رواية جمعهم الحب الفصل العاشر 10 - بقلم مريم حجازي، ندى ربيع، ريناد خالد

اقبل يا ادمن بارت 10 مريم بخضة: أعااا في أييي ندي بمرح: في أي يا ولية بتصوتي كدا ليه دا أنا بخضك بس مريم: يابعيدة حرام عليكي قطعتيلي الخلف هتموتيني هنا وفي الكلية ندي: لا لسه ياختي العمر قدامك طويل حسام: طب اقعدي ياختي عشان هتموتيني أنا ندي: مش عارفة مال قلبها رهيف كدا بتتخض بسرعة حسام: ماهي مش متعودة على شغل العفرتة دا... بس متقلقيش بكرا تتعود فهد وهو يتواجه نحيتهم: مين المعفرتة دي دا قمر ندي بزعل مصطنع: أيوه قولهم

أصلهم جايين عليا أوي مريم: ياااه عليكي دور تضحية كنت قربت أصدقك تصدقي حسام: يلا بلاش كلام كتيرررر وتعالوا افطروا وطول الفطار حسام مشلش عينه من على مريم... اللي كانت متوترة من نظراته وكملوا فطار وذهب حسام وفهد إلى الشركة يأتوا البنات إلى الفيلا ويقعدوا مع ندى ومريم وقت طويل إلى أن يأتي إليهم فهد فهد لندى: ندى يلا هنروح فيلتي ندي: أنت بتقول إيه يا فهد! فهد: بقول إني أنا هاخدك ونروح الفيلا عندي ندي بزعل: بس أنا عايزة

أقعد مع حسام ومريم فهد: هنبقى نيجي نزورهم كل شوية ندي: لا أنا هقعد معاهم... أقولك طلقني فهد بهدوء: يعني أنت عايزة تقعدي معاهم وعايزاني أطلقك... ندي بتوتر: أيوه هقعد مع حسام فهد: طيب تمام وراح شالها ومشي ندي بصدمة: فهد أنت اتجننت نزلني فهد: أنت مرضتيش بالذوق أجيبك بالعافية وركبها في العربية ومشوا عند البنات روما بضحك: مش قادرة هما الاتنين في الرومانسية معندهمش ياما ارحميني بجد مريم: شفتي وهو شايلها على

كتفه زي شوال البطاطس ضحي: بجد لايقين على بعض ربنا يديمهم لبعض بعد قليل كان يدلف حسام الفيلا بعد أن رحلوا البنات حسام: مريم هي فين ندي مش باينة مريم بتوتر: أصل فهد خدها ومشوا حسام: مشيوا راحوا فين مريم بخوف من رد فعله: خدها الفيلا بتاعته حسام بصدمة: أييي يعني إيه ياخدها كدا من غير ما يقولي... أنا هروح أرن عليه حسام وهو يهاتف فهد: فهد أنت إزاي تاخد ندي كدا من غير ما تقول لي... وإحنا مش قولنا إننا هنعيش مع بعض في الفيلا

فهد: هو أنا عملت حاجة غلط أنا واخد مراتي... وقولنا نسيبلك الفيلا أنت والعروسة ويومين وهنرجع حسام بتنهيدة: فهد يومين وترجعوا متتاخرش أكتر من كدا فهد: حاضر يلا سلام عند ندي وفهد بعد أن دلفوا الفيلا ندي بانبهار: واووو شكلها حلووو أوي يا فهد فهد بحب: عجبتك ندي: جدا تحفة بجد فهد: طيب يلا اطلعي غيري وانزلي عشان نقعد سوا ندي: أغير منين أنت جبتني زي شوال البطاطس مجبتش حتى هدومي

فهد بضحك: طيب اطلعي يا شوال بطاطس في الأوضة اللي في وش السلم هتلاقي هدوم في الدولاب ندي: ماشي وطلعت وسابته بعد قليل كانت تنزل ندي من أعلى الدرج وهي ترتدي بجامة طفولية أوي وعاملة شعرها قطتين فهد: متجوز طفلة ياربي ندي بزعل طفولي: متقولش طفلة فهد: أجمل وأحلى طفلة يا قلبي نروح للبنات عند روما كانت قاعدة في أوضتها وباصة في السماء وسرحانة روما: إيه دا التليفون بيرن برقم غريب... أما أرد الشخص: الوو السلام عليكم روما لنفسها:

أنا عارفة الصوت ده الشخص: الوو... يا دكتورة روما: أيوه مين الشخص: مين!! مش عارفة صوتي روما بتأكيد: أيوه يا مراد عليكم السلام ورحمة الله وبركاته مراد: إيه ده ما أنتِ عارفة الصوت بجد أهو روما يضحكه بسيطة: أيوه عارفاه كويس مراد: طيب ياستي مراد: آه صحيح مبارك عليكي الامتياز يا دكتورة روما بسعادة: امتياز!! بتتكلم بجد يا مراد مراد بضحك على طفولتها: أيوه بجد يا قلبي مراد روما: طيب وضحى ضحى عملت إيه..... ثم تنتبه لما قال!!!!

