رواية غيوم الشمس الفصل الثاني عشر 12 - بقلم اطياف راحله

كل الطرق تؤدي إليكِ، وما من طريق إلا ويقودني إلى قلبكِ. كل الأحاديث لا تشغلني إلا حديثكِ، يثير فضولي ويرغمني على سماعه، برغم سماع كل فوضى الأحاديث حولي. أنا لا أسمع إلا رنين صوتكِ يخترق قلبي وليس أذني، برغم ضجيج كل من حولي. لا يوجد سواكِ في واقعي وحتى في خيالي. كلي لكِ يا قلب عمتكِ، من يوم ما مات أبوكِ وأنتِ عايشة على الميه وبتأكلي في اليوم نص طشة. مش كويس عشان اللي في بطنكِ يا جلبي. صالحة: ماليش نفس للأكل يا عمه.

عزيزة: عشان خاطر عمتكِ لازم تأكلي، وإلا تجعي من طولكِ. صالحة: حاضر يا عمه. شمس: خبر إيه يا صالحة؟ بجي أنا بجالي ساعتين أحضر لكِ في الأكل بيدي، وبعد كل ده مش راضية تأكلي. عزيزة: عتاكل يا حبيبتي، لازم تأكل، لو مش عشانها عشان اللي في بطنها. ربنا يراضيكِ ويطعمكِ أنتي كمان. شمس: تنظر لصالحة تخبرها بعينيها أنها لا تريد أن تخبرهم بأي شيء. لتنظر لها صالحة وتبتسم وتصمت. صالحة: إن شاء الله يا عمه، بكرة تملي عليكي الدار عيال.

بدرية: ياترى ميته دا، عيو حصل بجمالها، سبع شهور. ربنا يدينا طول العمر ونشوف اليوم ده. عزيزة: كله بأوانه يا بدرية، لما ربنا يأذن، مفيش حاجة من غير أمر ربنا.

بدرية: ونعم بالله يا عمه. كل اللي اتجوزوا معاها وبعدها كمان حوامل. مفيش إلا هي اللي ما حبلتش لحد دلوقتي. بس تعمل حسابها، لازم تدور على الحبل عشان لو ما حبلتش، أنا عجوزة، ابني مش عيتنوا جاعد يشاهد في جمالها. الجمال مش كل حاجة، والواحد اللي ما اتخلفتش بتبجى أرض بور، لو ملكة جمال ما تعملاش عين جوزها. عزيزة: هو خبر إيه يا بدرية؟ ما تجولي يا صبح صابحة تجبلنا الهم ع الصبح ليه؟ هو كان اشتكى لكِ يا أختي؟ هو حر، مرته.

بدرية: لا يا عمه، ما اشتكى ليش. دا يا جلبي أمّه، لا بيشتكي ولا بيتكم حاطط همه في جلبه وساكت. صالحة: بتميل على شمس. وعليكِ إيه من دا كله يا أم مخ طخين؟ بتسمعي الكلام اللي زي ضرب النار ومستحملاه وساكتة، وأنتي حامل. شمس: بس اسكتي خالص، وإياكِ تنطقي. أنا عارفة أنا بعمل إيه. إياكي حد يعرف، هتبجى اللي بيني وبينك. صالحة: ماشي يا مرت وضاح، لما أشوف آخرتها معاكي. عزيزة: عتتودودوا تجولوا إيه انتوا الاتنين فيه؟ جاجه ولا إيه؟

شمس: لا يا عمه، سلامتك. عجولها كفاية أكده، ولازم تروحي عشان أخوي معيستغناش عنها واصل. عزيزة: عندكِ حق يا شمس. كفاياكي أكده يا صالحة، ولا تروحي عشان جوزك. صالحة: حاضر يا عمه. أنا كنت مروحة من نفسي من غير ما تجولي. *** كيف ده يا بوي؟ مش معقول اللي عتجول عليه ده. جابر: هو ده اللي حصل فعلاً، عمك ودرنا في المصيبة دي، وفص ملح وداب، وما نعرفش هو راح فين.

جاد: دي مش مصيبة يا بوي، دا خراب وحل علينا. طيب وعنجيبوا عشرة مليون جنيه للخسيس ده؟ كيف ما أنت عارف، السيولة اللي معانا في البنك ما تكفيش. جابر: ما أنا بجولك الموضوع دلوقتِ عشان أكده، عشان نتصرف. عتروح لمحمد بيه في البنك، وعتطلب قرض بضمان المزرعة، وعتطلب منه يسرع في الإجراءات عشان نستلموا الفلوس آخر الشهر، يعني بعد أسبوعين.

