رواية جميلتي الفصل العاشر 10 - بقلم نورا فريد

واتجه أسر لجميلة وشالها وطلع بيها بره القصر تحت ضحك الجميع عليهم. أما بره القصر، جميلة بتضرب في أسر. جميلة بعصبية وصراخ: سيبني يا حيوان! أسر بطريقة كوميدية: استحملت ما فيه كفاية، لكن تسيب البيت؟ هي حصلت البيت؟ وبعدين الست مالهاش غير بيتها. جميلة بصراخ: مش عايزاه طالما أنت فيه! نزلني يا حيوان! وركب أسر جميلة السيارة وحط ليها حزام الأمان وابتدأ يسوق. جميلة: نزلني يلا لأصوت وألم عليك الناس.

أسر ببرود: واحد ومراته يعني مش خطفك. جميلة عضت يد أسر. أسر بصراخ: آااااااااااااااااااه يا بنت العضة! جميلة: طلقتني يا اللي ما عندكش دم! أسر بطريقة كوميدية: وأنا باموت فيكي يا قلبي. وبعد مرور وقت، أخيرًا وصلوا لليخت ومكتوب عليه "جميلتي" طبعًا مكتوبة بالإنجليزي. جميلة بصدمة: إيه ده؟ جميلتي! (وتقول بهدوء) أنا مستحيل أكون معاك في مكان واحد. أسر مد إيده لجميلة: هاتي إيدك.

جميلة وهي على وش البكاء: وديني أي مكان تاني إلا البحر، وحياة ولادك يا أسر يا رب تنجح بلاش البحر. أسر باطمئنان: ما تخافيش أنا معاكي، مستحيل أسيبك مهما حصل. جميلة حطت إيديها في إيد أسر، كانت هاتقع وأسر مسكها وقعدوا ينظروا لبعض بحب وعتاب وانطلقوا باليخت. جميلة شالت الطرحة بضيق (ملحوظة جميلة وأسر لحالهم في اليخت) جميلة وقفت بتنظر للبحر وهي بتاخد نفس عميق. جميلة (وبعدين يا جميلة؟ وبعدين لحد تايهة وخايفة؟

الله أعلم إذا اللي أنا فيه ده حلم ولا كابوس، ما أنكرش إن بعده عني خوفني، بس قربه بيخوفني خصوصًا إنه مصاحب توب الأرض، يا رب ارزقني براحة البال يا رب يا رب) . أسر حضنها من الخلف. أسر بهمس: آسف يا قلبي. جميلة غمضت عيونها وفتحتهم بسرعة والتفتت له. جميلة بهدوء: آسف؟ ممممم، حلوة كلمة لطيفة، بس آسف على إيه هااا؟ على ضربك ليا ولا على اتهامك وعصبيتك ولا على اللي عملته فيا وأنت مش في وعيك؟

جميلة بدموع: أنا مش زعلانة لأن خلاص اللي حصل حصل، أنا اللي مموتني بجد إنك اتهمتني حتى من غير ما تسألني. أسر بوجع: ولما واحدة تقول لجوزها إنها بتحب راجل تاني تتسمى إيه يا جميلة؟

لما في كل مرة تحاولي تقللي مني، أنتِ لو كنتِ قولتي "لا" واتكلمتي بهدوء ما كانش ده حصل. أنا كنت مستني منك تقولي أي حاجة إلا إنك لسه بتحبي راجل تاني وأنتِ على اسمي كام يوم بس، عمري ما فكرت أمد إيدي عليكي غير لما نطقتي اسم الزفت ده. أنا كنت أقدر أقول حقيقة خناقنا لجدك وجدي. جميلة: ومقولتش ليه؟ أسر بوجع: لأن ما هانش عليا أكسرك أو أهز صورتك قدام جدك والعيلة، خوفت عليكي، بقيت قدامهم أنا الظالم وأنتِ المظلومة، عارفة ليه؟

عشان بحبك، ولو قلتي لي إن أدفع عمري مقابل سعادتك صدقيني مش هاتررد أعمل كده، أدفع عمري كله بس أشوفك مبسوطة. أسر قبل جبينها: حقك عليا يا جميلة. وذهب أسر للداخل وبعد شوية ذهبت جميلة. جميلة بحزن من حالها ودموع: آ... أسر. أسر وهو نايم ومغمض عينيه: لو جعانة المطبخ على إيدك اليمين، ولو زهقتي اللاب توب عندك. جميلة بدموع: أنا آسفة. أسر بهدوء: تمام، نامي أو شوفي بتعملي إيه وسيبيني أنام.

