رواية جمعهم الحب الفصل الحادي عشر 11 - بقلم مريم حجازي، ندى ربيع، ريناد خالد

زياد السويفي: إزاي يعني مش عارفين تاخدوا الصفقة دي من حسام؟ لي مشغل بهايم معايا؟ الشخص: ياباشا حسام حويط في شغله وصعب حد يخش مكتبه. زياد: طيب وهنسرق ورق الصفقة إزاي من مكتبه؟ الشخص: خلاص أنا عندي خطة، إحنا نعمل... إيه رأيك؟ زياد بشر: عجبني تفكيرك، نفذ في أسرع وقت. الشخص: عيوني ياباشا. زياد: نهايتك على إيدي يا حسام. *** في الشركة، في مكتب ضحى. دلف إليها محمد. محمد بجدية: ضحى، خلصتي الفايلات؟ ضحى: آه، أهي اتفضل.

محمد: آه تمام. احم... ضحى، خديلي معاد مع باباكي بكرة. ضحى بغباء: ليه؟ عايز حاجة؟ محمد في نفسه: يااه لو الغبية تفهم. بصوت عالي: لا يا أذكى أخواتي، بس في واحدة خطفت قلبي وعايز أتقدملها. ضحى: مين د... اا أنت بتقول إيه؟ مين تقصد؟ أنا يعني؟ محمد: أيوه. ضحى معرفتش تقول أي حاجة، سابته ومشيت بخجل. محمد: هبلة، بس بحبها. *** عند روما. بعد أن دلفت لبيتها وأخبرت والدها بمراد ورأت ضحى مستنياها. روما بفرحة: اعاااااااا!

اعترفلي، اعترفلييي! ضحى بخضة: يخربيتك! خضتيني، مين دا اللي اعترفلك؟ روما بهيام: مراد يا ضحى! قالي إنه بيحبني وهيجي يتقدم. ضحى بفرحة وهي تحضنها: بجد؟ ألف مبروك يا روحي. روما: الله يبارك فيكي. عملتي إيه في الشغل النهاردة؟ ضحى: بكرة محمد جاي يطلب إيدي. روما: بجد؟ متهزريش؟ احكيلي. بعد أن قصت عليها الحكاية. روما بضحك: انتي عبيطة يابت، يعني بعد اللي قالهولك تسيبيه وتمشي؟ ضحى: أومال أعمل إيه يا روما؟

ما اتكسفت. أنا هروح أنزل دلوقتي، لإن لو اتأخرت أكتر من كده أمي اللي هتطلع تجيبني بنفسها. روما: أشطا يا حبيبي، خدي بالك من نفسك. *** عند ندى وفهد. فهد: ندى، أنا جعان. ندى: وأنا أعملك إيه بقى؟ فهد: هتعمليلي أكل طبعاً. ندى: مين أنا؟ والله لو كنت بعرف مكنتش سبتك بالجوع. فهد: أومال هنعمل إيه ياختي؟ ندى: هو ده سؤال؟ طبعاً هتطلب أكل. فهد: لا، أنا عايز أكل من إيدك الحلوين دول.

ندى: ما أنت لو كلت من إيدي الحلوين دول هتروح تعمل غسيل معدة. يرضيك نبات إحنا الاتنين في المستشفى؟ فهد بخوف مصطنع: إيه؟ لا طبعاً ميرضنيش. أطلبلك إيه يا مصيبة؟ ندى: هي دي عايزة سؤال؟ بيتزا طبعاً. فهد: هروح أطلب وأجيلك. بعد قليل، بعد أن أكلوا. ندى بنوم: أنا عايزة أنام. فهد: يلا، وأنا كمان. دلفت ندى إلى الغرفة وليس ه لتقفل الباب. ندى: فهد، أنت رايح فين؟ فهد بخبث: هنام. ندى: هتنام فين؟ فهد: هنام هنا.

ندى باستعباط: هنا فين؟ فهد وهو ينام على السرير: اطفي النور وتعالي نامي. ندى بتذمر: فهد، بطل بقى وروح نام في أوضة تانية. فهد: لا، أنا عايز أنام هنا. ندى وهي تقف أمامه: خلاص يا فهد، نام وأنا هروح أنام في أوضة تانية. وكانت سترحل، لكن لقت اللي بيشلها. ندى: فهدددد! أو عيي! نزلني! فهد وهو ينزلها على السرير ويأخذها بين أحضانه: هششش، ونامي بقى. وذهب في سبات عميق، وندى أيضاً. *** بعد مرور أسبوعين والأحداث كما هي.

مريم وحسام بيتقربوا من بعض أكتر. ندى وفهد عايشين هاديين من غير مصايب ندى. محمد طلب إيد ضحى، والخطوبة هتبقى مع مراد وروما. يوم الخطوبة. عند حسام ومريم. حسام من تحت: يا مرييييم، خلصي هنتأخر على الخطوبة. مريم وهي نازلة، وكانت لابسة فستان باللون البني وخمار ونقاب بيج. حسام وهو مصدوم من جمالها. حسام بهيام: إيه الجمال ده. مريم بخجل: حسام، مش هنمشي يلا. وأمسكت يده. حسام بسرعة ومكر: نمشي إيه؟

أنا بقول نقعد هنا بلا خطوبة بلا فرح. مريم بتوتر: اا لا، يلا بس عشان البنات ما يزعلوش. حسام بقلة حيلة: طيب يلا يا مريومي. وبخبث: بس بعد الخطوبة في ليكي مفاجأة. مريم بفرحة وكأنها طفلة: والله؟ إيه هي؟ قول يا حسام. حسام بضحك: هتبقى مفاجأة زي ما أقولك. مريم بزعل طفولي: ماشي، يلا. حسام: يلا يا مريوم، هنتأخر عليهم. ليركبوا السيارة ويذهبوا إلى الخطوبة. *** في الخطوبة. بعد الخطوبة وتلبيس الدبل.

