رواية جنون العشق الفصل الثالث 3 - بقلم ايمان شوقي

وصل أسد وغرام لقصر الصياد. أول ما غرام شافت ريناد وفرح جريت عليهم. فرح: غرام وحشتينا أوي، ولا الكلية خداكي منا؟ ناريناد: آآه طبعًا، ماهي حققت اللي عاوزاه ومبقيناش نشوف خلقتها. ضحكت غرام وقالتلهم: والله ابدًا، انتو واحشني أوي وببقى عاوزه أجي أقعد معاكم، بس مفيش حد يجيبني وأنا ما صدقت أبيه أسد جاي وبي. ناريناد: خلاص هعديهالك المرة دي. أسد سابهم وطلع فوق لزين. أول ما دخل لقي زين سرحان. أسد: سرحان في إيه يا عم.

زين بابتسامة: أسد عامل إيه؟ ليك وحشة والله. أسد: والله وانتو، وأول ما الواد فهد كلمني جيت ع طول، أومال هما فين؟ زين: يلا تعالي ننزل تحت هتلاقيهم تحت. أسد: أنا سمعت إن جدك عاوز يجوز. زين: آه، عاوز يجوزني طفلة يا عم. أسد: اسمع كلامه واستهدى بالله، هو أكيد عارف مصلحتك. زين: بس يا أسد أنا بكرهه. أسد: بس يا زين مش كلهم زي (ندي) زين: لا، كلهم خاينين وبيجروا ورا الفلوس، بس أنا هوافق عشان جدي.

أسد: سيب الدنيا ماشية، ربنا هيدبر كل حاجة. زين: ونعم بالله، يلا ننزل أعرف جدي. أسد: يلا. نزلوا تحت لاقوا (الجد وسيف ونوارة قاعدين) أسد: السلام عليكم. الجميع: وعليكم السلام. زين: أنا موافق يا جدو، بس بعد فترة هطلقها. الجد بفرحة: بجد؟ خلاص هكلم يحي وبكرة نروح نكتب الكتاب ونجيبها. زين بصدمة: بالسرعة دي؟ ده أنا حتى لازم أعرفها. نوارة: أعرفها يا حبيبي، بس هنا إحنا مش ضامنين يحي ومراته يعملوا فيها إيه.

زين: خلاص اللي انتوا شايفينه، بكرة هروح الشركة الصبح وبعد الضهر هاجي ونروحلها. الجد: ماشي يا حبيبي، خد أسد واطلعوا برا في الجنينة. أسد: يلا يا زين، أنا بطرد من هنا. زين: آه صح، انت قاعد ليه؟ قوم روح. أسد: مش قاعد على رجلك أنا. فات اليوم بضحك وهزار ع الكل، وفرحة أحمد الصياد لأنه مبسوط إنه هيشوف حفيدته. تشرق الشمس في يوم مليء بالأحداث.

تستيقظ همس الساعة السادسة صباحًا لتقوم وتنعم بحمام دافئ وتلملم فراشها وتذهب لتحضير الفطور. يحي: اممم، شكل العلقة جابت نتيجه. نسرين ببرائة مصطنعة: هتعمل إيه في العريس اللي متقدملها؟ همس ببكاء: عريس إيه؟ أنا مش عاوزه أتجوز، ونبي يا بابا أنا عاوزه أكمل تعليم. نسرين: تكملي تعليم إيه؟ ما البت سمر بتدرس كفاية، هيي. يحي: نسرين عندها حق، كفاية علينا مصاريف سمر، وأنتي كده كده مش نافعة.

همس: خلاص يا بابا أنا مش هروح دروس، هدرس بس. يحي: قولت مفيش زفت على دماغك، واللي هقوله يتنفذ، وقام من ع الأكل. سمر باستهزاء: إيه ده؟ هتتجوز؟ نسرين: لا يا بت يا سمر، ده أبوها باعها. سمر: يا عيني، أكيد يا هموس لواحد قد أبوكي وعاوزك ويرميكي تاني. نسرين: قومي يالا، انتي هتخليكي باصلنا، قومي روّقي الشقة للضيوف وهبعتلك فستان تلبسيه. همس بكسرة: حاضر، هقوم. ربنا يرحمك يا ماما، انتي اللي كنتي ليا وكنتي بتقفي جمبي.

سمر شدتها: ملناش في جو الأصعبنيات ده، قومي وخلصي، تعمليلي قهوة وتجيبيها ليا. همس: أنا مش خدامة عندك، اعملي لنفسك. نسرين بصوت عالي: ما تفزي يا هانم، اعمليلها اللي تقوله سمر مسموع، بدل ما أخلي يحي يعمل فيكي زي امبارح. همس: حاضر، هقوم. في قصر الصياد. يستيقظ زين ع صوت المنبه ليدلف إلى دورة المياه لينعم بحمام دافئ ويتوضأ ويصلي فرضه وينزل إلى غرفة الطعام ليجد الجميع جالس في انتظاره. الجد: صباح الخير يا زين.

