رواية جحيم مراد الفصل التاسع 9 - بقلم إسراء الاتربي

مراد قرب منها وشدها من خصرها بغضب وقبلها بعنف. ياسمين ما كانتش قادرة تاخد نفسها، وفجأة رفع وشه. مراد بغضب: ياسمين ما تختبريش صبري أكتر من كده. ياسمين بصريخ: تعرف إن أنت مش راجل فعلًا، أنت مش قد كلمتك، قولت لي هتتغير وما اتغيرتش، كنت هتعدي عليا تاني. مراد ماسكها من دراعها جامد: اسمعي أنتِ مراتي ودي أوضتنا وأنا جوزك وليا حقوق عليكي، أنتِ فاهمة. ياسمين كانت بتبكي وبتتألم من قبضة إيده على دراعها.

ياسمين: يا مراد أنا عمري ما هسامحك أبدًا، وكرهي ليك بيزيد. مراد ساب دراعها وما قدرش يستحمل كلامها، ساب الأوضة وطلع. ياسمين وقعت على الأرض وفضلت تبكي. ياسمين: ماشي يا مراد أنا هوريك، كنت ابتديت أوثق فيك شوية بس أنت ما تستاهلش. وقامت جابت كل هدومه فضلت تقطع فيها وكسرت الساعات والبرفان، دمرت حاجته كلها.

مراد رجع وش الصبح لقى الأوضة مليانة بهدومه المتقطعة والأزاز وياسمين نايمة على الأرض وآثار الدموع على وشها ودراعها معلم مكان مسكته ليها. مراد قرب منها وشالها برقة، وقعد جنب السرير مسح دموعها بحنية وطبع قبلة على جبينها. بص على دراعها بندم. مراد: أنا آسف. وضمها ونام. الصبح مراد قام ونزل قبل ما ياسمين تصحى، جاب هدوم وحاجات بدل اللي ياسمين بوظتها. ورجع كانت ياسمين لسه نايمة، غير هدومه وطلب الفطار. ياسمين بعد شوية قامت.

مراد: لو اللي أنتِ عملتيه ده هو اللي ريحك هجيب لك قدهم تاني وبوظيهم. وبص على دراعها بندم. مراد: أنا آسف، بس أنتِ دلوقتي ما خليتيش حاجة أروح بيها الشغل، أعمل فيكي إيه! بس جبت غيرهم يبقى اقطعيهم تاني. ياسمين: علشان تفكر بس بعد كده تمد إيدك عليا. مراد: أنا عملت كده غصب عني لإنك استفزتيني يا ياسمين. ياسمين: مراد أنت عايزني أعمل لك إزاي بعد اللي حصل يعني.

مراد: ياسمين أنا آسف على كل حاجة، بس يا ريت ما تحاوليش تعصبيني علشان ما بأقدرش أتحكم في نفسي. أنا نازل عندي شغل. آه صح، خذي الفستان ده ليكي علشان في عشا عمل النهارده بالليل. ياسمين أخذت منه الشنطة ورمتها بغيظ على السرير، ومراد بصلها ونزل. بالليل مراد رجع وما لقاش ياسمين جهزت. مراد: أنتِ ما جهزتيش ليه. ياسمين: مش عايزة أجي معاك، هو كل حاجة بالغصب.

مراد بحزن: لا يا ياسمين مش بالغصب، بس أنا ما كنتش حابب أسيبك لوحدك علشان هتأخر. ياسمين بعناد: لا سيبني أنا هبقى كويسة وأنت بعيد عني. مراد بصلها بوجع: تمام اللي يريحك. ودخل جهز وكان لابس بدلة كحلي وتحتها قميص أبيض، وكان جذاب جدًا. ياسمين في نفسها: يا خراب حلوتك، يعني كان لازم كرامتي تنقح عليا أوي. إيه اللي أنا بأقوله ده. وفجأة فاقت على صوت مراد. مراد: أنا نازل. ياسمين: مراد ما تتأخرش علشان عايزة أتكلم معاك.

مراد: لا اتكلمي دلوقتي أنا سامعك. ياسمين: مراد طلقني، أنا مش هأقدر أكمل حياتي معاك، كفاية أوي اللي حصل. مراد حاول يتحكم في أعصابه. مراد: ياسمين أنا مش قولت لك ما تجيبيش سيرة الطلاق تاني، أنا مستحيل أطلقك. ياسمين: وأنا مستحيل أسامحك، أنت جبرني أعيش معاك بالغصب، أنت متخيل عايشة مع اللي دمر حياتي في بيت واحد. مراد: الطلاق هو اللي هيريحك يا ياسمين. تمام لما نرجع يبقى نكمل علشان اتأخرت.

ياسمين: وأنا عايزة أسمع الجواب دلوقتي. مراد بجنون وغضب قرب منها وشدها من خصرها. مراد: عايزة تسمعي الجواب؟ مش مطلق يا ياسمين. مراد بص في عيونها وبدون وعي قرب منها وقبلها برقة. ياسمين زقته: ابعد عني يا حيوان. وضربته بالقلم. مراد بصلها بغضب ومشي. مراد رجع الأوتيل وراح الأوضة بس ما لقاش ياسمين في الأوضة نهائي وفجأة.