رواية جوازة بالاكراه الفصل الأول 1 - بقلم دودا حودة

أنا ساره عندي 25 سنة، متجوزة حسن ابن عمي. شغال شؤون عاملين في شركة ملابس، عنده 32 سنة. مش متجوزة عن حب، بس حبيته بعد الجواز. حسيت إنه حاجة كبيرة بالنسبة ليا، إنسان طيب وبيحبني ومش بيحرمني من أي حاجة. مش عندنا أطفال، لسه متجوزين بقالنا 3 سنين. حياتي كانت في منتهى السعادة لحد ما في يوم حسن نسي ورق مهم في البيت. حسن: أيوه يا سارة. سارة: أيوه يا حبيبي، فيه حاجة؟

حسن: أنا نسيت ورق يخص التأمينات في البيت. ينفع تجيبه ليا عند الشركة؟ سارة: حاضر يا حسن، هقوم وألبس وأجيلك. قامت سارة لبست وراحت عند الشركة واتصلت بحسن. سارة: أيوه يا حسن، أنا تحت، يا ريت تنزل بسرعة. نزل حسن وبياخد منها الورق. وجه قدامهم بعربيته يحيي صاحب الشركة. يحيي: إزيك يا حسن؟ واقف كده ليه؟ حسن: معلش، كنت نسيت حاجة في البيت والمدام جابتها ليا. يحيي: مد إيده، إزي حضرتك يا مدام. ومسك إيدها فترة طويلة لحد ما شدها.

سارة: ساره: أهلاً بحضرتك يا فندم. أنا ماشية يا حسن، عايز حاجة؟ يحيي: بسرعة كده؟ ماتفضلي فوق في مكتب حسن شوية. سارة: لا شكراً، بعد إذنك. مع السلامة يا حسن. وطلع حسن وصاحب الشركة. *** وفي مكتب يحيي، دخل شريكه إبراهيم. إبراهيم: إيه؟ مالك؟ أول مرة أشوفك كده. يحيي: بنت في منتهى الجمال. مش قادر أنسى شكلها. إبراهيم: مين دي؟ شغالة معانا هنا؟ يحيي: لا، مرات حسن، شؤون العاملين. إبراهيم: حسن المعفن ده مراته حلوة؟

يحيي: جداً والله، مش مصدق بصراحة. إبراهيم: المهم، خلينا في شغلنا. يحيي: أنهي شغل بالظبط؟ إبراهيم: هو إحنا لينا غيره؟ المخدرات طبعاً. هو المصنع ده شغل. يحيي: وطّي صوتك يا غبي. إنت من امتى بنتكلم هنا في الكلام ده؟ إبراهيم: ماشي، بس عندنا تسليم بليل ولازم تكون معانا. والباب خبط. يحيي: اتفضل. وحسن دخل. حسن: بعد إذنك يا فندم، كان فيه ورق مهم كنت عايز أمضي من حضرتك.

يحيي: تعالي يا حسن، بقولك صحيح، أنا عامل حفلة في الفيلا عندي بكرة. ماتيجي؟ حسن: ينهار أبيض! يزدني شرف يا فندم، حاضر. يحيي: ما تجيب المدام معاك. حسن: بس المدام مش بتحب تخرج والله. يحيي: معقول؟ هتكسفني؟ حسن: لا طبعاً، مقدرش. حاضر يا فندم. وخرج حسن. إبراهيم: حفلة إيه دي؟ يحيي: مهي البت دي مش هتعدي من تحت إيدي كده. لازم تنضم للقائمة. إبراهيم: مش سهل أنت. بس مش عايزين مشاكل في الشغل هنا. المصنع ده ستار على بلاوي كتير.

يحيي: من امتى وأنا بخاف؟ *** حسن في البيت: أستاذ يحيي عزمنا عنده بكرة. سارة: عزمنا؟ وده من امتى يعني؟ حسن: مهو إنتِ مش هتيجي معايا، هطلع بأي عذر. مش مرتاحله من ساعة ما شفته. سارة: بصراحة، ولا أنا كمان. وراح حسن لوحده. يحيي: إزيك يا حسن؟ أمال فين المدام؟ حسن: تعبانة شوية. وهو أنا مش كفاية ولا إيه؟ يحيي: لا، إزاي طبعاً. بعد إذنك. ومشي. إبراهيم: هههههههههههه، الموزة مجتشي.

يحيي: اخرس. كل تفكيري أنا لازم أخلص من حسن ده. أنا عمري ما عايزت حاجة ومحصلتش. البت دي لازم تكون معايا في أقرب وقت.