جاد: حاضر يا بوي، أنا هعمل اللي أنت عايزه. وكل السيولة اللي عندنا عشوفها تعمل كديه، وأبلغك عشان نشوف هنعمل إيه. جابر: عايزك تنادي لي على سراج. جاد: ليه يا بوي؟ جابر: سراج بجى راجل، ولازم يعرف أبوه بيعمل إيه ووصلنا لإيه. جاد: حاضر يا بوي، عأنادي عليه دلوقتِ. جابر: دلوقتِ اتصرف في كل المحاصيل اللي متخزنة في المخازن، عايز تجمع لي أكبر قدر من السيولة، وبلغ أدهم أن يجمع الفلوس اللي لينا كلها. جاد: تمام يا بوي. ***

عتجول إيه يا خالة؟ عتمشوا من البلد؟ عتروحوا فين؟ دلال: بلاد ربنا واسعة يا ولدي، المهم نخرجوا من البلد دي، ما عدناش حد فيه. حتى حج جوزي معرفهاش، هو عند مين اتقتل ولا حد سأل ولا ورى، عشان ملوش حد في البلد ولا حد يدور على حجه. بلال: بس الحكومة لسه بتحقق في الموضوع، وأكيد حيعرفوا القاتل. دلال: وبعد ما يعرفوه، مين حياخد حق جوزي؟ أنا ولا بنتي؟ بلال: أنتي عارفة زين يا خالة، إني رأيي ميادة وعايز أتجوزها.

دلال: عارفة يا ولدي، بس ما ينفعش نقعد في البلد. بلال: ليه بس يا خالة؟ أنا إحنا حنتجوز، وأنتي حتقعدي معانا، وحنعيش كليتنا في بيت واحد. دلال: كيف بس يا ولدي؟ أقعد معاكوا كيف؟ ما ينفعش واصل. أنا عارفة إنك حتحبها، وهي حتحبك. بس ما ينفعش واصل. الله يخليك يا ولدي، سيبنا نروح لحال سبيلنا ونشوف حياتنا بره البلد. ما عدناش قعاد في البلد. خلال، لو عايز تساعدنا، شوف لنا حد يشتري الجواهر.

بلال: حاضر، من عنيا. بس عايزك تفكري في الكلام اللي قلته لكِ زين. أنا ححب بتك، ومني عيني إني أتجوزها. دلال: همتك معانا بس، تشوف حد يشتري الجواهر، واللي فيه الخير يقدمه ربنا. *** سراج: معقول إيه ده يا عمي؟ إيه اللي حيحصل ده؟ كيف أبوي يعمل أكده؟ أبوي أكده ضيعنا كلنا. جابر: ضيعنا يا ولدي، مصيبة وجعرة وحطنا فيها، وكلنا ما نعرفش نخرج منها.

سراج: الله يسامحك يا بوي، دا أنت ولا كأنك عيل صغير. كل شوية مشكلة من شكل. دا أمي لو عرفت اللي حصل ده، حيجرا لها حاجة. جابر: إحنا مش في أمك دلوقتِ يا ولدي، إحنا في المصيبة دي. أبوكِ مختفي بعد ما عمل عملته، وأنا معرفش هو فين. والخسيس اللي صور المصيبة دي عايز عشرة مليون جنيه، وأنا بدبر في المبلغ وهديه له عشان آخد الفيديوهات اللي معاه. سراج: وإيش دراك يا عمي إنك بعد ما تديله الفلوس، حيدية الفيديوهات؟

دا زمانه عمل نسخ منهم عشان كل شوية يبتزك بيها. أكيد بينه وبين أبوي حاجة عشان يعمل معاك أكده، بصوره ويبتزه بالصور. جابر: لا يا ولدي، العداوة دي بيني وبينه من سنين. بوكِ مالوش دعوة بيها، بس الخسيس ده مصدق إنه مسك حاجة على حد يخصني، وبيلوي دراعي بيها. سراج: والله يا عمي، أبوي اللي لوى دراعنا كلنا، ومش دراعنا بس، دي رجالنا كمان. جابر: المهم يا ولدي، ما يعزّش حد يعرف الموضوع ده، لما نشوف حنتصرف إزاي.

