رواية جحيم البنات الفصل الثالث 3 - بقلم شيماء هاني

أحمد (بغضب): يعني إيه حامل في تلات بنات؟ ليه؟ أنتِ مش عارفة إني مش بحب البنات. تكوني حامل في تلات بنات، طب إزاي؟ أنا هموتك فيها. لازم البنات دي تنزل، أنتِ فاهمة؟ رحمه: أحمد: أنا مش بكلم نفسي، ردي عليا. رحمه: أنا مش هنزل حاجة. دول عيالي. أنتَ إيه؟ مش دول عيالك؟ أنتَ عارف دول جم إزاي؟ بعد معاناة كبيرة. أنا ماليش دعوة بالماضي بتاعك أنتَ وبابا. دول روح، وبدل الروح تلاتة. في ناس غيرك مش لاقية ظفر عيل. وأنتَ ربنا رزقك بدل العيل تلاتة. أحمد: بس دول بنات. رحمه: يعني أنا مش بنت؟ يعني... حاجة مش في إيدي ولا في إيدك. أحمد: الكلام خلاص انتهى. العيال لازم تنزل. يا إما فيه حل تاني. رحمه: إيه هو؟ أحمد: إني أتزوج عليكي. وكده هجيب الولد اللي نفسي فيه. رحمه: إيه؟ أنتَ بتقول إيه؟ يعني إيه تتجوز؟ طب وأنا؟ أنتَ عارف إني حب حياتك. ليه بتعمل فيا كده؟ أحمد: خلاص. أنا قلت اللي عندي. والحل ليكي.