رواية غزل و سيف الفصل الثاني 2 - بقلم نيرا رشدي

والكل سلم على يزن وريم، وكانوا مبسوطين جداً. الجد حس بوجع في قلبه جامد جداً. غزل نزلت وانصدمت. شافت سليم مرمي في الأرض. غزل جريت على جدها وهي مصدومة وبتعيط ومش قادرة. الكل جري على الجد وطلعوه أوضته. يزن طلب الدكتور. وبعد قليل الدكتور كان جه وكشف على الجد وقالهم إنه عنده مرض في القلب والحالة اتدهورت. الكل انصدم وبدأ يعيط. غزل: بس يا دكتور جدي ما كانش بيقولي على أي حاجة وعمره ما قالي إنه عنده مرض في القلب.

الدكتور: أيوه يا غزل، هو أكيد ما قالكيش عشان متزعليش. غزل: طب هو محتاج أي عملية أو أي حاجة؟ الدكتور: لا، لسه عندنا أمل. هو بس هتلاقيه نسي ياخد دوا. لازم ناجل العملية شوية عشان هو مش هيستحمل العملية دلوقتي. غزل: تمام يا دكتور، شكراً. والدكتور سابهم ومشي. غزل بدموع: يلا بقى يا حبيبي فوق، لازم تبقى كويس. ده أنت الشخص الوحيد اللي لو وقعت كلنا هنقع وراك، وبالذات أنا يا جدي. والله يا جدي أنت لو حصلك حاجة أنا ممكن أموت.

يزن: لو سمحت اهدي شوية. هو واخد حقنة ولازم ينام شوية. غير كده لو سمحت متجيبيش سيرة الموت على لسانك مرة تانية. يزن: يلا لو سمحتم كله يطلع على أوضته وينام. غزل: أنا مستحيل أسيب جدي، أنا هقعد معاه عشان لو احتاج حاجة. وبعد محاولات من يزن والعائلة عشان يقنعوها إنها تطلع أوضتها وتنام، طبعاً مقتنعتش. الكل سابها وراح أوضته عشان ينام ما عدا يزن وغزل. غزل: لسه واقف ليه؟ روح أوضتك نام. يزن: مش هينفع أسيبك وأدخل أنام.

غزل: ليه إن شاء الله؟ لكون خطيبتك مثلاً؟ يزن بضحك: لا يا ستي. وكمل بجدية: بس زي ما انت خايفة على جدي، أنا خايف عليه ويمكن كمان أكتر منك. غزل: ممكن أسألك سؤال؟ غزل: هو أنت ليه سافرت؟ يزن: والله كنت مضطر. جدي أجبرني إني أسافر، وأبويا كان معارضة. بس في النهاية جدي قاله: أنت وابنك وبنتك مستحيل تقعدوا هنا ثانية ثانية. وسافرنا. غزل بحزن: تعرف أنا كنت محتاجالك أوي. يزن: صدقيني كان على عيوني لما سيبتك ومشيت.

غزل بابتسامة: بس أديق اهو رجعت مرة تانية. ممكن أسألك سؤال تاني؟ يزن: أسألتك كترت اليومين دول، بس قولي في إيه. غزل: هو أنت ليه اتغيرت معايا؟ يزن بتوتر: إزاي يعني؟ غزل: مثلاً، الأول كنت بتقولي يا غزالة وكنا مقربين جداً من بعض وبنتكلم مع بعض كتير أوي.