سراج: متتعشمش في أكده يا عمي، بكرة البلد كلها تعرف وتبجى سيرتنا على كل لسان. وده كله بفضل أبوي، الله يسامحه. اسمعني يا عمي، أبوي كان شارى أرض كتير وكاتبها باسمي ومديني عقدها، وجالي إني ما أقولش لحد واصل، ولا حتى أمي وأختي. وكمان فيه فلوس كتير شايلها، وأنا عارف مكانها. كل ده، لو احتاجته، أتصرف فيه وأدبر الفلوس. مع إني مش مقتنع بدفع الفلوس، وعارف إن الفلوس حتندفع، وبعدين الناس كلها حتعرف برضه.

جابر: فلوس وأرض منين يا ولدي؟ وجابهم كيف؟ سراج: معرفش يا عمي، والله، هو أدهوم لي من شهر فات. جابر: واااه يا ابن أبوي، يبجى شك في محله، وأنت متورط في الشغل مع سعفان الكلب، الشغل اللي أنا متأكد إنه كله شغل قذر. سراج: طيب والعمل إيه دلوقتِ يا عمي؟ جابر: العمل عمل ربنا يا ولدي، جهز لي الفلوس اللي معاك، لما نشوف حنعمل إيه. *** في الجناح الخاص بوضاح وشمس.

شمس في الحمام بترجع. وضاح لسه بيفتح عينيه. سمع صوتها، بالرغم من أنها بتحاول تكتم صوتها عشان ما يسمعهاش. إلا أنه برغم كده سمعها. وضاح قرب من الحمام وخبط عليه. وضاح: شمس، شمس، مالك؟ أنتي تعبانة؟ شمس: لا، مانيش تعبانة، أنا زينة، ما فيش حاجة. وضاح: طيب افتحي الباب، عايز أشوفك. شمس: حاضر، ثانية واحدة، عأفتح أهو. وضاح: تعالى، تعالى ارتاح. مالك؟ فيكي إيه؟ شمس: مفيش، جلتلك باين أكده، خدت برد في معدتي.

وضاح: والبرد يخليكي ترجعي؟ مش قادرة تصلبي طولك؟ شمس: آه، البرد يعمل كده. وضاح: طيب قومي البسي عشان نروح الدكتورة، إلا تكون الزايدة ولا حاجة. شمس: لا، لا، أنا حألبس حاجة تقيلة وأشرب حاجة دافية، وحأبجى كويسة. وضاح: مفيش الكلام ده، لازم نروح للدكتورة. شمس: لا، مش حأروح لدكاترة. وضاح: قرب منها وضمها لصدره، وملس على شعرها. خبريني عاد، أنتي لسه زعلانة؟ إياك، إحنا مش خلاص اتصالحنا؟

شمس: لا، مش زعلانة ولا حاجة، بس أنا حأبجى كويسة، ما عايزاش أروح لدكاترة. وضاح: بس أنا عايز أطمن عليكِ، ومعجدرش أخرج وأسيبك تعبانة أكده. شمس: ما أنا جلتلك، حأشرب حاجة دافية وحأبجى كويسة. وضاح: خلاص، بس توعديني لو تعبتي، تتصلي بيا عشان أجي آخدك للدكتورة. شمس: حاضر. حأحضر لك الفطار على ما تسبح. وضاح: أنا عايز أقول لك حاجة الأول. شمس: جول طيب، أنا سمعاك. وضاح: طيب، جربي تعالي. شمس: وضاح، عتعمل إيه؟ معينفعش أكده.

وضاح: وإيه اللي عيجل نفعه؟ لازم أصبح عليكِ وبضمير كمان. أنا بجيت بتوحشك، وأنتي في حضني، فما بالك لما بتبعدي. شمس: وضاح، عتعمل إيه؟ سيبني، الله يخليك. أمك عتنده عليكِ دلوقتِ عشان نحضر الأكل. وضاح: تنده ومتندمش، ما سيبكيش لو إيه. اللي عيوصل، فاهمه؟ تعالي بجي، متغلبنيش. عجولك حاجة سر. شمس: وضاح، الله يخليك.

وضاح: جلب وضاح، مبجتش أجدر على بعدك يا حبيبتي، أنتي جننتيني خلاص. تعمق في تقبلها بكل شوق وحب، وابتلع كلامها واعتراضها في قبلة طويلة كادت أن تفقدها أنفاسه فيها، فتركها تتنفس، وانتقل من شفتيها إلى عنقها ليضع على عنقها علامات حبه وعشقه لها، محدثاً إياها. ريحتك تجنن، بتطير لي عقلي، كل حاجة فيكي تجنن يا حبيبتي. كلمات وهمسات أذابتها بين يديه، حتى أسلمت حصونها له، وهام معها في بحور العشق، ليغدقها وضاح بحبه وبحنانه، وتذوب هي بين يديه كذوبان السكر في الماء.

