رواية غيرت حياتي الفصل الثاني 2 - بقلم سلمى ابراهيم

فتح باب الفيلا، سمع صوت صراخ جاي من أوضتها. مترددش لحظة وطلع بسرعة للأوضة. لقاها على السرير وهدومها متقطعة، وفي واحد بيغتصبها. جري عليه بسرعة وشده من عليها. "إنت بتعمل إيه يا ابن الـ***" ونزل فيه ضرب. قامت ليان لمّت فستانها بتداري نفسها وجسمها المتجرح بطريقة بشعة. ليان ببكاء شديد: "سيبوه." بصلها آدم بصدمة: "نعم؟! ليان بصراخ: "سيبوه." سابو. آدم وفي ثانية واحدة كان جري.

"ليان ممكن أعرف إنت مين وإيه جابك هنا وإزاي دخلت البيت أصلاً؟ آدم: "أنا جاي آخد ليان بنت أمجد الزفت عشان تتعشى في المطعم معاهم. هي فين ست ليان بقى؟ ليان: "أنا سألتك سؤال." آدم: "وإنتي مالك إنتي أنا مين؟ إنتي اللي مين؟ ليان: "هو إنت ابن نجوى مرات بابي؟ آدم: "هو إنتي ليان؟ ومين بقى الشاب اللي كان معاكي دا إن شاء الله؟ ليان بتوتر: "احم... ممكن أطلب منك طلب ولو سمحت نفذه." آدم: "خير."

ليان: "ممكن بابي ميعرفش حاجة عن اللي حصل دا؟ أنا بس مش عاوزة أقلقه عليا، فاهم؟ آدم: "أنا مليش دعوة بيكم أصلاً. يلا هستناكي بره، خلصي واخرجي." وخرج بره الأوضة. في الوقت دا جت لليان فكرة. آدم: "الو... أي يا حبيبي." ملك: "عامل إيه يا حبيبي؟ أتنهد آدم: "كويس يا حبيبتي... طمنيني إنتي عليكي." ملك: "وحشتني وعاوزة أشوفك." آدم بابتسامة فرحة لأنه بيعشقها: "بجد؟ إنتي بتوحشيني وأنتي في حضني... نفسي أتجوزك بقى يا بت."

ملك بفرحة ودلع: "وإيه مانعك؟ آدم بضحكة بتحبها ملك: "مفيش حاجة هتمنعني يا ملوكتي... إنتي بتاعتي يا بت، هتجوزك." ملك بفرحة شديدة: "إمتى بقى؟ إمتى؟ آدم: "حبيبتي أنا في آخر سنة في الكلية أهو، أول ما أتخرج هاجي لأبوكي على طول." ملك: "ونتخطب بقى؟ آدم: "هو إحنا لسه هنعرف بعض؟ هتجوزك." قاطعته خروج ليان. ليان: "أنا خلصت يلا." ملك بغيرة شديدة: "مين دي بقى؟ آدم بضحكة خفيفة: "يا قلبي هقولك أكيد." ملك: "طيب هنتقابل إمتى؟

آدم: "هكلمك بليل أظبط معاكي." ملك: "ماشي." آدم: "بحبك." ملك: "بموت فيك." وقفلوا. ليان بصتله كده. "هو إنت مرتبط؟ آدم: "ميخصكيش... يلا ورايا." بصتله بقرف كده ومشوا. وصلوا لحد المطعم وأكلوا. عدى كام يوم. آدم م طايق نفسه ولا طايق إن أمه متجوزة كده، بس حاول يتأقلم. في يوم كانوا قاعدين على الفطار. ليان نزلت متوترة ودايخة وماسكة في إيدها حاجة. أمجد: "مالك يـ لي لي؟ في إيه يا حبيبتي؟ ليان برعشة: "أنا... خايفة يا بابي أوي."

نجوى: "احكي بس يا حبيبتي... اعتبريني مامتك." بصت ليان لآدم. كده وهو كان بيكلم ملك شات. أمجد بقلق: "مالك يا ليان؟ في إيه؟ اتكلمي." ليان اتجرأت: "بابي أنا.... أنا حامل." كلهم قاموا بصدمة. أمجد برق عينه بصدمة: "إنتي بتقولي إيه؟ ليان بعياط: "ماتتكلم يا آدم." نجوى بصدمة: "وآدم ماله؟ ليان: "أنا حامل من آدم." آدم بصدمة شديدة: "نعم يا روح أمك؟ ... آدم مين اللي إنتي حامل منه؟ ها؟