رواية غيرت حياتي الفصل الثالث 3 - بقلم سلمى ابراهيم

آدم.. نعم يروح أمك... حامل من آدم إزاي! ليان بعياط شديد.. أنت بتنكر ليه أنت مش فاكر. آدم بضحكة ساخرة.. فاكر إيه.. أنتِ هبلة ولا إيه. أمجد فقد أعصابه.. وبعدين معاكم... ليان إيه اللي حصل. ليان بعياط شديد.. يا بابا... اللي حصل يوم ما هو كان جالي البيت عشان ياخدني، أنا كنت بغير هدومي... دخل عليا الأوضة و... مش قادرة أكمل. نجوى حطت إيديها على بوقها بصدمة.. إيييي... أنت يا آدم!

آدم كان مصدوم من تفكير ليان.. أنتِ بتقولي إيه.. أنا اللي لما جيت لقيت معاها واحد وكان بيغتصبها وأنا لحقتها منه. ليان صرخت بعياط شديد.. اخرس.. أنا مستحيل أدخل حد البيت وبابا مش موجود.. أنت إزاي تقول عليا كده. أمجد بعصبية شديدة.. اخرسوا أنتوا الاتنين... أنا عاوز أعرف منك حاجة واحدة... هو عمل كده برضاكي ولا غصب عنك. ليان.. بصراحة... في الأول كان غصب عني... بس بعدها استسلمت له. آدم بزعيق شديد.. أنتِ مجنونة...

إيه اللي أنتِ بتقوليه ده. كانت ملك ساعتها في البيت ومرة واحدة آدم قطع كلام معاها ودي أول مرة يقطع الكلام من غير ما يقولها إنه هيعمل حاجة... بدأت تقلق. اخت ملك نور.. مالك يا لوكا في إيه. ملك بتوتر.. آدم... كنا بنتكلم مرة واحدة قفل كده. نور.. عادي يا حبيبتي تلاقيه بس بيعمل حاجة. ملك.. ده عمره ما عملها والله. نور.. طب رني عليه كده. أمجد.. آدم... بنتي حامل منك يا آدم. آدم بعصبية.. أقسم بالله ما لمستها حتى.

أمجد.. وهي هتقول عليك كده ليه. آدم.. عشان تداري على الواد اللي كان معاها ده. ليان بعياط شديد.. كداب... أنا لما قلت له إني حامل قال لي أنا لا يمكن أعترف بيه عشان كده كان لازم أنتوا تدخلوا. آدم حط إيده على وشه وضحك.. لا.... برافو بجد.... أمجد.. إحنا ممكن نعمل DNA ونثبت نسب الزفت اللي في بطنها ده. نجوى.. مينفعش قبل الشهر التاسع على الأقل. آدم.. يعني إيه....

ليان.. يعني ابنك اللي في بطني مش هنعرف ابنه غير لما أولد يا آدم. آدم.. أيوه إيه المطلوب مني دلوقتي. أمجد.. تتجوز البنت. آدم بزعيق شديد.. إيييي! أتجوز مين! هو أنا هشيل شيلة غيري.. أنا ملمستهاش وربي ما لمستها. ليان.. والله العظيم قربت مني.. حلفان قصاد حلفانك. أمجد.. اتكلمي يا نجوى.. شوفي ابنك بعد اللي عمله عاوز يخلع. نجوى.. متخافش يا أمجد .... متخافيش يا ليان.... آدم هيتجوز ليان. آدم بصدمة.. أنتِ بتقولي إيه يا أمي!

نجوى بزعيق شديد.. اخرس... مش كفاية اللي عملته.. كمان بترد عليا. آدم.. والله العظيم ما عملتش حاجة..... نجوى بحدة.. على العموم مش كتير هما 9 شهور وهنعرف. آدم بص لأمه.. ليان كده اللي كانت منهارة من العياط... بعدها لقى تليفونه بيرن.. ملك بترن عليه.. فضل باصص للتليفون كده مش عارف يعمل إيه.. سابه لحد ما بطل رن. أمجد.. كتب الكتاب بكرة. آدم بزعيق.. أنا مش هتجوز حد. ليان بانهيار.. يعني إيه ها يعني مش هت..... واغمى عليها.

