رواية غيرتني صعيدية الفصل الخامس والعشرون 25 - بقلم اية علي الشربيني

ذهب الجميع إلى المنزل. نزلت رهف وهي تتجنب النظر إلى حازم. وقفت هايدي بجانبها، فقد عزمت نفسها على الغداء. نظرت هايدي إلى رهف بخبث، وقبل أن تذهب، اقتربت من حازم وقالت: "بيبي، تعالي نقعد هنا، انت وحشتني أوووي." رد حازم وقال لها: "محتاج أغير هدومي بس." سردت هايدي بدلع وقالت: "أوكي يابيبي، بكرة أنا اللي هساعدك في تغيير هدومك." نظرت رهف باشمئزاز وقالت: "ياله ياورد علشان جو العشق الحرام ده بيقلب معدتي."

كتمت ورد وشادي ضحكتهما. قالت ورد: "ياله ياخيتي." نظر حازم بغضب وقال: "المكان اللي بيقلب المعدة اللي بتبقى فيه." ردت رهف وقالت: "خليك هنا يا بيبي، إيه الجلع الماسخ ده، بجيت بيبي؟ ممكن صوح، متنسيش يا جطة تجيبله الببرونة." ضحك شادي بهستيريا ونظر إلى حازم الغاضب. قال: "روحي يا ورد خدي رهف وادخلي." ردت ورد وقالت: "بالإذن." رد حازم بصوت غاضب وقال: "هقص لك لسانك قريب يا رهف." ردت رهف وهي ذاهبة وقالت:

"بشوف منك حديد ومفيش فعل يا ود عميا." ازداد غضبه. قال شادي: "اهدى يا حازم، دي مهما كان دي بنت." ردت هايدي بمكر وقالت: "شادي عنده حق يا بيبي، بس برضه عيب تقول الكلام ده. زومي مفيش حد زي." زجر حازم بعصبية وقال له: "اسكتي خالص، وبلاش كلمة بيبي دي تاني، انتي فاهمة." تركها وذهب. نظرت هايدي لشادي وقالت: "شايف البنت البيئة دي خلت حازم يزعل إزاي." اقترب شادي وقال بغضب: "لسانك ميطولش عليها، دي أختي، وخليكي في حالك." ردت هايدي

بتمثيل وهي تبكي وقالت: "كده تهزقني يا شادي، كده تبهدلني." أغمي عليها. نظر شادي بذهول على تلك الحية على رأي رهف. قال: "حازم، تعالي بسرعة، هايدي أغمي عليها." جرى حازم وذهب وشالها وذهب بها إلى غرفته. ظل يفوقها حتى فاقت. وقف الجميع في غرفة حازم. قال حازم: "مالك يا هايدي، إيه اللي حصل." مثلت هايدي وقالت ببكاء:

"انت زعقتلي علشان بقولك بيبي، وعلطول بقولهالك وسبتني ومشيت. وحتى شادي بهدلني علشان بقوله رهف مكنش ينفع تعمل كده مع حازم. رد وقالي انتي مالك، هي براحتها. ومهي مش غلطانة، وانتي السبب في اللي بيحصل ده. كان زمان حازم مع رهف دلوقتي." نظر شادي بصدمة وقال:

"انتي كدابة أوووي، متصدقيهاش ياحازم، دي شتمت على رهف. قولتلها وقالت عليها بيئة. قولتلها مطوليش لسانك عليها، دي أختي. لقيتها ردت عليا وقالت بتشتمني ياشادي، وأغمي عليها. والله مقولت كل اللي بتقوله ده." نظر حازم وقال: "الكل يخرج بره، مش عاوز كلام." خرج الجميع وهم مصدومون من اللي حصل. نظر حازم إلى هايدي وقال: "هايدي، شادي عمره ما يعمل كده أبدًا، ياريت بلاش تكدبي. أنا لحد دلوقتي هادي." ردت هايدي بتمثيل وبكاء:

"أنا مش بكذب عليك، انت متأكد إن شادي مش بيحبني ومش عاوزني أكون ليك." اقترب حازم وظل يهدئ فيها وقال: "اهدئ يا هايدي، بس أنا عارف شادي كويس." ردت وقالت: "خلاص يا حازم، هثبتلك ده مع الأيام، إن هو مش عاوزني وعاوزك تتجوز رهف، وهثبتلك إن هو بهدلني." رد حازم وقال لها: "طيب ارتاحي انتي، وأنا هروح أغير في غرفة تانية." ردت هايدي وقالت: "روح خد شاور يابيبي، وأنا قاعدة عادي، خليك هنا." رد حازم باستغراب وقال لها:

"مش هتتكسفي ولا إيه." نهضت من السرير واقتربت منه وقبلته في خده وقالت: "أنا بحبك أوووي أوووي، ونفسي أكون معاك دلوقتي قبل بكرة." رد حازم وقال لها: "وأنا كمان ياحبيبتي، بس ابعدي شوية لو حد دخل هيفهمنا غلط." ردت هايدي وقالت: "ليه، الكل عارف إننا هنتجوز، عادي يابيبي." تذكر حازم رهف واشمئزازها من قربهم. قال: "أنا رايح آخد شاور." ذهب وتركها. جلست هايدي على السرير وهي تبتسم بمكر وقالت:

"أنا اللي هكوش على كل ده ومش هسيب رهف تاخدك، وشادي ده همحي من حياتك. هدمركم كلكم زي ما دمرتوا بابا ومات ونهبتوا كل حقه. آه كان شريك أونكل كارم، بس أخد كل حاجة مننا. مش هسيبكم تتهنوا." خرجت هايدي من غرفة حازم وقبلت رهف في وجهها هي وورد وقالت: "خدوني معاكم تحت علشان حازم بياخد شاور، وخرجت لأني بتكسف، بس زومي قليل الأدب كان عاوزني أقعد، بس هربت منه بالعافية." نظرت رهف إليها باشمئزاز وقالت:

"في نار جهنم وبئس المصير، أعوذ بالله." ردت هايدي وقالت لها: "أنطي أوفر جدار." ردت ورد بغضب وقالت: "إني كنت خابرة إنك كدابة وافترتي على شادي يابوز الأخص. أنتي، أنتي جليلة الرباية، ولمي لسانك أحسن لك، هجلع اللي في رجلي وهطرقع لك على وشك ونفوخك يا وكالة ناسك." ردت هايدي وقالت: "احترمي نفسك يابيئة، أنتي إيه كمية القرف اللي بتقوليه ده، ولهجتك غريبة أوووي. ذوق شادي قزر أوووي." اقتربت منها رهف وقالت:

"هقولك حاجة وحطيها في ودانك زين. الجزارة والجرف اللي في الكون كله اتجمعت فيكي يا أنثى البرص. أنتي بتشبهيني بسحلية، بس ظلمتها. أنتي عجربة وحرباية. أوعاكي تفكري إن اللي عملتيه ده خال عليه، إني فهماكي زين وعارفة إنك متحبيش حازم واصل. بس نواياكي الخبيثة دي متعملهاش عليا، ولسانك الزفر ده هجصهولك لو طول علينا." اقتربت رهف وشدت أذنها وقالت: "ودانك دي سمعتني ولا أجطعهالك يا عرة النسوان أنتي." انتهت رهف. حتى لفت

نظرها تصفيق ورد وهي تقول: "يسلم خشمك يا خيتي." نظرت إليها هايدي بشر وقالت: "أنا هوريكم ومش هسيبكم تتهنوا، وأنا وانتي والزمن طويل يابيئة منك ليه." مسكتها رهف من شعرها وقالت: "البيئة الجزرة اللي أنتي منها يا جليلة الرباية. إني وراكي والزمن طويل يا مصدية. روحي يا بت، أنتي محتاجة تعديل في خلقتك اللي مبوظها بنفخ اللي بتنفخي والشد اللي بتشدي. انجري يا عرة من هنا." قالت هايدي وهي ماشية:

"هوريكم يا رهف، وهعرفك اللي عملتيه ده هيخسرك كتير، وهخليكي تندمي وتترجيني أعفي عنك." ردت رهف وقالت: "امشي يا عرسة من هنيه، وفري كلامك أحسن." نظرت ورد إلى رهف وهي تضحك وقالت: "هموت، ده أنتي خليتيها هربت صوح. ملكة الصعيد، تصدقي انتي صدقتي في كل اللي جولتي." أتاهم صوت من الخلف وقال: "أنا وقعت من الضحك، إيه ده، طلعتي شرسة ودمك خفيف كمان، ده إيه المواهب الجامدة دي." ردت رهف وهي تبتسم وقالت:

