رواية جنون العشق الفصل التاسع 9 - بقلم كيان كاتبة

نادين بزعيق: انت صدقت نفسك ولا إيه، انت صدقك إنك أبوها بجد. إسلام بعصبية: إنتي بتقولي إيه، مش قولنا السيرة دي متنفتحش. نادين بعصبية: أصل شايفاك متقمص الدور أوي. إسلام بزعيق: جني بنتي وهتفضل طول عمرها بنتي. نادين بسخرية: ابقى أقول لآدم الكلام ده لما يعرف الحقيقة. تاني يوم الصبح في أوضة آدم، صحيت مرام ملقتش آدم جنبها. اتنهدت بهدوء. تحت كان الكل بيفطر، نزلت مرام بهدوء وصوت كعبها شتت الانتباه.

كانت لابسة بدلة نبيتي غامق وسايبة شعرها على كتفها. بصت لها روح بابتسامة. كانت نادين نازلة، وقفت جنبها بحقد. بعدين بصت على الكرسي اللي جنب آدم وابتسمت بخبث وراحت تقعد عليه. جت نادين تقعد، راحت وقعت على الأرض بعد لما مرام شدت الكرسي. مرام ببرود وهي قاعدة على الكرسي: سوري، مكنتش أعرف إنك هتقعدي عليه، أصل إنتي عارفة إن ده مكاني. ضحكت روح بصوت عالي. بصت لها نادين وهي بتقوم من على الأرض بغضب وغيظ.

نزل إسلام وهو شايل جني: في إيه. بصت له نادين بغضب شديد: حتى لو عرفت فيه إيه مش هتعرف تجيب لي حقي. مستنتش نادين رد منه وطلعت على أوضتها. قعد إسلام على الكرسي بهدوء وجني في حضنه. نسرين بعتاب: إيه اللي خلاك تنزل جني دلوقتي، هي لسه تعبانة. بص إسلام لعزيز بحدة: إنتي عارفة إن عزيز باشا مانع إن الأكل يطلع الأوضة وجني لازم تاكل عشان العلاج بتاعها. كل ده تحت أنظار آدم اللي كان بياكل ببرود.

نسرين: بس جني تعبانة، اطلع وأنا هبعت. ملحقتش نسرين تكمل كلامها بسبب صوت عزيز العالي: ولو بتموت مفيش أكل يطلع فوق. جني بوجع وهي بتشاور على جنبها: بابي هنا بيوجعني. هنا احمرت عيون مرام بشدة. قال إسلام بحنان: معلش يا روحي استحملي، هتاكلي وهطلعك فوق تاني. إسلام كان بيحاول ياكل جني بس فجأة جني صرخت بوجع: آه. مقدرتش تستحمل مرام وقامت وقفت بغضب، بس قبل ما تعمل حاجة سمعت صوت الطبق اللي آدم رماه على الأرض بعصبية.

قام وقف وراح ناحية إسلام ببرود. شال جني بحرص وقال بصوت عالي أفزع الكل: أكل جني يجي على أوضتها. وقبل ما حد يرد عليه كان طلع على أوضتها. أما مرام كانت بتبص على طيفه، بعدين اتنهدت براحة ورجعت بصت على عزيز بقوة. في أوضة جني، كان آدم نزلها على السرير بحرص شديد وقال بحنان: كده مش هتحسي بوجع خالص. دخلت مرام وهي شايلة صينية الطعام قالت بابتسامة: وكمان الأكل جه. قام آدم من على السرير وهو بيبص على جني بهدوء.

اهتز تليفونه معلن عن وصول إشعار. فتح آدم التليفون، كان إشعار مكتوب فيها: النتيجة طلعت إيجابية.