رواية جمعتنا صدفة الفصل العاشر 10 - بقلم اسراء السيد

أدهم: يحيى! إيه في؟ يحيى: أنت ما تعرفش هي عملت إيه! أدهم: مش كل حاجة بالضرب. يحيى: دي متفقَة مع حد علينا. كيان: والله غصب عني، خاطفين أختي. أدهم: كيان، اهدي. لازم تحكي لينا على اللي حصل. يحيى: لا، أنا لازم أموتها. أدهم: تعالي احكي لينا. كيان: تاني يوم، لما يحيى اغتصبني، عصام الدمنهوري جالي البيت وقال إني لازم أتجوز يحيى، وإلا هينشر الفيديو، وكمان هيخلي حد من رجّالته يغتصب أختي وهيهدّدنا.

أدهم: ولما حصل كل ده ما قولتيليش ليه؟ وبعدين أنتِ مش بتثقي فيا؟ يحيى: هنعمل إيه دلوقتي؟ أدهم: هو أكيد عمل كده عشان عارف إني قربت أقف على رجلي من تاني ومش هحتاجه. كيان: أنت عرفت منين يا يحيى؟ يحيى: واحد من العيال اللي كانوا معايا، كان لازم أجيب حد منهم، لأن الخطة أكيد حد اللي مخططها. أدهم: إحنا حاليًا لازم نجيب أخت كيان. وأنتِ اتصلي بيه وشوفي هو عايز يعمل إيه تاني. كيان: حاضر. كيان: الو. عصام: عايزة إيه؟

كيان: عايزة أطمن على أختي. عصام: اممم، طيب بصي، هتيجي في العنوان (... وكمان إياكي تعرفي حد، وإلا أنتِ عارفة هعمل إيه. كيان: حاضر. عصام: عملتي إيه مع أدهم ويحيى؟ كيان: أدهم طرد يحيى من البيت، وأنا هعرف أجيب الأوراق. عصام: كويس جداً. كيان: سلام عشان أدهم جاي. عصام: سلام. أدهم: بروفا، كده إحنا هنروح العنوان ده. كيان: تمام، هطلع ألبس. يحيى: نفترض إن هو فخ؟ أدهم: هنشوف الموضوع ده لما نروح.

كيان لبست وراحوا العنوان، وبعدها دخلت لوحدها في مكان كان زي المخزن. أول ما دخلت لقيت أختها مربوطة، جريت عليها، وبعدها حد خبطها على دماغها وقفل الباب. أدهم ويحيى: قلقوا عليها جداً. دخلوا، ما كانش فيه أي حد. أدهم: ده كان فخ! ممكن يكون عرف إننا عرفنا. يحيى: أنا هعرف هي فين. أدهم: إزاي؟ يحيى: حطيت جهاز عشان أعرف أحدد مكانها. أدهم: رفع حاجبه. وأنت حاطط الجهاز ليه؟ يحيى: بعدين بقى.

هحدد مكانها دلوقتي. حدد المكان، وبعدها روحوا. الأول، أدهم طلع فوق لبس لبس مضاد للرصاص، ويحيى نفس الكلام. وراحوا المكان المحدد. كان فيه حراسة كتيرة، بس هما عرفوا يدخلوا. دخلوا لقوا كيان مربوطة وحواليها حراسة كتيرة، وفجأة ظهر عصام الدمنهوري.