رواية غزل و سيف الفصل الثالث 3 - بقلم نيرا رشدي

في صباح يوم جديد استيقظت غزل. غزل: صباح الخير يا غزاله. وكملت باستغراب: هو أنا إزاي جيت هنا؟ وقامت من على السرير ونزلت. غزل: صباح الخير. الكل: صباح النور. وقعدوا فطروا. غزل: أمال فين يزن وريم؟ سليم: والله يا بنتي ما رضِيوش يصحوا وفضلنا نصحيهم وهما أبدًا. غزل بضحك: لسه متعودوش على تقاليدنا. وبعد عدة ساعات. قاطعهم نزول يزن. يزن: صباح الخير. الكل: صباح النور. غزل: صباح الفل والياسمين.

يزن بضحك: انتوا لسه محضرتوش الفطار ولا إيه؟ غزل: مين ده؟ دول فطروا وشربوا الشاي وقربوا ياخدوا القيلولة كمان. يزن: إيه ده؟ ده لسه الساعة 10:00. غزل: هو انت متعرفش؟ يزن: لا معرفش. غزل: أصل عندنا بنفطر على الساعة 6:00 كده. يزن: لأ بجد يعني أنا هقعد لحد الساعة 6:00 من غير فطار؟ غزل: 6:00؟ لا مفيش الكلام ده. عندنا الغداء الساعة 2:00 بالتمام والكمال. أما الساعة 6:00 اللي بتقول عليها دي بتاعة العشاء.

يزن: لأ بجد انتوا إزاي عايشين كده؟ غزل: انت اللي عايش إزاي؟ بص هما يومين وبعد كده هتتعود. يزن: تمام. طب في أي هنا يتاكل؟ غزل: فطير وعسل وجبنة. يزن: هو ده أكل ده؟ غزل: أكل في عينك؟ ده أجدع من أجدع أكلة عندكم. يزن بضحك: خلاص يا شبح براحة علينا. غزل: أيوه كده اتلم. هجيبلك تفطر. تمام؟ ماشي. هي ريم هتنزل إمتى؟ ولسه مكملتش الجملة ولقت ريم نازلة. غزل بضحك: يا شيخ!

يا ريتنا كنا جبنا في سيرة خمسة جنيه. ده احنا لو كنا بنتكلم على فلوس مكنتش هتيجي بالسرعة دي. يزن بضحك: حصل. ريم: بس يا خفيف منك ليها. وبعدين انتوا لسه الفطار مجهز ولا إيه؟ غزل لسه هتتكلم. يزن: لا سيبيلي أنا الطلعة دي. بصي اللي حصل كالآتي. وبدأ يحكيلها كل اللي غزل قالته. ريم: تمام. مش مهم. كده كده مش فاضل كتير. قولولي بقى هتطبخوا إيه على الغدا؟ غزل: رز وملوخية وأرانب. ريم: إيه؟ مستحيل. يزن: استلمي.

ريم: يعني انتوا هتجيبوا الأرنب مدبوح وبعدين تاكلوا؟ غزل: لأ ما إحنا اللي بندبحه هنا. يزن: يا ستي داري على شمعتك. أنا مش مسؤول عن اللي هيحصل. ريم بصويت: كاتي! كاتي! وطلعت تجري على أوضتها. ونزلت وهي شايلة أرنب. ريم باطمئنان: الحمد لله الحمد لله أن كاتي بخير. عارفين لو حد قرب من كاتي هعمل في إيه؟ غزل: اهدي اهدي. وبعدين انتي بتربي أرنب؟ ريم: أيوه طبعًا واسمه كاتي. غزل: اممم ربنا يعين.