رواية جنة الجبل الفصل الثامن والعشرون 28 - بقلم ايلا ابراهيم

ابتعدت عنه وأرادت النهوض مرددة بسخرية: "تفرق إيه معاك لو برضايا أو غصب عني." جبل أمسك ذراعها يمنعها من الابتعاد مردداً بجدية: "تفرق قوي يا ست البنات." ليردد بجدية: "مرة واحدة.. مرة واحدة بس عايزك تكوني بين إيديا برضاكي." جنة: "مش هيحصل يا جبل، ده مش هيحصل." جبل بغضب: "ليه وعشان إيه كل ده مش كفاية.. مش كفاية عاد." جنة: "... جبل مسك وشها بكف إيده بغضب: "بصي في عينيّ شايفه إيه يا جنة شايفه إيه."

جنة: "مش شايفة غير الراجل اللي هاني وشك بيا.. وعمل اللي محدش يعمله بمراته... لتكمل بغضب حارق: "أنا بكرهك يا جبل، بكرهك وبكره قربك ولمستك ليا، انت سامع.. بكرهك." جبل بابتسامة مستفزة: "الكذب مش لايق عليكي يا ست البنات... " ليهمس لها بعد أن حاولت أبعاده بعنف وهو يحيط خصرها بتملك: "طب قربي عشان أعرف قد إيه بتكرهيني و... *** في السيارة بعد أن جذبها عز من يديها بغضب وأدخلها سيارته ليقودها بجنون مردداً وهو يضرب

المقود ويستمع لبكائها: "خذيني فين يا عز، انتي إيه مفيش إحساس، أنا مبقتش عايزاك... مش طلقتني عايز مني إيه تاني." ليضرب مقود السيارة بغضب أرعبها: "اسكتي... اسكتي مش عايز أسمع صوتك." انتفضت بذعر من مظهره هذا الجديد كلياً عليها. حتى وقف أمام منزله ليأمرها بحده: "انزلي." نغم: "مش نازلة، روحني بيت أهلي." عز وهو بيجز على سنانه: "بقولك انزلي،" قالها بغضب. نغم بعناد أكبر: "قلت لك مش نازلة."

عز: "ماشي يا نغم، ماشي، اعملي وكترّي." "مش عايزة تتجوزي أنا بقى، هعرفك إزاي تتجرأي وتقولي الكلمة دي قدامي تاني." لينزل من السيارة بغضب. لاتنكر بأنه حقاً أرعبها، لكنها تمثل الثبات والقوة. ليفتح الباب وعيناه تهددانها بالخطر: "انزلي." ضمت يديها إلى صدرها لتدير وجهها عنه بعناد، لكنها صدمت به يحذبها من ذراعها بعنف لم تعهده منه ويدخل بها المنزل ليرميها داخلاً. كادت أن تسقط لكنها تمالكت نفسها بصعوبة مرددة بغضب: "انت اتجننت؟

إزاي تزقني كده؟ أغلق الباب بعنف لتبتلع مابجوفها برعب من نظراته المخيفة. عز بغضب: "انتي قولتي إيه؟ عايز إيه يا نغم؟ نغم: "اااااا" عز بصراخ: "عايزة إيه متنطقي! نغم: "عععزززز أنا... عز: "انتي إيه غبية صح؟ انتي غبية." نغم بشجاعة مصطنعة: "مسمحلكش... وبعدين انت جايبني هنا ليا هااا؟ إحنا وجودنا مع بعض كده حرام." عز بسخرية حادة: "والله."

نغم: "أيوا، وابعد كده عشان همشي." لتتتسمر مكانها عندما أمسك معصمها بعنف وكادت أن تتحطم بكف يده... "مش أنا رديتك يا نغم." نغم فتحت عينيها بصدمة لما شدها ليه وباسها بانتقام وغيرة، لكنه اتصدم بـ... *** كانت نائمة وهو يراقبها ويلعب بشعرها، مش عارف يعمل إيه معاها، هي تعبت جداً بعنادها. همس لها: "مش ممكن أسيبك تضيعي مني تاني يا جنة... انتي جنتي. أنا بهرب من الجحيم اللي عشته طول عمري عليكي، باستخبي زي العيال بحضنك...

"هو في حد يسيب جنته؟ ويرجع النار من تاني؟ قرب وجهه من شعرها وشم ريحتها بإدمان وهو يقول: "زمان وأنا عيل مكنتش أعرف حاجة اسمها حب وحنان... "أبويا كان بيقولي الراجل لازم يبقى راجل مش زي النسوان... "كان بيصحيني من النجمة عشان أنزل الشغل. كنت أحلم أخش حضن أمي زي العيال... "بس لااااه، الراجل ميعملش كده يا جبل، وانت راجل." "انت جبل الصعيد. لحد ما بقيت كده جبل الصعيد اللي الكل يهابه ويحسب له ألف حساب... "لكن...

