رواية جواز بالاجبار الفصل الثاني عشر 12 - بقلم هاجر محمد

ادهم: انتي ايه اللي جابك هنا؟ ندى: ايه جايه اشوف العروسة. ادهم: عروسة ايه، احنا هنستهبل، انتي ليكي عين تيجي هنا؟ أنا مش عايز أشوف وشك ولا أسمع صوتك، ولا طايقك أصلاً. ندى: عايزة أشوف حبيبة القلب اللي خطفتك مني. ادهم: أنا محدش خطفني، وإنتي عارفة كويس إنتي عملتي إيه يخليني مش طايقك. نزلت حنين على الصوت وراحت وقفت جنب ادهم. حنين: هي مين دي اللي خطفته؟ يا اللي ألاقي لسعة عقربة يا بعيدة.

ندى: أنا مش بكلمك إنتي، أنا بكلمه هو. حنين: إنتي عايزاني أسمع شتيمتي بوداني وأسكت؟ لأ، وكمان جاية تشتميني في بيتي ده؟ إنتي بجحة أوي. ندى: يرضيك اللي بيحصل ده يا ادهم؟ حنين: أه يرضيه، ملكيش دعوة إنتي. ادهم: بس بس بقى، كفاية خناق وردح لبعض. حنين: إنت مش شايفها بتشتمني؟ ادهم: خلاص يا حبيبتي، معلش متزعليش، حقك عليا يا روحي. وإنتي يا ندى لو سمحتي. ندى: إنت بتطردني يا ادهم؟ تمام كده، إنت اللي بتبتدي، واستحمل اللي هيحصل.

ادهم ببرود: أنا مش بتتهدد يا ندى، وإنتي عارفة كده كويس، كلامك ده تقوليه لحد غيري، إنما أنا لأ. ندى: هتشوف يا ادهم، وابقى خلي بالك من السنيورة كويس. ومشت. حنين: طلعت روحك يا بعيد، هو إيه اللي حقك عليا يا روحي؟ ادهم: إنتي تطولي؟ حنين: ليه يا عنيا؟ ادهم: بس بس، إنتي هتردحي؟ إنتي صاحية؟ عايزة تتخانقي؟ غوري افطري عشان تاخدي الدوا. حنين: مليش نفس، مش عايزة أكل. ادهم: اسمعي الكلام، روحي افطري. حنين: ما قولنا مش عايزة.

ادهم: لأ بقولك إيه، أنا مش هفضل في موال ده، كل مرة الكلام اللي أقوله يتسمع من أول مرة، أنا مش بحب حد يعصي كلامي، قولت هتاكلي يبقى هتاكلي. حنين: ليه لامؤاخذة، تكونش اشتريتني ولا اشتريتني؟ ادهم: أه اشتريتك يا حنين، ولا نسيتي أبوكي اللي باعك ليا؟ حنين بدموع: لأ منستش. طلعت حنين الأوضة تبكي. بعد شوية الباب خبط. ادهم: افتحي يا حنين. ادهم: بطلي عياط وافتحي يا حنين. فتح ادهم الباب ودخل. ادهم: حنين أنا...

حنين بمقاطعة ودموع: إنت إيه؟ ها؟ إنت إيه؟ أنا مش عايزة أسمع صوتك ولا أشوفك، اطلع بره يا ادهم. ادهم: أنا مكنتش أقصد والله، أنا كنت متعصب. حنين: اطلع بره يا ادهم. ادهم: هسيبك تهدي وهرجع لك تاني. *** عند حور وزين. حور: زين زين قوم يلا، كفاية نوم. زين بنعاس: عايزة إيه يا حور؟ سيبيني أنام. حور: قوم بقى، كفاية. زين: عايزة إيه؟ ما تسيبيني أنام. حور: لأ، كفاية، قوم يلا. زين: حاضر، أديني قومت أهو.

جت حور تقوم، مسكها زين من دراعها. زين: خدي، رايحة فين؟ حور: هه، أقوم أشوف هعمل إيه، خلاص صحيتك، بس مالك ماسكني كده ليه؟ زين: بقى بزمتك حد يصحى على القمر ده والصوت ده ويسيبه يمشي؟ حور اتكسفت: والله إنك غلس. زين: أه عارف إني غلس، متتمشيش بقى. حور: مالك يا زين، سيبني أمشي. زين مسكها جامد: مش هسيبك، ووريني هتعملي إيه. حور بدموع: إيدي وجعتني، سيبني. زين بأسف: خلاص خلاص، أنا آسف والله مش قصدي.

مسح دموعها وقال: متعيطيش، مهما حصل مش عايز أشوف دموعك. حور: حاضر. زين: خلاص ماشي، يلا بقى، أنا عايز أفطر. حور: حاضر. *** عند ادهم في المكتب. ادهم: غبي، غبي، مكنش ينفع أقولها كده، مكنش ينفع. كلامي كان زي الزفت، ولازم أتصالحها. طلع ادهم لحنين، خبط. ادهم: حنين، افتحي. ادهم: حنين، حنين لو سمحتي افتحي. ادهم قلق، مش سامع صوتها ومش بترد. كسر الباب ودخل. اتفاجئ لما شاف.