"يا خوي، البت نافشة ريشها علينا، ونوايها مجرفة زيها. هروح أغسل يدي من الجرف اللي مسكته." رد شادي بضحك وقال: "والله ما لكم حل، غسلتوا البت." ردت ورد وقالت له: "المرة الجاية هنتف ريشها أجدع، وأسلوخ قبل ما أدبح." رد شادي بضحك وقال: "متجوز جزارة ياربي، بس بحبك يامجنونة أنتي." ردت ورد وقالت له: "ما أنت مجنون، مش جديد عليك، إني مجنونة يا خوي." رد شادي وهو يمثل وقال: "قلبي هيجيلي جلطة، بقيت أخوكي يعني، مش شايفة إني جوزك؟

مثل." ردت ورد وقالت له: "تصدق يا شادي، تنفع في التمثيل جوى." عدل شادي ملابسه كنوع من الكبرياء وقال: "هيموتوا عليا وأمثل، بس أنا اللي مش موافق." ردت ورد وقالت له: "الجر في نظرك غزال، وأنت آخرك دور مجنون، بس." تركته وجرت. جرى شادي وقال: "خدي يا أم لسان طويل، والله ما هسيبك، هوريكي الجنان صح." نسيبهم في هبلهم ونروح لحازم وهو بيقول في الفون: "انتي فين دلوقتي." ردت هايدي وقالت: "في البيت يابيبي." رد حازم وقال لها:

"روحتي ليه من غير ما تعرفيني." ردت هايدي بكذب وقالت: "مامي رنت عليا، تعبت فجأة، وروحت أشوفها." رد حازم وقال لها: "وهي عاملة إيه دلوقتي." ردت هايدي وقالت له: "بقيت أحسن، أخدت العلاج ونامت." رد حازم وقال لها: "ألف سلامة عليها." ردت هايدي وقالت: "الله يسلمك يابيبي." وقفله. خرج حازم من غرفته وطلع إلى الجنينة. نظر ليجد شادي وورد بيجروا، وشادي يقول: "أنا قرد يا ورد، والله ما هسيبك." ردت ورد بضحك وقالت له:

"لأ يا جلبي، أنت قمر، مين القمر اللي قال عليك قرد، بس." رد شادي وقال لها: "يابت متجننيش، انتي اللي قولتي." ردت وقالت: "قولت إيه." رد وقال: "إني قرد." ردت وقالت بضحك: "أجدع برضه، تجول على نفسك قرد." شد في شعره وقال: "هتجننيني، والله ما هسيبك." رد حازم وقال له: "إيه الهبل اللي انتو فيه ده، متأكدين إنكم هتتجوزوا بجد، هتجيبوا عيال مجانين ليه تظلموهم." رد شادي وقال له: "ونبي اقعد على جنب يا أخويا، مش بنت عمتك اللي هبلة."

رد حازم وقال له: "وانت إيه، ونبي كنت متصور هتتجوز إزاي، وورد طلعت نسخة، بسم الله ما شاء الله، ليقين على بعض. فيكم هبل من بعض." ردت ورد وهي حاطة إيدها في خصرها وقالت: "اتحشم منك ليه، إني مش هقول حاجة، لأني بلسم وهادية، غير جبر يلمكم انتو الاتنين." رد حازم وشادي في صوت واحد وقالوا: "ومش هتتكلمي، أمال لو اتكلمتي كنت عملتي إيه." ردت ورد وقالت لهم: "كنت هعمل صنية رقاق ومش هديكم منه." رد حازم وهو يخبط يد على يد وقال:

"اشرب يا شادي، طلعت أجن منك أحسن، أحسن." أتاهم صوت من الخلف يقول: "واني يا خيتي، مش هتديني حتة من الرقاق." ردت ورد بابتسامة وقالت: "هديكي يا جلبي خيتي، بس أوعاكي تديهم ولو جطعة صغيرة." رد حازم وقال لها: "صلاة النبي أحسن، نص العيلة طلعت هبلة." ردت رهف وقالت له: "ما أنت من النص الأهبل." رد حازم وقال لها: "وانتي من نص الدبش، يا كبير، عجبك اللبس اللي قولتك عليه." وغمز له. ردت رهف ببرود وقالت:

"عجبني، علشان كله هيبة بتاع رجالة صوح، مش ناس مستهترة يابيبي." نظر لها حازم بغيظ وقال: "متقوليش الكلمة دي تاني، أحسن لك." ردت رهف وقالت: "إيه، زعلت يابيبي؟ أيوه صوح، بتحبها من العرة اللي بتقولها لك، بتحبها بمياعة." كتم شادي ضحكته وحازم أخفاها. قال ورد بحزم: "ملكيش دعوة، متغاظة منها ليه." ردت رهف بكبرياء وقالت: "إني رهف الهواري، أتغاظ من عرة النسوان دي. عيشنا وشوفنا، إني أتشبه بالعرة المجشفة دي."

شادى وحازم فصلوا، ومقدرش يمسكوا نفسهم من الضحك. قال شادي: "إيه يابنتي حرام عليكي، هموت من الضحك. خليتي حتى حازم اللي المفروض يتعصب ضحك. يخربيت خفة دمك وكلامك العسل ده." رد حازم بغيرة ولكن أخفاها بهزار وقال: "انت بتعاكسها وقدام ورد كمان، اضربيه يا ورد." ردت ورد بابتسامة وقالت: "رهف خيتي، وهي خيت شادي كمان. وبعدين عادي، أضربة بدون سبب، بس تمسكهولي انت أحسن، ده مفتري جوى يا ود خالتي." رد شادي وقال لها:

"يابت أنا زي جوزك، يعني يعجبك كده يا رهف." ردت رهف بابتسامة سحرت حازم وقالت: "متخافش يا شادي، انت اتدبست وخلاص، واحنا مجانين ومعانا أمير يكمل الفرجة بتاعت." ردت ورد وهي تضحك وقالت له: "بتشهد رهف وهي رئيسة العصابة دي، هي الدماغ المخططة والعقل المدبر. دي هتجنن جوزها." قلب حازم دق وقال: "هي من ناحية هتجننه هتجننه، بس هتديله دبش، متنفعش تتجوز. ده الكبير برضه، ناقصها شنب بس." ردت رهف بحزم وقالت:

"إني مش هشكر في حالي، بس يوم ما أتجوز هيكون جوزي أسعد راجل في العالم، وعلى الأجل مش مستهتر، لأنه هيكون من اختياري وبموافقتي عليه، وجصر يا ود الهواري في الحديد أحسن، أعمل من صنية بطاطس." رد حازم بضحك وقال: "لسانك هيفضل يطول لحد ما يجي اليوم اللي هقصه، وهتبقي بنص لسان." اقتربت منه رهف وهي ماسكة كوب مياه وقالت: "كل شوية تجول ومش بتعمل حاجة، وإني بحب الأفعال، والبس ده علشان تحرم تجل أدبك تاني." وخرجت لسانها وجرت.

انصدم شادي وورد. وقال شادي: "يا حزن الحزن، هيتعمل من رهف صنية كفتة دلوقتي." نظر لها حازم بصدمة وتحولت لإعجاب لما طلعت لسانها وجري وراها وقال: "والله ما هسيبك يارهف، وهوريكي." مسك كوب المياه اللي على الطاولة وظل وراها وملاحقهاش. وطلعت على غرفتها وهو بيخبط على الباب. وفضلت تغيظه وتقوله: "مش هفتح، وكل في نفسك." رد حازم وقال لها: "مسيرك تيجي تحت إيدي يارهف، وهوريكي اللي هيحصل." دخل حازم ليغير ملابسه. وسعاد قالت:

"عايزين نبدأ تجهيز الأثاث ونرتب قبل الفرح، علشان الأيام اللي جايه هتبقى كلها شغل." ردت حورية وقالت لها: "عندك حق يا خيتي، نرتب هنا كل حاجة، وبعد الفرح هنعاود الصعيد نرتب شوية. أمير ووعد يرجعوا من الفندق، يلجوا كل حاجة زينة." ردت سعاد وقالت لها: "خلاص نبدأ بكرة، نظبط فيلا شادي وورد." ردت جميلة وقالت لها: "زين يا خيتي، وإن شاء الله هنخلص كل حاجة."