روما: قلبي مراد!!!! مراد بيغير الموضوع بسرعة وبياخد باله هو كمان من اللي قاله: أيوه وضحى كمان عدت بامتياز مبارك عليكو روما وتشعر بمشاعر مختلطة: الله يبارك فيك روما بتذكر: آه صحيح هو أنت جبت رقمي منين مراد: جبته من جروب الدفعة مكنتش عايزاني يبقى معايا رقمك ولا إيه روما: لا طبعًا لا لا مش قصدي كده مراد: فاهمك والله أهدي أنا بهزر معاكي بس مراد: ممكن أطلب منك طلب؟ روما بتوتر: ط طبعًا اتفضل مراد: هو إحنا ممكن

نطلع نتعشى سوا بكرة روما: إحنا مين؟ مراد: إحنا... أنا وأنتِ بمناسبة نجاحك وكده وبصراحة عايز أتكلم معاكي شوية... موافقة؟ روما بتفكير: طيب تمام موافقة مراد بفرح: تمام أنا هعدي عليكي أخده روما: تمام.... تصبح على خير مراد: وأنتِ من أهل الخير وف باله نفسه يقولها وأنتِ من أهلي روما لنفسها: ياترى عايز يتكلم معايا في إيه وإيه قلبي مراد ديي أنا مبقتش فاهمة حاجة هو ممكن يكون لا لا أكيد مفيش الكلام ده إيه اللي أنا بفكر فيه دا

وتبدأ روما تكلم البنات على الجروب وتحكلهم اللي حصل ضحى بخبث: ياستي روحي عادي أكيد عايزك يباركلك مثلا مش أكتر روما: ممكن مش عارفة بس أنا هنام دلوقتي عشان مش قادرة ندي: أشطا يلا باي وكلهم راحوا في ثبات عميق تاني يوم في الصباح بيستيقظوا أبطالنا ويعملوا روتينهم اليومي وحسام مبسوط بتعود مريم عليه ندى وفهد عايشين في الفيلا سوا تحت تصرفات ندى الطفولية والمجنونة روما بتصحى من النوم وبتصلي فرضها وتقرا الأذكار وتفطر مع أسرتها

وبعد وقت الباب بيخبط وروما بتفتح وتكون ضحى بيسلموا على بعض ضحى: وحشتيني يا جزمه روما: أنتِ أكتر يا عيوني وبتدخل ضحى تسلم على أسرة روما ضحى جات لروما تختار معاها لبس وتظبطها لخروجة النهارده مع مراد بعد قليل كانت جهزت روما ولبست دريس موڤ وخمار موڤ وبعد لمسات الميكب موبايلها بيرن وبتلاقيها مراد مراد: يلا أنا تحت البيت روما: نازلة أهو وبتنزل روما ومراد مصدوم من جمالها روما: احم... أنا هنا مراد: إيه القمر ده ملاك

نازل من السما روما بخجل: شكرا مراد بيفتح لها باب العربية وبتركب بيوصلوا لمطعم فاخر ومتزين بطريقة رومانسية ومفهوش حد غيرهم مراد بيشد لها كرسي تقعد بعدين بيقعد قصادها روما: المكان تحفة مراد: أهم حاجة يكون عجب مريومتي روما: مريومتك؟ هو فيه إيه مراد: بصراحة مكنتش ناوي أقول دلوقتي بس خلاص مش قادر... أنا بحبك أوي يا روما بحبك من أول مرة شوفتك فيها واتخانقنا بحب طفولتك وعفويتك وقلبك وملامحك وكل حاجة فيكي بعشقك يا عشق مراد

روما بصاله وبتدمع من الفرحة مراد بيروح لعندها وبيمسح دموعها وبيقع على ركبته وبيطلع خاتم الألماس غاية في الفخامة مراد بحب والدموع في عيونه: تقبلي تتجوزيني يا روما روما بحب ودموع: موافقة... موافقة وبيقوم مراد وبيلبسها الخاتم وبيمسح دموعها تاني وبيسرح في عيونها وملامحها شوية والأكل بييجي وبيبدأوا ياكلوا أثناء الأكل ونظراتهم لبعض وبعد ما بيخلصوا بيروح معاها مراد على بيتها يقابل أهلها ف العربية روما بتبعت ل ضحى

روما: روحي لي ع البيت حالا بسرعة يا ضحى بالله عليكي ضحى بقلق على روما: مالك يا روحي فيه إيه حصل إيه روما: متخفيش كل خير بس روحي وأنا جاية ضحى: حاضر يا قلبي وضحى بتروح تبعت للبنات تقولهم وبيكونوا كلهم قلقانين وعايزين يعرفوا روما مالها ويا ترى حصل إيه في الخروجة