لكن لما اتجوزتك يا جنة عشت حاجات أول مرة أعيشها، حسيت بحاجات مش متعود عليها، لمستك، ضحكتك، حضنك الدافئ، حنانك، كل حاجة بيكي خلتني أقع بيكي. وقعت لشوشتي يا ست البنات... "بس... بس انتي كنتي بتبعديني. كل اللي كنت بفكر فيه إني عايزك برضاكي، عشان كده صبرت عليكي كل ده... "لحد... لحد ما جتلي الصدمة... مراتي اللي عشت معاها حاجات هتعوضني عن سنين الحرمان اللي عشتها في حضن عمي...

عمي يا جنة، عمي اتكسر ظهري وأنا بشوف ضحكتك وانتي في حضنه. اتجننت... "اللله لو واحدة غيرك كنت دفنتها... دفنتها مطرحها، بس انتي... معرفتش أعمل كده... "موتك كان هيريحك وأنا النار بتاكل في قلبي... "كنت موجوع، كنت موجوووع قوي، عهدت نفسي إنك هتموتي باليوم ألف مرة بعد خيانتك ليا... "وفي كل مرة أسيبك زي الميتة مكنتش عارف ليه كانت روحي بتتسحب مني... قلبي بيوجعني لما بشوفك مرمية بعد كل مرة أسيبك فيها وأنا بضربك وأذلك بيها...

"مكنتيش وحدك اللي بتتوجعي، قلبي كان بيعيط معاكي، بس كنت بقول لنفسي: لاااه يا جبل... انت جبل الصعيد. ودي خاينة، متزعلش عليها، دي أقل حاجة بعملها فيها... "بس انتي انتقامك كان أكبر يا جنتي... سبتيني أعيش بحسرتي عليكي أربع سنين بحالهم على حرماني منك ومن ابننا... "انتي مش عارفة أنا عيشتهم إزاي كل يوم... "كل يوم كنت بدخل الأوضة أدور على أي حاجة من ريحتك وأحضنها وأشم ريحتك فيها وأنام... "مكنتش عايش في غيابك...

كنت ميت ورجعت روحي برجوعك." "لما شفتك بتخرجي من باب الحضانة التاني وأنا ماشي بعربيتي اتصدمت، قلت حبك ليها بقى يعملك تهيؤات يا جبل." "لكن لااه، كنتي إنتي. كنت فرحان قوووي، غضبي منك وتهديداتي إني هانتقم أول ما أشوفك كلها راحت، أول ما شفت عينيكي نسيت كل الوجع اللي عشته بسببك وكل همي إنك تكوني في حضني... بعد بسرعة لما سمع خبط على باب أوضته وكأنه فاق على نفسه، مسح وشه بسرعة وخد قميصه وهو بيسأل: "مين؟

منى: "أنا يا أخويا، عايزك كلمتين." جبل: "ماشي يا حبيبتي، أنا هنزل لك أهو." بص ليها آخر مرة وكانت نائمة، ابتسم باختناق ونزل يشوف منى. في الوقت ده فتحت جنة عينيها ونزلت دموعها، مش عارفة ليه، هو صعب عليها ولا نفسها صعبت عليها... كانت عايزة تسمع الكلام ده منه وهو بيبص لعنيها، مش يمكن تسامحه لو سمعته بيقولها الكلام ده... بس جبل، لااه، أكيد مش هيخليها تشوفه كده، وجنة متأكدة من ده. دفنت وشها بالسرير وكتمت بكاها و... ***

منى: "أنا آسفة عشان صحيتك يا أخويا." جبل: "متتأسفيش يا قلبي، أخوكي وقت ما تعوزي، أنا جنبك، اتكلمي في إيه." منى: "ربنا يخليك ليا يارب... لتكمل بتردد: "أنا يا جبل بصراحة... جبل: "اتكلمي يا منى، خايفة كده ليه." منى: "بصراحة يا جبل، أنا مش هكمل بالخطوبة دي." جبل باستغراب: "ليه؟ مش كنتي فرحانة ومبسوطة بالخطوبة، إيه اللي جد." منى بكذب: "أنا مش مرتاحة وحاسة إني مش هكون مبسوطة لو كملت."

تنهد جبل بحيرة: "أكيد في سبب، هو زعلك بحاجة؟ قولي وأنا هتصرف." منى: "لا يا خوي، معملش حاجة، بس انت عارف أنا لما ببقى مش مرتاحة." جبل: "ماشي يا منى، وأنا مش هغصب عليكي." منى: "بجد يا خوي؟ ربنا يخليك ليا يارب." لتنهض وتقبله بحب. جبل: "ويخليكي ليا... "طب أنا هجهز حاجته عشان أبعتهاله، بعد إذنك." لتسرع إلى غرفتها بحماس. أما جبل بقي يراقبها بشك ويفكر بشيء مااا.

ليصعد غرفته ولم يجدها، حتى سمع صوت الماء في الحمام ليبتسم بخبث ويفتح الباب و...