زين وهو يقبل يده: صباح النور يا جدو. زين لنواره: قولي لسماح تجهز أوضتي يا ماما النهارده وتفضي ضلفة لهدومي. الجد: عاوزك يا أفراح انتي وريناد تروحوا المول وتشتروا لهمس لبس بيتي وخروج، هي في نفس جسمك يا همس. همس: حاضر يا جدو. وانتي يانسرين، خلصي علشان نطلع تذاكر اللي ورانا ونروح ع العصر المول. زين: خدوا أدهم معاكم، هو كده كده فاضي. أدهم: لا، أنا ورايا جامعة وهروح الشركة، خليهم يروحوا مع الحرس.

فهد: خلوا بالكم من نفسكم كويس، لو احتاجتوا حاجة رنوا عليا. فرح: حاضر يا بيه. فهد ابتسم وقام: أنا هروح الشركة وهاروح ع طول، يلا يا زين. بعد مرور نصف ساعة هبط زين من السيارة ليدلف إلى شركته بهيبة كعادته. زين: يامي هاتيلي القهوة بتاعتي، وألغي كل المواعيد النهاردة، وهاتيلي ورق آخر صفقة. مي بمياعة وهي ترتدي ملابس فاضحة: حاضر يا فندم. بعد مرور عشر دقائق. مي: اتفضل يا فندم، ورق آخر صفقة والقهوة.

أسد بغضب من وراها: مش أنا نبهت عليكي أكتر من ألف مرة تلبسي لبس عدل، ده مش لبس انتي لابسااه. مي: حضرتك مش مسؤول عني، أنا سكرتيرة للأستاذ زين. زين: مخصوم منك خمس أيام لأنك خالفتي الأوامر، وإنك رفعتي صوتك ع أسد بيه. اعتذري واطلعي، وأنا نص ساعة وهمشي، ورايا مشوار. كل حاجة أجليها لبكرة. مي بغضب مكتوم: أنا آسفة يا أستاذ أسد، وحاضر يا مستر زين، هلغي كل حاجة. زين: ماشي، اطلعي. خرجت مي وهي تتوعد لهم.

بعد انتهاء زين من مراجعة الأوراق خرج وبجانبه أسد وفهد، والكل ينظر لهم باعجاب واحترام. في منزل همس. يحي بغضب: إيه يا أستاذة همس، لسه ملبستيش؟ همس بعياط: يا بابا، أرجوك مش عاوزه أتجوز. يحي ضربها بالقلم: مش باخد رأيك، كده كده هتروحي غصب عنك، وخفي البس. دخلت همس ترتدي ملابسها بكسرة. بعد فترة دق الباب لتفتح لهم سمر. سمر بمياعة: اتفضلوا. نسرين: نورتونا، تعالوا اتفضلوا. الجد: إزيك يا يحي؟

من غير كلام كتير، أنا جاي أطلب إيد همس. زين لأسد وفهد: يارب متكون البت الملزقة دي. ضحك عليه أسد وفهد. أسد: شكلك لبست. ليقاطعه صوت يحي وهو يقول: قومي يا أسمر اندهي ل همس. سمر: حاضر يا بابا. بفهد لم يستطع منع ضحكته هو والآخرون. سمر دخلت ل همس. سمر: يلا يا أختي، زي ما قولتلك، راجل كبير وشايب بس أحسن يربيكي. خرجت سمر وبجانبها همس، ليتفاجئ الكل بجمال همس. فهد: أوباا، يا واد يا زين، البت مزة.

زين بص ليها زي السارح: يا ربي ع الجمال. ليقاطعه صوت جده وهو يقول: أهلاً يا همس، أنا أحمد الصياد جدك. همس بدموع مكبوتة: جدي؟ إزاي؟ وانت جاي تتجوزني؟ الجد: لا طبعًا، مين قالك كده؟ همس: أبلة نسرين وسمر. نسرين: شوف البت بتتبلى علينا. همس بدموع: والله كذابة، قولتولي كدا. يحي: وربنا لأعلمك الأدب، بس لما يمشوا. فهد: مين قال إننا هنسيبها هنا دقيقة واحدة؟ كلم المأذون يا جدو. نسرين: مأذون ليه؟ هو إحنا شوفنا العريس لحد دلوقتي؟

زين: ليه؟ أنا مش عاجبك ولا إيه؟ سمر بصدمة: أكيد لا، مش هتتجوز الجربوعة دي. لسة هيقوم فهد، ولاكن أسد قعده: اهدي، وبعد كتب الكتاب اعمل اللي عاوزه. وجه المأذون وكتب الكتاب. الجد: خد عروستك وانزلوا يلا، وأنا جاي وراكم. سلمت همس ع أبوها، ولاكن رفض يسلم، حضنتها سمر ونسرين. سمر بصوت واطي لا يسمعه غير همس: مش هنهنيكي عليه. دمعت همس ولاحظ زين هذا. أسد: همس باين عليها طيبة واتجرحت كتير، خليك جنبها يا زين.

زين: هعرف كل ده، بس مش دلوقتي. نسرين: استنوا لما تلم هدومها. الجد بقرف: مش عاوز غير همس وبس، من غير أي حاجة. نزلت همس مع جدها وزين، وقدامهم أسد وفهد. جدها: كلك منار يا همس. همس بحزن: ربنا يرحمها، هي الوحيدة اللي كانت واقفة جمبي. ليحتضنها أحمد ويزيل دموعها ويقول: من النهارده مش عاوز أشوف دموعك دي. همس بابتسامة: حاضر.