رواية جواز بالاجبار الفصل الحادي عشر 11 - بقلم هاجر محمد

وصلوا الفيلا وفجأه وقعت حنين. أغمى عليها. شالها أدهم ودخلها الأوضة واتصل بالدكتورة. وصلت الدكتورة وكشفت على حنين. الدكتورة: ضغط عصبي، وبقالها يومين ما أكلتش، وهي أصلاً عندها أنيميا. إزاي سيبوها كده؟ أدهم: دلوقتي هتكتبي لها على علاج ولا أعمل إيه أنا؟ الدكتورة: أنا كتبتلها على فيتامينات، لازم تاخدها وتاكل كويس، وبلاش أي ضغط عصبي عليها. أدهم: حاضر. فلوسك أهي، يلا اتفضلي. طلعت الدكتورة وراح أدهم لحنين.

أدهم: كل ده عشان مش عاوزة تتجوزيني؟ أنا مش وحش، أنا بحبك. بدأت حنين تفوق. حنين: إيه اللي حصل؟ وإيه اللي جابني هنا؟ أدهم: هو إنتي فقدتي الذاكرة ولا إيه؟ حنين: مش وقت استظراف، أنا دماغي وجعاني أوي. أدهم: حتى وإنتي تعبانة لمضة. حنين: أنا مش هرد عليك. أدهم: بقالك يومين مش بتاكلي، وإنتي عارفة إن عندك أنيميا، ليه يا حنين؟ حنين: ملكش دعوة، حاجة متخصكش.

أدهم: لا اسمعي بقى يا حلوة، إنتي بقيتي مراتي، يعني صوتك ما يعلاش، وتتكلمي بأدب. حنين: حاضر، حاضر. أدهم: هبعت لك الأكل مع الشغالة، تطفحي وتاخدي الدوا، وعلى الله أعرف إنك ما أكلتيش أو ما أخدتيش الدوا. حنين: خلاص بقى، كفاية صداع، دماغي وجعاني. أدهم: إنتي يا بت انتي مش ناوية تلمي لسانك حتى وإنتي تعبانة؟ اتهدي بقى. حنين: صبرني يارب. قوم بقى اطلع بره، هوّينا. أدهم: إنتي مش ملاحظة إنك في بيتي وأوضتي؟

لا وكمان بتطرديني من أوضتي؟ يا بجاحتك يا شيخة. حنين: خلاص ياعم، أسفين. أدهم: صبرني يارب. هي جوازة باينة من أولها. خرج أدهم من الأوضة. حنين: بارد. (بتقلد أدهم) إنتي في بيتي وأوضتي، نينيني. أكلت حنين وأخدت العلاج ونامت. دخل أدهم الأوضة وقعد قدامها. أدهم: بقى الكائن اللمض اللي كان بيكلمني من شوية هو الملاك اللي نايم ده؟ يخربيت لسانك يا حنين. *** تاني يوم عند زين وحور.

حور: زين، أنا بقيت كويسة، أنا زهقت من المستشفى، ممكن نمشي؟ زين: حاضر يا حبيبتي، هقول للدكتور ونمشي، بس كملي أكل. حور: خلصت أكل. زين: إنتي ما أكلتيش حاجة أصلاً، الأكل لسه زي ما هو. حور: أكلت قد ما أقدر. زين: كملي أكل يا حور، بلاش هبل. حور: خلاص، خلاص، حاضر. زين: أنا هروح أقول للدكتور لحد ما تخلصي أكل. خرج زين قال للدكتور، وسمح لهم بالخروج. دخل زين لحور. زين: يلا، اجهزي عشان هنمشي. حور بفرحة: بجد؟ زين: أيوه، يلا.

حور: أه، صح. أدهم عمل إيه؟ زين: كتب الكتاب امبارح. حور: وحنين عاملة إيه دلوقتي؟ زين: مش عارف. حور: خلاص، أنا هبقى أكلمها. هروح أجهز حاجتي. زين: لا، روحي البسي إنتي، وأنا هجهز الحاجة. حور: حاضر. جهز زين حاجة، ولبست حور. زين أول ما شافها قرب منها. زين وهو بيعدل لها الخمار: إحنا مش قولنا قبل كده نعدل الخمار ونضبطه كويس عشان شعرك ما يبانش. حور بدموع: مش عارفة والله، حاولت.

زين: امسحي دموعك، أنا بقولك عشان تخلي بالك المرة الجاية. حور: حاضر. *** عند أدهم وحنين. صحت حنين من النوم لقيت أدهم نايم جنبها. حنين: عاااااااااااااااااااااااااااا. صحى أدهم مخضوض. أدهم بخضة: إيه؟ في إيه؟ حنين: إنت إيه اللي جابك هنا ونايم جمبي ليه؟ أدهم بذهول: إنتي بتصرخي عشان كده؟ حنين: أيوه طبعاً. أدهم: اتهدي يا بنت المجنونة واتخمدي. حنين: إنت هتصاحبني؟ إيه اللي منومك جمبي؟

أدهم: ححنين، أنا جوزك. وأقسم بالله لو ما اتخمدتي دلوقتي أو غورتي بره الأوضة، هرتكب جريمة. حنين: خلاص ياعم، براحة بس. أدهم: اتخمدي. حنين: حاضر. باب الأوضة خبط. أدهم: هو يوم باين من أوله. فتح أدهم الباب. الشغالة: فيه واحدة تحت عاوزاك. أدهم: ما قالتش هي مين؟ الشغالة: لا. أدهم: خلاص، روحي إنتي. دخل أدهم أخد شاور ولبس ونزل. وأول ما نزل. أدهم: إنتي إيه اللي جابك هنا؟