رواية جحيم معاق الفصل الثاني 2 - بقلم ولاء

يسري.. ينظر إليها ومش بيرد. ضحي... لا ماهو أنا مش مجنونة علشان أسمع صوتك وانت مش بتتكلم. أنا عاوزة أعرف إنت اللي اتكلمت دلوقتي ولا لأ. يسري يقوم وينام على السرير دون أي كلمة. ضحي... من التوتر تدخل الحمام تغير هدومها وتنام على الكنبة. (يأتي صباح تاني يوم) تصحى ضحي من النوم وضهرها متكسر وتنظر إلى يسري تلاقيه قاعد على السرير ومغير هدومه. ضحي...

إيه ده هو إنت بتعرف تغير هدومك لوحدك. أمال إيه معاق معاق دي. ده إنت أحسن مني أهو. هدي... تخبط على الباب. يا يسري يا ضحي يلا علشان الفطار. هاتي يسري معاكي وانزلي يلااا. ضحي... حاضر أنا جايه أهو. ضحي... خمس دقائق يا يسري هدخل الحمام وهاجي. تخرج ضحي وتأخذ يسري وتنزل تحت للفطار. ماجدة... هو إنتِ بقى العروسة. ضحي... أيوه أنا العروسة. تيسير... براحة عليها يا ماجدة دي شكلها لسه صغيرة. ضحي.... آه وبعدين. ماجدة...

معلش بقى يا تيسير. هدي... هو في إيه. كل واحدة تقعد جنب أطفالها علشان تفطرهم وبلاش كتر كلام. يقعد الجميع على السفرة. هدي... يلا علشان تأكل يا يسري. ولسه هدي هتاكل يسري. ضحي... بعد إذنك أنا اللي هاكل يسري. ممدوح بفرحة في قلبه... خلاص يا هدي سيبي ضحي براحتها. ماجدة... أيوه سيبها علشان تتعود. ضحي... دي حاجة أنا حرة فيها. أتعود مش أتعود محدش ليه دعوة. خليكي في عيالك. ماجدة... آه عقبال ما تجيبي. أه نسيت هتجيبي إيه.

ممدوح... ماجدة كفاية لحد كده. تيسير... هو إيه يا بابا. هي مش بتعرفها. هي غلطانة يعني إن هي بتفهمها. ضحي... شكراً ليكم والله بس أنا فاهمة مش محتاجة أي حد يفهمني. تيسير... أوعي تكوني حاطة أمل إن يسري يتعالج. يسري سافر بره كتير أوي ولسه لحد دلوقتي زي ما هو. هدي... لا كده الموضوع زاد عن حده. كل واحدة تتفضل على أوضتها لحد ما جوزها يجي وتبقا تفطر معاه. ضحي... يلا يا يسري يا حبيبي نفطر سوا فوق. أصل المكان هنا حر وخانق.

هدي بفرحة عامرة... طيب وأنا هطلعلكم الفطار فوق يا حبيبتي. ضحي تأخذ يسري وتذهب إلى الغرفة. ضحي... إنت عارف يا يسري أنا حاسة بيك والله. يمكن إنت مش هتفهمني بس والله أنا زيك بالظبط. الاختلاف إن إنت معاق وأنا فقيرة. مش اختلاف ولا حاجة كلها محصلة بعضها. بس بص أنا هفضل جنبك. أوعى تفكر إن أنا هسيبك. لا دا أنا شفت كتير في بيت عمي علشان كده مش هسيبك أبداً. وهي قاعدة على السرير مرة واحدة تلاقي اللي فوقها وهي تحت.

يسري.. وإنتي بقى مش هتسبيني إزاي. ضحي... إنت إزاي إنت كده إزاي. إنت مين. ولسه هتصوت. يضع يده على فمها. يسري... اسكتي خالص. مش عاوز أسمع صوتك. ضحي... بخوف شديد تهز رأسها بالموافقة. يسري يشيل إيده من على فمها. ضحي... إنت مين بالظبط وإنت إزاي كده. يسري... يقوم من عليها. إيه مستغربة إنك اتجوزتيش واحد معاق يا ضحي. ضحي... أنا قولت كده أول ما شوفتك. أنا عارفة إن ده مش منظر واحد معاق ذهنياً. لا كده الموضوع فيه حاجة غلط.

يسري... لو حد عرف الموضوع ده هتموتي يا ضحي. عارفة يعني إيه هتم.. ولسه مكملش الكلمة. ضحي... تخرج من الأوضة تجري. ضحي.... يا عمي إنت فين. يا عمي الحقني. يا مرات عمي إنتوا فين. الحقووووني. ممدوح... في إيه يا ضحي. ضحي... الحقني يا عمي ابنك يسري بيتكلم زينا. ممدوح... يضع يده على فمها ويسحبها للمكتب. ممدوح... اسمعي يا ضحي الكلام اللي هقوله ده كويس...