة تموت ابنك. أنا شوفتها بعيني بتحط حاجة في اللبن بتاعي. غصون بدموع:

= لا والله العظيم. أنا معملتش حاجة ومحطتش حاجة. أنا بس كنت بعمله عشان الخدامة كانت مشغولة. مي بغضب: = خلاص إحنا نبعت اللبن المعمل بقى ونشوف مين فينا صح. أنا هتصل بالمعمل فوراً وهم يجوا ياخدوا اللبن عشان كلكم تتأكدوا. اتكلم يونس بحده وهو بيبص لمي: = مش مستاهلة يا مي. أنتِ ممكن تكوني شايفة غلط. مي بغضب: = بقولك شوفتها. دي عايزة تموت ابننا عشان حاطة عينيها عليك وعايزاك. غصون بدموع:

= لا والله أنا مستحيل أعمل كدا. أنا هشربها قدامك عشان أثبتلك إني بجد محطتش فيها حاجة. مسكت الكوباية وكانت لسه هتشرب تحت نظرات مي اللي كانت مليانة شر. غصون كانت لسه هتشرب بس يونس كان أسرع منها ورمى الكوباية على الأرض. اتكلم بغضب مفرط: = أنتِ هتعملي إيه أنتِ كمان! كمل وهو بيبص لمي: = مي أنا زهقت من كل الحوارات بتاعتك دي. غصون مستحيل تعمل حاجة زي كدا. أنا متأكد. وأهي قدامك كانت هتشربها. لو حاطة حاجة مكنتش هتشرب منها.

مي بصت له بغضب مفرط لأنه وقع كل مخططها على الأرض. بس ابتسمت بقوة لما شافت القطة وهي بتشرب اللبن. وبعدها وقعت على الأرض من غير نفس. بصوا الجميع للقطة بصدمة ونظراتهم كانت متبادلة ما بين القطة وغصون. اتكلمت غصون بدموع وهي بترجع لورا بخوف: = والله العظيم ما حطيت حاجة. أنا ليه هعمل كدا! جدي أنا عمري ما أعمل حاجة زي كدا. انتوا كلكم عارفينني. أنا معرفش أذي نملة. هعمل كدا ليه! مي بغضب وهي بتمسك معصم إيديها بقوة:

= عشان عايزة يونس. عايزة تخلصي مني ومن اللي في بطني عشان يبقى معاكي. أنتِ خلاص ظهرتي على حقيقتك وكلنا عرفنا أنتِ إيه. سكتت ليه يا يونس! مش دي غصون اللي مستحيل تعمل حاجة زي كدا! يونس بهدوء: = يمكن منتهي الصلاحية. الخدامة باحترام: = بس أنا لسه جايباه من الجاموسة الصبح يا يونس باشا. إحنا بنجيب اللبن صابح كل يوم. ابتسمت مي بشر وهي بتبص لغصون. بادلتها غصون نظراتها بدموع وراحت عند كامل واتكلمت بدموع وهي بتدخل جوه حضنه:

= والله العظيم ما عملت حاجة يا جدي. هز كامل راسه بهدوء وقبل رأس غصون بحنان تحت نظرات الاستغراب الشديد من مي. اتكلمت مي بغضب: = والله مش مصدقاكم. أنتوا واقفين معاها حتى بعد اللي حصل منها. دي كانت عايزة تموتني. طب بلاش أنا، ابن يونس اللي في بطني واللي هو حفيدك. بدل ما تضربها وتعاقبها. بس أنا مش هسكت. أنا هبلغ البوليس. بصت لها غصون بخوف واتكلم كامل بحده: = صفية. دلوقتي حالا روحي لعواد قوليله يجيب المأذون حالاً.

يونس بخوف: = جديي! أنا قولتلك.... قاطعه كامل وهو بيتكلم بغضب: = أنا قولت اللي عندي ودا آخر كلامي. دلوقتي هتطلق غصون وتاخد مراتك وتطلع برا البيت ده. ولما تيجي تبقوا تيجوا في زيارة. لازم ننهي كل المهزلة اللي بتحصل دي. يونس بغضب: = هات المأذون واعمل اللي انت عايز تعمله وأنا مش هطلق غصون. ودا آخر كلامي. قال كلامه وخرج من القصر وطلع بعربيته. اتكلمت منى بهدوء: = ده مشي يا عمي. كامل بهدوء:

= لو اتأخر هبعت حد يجيبه. المهم دلوقتي المأذون شوية وهيجي. غصون بصت له بحزن ودموع وحاسة إنها مخنوقة من القرار اللي خده جدها. بس هي دي نهايتهم اللي كانت متوقعاها. وصل يونس على الجبل وفضل قاعد في عربيته وهو بيتنفس بغضب وبيفتكر ذكرياتهم مع بعض. طلع من العربية ووقف على حافة الجبل وهو بيفتكر لما كان هيموتها. اتكلم بدموع:

= مكنتش هعمل كدا. مكنتش هقدر أعمل كدا فيكي. أنا بعشقك، بعترف إني محبتش غيرك. يمكن أنا انكتب علينا نفترق بس هعيش عمري كله موجوع بسبب بعدي عنك. كمل وهو بيبص للسما وبيعيط زي الطفل وبيتكلم بصوت عالي: = لييييه يا رب! كلهم بيتهموني إني بستغلها وأنا عمري ما شوفتها كدا. مكنتش فاهم مشاعري من ناحيتها بسبب إني كنت ديما بعيد عنها ولما قربنا عرفت إني بحبها. افتكر شكلها وهي ماسكة في حافة الجبل. اتكلم بدموع وصوت

عالي هز كل أركان المكان: = غصوووووون أنا بحبك. قال كلامه وقعد على ركبته وهو أشبه بالضايع وقلبه بيتقطع. فاق على صوت فونه. طلعه من جيبه. تنهد بعمق واتكلم بهدوء: = أيوا يا جدي. كامل بحده: = المأذون على وصول وإحنا كلنا هنا مستنينك. تعال يلا. يونس كان لسه هيتكلم بس قاطعه الشخص اللي وقف وراه وطلع مسدسه وضربة بطلقة نارية في ضهره.