نجوى جريت عليها وأمجد وشالوها لأوضتها. كل ده وآدم تايه.. يعمل إيه عشان يثبت إنه مقربلهاش. الدكتورة.. المدام حامل في الأسبوع التالت.. ياريت تفضل نايمة على ضهرها ومتتحركش كتير حركة البيبي مش مستقرة.. عن إذنكم. أمجد.. وبعدين يا نجوى هنعمل إيه. نجوى.. آدم هيتجوزها يا أمجد ويصلح غلطته. أمجد.. هو مش عاوز يعترف بيه. نجوى.. مش عارفة.. أكيد مكسوف مني. أمجد.. آدم أنتي أكتر واحدة عارفاه... يعملها؟ نجوى.. مش قادرة أفكر...

خايفة أقولك يعملها.. أظلمه.. خايفة أقولك ميعملهاش.. أظلم بنتك. طلع آدم على أوضته وهو على آخره.. ملك قلقها زاد وعمالة ترن وهو مش بيرد خالص.. مش عارف هيقولها إيه. ملك.. لا كده كتير يا نور... أعمل إيه. نور.. روحي له. ملك.. أروح له فين! أنتِ اتجننتي! نور.. أي ماهي مامته معاه.. لازم تطمني عليه. ملك بتفكير.. لا لا... بصي... لو مكلمنيش النهاردة هروح له بكرة... وربنا يستر. راحت نجوى لابنها. نجوى بحدة.. هو أنت مش بتحب ملك؟

إيه خلاك تعمل كده. آدم.. أمي أنا كل ده وماسك أعصابي.. أقسم بالله لو سبت نفسي لأروح أقتلها. نجوى.. وحياة أمك..... ظبط كده معايا وأنت بتتكلم. آدم.. أمي أنتِ عارفة إني بحب ملك.. هعمل كده ليه. نجوى.. ليان حلوة... إيه يمنعك يعني. آدم.. خوفي من ربنا... تربيتك ليا... أخلاقي... إيه كل ده ميمنعنيش... هو أنتِ لسه عارفاني يا أمي. نجوى.. كل ده ممكن يروح في ساعة شيطان....

على العموم مش هظلمك.. أنت هتكتب عليها عشر شهور ونعرف تبع مين بعدها نكتشف. آدم.. ومين يا أمي. نجوى.. اتصرف..... قولها أي حاجة. آدم فضل يناهد فيها بس استقروا إن خلاص هيكتب كتابه عليها بكرة. عدى اليوم وملك قامت تلبس عشان تروح تشوفه.. لكن افتكرت إنه غير بيته. نور.. آه صحيح... طب وهتعملي إيه. ملك دموعها نزلت.. هو أنا إزاي هونت عليه يعمل فيا كده ويقلقني. نور قامت حضنتها.. حبيبتي أكيد والله حصل حاجة.

ملك بعياط.. هو عارف إني بحبه ومقدرش على اللي بيعمله فيا ده.. لازم يطمني. نور.. طب رني بس تاني كده وإن شاء الله يرد. كان نايم آدم... صحي على صوت رنة التليفون لقاها ملك.. بص كام ثانية كده ومقدرش ميردش. آدم بصوت نايم.. الو... إيه يا حبيبتي. ملك بلهفة.. آدم... أنت فين مكلمتنيش من امبارح ليه. آدم بدأ يفوق.. أحم... آسف يا حبيبتي والله كان حصل حاجة كده. ملك.. حصل إيه. آدم.. أحم.... إيه... بنت أمجد اللي كنت حكيتلك عنها دي...

تعبت امبارح وجابولها دكتور وكده. ملك.. أيوه ليه بردو مطمنتنيش. تنهد آدم.. آسف يا حبيبتي.. وعد مش هتتكرر تاني. ملك بحزن.. تمام. آدم.. هقفل دلوقتي وهكلمك بعدين. ملك انصدمت من طريقته.. زي ما تحب... وقفلت وفضلت تعيط أوي. آدم زعل من نفسه أوي إنه كلمها كده. قام من سريره يلبس ويجهز. عدى الوقت واتكتب الكتاب. ليان كانت مستنية آدم في الأوضة ومرعوبة منه.. تري هيعمل معاها إيه بعد ما هيكونو لوحدهم.

دخل آدم الأوضة.. قلع الجاكيت كده ورماه في الأرض. ليان انتفضت بخوف. آدم.. قوميلي بقي يا حلوة... عشان نتكلم.. أنتِ إزاي تقوليلهم اللي حصل بينا. ليان.. حامل يا آدم... أعمل إيه يعني.