سليم بضحك: والله ووقعتوا يا وحش أنت وهو. محمد بتريقة: لما نشوفك أنت يا أخويا. فهد وحسام يضحكوا عليهم. محمد بغيظ: وأنتم بتضحكوا على إيه؟ ما أنتم برضو وقعتوا، وأنتم الاتنين أخدتهم بالعافية وكتبتوا الكتاب كمان، إنما إحنا لسه خطوبة. فهد: أيوه، أقعد انبر فيها كدا، وأصلاً ندى حطالي الوش الخشب. حسام بضحك: أختي حبيبتي مصدرالك الطرشة. فهد بغيظ: على أساس يعني إنت اللي عايش في حب ومش عارف إيه؟ ما مراتك برضو مش معبراك.

حسام باحراج: أنا بقول إننا نسكت أحسن. ليضحكوا الشباب. _نذهب إلى البنات. كانت تجلس كل من ريناد ومريم وندي في جانب. ريناد: يعني أنتوا كلكم شقطوا وهتسبوني لوحدي كدا. ندي: ياختي اتنيلي، نجبلك عريس يعني؟ ريناد وهي تنظر على سليم من بعيد: ما هو موجود، بس مش عايز يتحرك بارد. مريم بخبث: هو مين ده يا ريناد؟ ريناد بتوتر: مين فين؟ مش عارفة، هي طلعت مني كدا. ندي وهي تكلم ريناد بصوت واطي: طيب لمي عينك اللي فضحتك دي.

ريناد: يااااه، هو أنا مفضوحة أوووي كدا؟ ندي: جداً يا مصيبة. ولمي عينك بقى ياخد باله وتبقي مفضوحة بجد. *** بعد الخطوبة. حسام أخد مريم وذهبوا إلى مكان منعزل، وكان جميل جداً على البحر، وكان متزين بشكل تحفة. في العربية. حسام وهو بيغمض عيون مريم: يلا، غمضي عيونك عشان تشوفي المفاجأة. مريم بعدم فهم: إيه ده؟ هو إحنا فين؟ حسام وهو يلفها إليه: تعالي بس هتفهمي كل حاجة، بس اصبري. مريم بقلة حيلة: ماشي.

بعد أن غمى عيون مريم، ذهبوا إلى المكان. مريم بطفولة: خلص بقى يا حسام، عايزة أشوف، عيوني وجعتني. حسام: استنى، أهو هشيلها. وشال إيده من على عيونها. مريم بانبهار: الله! إيه الجمال ده. مريم بغباء: مين عمل كل ده؟ شكله حلو. حسام: أكيد يعني أنا اللي عملت كده. مريم بتوتر ولغبطة: م... ماشي، يلا ناكل. ليذهبوا ويأكلوا، وبعد ذلك. حسام: تعالي يا مريم نقعد على البحر. مريم بطفولة: الله! هو فيه بحر كمان؟ طيب مستني إيه؟ يلا بسرعة.

حسام بضحك: شيلي النقاب، مفيش حد هيشوفك، المكان مفهوش حد غيرنا، مقفول. مريم وهي تشيله: أوك، يلا. حسام بتوهان: يلا. على البحر. حسام بمكر: مش عايزة تعرفي عملت ده لمين؟ مريم باستعباط: ها؟ لمين؟ حسام وهو يقرب منها: ليكي أنتِ يا مريومتي. مريم بتوتر من قربه: هااا؟ ليا أنا؟ ب... بس ليه يعني؟ حسام بحب: عشان أنا بحبك أوووي من وقت ما شوفتك وأنا تركيزي كله معاكي، وكمان كلمة بحبك قليلة، أنا بعشقك يا مريوووومي.

مريم بدموع: بتتكلم جد يا حسام؟ حسام وهو يمسح دموعها: جد الجد كمان يا قلب حسام. مريم وهي تحضنه وتبكي: أنا بحبك أووووي يا حسام، متعرفش أنا كنت هموت لو اتجوزت العريس ده، أنا كنت بدعي دايماً في قيام الليل إنك تكون من نصيبي، وأهو ربنا كرمني واتجوزتك. حسام وهو يشدد من احتضانها: كان أفضل ليا إني أموت ولا أشوفك لحد غيري، أنا عملت إيه حلو في حياتي عشان ربي يرزقني بيكي؟ ربنا يباركلي فيكي يا قلبي.

مريم وهي تنظر له بحب: بحبك أوي يا حسومي. حسام بحب: وأنا بعشقك يا قلب حسومك، يلا بقى نروح الفيلا. مريم وهي تقوم: يلا. ويرجعوا على الفيلا ويذهبوا في ثبات عميق. *** عند ندى وفهد. ندى: فهد، هات كرتون روبانزل. فهد: روبانزل مين؟ اقعدي على جنب، عايز أسمع الماتش. ندى: والله يا فهد لو ما جبت روبانزل لأطفي الشاشة، ويبقى ولا أنا ولا أنت. فهد: لي الأذى ده؟ تعالي اترزعي، أجيبلك زفتة اللي عايزة تسمعيها دي.

ندى: متقولش عليها زفتة، اسمها روبانزل. فهد: آه، اقعدي اسمعي لحد ما هعمل تليفون ضروري وأجيلك. ندى: روح، بس متتأخرش. بعد قليل. النور قطع. ندى بخوف ودموع: اعاااااا! اععع! الحقوونييي!