*** اتفضل يا عمي، دي كل الفلوس اللي شايلها هنا، ودا ورث أرض اللي هو اشتراها. خد يا با جابر، ده كل الدهب اللي اشتراه لي أنا وهند بنته كمان. جابر: ينظر لها بدهشة، وينظر لسراج. سراج: أنا جلت لأمي يا عمي، أمي لازم تعرف كل حاجة، يا عالم الموضوع عيرسي على إيه.

دلال: متجلجش يا بابا جابر، أنا من يوم ما اتجوزته، وأنا عارفة عنه مصايب كتير، وما بيتكلمش ولا جول لحد. بس الله يخليك يا با جابر، طلعه من الموضوع ده. هو ما يعنيهوش الفضيحة، بس الفضيحة حتجعد لأولاده وليكم كلكم. جاب: ربنا يسترها يا أم سراج، ربنا يعديها على خير المرة دي. هو مريح دماغه، وما عرفتش هو اختفى راح فين، وإحنا هنا اللي شايلين الهم.

دلال: الله يسامحه في اللي بيعمله فيا وفي ولاده. ولا الحاجة لو عرفت الموضوع ده، ده حتروح فيها. جابر: أوعي، يا أم سراج، حد يعرف. أنا ما كنتش عايزك أنتي تعرفي. دلال: ما يهمكش يا با جابر، مع أخوكِ ياما دجت على الراس طبول، وشفت منه كتير. مش فارجة معايا بجى. وبعدين ده مش جوزي بس، دا ابن عمي وتربية معاه. حتى لو مش جوزي، لازم أقف. جابر: أصيلة يا أم سراج، أصيلة. ربنا يبارك لكِ في ولادك.

بعهدهالك يا فجرية، أنتي يعني شافك وأنتي بترجعي؟ طيب، جلتيله إيه؟ شمس: جلت له عندي رطوبة في معدتي. صالحة: وصدجج؟ يا مجندلة. شمس: صدجني، وما سألش علي حاجة. صالحة: وعتفضاي مخبية لميته؟ شمس: لحد ما أتأكد إنه بيحبني. صالحة: وعتتأكدي ميته؟ يا ست الحسن والجمال، أنتي لسه متأكدتيش بعد كل اللي عيعمله؟ شمس: لا، متأكدتش. واطلع منها يا صالحة. صالحة: حليت يا جلبي. أنا ماشية عشان توحشت أدهم حبيبي.

شمس: مشي يا أختي، مع السلامة، أنتي أصلاً معندكيش حيا. صالحة: مش جوزي وحبيبي، حأخبي ليه؟ يعني. وخدي بالك، وضاح لو عرف أنكِ حامل ومخبيه عليه، ما حيعيدهالكِيش واصل. ولا أمي حتديكي من المنجي. معرفش أنتي مخبية ليه أصلاً. شمس: يالا يا صالحة، يالا يا جلبي، قومي روحي، زمان جوزك اتوحشك زي ما أنتي اتوحشتيه. يالا، يالا. صالحة: ماشية يا أختي، ماشية، متزجيش. يانهارك مش فايت، هوانتي حامل. داليا: إيه يا ماما؟ بتكلمي نفسك؟

نادية: أكلم نفسي؟ دا أنا عايزة ألطم على وشي. كل ما تتحل من جانب، تتعقد من جانب تاني. الست هانم طلعت حامل. داليا: ست هانم مين؟ نادية: شمس هانم، ثبتت أقدامها خلاص. داليا: يانهار أسود! حامل إزاي؟ نادية: زي الناس يا أختي، حامل. داليا: هو الموضوع ده معقد كده ليه بس؟ لا، اللي في بطنها ده لازم ينزل، لو إيه اللي هيحصل. نادية: وحينزل إزاي يا فالحة؟ دي بتكلمنا من بالضالين. عايزاها تاكل ولا تشرب من إيدينا؟

داليا: مش شرط تاكل ولا تشرب، تقع، تتكعبل، أي حاجة من دي. سيبيني أنا بقي الموضوع ده. بس أو عي خالتك تعرف حاجة. دا مهما كان ابن ابنها. ولا العقربة عزيزة دي كانت تولع فينا. مدام هي مخبية عليهم إنها حامل، خليهم كده، ما يعرفوش، لما إحنا ننفذ اللي إحنا عايزينه، ويتم المراد على خير. اللي هما لازم يعرفوه إن وضاح ليا، ومش حيكون لأي حد غير ليا.