رواية جحيم البنات الفصل السادس 6 - بقلم شيماء هاني

خلاص كده قلت اللي عندك. أنت إيه يا أخي؟ أنت بارد كده ليه؟ عشان خلاص أنا قررت ودا قراري، لو رحمة اختارت البنات.. أنا هتجوز وأجيب الولد اللي نفسي فيه. أنت بنى آدم معندكش دم. مراد بلاش تغلط أحسن لك. لأ هغلط وهغلط كتير كمان. ومحدش هيقدر يتكلم وأنت كمان مش هتعرف تعمل حاجة..... لأنك مريض فاهم يعني إيه مريض. أحمد اتعصب جداً من مراد لدرجة إنه قفل السكة في وشه.

بعد ما أحمد قفل السكة في وش مراد وهو متعصب ومخنوق منه لأنه عارف إن كلام مراد صح بس هو مش مقتنع ولا والده هيقتنع بكده. فاق من تفكيره على اتصال والده. إزيك يا ابني؟ عامل إيه؟ بخير يا بابا. أنت عامل إيه؟ بخير طول ما أنت بخير وإن شاء الله تفرحني كده وتقولي مراتك حامل في ولد. إن شاء الله يا بابا. أيوه مش فاهم هي حامل في إيه؟ أوعى تكون في بنت أوعى أنت سامع. حاضر يا بابا.... بس معلش هقفل دلوقتي عشان عندي شغل مهم..... سلام.

رحمة قاعدة في البيت سرحانة هتعمل إيه؟ هو كده كده مش هيوافق على وجود الـ 3 بنات لو عرفت أقنعه إني أخليهم يجوا على الدنيا دي وأنا هصرف عليهم وهو مش هيتحمل أي مصاريف ليهم وأنا هكون معاهم لحد ما يعتمدوا على نفسهم. ولو كده يفضلوا موجودين في الأوضة لحد ما ينام مش هيكونوا معاه حتى على الأكل. ولا أعمل إيه يا ربي أنا تعبت أنا مش هينفع أرجع البيت عندنا بعد ما أطلق. ماما مش هتكون حمل مسئولية أنا وأخواتي وعيالي.

يعني الحمل هيكون الضعف عليها. آه لو بابا موجود أكيد مش هكون في البهدلة دي. يا رب خايفة يوافق باباه يعترض ويقف في طريقي ويخليني أنزلهم غصب كده هخسرهم. ولا أسمع كلام أحمد وأنزلهم فعلاً. بس لأ حرام. بس لو فضلوا موجودين أحمد وباباه مش هيسيبوا حد فينا في حالة. وممكن كمان يقنع أحمد إنه يعمل حاجة في البنات. وكده كده هيكونوا ميتين. (يارب الحل من عندك يارب)

رحمة حاولت تهدأ من التفكير وأكيد هيكون في حل لو لهم نصيب يجوا على الدنيا أكيد هيجوا. (يا رب الحل من عندك يا رب)