رواية جحيم معاق الفصل التاسع 9 - بقلم ولاء

تقترب ضحى من يسري وتقبله. يسري: انتي بتعملي ايه؟ انتي مجنونه؟ ضحى: ايه يا يسري؟ انا عملت ايه غلط؟ انت جوزي بشرع ربنا. ودي حاجة مش غلط. يسري: بس انا مش عاوز كده. ضحى: مش عاوز كده يعني ايه؟ يسري: يا ضحى افهمي ارجوكي. ضحى: خلاص يا يسري انا اسفة. ارجوكي انا عايزة اروح البيت دلوقتي عشان دماغي وجعتني. وتروح تشد شنطتها وتخرج. ويسري يحاسب ويروح يركب العربية ويروح البيت. (تاني يوم الصبح) تنزل ضحى من على السلم وهي لابسة.

هدي: ايه ده يا ضحى؟ انتي رايحة فين؟ ضحى: راحة الشركة مع عمي ويسري. ماجدة: وانتي هتروحي ليه يا ضحى؟ ما خلاص بقى ضحى بقى كويس والتمثيلية خلصت خلاص. ضحى: كل إنسان حر في تصرفاته. وكمان وراء كل رجل عظيم امرأة. بس انتي شكلك نسيتي الموضوع ده يا ماجدة. ضحى تترك ماجدة على نار وتروح على الأوضة بتاعتها. تمسك الفون وتعمل اتصال. ماجدة: الو؟ عملت ايه في الموضوع اللي قولتك عليه؟ ... : كل حاجة حصلت زي ما حضرتك قولتي بالظبط.

ماجدة: مش عاوزة أي غلط في الموضوع؟ ... : ايه يا هانم؟ هو أول تعامل بينا ولا ايه؟ انتي عارفة كلامي كويس. ماجدة: طيب خلاص خلاص سلام. (في الشركة) يسري قاعد هو وضحي وممدوح. وبيعرفهم على نظام الشغل واللي لازم يسري يعمله. وأن ضحى هتكون مع يسري في الشغل على طول. وأثناء الحديث يدخل السكرتير. السكرتير: يا ممدوح بيه ابن حضرتك أستاذ رضا مبهدل الدنيا في الدور الأرضي تحت وعامل فضيحة. يقوم ممدوح وينزل تحت يجري ووراه ضحى ويسري.

رضا: اهلا اهلا بالثلاثي المرح. انتو طبخينها سوا بقى؟ ممدوح: تعالي يا رضا نتكلم فوق، عيب كده. رضا: وعيب ليه؟ ما نتكلم هنا يا حج. انا عايز اعرف ليه؟ ايه الفرق بيني وبين يسري؟ دا انا عملتلك كل حاجة انت عاوزها شغل وبشتغل تحت رجلك. ليه تكتب ليسري كل حاجة؟ قولت دا معاق ذهنيا ومش بيتحرك. وطلعت كداب. ايوه انت كدا كداب. يسري: عيب يا رضا كده. أبوك ميستهلش منك كده.

رضا: ايوه يا غلبان يا طيب. اعمل اكتر من كده. ما انت خدت كل حاجة على الجاهز. ضحى: لا تعالي كلمني انا يا رضا. رضا: اه تعالي يابت. النهاردة علميني الأدب. ما انتي نسيتي انتي جاية منين. ضحى: لا منستش انا جاية منين وعارفة أصلي كويس اوي عنك. بس انا هقولك كلمة بقى قدام الناس دي كلها. انت عاوز تتكلم قدام الناس؟ انا بقى هتكلم قدام الناس.

ضحى: الشركة اللي انت فيها دي بتاعت يسري. كلها انت ملكش دعوة بيها خالص. عمي كتبلك نصها عشان يسري عاوز كده. الخير ده كله بتاع يسري وانت عايش في خيرة. رضا: ايه الكلام العبيط ده اللي انتي بتقوليه؟ ممدوح: يا ضحى كفاية بلاش كلام تاني. ضحى: عن اذنك يا عمي لو سمحت. الموضوع مش عاوز سكوت تاني. رضا: انا مش فاهم حاجة. حد يفهمني.

ضحى: انا هقولك يا رضا. الخير ده كله بتاع يسري. ورث أمه. اه يسري مش أخوك من الأم. يسري أخوك من الأب. بس وتقدر تسأل أمك وهي هتقولك على كل حاجة. وكفاية كده عليك. انا مش هقول حاجة تاني. تمسك ضحى في يد يسري وتطلع المكتب. ورضا يذهب إلى المنزل. يسري: ليه عملتي كده؟ ومين اللي عرفك الموضوع ده اصلا؟ ممدوح: انا اللي قولتلها يا يسري. يسري: ليه يابابا عملت كده؟

ضحى: هو ده الصح يا يسري. بكفاية كره بين بعضكم. انا عاوزاك تقرب من اخواتك. يسري: وال انتي عملتيه ده هيقربني من اخواتي؟ لا انتي غلطانة يا هانم. انا كده العداوة هتكتر والكره هيكتر. ممدوح: خلاص اللي حصل حصل. انا هتصرف. (في المنزل) رضا: ياماما ياماما. تيسير: في ايه يا حبيبي مالك؟ رضا: ابعدي عن وشي دلوقتي. هدي: في ايه يا رضا؟ ايه اللي حصل؟ رضا: يسري مش أخويا صحيح؟ يسري ابن واحدة تانية؟ الكلام ده صح؟

هدي: أيوة صح. يسري مش ابني. رضا يقعد يضحك ويسقف زي المجنون. آه يعني انا كنت شغال ليسري بفلوس أمه لحد ما يقوم بالسلامة صح؟ هدي: اخرس يا كلب. يسري أخوك وابني زيك بالظبط. رضا: انا مش هتكلم مع حد تاني. انا هتصرف وهعرفكم ازاي تعملوا فينا كده. تيسير: استني بس يا رضا. استني عشان خاطري. كانت تتحدث وهي بتجري وراه. (في المساء) كان الجميع متواجد في الدور الأرضي. ممدوح: مفيش أخبار عن رضا؟ تيسير: لا يابابا. هتجيب منين الأخبار؟

ومن ساعة ما ست ضحى دخلت البيت والحال كله اتغير. ماجدة: انا قولت من الأول وجودها مشاكل وهم. محدش صدقني. ضحى: بلاش انتي تتكلمي عن المشاكل يا ماجدة. انتي فاكرة نفسك انسانة؟ دي الحيوانات متستنضف تكون معاهم. وأثناء الحديث يدخل رجل بجلابية ومعاه أبو ضحى وأخو ممدوح. ضحى: بابا؟ في ايه؟ ممدوح: اتفضل ادخل. الراجل الغريب: مافيش كلام ولا سلام. انا جاي اخد مراتي وامشي. ممدوح: مراتك مين اللي تاخدها؟

الغريب: مراتي ضحى اللي انت جوزتها لابنك. يسري: ضحى؟ ضحى مراتي.