جميلة اتجهت له ومسكت يده، هنا أسر فتح عينيه وقعد على السرير. جميلة بدموع: أنا لما اتعصبت، اتعصبت من طريقتك لأنك بتتهمني. أسر بهدوء: خلاص يا جميلة، موضوع وخلص. جميلة بوجع: طالما مش عايزني جبتني ليه؟ أسر نظر لجميلة: شوفتي بقى بتوجع قد إيه؟ شوفتي معاملتك ليا كلها جفا وقسوة إزاي؟

مش معنى إنك بتغلطي فيا وبسكت فبقى ساذج، لا يا جميلة أنا سايبك كده بمزاجي، وبالنسبة ليوم خناقنا أنا ما كنتش في وعيي لأن لو كنت في وعيي عمري ما أجبرك عليا، ولو عايزة تطلقي فحاضر يا جميلة هطلقك ومش بس كده أنا كمان مستعد أشهد على جوازك أنتِ ومصطفى. جميلة ارتمت بحضن أسر وقعدت تبكي بس المرة دي خوف من إنها تفقد أسر. أسر اتنهد وضمها ليه أكتر وبيمسد على شعرها بحنية وحب.

جميلة بدموع: أنا آسفة يا أسر، ما كانش قصدي أزعلك، أنا اتعصبت لما حسيت إنك بتشك فيا. أسر بحب: هش، ما تتكلميش خليكي في حضني. جميلة بدموع: كنت بتعذب من غيرك، كنت باستنى تكلمني بس أنت ما عملتش كده، كأنك ما صدقت. وبعد أسر جميلة عنه وقبل إيديها: أنا آسف. وينظر ليها بحب: أنا آسف يا جميلتي. وفي اليوم التالي، مروان بيتمشى في البلد وأميرة معدية بالصدفة.

مروان من الخلف: هو مش المفترض إنك متقري فاتحتك وليكي خطيب تستاني منه قبل ما تروحي لأي مكان؟ أميرة التفتت له: مروان! مروان: شوفتي عفريت؟ أميرة ببرود: تصدق آه، وبعدين يا أستاذ مش معنى إنك قريت فاتحة يبقى تقدر تتحكم فيا، تو وسعت منك وسعت بزيادة قوي، ثم آخد إذنك ليه؟ مروان وهو بينظر ليها بحب: لأني هابقى جوزك. أميرة: هاتبقى، وبعدين طول ما أنا لسه في بيت أبويا ما لكش أي حكم عليا، باي باي ميرو.

وذهبت أميرة وتركت مروان جن جنونه. وفي المساء في اليخت بتاع أسر. أسر بدهشة وفاتح بوقه بصدمة: أنتِ مين؟ جميلة بطريقة كوميدية: أم فتحي، هابقى مين؟ أنا جميلة مراتك يا حبيبي. أسر بصدمة: (مراتك وحبيبي، هي جميلة مالها؟ أسر حط إيده على جبينها: مش سخنة ومش بتشربي كنت... أنتِ كويسة يا بنتي؟ جميلة بابتسامة جميلة: أنا كويسة طول ما أنت جنبي ومعايا.

جميلة كانت مرتدية فستان أحمر قصير وفانش من عند الخصر ومسيبة شعرها الكستنائي الطويل مع عيونها الزرقاء، كانت في غاية الجمال. أسر وهو بينظر ليها: متأكدة إنك كويسة يا بنتي ولا أنتِ عاملة في نفسك كده وبعدين تنتقمي مني؟ جميلة برقة ودلال: تو وبعدين إيه تنتقمي دي؟ في واحدة تنتقم من جوزها حبيبها؟ أسر جاب علبة شيك جدًا وركع على ركبه. أسر بحب: تتجوزيني يا جميلة؟ جميلة: (ده مجنون ولا إيه؟ ما إحنا متجوزين يا أسر.

أسر: تو كان غصب... تقبلي تتجوزيني وتكملي تعيشي معايا بكامل إرادتك؟ جميلة بحب: أقبل وأنا بكامل إرادتي يا قلب جميلة بس قوم. أسر قام ولبس جميلة خاتم الزواج وبعدين الدبل بفرح وحب. وبعد مرور أسبوعين، أخيرًا تم زواج مروان وأميرة. مروان وأميرة بيخطوا أول خطوة في دخول القصر. مامة مروان بعصبية: استنى عندك! مروان: في إيه يا أمي؟ الأم: مروان بصدمة.