رواية جوازة في شهر الفصل العاشر 10 - بقلم رحمة نجح

ادم بقلق عليها. ليل بتبكي ليه؟ ظلت ليل تبكي كثيرا، والادم يحاول أن يهدئها ولكن لا جدوى. ادم بصرامة. ليل كفاية، انتي كده بتخضيني أكتر. بالفعل سكتت ليل بعد نبرة ادم الصارمة. ادم. في إيه بقا؟ ليل. تركيا بتحترق. ادم. نعم؟ ليل. هو إيه اللي نعم؟ بقولك تركيا بتحترق، وعالفكرة الموضوع ده مفيهوش نقاش ولا ضحك، انتا شايف حجم الكارثة. ادم. حبيبتي، انتي كنتي بتموتي نفسك من العياط.

ليل. ما انتا مشفتش الغابات ولا الحيوانات اللي بتتحرق، بجد منظرها يقطع القلب. ادم. حبيبتي، ادعي ليها ربنا ينجي الناس اللي فيها عشان الأرواح دي. ليل بدموع. ما هو ده اللي خلاني أعايط، شكل الحريق فظيع أوي يا آدم. ادم. وهو يحتضنها. مفيش بإيدك غير الدعاء. ليل. ربنا ينجي أهلها على خير. بعد مرور خمس دقائق، استوعبت ليل أنها في أحضان ادم، لتدفعه بقوة. ادم. في إيه يا نيلة انتي؟ ليل بغيظ. أنا نيلة؟ ادم. اه، في حد يزق حد كده؟

ليل. اه فيه، أنا عملت أهو. ادم. طب نامي بقا عشان مزعلكيش. ليل. أنام مين يا بابا؟ انتا روح شوف انتا بتعمل إيه، أنا هكلم بابا. ليل. نهار أسوح! ادم. في إيه؟ ليل بخوف. بابا في تركيا يا آدم. ادم. ما أنا عارف. ليل. والحرائق اللي فيها؟ ادم. طب رني عليه نكلمه سوا. ليل. حاضر. بالفعل قامت ليل بالاتصال على والدها فيديو لكي تراه. ليل. بابا وحشتني أوي، انت كويس؟ الاب. وانتي كمان يا ليلو وحشاني أوي، وأنا كويس الحمد لله، متقلقيش.

ليل. مش ناوي تيجي بقا؟ أنا خايفة عليك عشان اللي بيحصل هناك. الاب. لسه شوية ياروحي، مش دلوقتي، ومتقلقيش عليا، أنا بخير. ليل بدموع. مستنياك. ادم بحنية. الله، ليه الدموع بس؟ ليل. وانتا مالك؟ خليك في حالك. ادم بغيظ. أنا غلطان إني بتكلم. الاب. في إيه يا عيال؟ ادم. انتا مش شايفها بتتكلم إزاي يا عمي؟ ليل. بتكلم إزاي أن شاء الله؟ ادم. ولا حاجة، أنا خارج أقعد بره شوية. بالفعل خرج ادم من تلك الغرفة.

الاب. ليل، اتكلمي عدل شوية مع ادم، بلاش تقفيلة على الواحدة، وادم شخصية طيبة جداً على فكرة، حاولي متخسريهوش. ليل. بابا، افهمني، فكرة أنه بقا جوزي في الفترة الصغيرة دي مش مستوعبة بصراحة، يعني حصل إزاي كل ده؟ الاب. صدقيني، ادم مش وحش، احترميه يا ليل، مش عشان بيحب الضحك وبيبهزر تتعاملي معاه كده. ليل. هو أنا عملت حاجة يا بابا؟ الاب. أنا بنصحك، وانتي اعملي اللي عايزاه. ليل. حاضر، يالا تصبح على جنة.

لتغلق الهاتف مع والدها وتجلس تفكر في ذلك ادم. ليل. بصراحة، ما هو شخصية طيبة وكويس، بس أعمل إيه؟ أنا مش مقتنعة إنه جوزي، يعني الجواز جه بسرعة أوي، معرفش بقا أعمل إيه؟ يا رب يسرها من عندك. على الجهه الأخرى، كانت يامور تجلس أمام النيل وهي تفكر في حبها الأول، فما زال هذا الشخص شاغل قلبها وعقلها، لم تستطيع أن تخرجه من كلاهما، فكلما حاولت أن تنساه تتعلق به أكثر، وكل ده العشق اللي بداخلها وهو لم يعلم عنه شيئاً بالمرة.

