رواية جحيم الفهد الفصل الثاني عشر 12 - بقلم هند زيد

فهد بحزن كبير: العربية اللي جدي وعمتي رجعوا بيها قمر بدموع وصراخ: مالها يا فهد قول حصل إيه فهد بدموع: انفجرت بيهم يا قمر ماتوا قمر بصراخ وجنون: لاااااا لا يا فهد لااا هي مش هاتسبني تاني لا مش هاسمحلها مامااااا فهد وهو يحضنها: أهدي يا قمر أهدي يا قلبي يلا بينا

يقف فهد بجواره إياد ليأخذوا عزاء جده وعمته. كان يقف كالجبل ولكنه من الداخل تحطم، أصبح مهزومًا. لقد مات أعز أصدقائه. يبكي بداخله على ما فعله وما سببه له من حزن، فهو لم ينعم بحب الأب غير منه. يقوي نفسه لكي يستطيع أن يقف بجوار قمر، فهي الآن ممزقة، أصبحت يتيمة الأم والأب. أقسم بداخله على محاسبة الشخص الذي فعل ذلك والانتقام منه أشد انتقام، غير مبالٍ بوجود أحمد بين الناس، فهو كالغريب بينهم.

بداخل كانت قمر بغرفة والدتها تجلس بضعف تنظر إلى الفراغ باهتة. تتذكر اللحظات البسيطة التي عاشتها مع والدتها. تتذكر كم كانت تحبها وتلعب معها. نعم فهي تحبها، كانت تتمنى لو استكانت بين أحضانها. أرادت أن تشعر بهذا الدفء الذي حرمت منه لسنوات. قمر بدموع: سبتيني تاني يا ماما ليه بعدتي عني ليه؟ ليه لما جيتيلي المستشفى ليه سمعتي كلامي ومشيتي؟

انتي عارفة إني عمري ما كرهتك، أنا كنت بقول كده بس أنا بحبك، أنا زعلت منك بس انت وبابا سبتوني لدرجة دي أنا وحشة يا ماما؟ دادة علا وهي رئيسة الخدم في قصر المنشاوى: قمر هانم؟ قمر بدموع وضعف: نعم يا دادة؟ فريدة بدموع: خدي المذكرة دي، سابتها المدام ليكي ووصتني إني أدهالك. أخذت قمر منها المذكرة وخرجت الدادة تبكي على من رحلوا وتركوا ديارهم. جلست قمر تقرأ ما كتبت فريدة لها.

فريدة: قمر في الوقت اللي هاتكون المذكرة دي في إيدك أكيد أنا مش هاكون موجودة، لأني وعدت نفسي لو قدرت أقولك الحقيقة ساعتها هأرمي المذكرة، بس ديما القدر ليه رأي تاني يا قمر. قمر أنا عمري ما سبتك، أنا إنجبرت إني أسيبك، كل ده بسبب عمك محمد. أيوه يا قمر هو اللي كان السبب. بعد موت أبوكي بشهر لقيت محمد جايلي. فريدة: نعم يا أبو ملك خير عايز حاجة؟ محمد بوقاحة: أه عايزك انت.

فريدة بغضب: احترم نفسك يا جدع انت وخد بالك إني مرات أخوك اللي ملوش شهر ميت. محمد بمكر: أيوه أخويا ومات نعمل إيه بقى؟ أنا بقى هاتزوجك وانت تربي قمر بدل ما البت تطلع يتيمة وهي صغيرة كده. فريدة بغضب: مستحيل أنا مش هاتزوج وهأربي بنتي أحسن تربية وانت مالكش فيهم. محمد بغضب وهو يمسكها من شعرها وبيقول: لا بقى يا روح أمك مش أنا اللي يضحك عليه، أنا عايزك وهاخدك بمزاجك أو غصب عنك.

وهجم عليها لينتهك شرفها ولكنها استطاعت ضربه والنجاة من بين يديه. فريدة: بس للأسف أنا ساعتها خفت وطلعت أجري من البيت عند واحدة من جيراني وانت كنتي فوق. هو فاق وخدك وساب البيت ومعرفتش بعدها انت روحت فين. ساعتها رجعت عند جدك وعرفته. كان الأول زعلان مني بسبب تمسكي بأبوكي لأن كنت بحبه واتجوزنا من غير رضاه، ولكن بعد كده سامحني. سامحيني يا قمر بحبك يا قلب أمك. ماما فريدة.

وضعت قمر المذكرة بجوارها وصرخت بأعلى صوتها لعل هذا يخفف عن آلامها، ولكن هل للهيب القلب أن ينطفئ؟ هل لألم فقدان الأم يكفيه صرخة؟ فهد بخضة وهو بيجري عندها: قمر قلبي مالك؟ قمر بدموع: سابتني يا فهد، طلعت مظلومة، أنا ظلمت أمي، مردتش أسمعها، أنا ظلمتها ظلمتها. فهد وهو بيحضنها: خلاص يا قلب فهد كفاية مش قادر أشوفك كده. دلوقتي ندعيلها ربنا يرحمها. قمر: يا رب يا رب يا فهد. المجهول بضحك: ههههه حرقت قلبك يا أحمد يا منشاوي. مايا:

مايا بخوف: نعم يا بابا. المجهول بشر: هاسيبلك قمر، خلصي عليها بمعرفتك. : أنا معاكم. المجهول: ههههه أهلاً بيكي ونكمل اللعب. مضى شهر على أبطالها، منهم من يفكر بالضربة القادمة، وآخرون يفكرون في الانتقام. قمر بدوخة: دادة؟ منال بخوف: مالك يا حبيبتي؟ قمر بتعب: مش عارفة يا دادة من الصبح وأنا حاسة بحاجة غريبة و... ووقعت مغمى عليها. استيقظت لترى الدكتورة تفحصها. قمر بخوف: في إيه؟

الدكتورة: متخافيش يا قمر هانم، ألف مبروك انت حامل. قمر بصدمة وفرحة: حامل؟ الدكتورة بضحك على شكلها: أيوه يتربى في عزك أنت والأستاذ فهد. عن إذنك. خرجت الدكتورة ليدخل فهد وعلامات البرود تستقر على وجهه. قمر بفرحة وهي بتجري عشان تحضنه: أنا حامل يا فهد! فهد ببرود: عرفت، وأنا بقى مش عايز عيال. قمر بصدمة: فهد انت بتقول إيه؟ فهد بغضب: زي ما سمعتي، مش عايز يكون ليا عيال.

قمر بصوت عالي: لا يا فهد ده ابني مستحيل أخليك تقرب منه، ده ابننا يا فهد. أمسك فهد برقبتها يخنقها بقوة: لو سمعت صوتك عالي تاني هأنسى أي حاجة تربطني فيكي. ورماها بعنف على الأرض وخرج من القصر كله. تركها تصارع الحياة بمفردها. هي أحست بتغيره الكبير في الفترة الأخيرة، ولكنها اعتقدت بسبب ضغط العمل عليه. قمر بدموع: مخبيلي إيه لسه في جحيمك يا فهد؟