رواية جميله الفصل الرابع عشر 14 - بقلم الكاتبه الصغيره

جميلة سالم: عاوزة تعرفي بعمل كدة ليه؟ أنا هقولك. سحر: متقولي ي سالم، في إيه؟ سالم: بصي ي أمي، تعالي وأنا هحكيلك، لأن الموضوع كبير أوي. سحر: في إيه ي ابني؟ قلقتني. سالم: بداية كدة، أنا بحب جميلة. سحر: طب وخطوبتك من سالي؟ سالم: ما أنا هحكيلك أهو، خطوبتي من سالي دي كانت خطة عشان نقدر نوقع شبكة كاملة بتبيع سموم ومخدرات وبتدمر الشباب. سحر: طب وسالي مالها بالحكاية دي؟

سالم: سالي بتشتغل معاهم ي أمي، بتاجر في المخدرات دي. كان جزء من الخطة إني أعمل إني بحبها وأخطبها عشان أوصل للعقل المدبر. سحر: طب ودلوقتي هتعمل إيه؟ سالم: في حقايق كتيرة ظهرت جديد، وانتوا كنتوا مخبينها عني. سحر: قصدك إيه؟ سالم: موضوع والدة جميلة. سحر: مالها؟ سالم: أنا سمعت كل حاجة ي أمي وعارف كل حاجة، فالكلام ده مش هيمشي عليا. سحر: إحنا خبينا عليك عشان جميلة كانت خايفة من ردة فعلك.

سالم: انتي عارفة أساسًا إن الست دي متبقاش أمها الحقيقية؟ سحر: إيه اللي بتقوله دا ي ابني؟ سالم: دي الحقيقة. أنا لما سمعت كلامكم، كلفت واحد صاحبي إنه يجمعلي معلومات واكتشفنا كدة وعرفنا إن حسنات دي تبقى تجارة مخدرات ومن أهم الشركاء في الشبكة دي، عشان كدة إحنا عملنا خطة عشان نقدر نمسكها ونوقع الكل. سحر: طب وجميلة دي لو عرفت الحقيقة ممكن يحصلها حاجة؟

سالم: أوعي أوعي ي أمي تقوليها. مش عاوزها تعرف ومتفتحيش ليها الباب، سبيها زي ما هي. أنا هروح الشغل. سحر: مع السلامة ي ابني. سالم وهو بيبوس إيديها: أنا هسيبها أمانة معاكي ي أمي. سحر: روح انت شغلك ي حبيبي وأنا معاها هنا. مشي سالم من البيت وساب سحر وهي قلقانة عليه وعلى جميلة. سحر: ربنا معاك ي ابني ويرجعك ليا منصور وتقدر تخلص مهمتك على خير ي ضنايا. راحت بسرعة لجميلة وفتحت الباب ودخلت لها. لقتها قاعدة على السرير.

سحر: عندي ليكي أخبار حلوة. جميلة: في إيه ي ماما؟ سحر: الجبل أخيرًا اعترف. جميلة: اعترف بإيه؟ مش فاهمة. سحر: صحصحي معايا كدة، هو إحنا كنا عاملين الخطة دي من الأول ليه؟ مش عشان نعرف إذا كان بيحبك ولا لأ؟ جميلة: آه، وقال إيه؟ سحر: بيحبك. جميلة: بتهزري؟ سحر: لا والله، هو اللي اعترفلي بلسانه وقال لي إنه بيحبك. جميلة: طب وسالي؟ سحر: سيبك انتي منها، هو بيحبك انتي، متقلقيش. جميلة: أنا مبسوطة أوي ي ماما.

سحر حضنتها بفرحة: ربنا يفرحك على طول ي حبيبتي. جميلة: طب سالي ي ماما، مقولتيش هيحصل إيه؟ سحر: سالم عارف هو هيعمل إيه ي بنتي، وأنا مش هسمح بمرات ابني غيرك انتي. جميلة: طب إيه رأيك نخرج نتفرج على التليفزيون؟ سحر: يلا ي حبيبتي. خرجوا هما الاتنين من الأوضة وراحوا يتفرجوا على التليفزيون. لكن سحر دخلت المطبخ، أما جميلة فتليفونها رن، ردت عليه بسرعة. جميلة: الو، مين معايا؟ .... جميلة: إيه؟ طب أنا جاية حالا.

خرجت جميلة من البيت من غير ما تقول لسحر. أما عند سالم فكان هو وأصحابه بيجهزوا نفسهم عشان المهمة بتاعتهم، لحد ما جاه مكالمة قلبت كل حاجة.