رواية جحيم الفهد الفصل الحادي عشر 11 - بقلم هند زيد

في شقة إياد. صحى لقى الممرضة (سها) نايمة جنبه عريانة. إياد بغضب: انت يا زفتة قومي. سها بخضة: نعم يا إياد بيه، أنا ضايقتك ولا حاجة؟ إياد قام مسك الجاكت بتاعه وخرج منه فلوس ورماها في وشها. إياد بجمود: خد هدوم ليه وكان داخل الحمام بس وقف. إياد بهدوء عكس النار اللي بتحرقه: تكوني خرجتي من هنا قبل ما أخرج أحسن لك. سها بخوف: حاضر يا إياد بيه. وقامت بسرعة تلبس هدومها ونضفت الأوضة بسرعة وخرجت.

إياد وهو تحت الدش، بقى واقف يفتكر كل اللي مر بيه في حياته. إياد بدموع وكسرة: ليه ليه محدش بالوجع اللي أنا فيه، حتى أبويا رماني عشان إنسانة رخيصة. إياد كان لسه خارج من الحمام بيلبس هدومه. فاتن وهي تتحسس جسده: إياد. إياد وهو بيبعد عنها بغضب: احترمي نفسك، انتي نسيتي إنك مرات أبويا ولا إيه؟ وإزاي تدخلي كده؟ فاتن وهي تقترب منه: بلاش كلمة مرات أبويا دي، أنا بحبك يا إياد وعايزاك نعيش يومين حلوين سوا فيها، آه يعني.

إياد بقرف: أنا مش مصدق، انتي مقرفة لدرجة لا تتصور، انتي مرات أبويا افهمي بقى، يعني تحرمي عليا. فاتن بجرأة: وفيها إيه؟ مرات أبوك، مرات أبوك، أنا راضية، هاعملك كل اللي انت عايزه، آه رأيك نروح شقتي اللي موجودة في إسكندرية نقضي لينا يومين حلوين فيها. صفعها إياد على وجهها بشدة حتى سالت الدماء من منخارها. إياد بغضب: ده عشان وسختك يا بنت ال**لب. وضربها كمان واحدة. إياد: وده عشان أبويا اللي ضحكتي عليه. وضربها كمان واحدة.

إياد بغل: وده عشان أمي اللي بسببك ماتت. فاتن بغضب: أنا مالي ومال أمك، هي اللي ماتت. إياد وهو بيمسكها من شعرها: بسببك هي ماتت، كنتي صديقة ليها، صديقة رخيصة، لفت على جوزها واتجوزته ورماها على الأرض تحت رجله. إياد بقرف: ده مكان العالم الرخيصة اللي زيك. فاتن بغل: لا مش فاتن اللي يتعمل فيها كده. قامت تصرخ بصوت عالي وتقطع هدومها ومسحت الروج على وشها. فاتن: الحقوووووووني، حد يساعدني.

وفاروق وهو بيفتح الباب بغضب شاف فاتن بشكلها ده. فاتن بدموع التماسيح: الحقني يا فاروق، شوف إياد عمل فيا إيه، كان بيحاول. وأكملت بعياط: يعتدي عليا. إياد بصدمة: ها، لا مستحيل، انتي بتقولي إيه؟ ده كذابة يا بابا والله بجد كذابة، وهي اللي جاتلي. وضربه فاروق بالقلم. فاروق وهو بيجره بره البيت: اخرج بره بيتي، من النهارده ابني مات، اخرج بره ومشوفش وشك تاني، برررررره. إياد وهو بيمسح دموعه بغضب: كلهم صنف رخيص.

طلع من الحمام لبس هدومه وخرج ليطمئن على هدى. في المستشفى. فهد بصراخ: اتكلمي، قمر مالها؟ إيه اللي حصل؟ ليه مش بتفوق؟ الدكتورة بخوف: فهد بيه، المدام اتعرضت لصدمة نفسية قوية وعقلها رافض الفكرة تمامًا، لذلك هي هي. فهد بغضب: هي إيه؟ انطقي. الدكتور: دخلت في غيبوبة، بس متقلقش، إن شاء الله كلنا جنبها وهتفوق في أسرع وقت. فهد بغضب: انت بتقول إيه؟

وكان هايضرب الدكتورة بس المنشاوي منعه، وخلالها تمشي بسرعة من قدامه، فهو كالأسد الهائج، لن يهدأ إلا إذا وجد ضالته. فهد بضعف ودموع: قمر بتروح مني، قمررررررررر. المنشاوي بحزن على حفيده وحفيدته: هتفوق وهتقوم، قول يا رب، أنا متأكد من كده. مرفت جايه بتجري بدموع: بنتي فين؟ بنتي مالها؟ مالها يا بابا؟ رد عليا، قمر فين؟ المنشاوي بيحاول يهديها: اهدى يا بنتي، هي كويسة، شوية وهتكون بخير.

مرفت بدموع: أنا السبب، أنا السبب يا بابا، أنا سبتها، ده كله مني أنا، بنتييييي. فهد قام وسابهم ودخل يقعد مع قمر على أمل إنها تقوم معاه. مرفت: إيه اللي حصل يا بابا؟ إزاي كده؟ المنشاوي بحزن: سمعت كل حاجة عنك وأنا بتكلم مع فهد، وإنها بنت عمته، ساعتها ده حصل. مرفت بابتسامة حزن: مش قولتلك أنا السبب يا بابا. المنشاوي وهو بيحضنها: لا يا حبيبتي، هي لما تفوق هانعرفها كل الحقيقة وليه انتي سبتيها، وأكيد قمر هتفهمك. في الداخل.

فهد بدموع وهو ماسك إيديها: قولتي إنك مش هتسبيني وهتفضلي جنبي وتساعديني، ليه دلوقتي بتخلفي بوعدك؟ قمر انتي بنت عمتي، عارف إن الموضوع صعب عليكي، بس أنا جنبك يا قلبي، هاقف جنبك، يلا قومي، قلبي مات من غيرك، بحبك والله بحبك، لا أنا بعشقك، أنا عارف إن عمري ما قولتها بس كنت دايماً بحسها، كنت خايف أحب وأرجع أتخان، بس وجودك معايا ده قواني. وضع رأسه على يدها وهو يبكي. قمر بصوت واطي: فهد.

فهد بسرعة ودموع: قلب فهد، انتي كويسة يا روحي؟ اكتفت قمر بهز رأسها. فهد بتوتر وهو متلخبط: أنا أنا هطلع أنادي للدكتورة تطمن عليكي. وخرج. ما من ثواني حتى جاء ومعه الطبيبة. الدكتورة بفرحة: الحمد لله، انتي كده تمام، ألف حمد لله على السلامة. وخرجت. قمر بحب: فهد. فهد بلهفة: نعم يا قلب فهد، في حاجة بتوجعك؟ قمر: قولها يا فهد، أنا سمعتها، بس عايزة أسمعها تاني. فهد بخبث: ها، هي إيه ده؟ قمر بتذمر: فهد.

فهد بضحك: بحبك وبموت فيكي يا قلب فهد. قمر بكسوف: شكراً، ربنا يكرمك. فهد بصدمة: نعم يا أختي، في واحدة تقول لجوزها كده لما يقولها بحبك؟ قمر بخوف: آه يا عم اهدى، وأنا كمان بحبك، كده حلو. : قمر. نظرت قمر لمصدر الصوت لتجد امرأة تشبهها في الشكل كثيرًا. مرفت بدموع وهي تقترب منها: أنا ماما يا قمر. قمر بجمود: تشرفنا بحضرتك يا مرفت هانم. مرفت بدموع وكسرة: قمر انتي لازم تسمعيني. قمر بدموع وصوت عالي: أسمع إيه؟

أسمع إنك سبتيني ومدورتيش عليا؟ سبتيني عند عمي اللي كرهني في الدنيا؟ أسمعك ليه؟ ده أنا حتى مكنتش عارفة شكلك، مش عايزة أسمع منك حاجة، اخرجي بره. مرفت: قمر. قمر بصراخ: بره، طلعيها بره يا فهد، مش عايزة أشوفها، بره. فهد بخوف على قمر: معلشي دلوقتي يا جدتي، خدها وامشوا لحد ما قمر تكون كويسة. مرفت: بس. المنشاوي: لا يا مرفت، فهد معاها وهي مش حابة تسمع دلوقتي، يبقى مينفعش نغصبها على حاجة لحد ما ترجع لصحتها، يلا.

ومشت مرفت مع المنشاوي، وبقى فهد جنب قمر. سعيد: تمام يا باشا، المنشاوي خرج دلوقتي، قمر مرات فهد بيه كانت تعبانة وفي المستشفى. المجهول: تعبانة وماله، نفذ الخطة. سعيد: تمام يا بيه. سعيد للرجالة اللي معاه: ركبوا العربية ومشوا ورا عربية المنشاوي. وكان المنشاوي ومرفت راكبين ورا والسواق سايق العربية. السواق: معرفش ليه يا بيه، في عربية حاسس إنها ماشية ورانا. المنشاوي: سيبك منهم وزود السرعة شوية، هاتلاقيهم شوية شباب طايشين.

لم يكمل حتى وجد من يسدد إليهم الطلقات لتنفجر السيارة بوووم، ولتستقر الأرواح بين يدي الله. قمر بصراخ وهي قايمة من النوم: ماااااااامااااااااااا. فهد: قمر مالك؟ اهدى، ده كابوس. ولكن سمع رنين الهاتف، وما إن رد حتى وقع الموبيل أرضاً يعلن عن حربا ستنشب وقلوب ستنجرح.