عامر. والقدر جمعنا صدفة تاني. يامور. هو انت تاني؟ عامر. شوفتي بقا. يامور بضحك. شوفت. عامر. طب إيه؟ يامور باستغراب. إيه؟ عامر. مش ناويه تحكيلي اللي في قلبك؟ يامور. هل انت تعرفني؟ عامر. لا. يامور. وانت مالك باللي في قلبي بقا؟ عامر بضحك. فضول. يامور. آسفة لفضولك، اتفضل بقا شوف انت رايح فين. عامر. بطلي بواخة بقا وقولي. يامور باستغراب. هو انت ليه محسسني إني واحدة صاحبتك يا عم انت؟ عامر. اسمي عامر. يامور. الصبر يارب.

عامر. ما هو أنا مش هسيبك غير لما تحكي. يامور. إيه يالا البرود ده؟ هموت. عامر. احكي. يامور باستسلام. حاضر. عامر بذهول. إيه؟ بسرعة دي؟ يامور. عشان من الآخر كده فعلاً عايزة أحكي. يامور. أنا فاشلة. عامر. مين قالك كده؟ يامور. ماما، وغير كده إني فعلاً فاشلة، أنا ثانوي تجارة وكمان مدخلتش جامعة. عامر. ومين اللي قالك إن تجارة بيبقوا فاشلين؟ دي وجهة نظر غلط خالص. يامور. وايه الصح؟

عامر. إنك تشيلي نفسك من قوقعة الفشل، عشان مفيش إنسان فاشل يا يامور، أيا كان مين هو، انتي تقدري تنجحي، خشي كلية ومنها هتطلعي محاسبة وحاجات كتير حلوة، انتي بس اللي شايفة الفشل، الإنسان بإيده يبقى ناجح وبايده يحط نفسه في قوقعة الفشل. يامور بدموع. مدخلتش الكلية السنة دي وراحت عليا عشان موت بابا. عامر. البقاء لله، وأنا متأكد إن باباكي لو كان عايش كان هيتمني يشوفك ناجحة، وممكن نبقى أصحاب. يامور. اه.

عامر. خلاص بقا بطلي عياط، ده إيه النكد ده؟ ستات نكدية. يامور. أنا نكدية؟ عامر. كل مرة بشوفك فيها بتكوني بتعيطي، أخد فكرة إيه غير النكد عنك؟ يامور بضحك. بصراحة عندك حق، أقنعتني. عامر. طب ما انتي حلوة وبتضحكي أهو. يامور بضحك. عارفة. عامر. غرور. يامور. تؤتؤ، دي ثقة. عند ليل و ادم.

يدلف ادم الغرفة دون أن ينطق بحرف، يأخذ وسادة وتلك اللحاف وينام على الأرض، استغربت ليل بشدة، فيوم أمس كان يعاندها لكي ينام على السرير، والآن هو الذي أخذ تلك الوسادة ونام على الأرض. ليل. ادم، انتا هتنام على الأرض؟ ادم. .... ليل. ادم، انتا مبتردش عليا ليه؟ معقول نمت؟ ادم. ليل، على ما أظن انتي قولتيلي خليك في حالك، صح؟ يبقا مالكيش دعوة بيا وأنا بعمل إيه. ليل. ادم، أنا مقصدش. لم يرد عليها ادم وتصنع النوم.

قامت ليل من تلك الفراش وتوجهت إليه. ليل. أنا آسفة. ادم. وبعدين يعني؟ ليل. والله مكنش قصدي، يعني هي طلعت مني كده. ادم بهدوء. ليل، مش عشان بتكلم معاكي بهزار وكده تسوقي فيها، على فكرة أنا غضبي وحش. ليل. هو إيه اللي غضبك وحش؟ أنا غلط وبقولك معلش، في إيه بقا؟ ادم ببرود. في إنك تنامي، وفعلاً كل واحد يخليه في حاله. ليل بغيظ. بقا كده؟ ادم. اه كده. بعد قليل. ليل. ااادم. ادم. .... ليل. ما هو اكيد انتا لسه منمتش.

ادم. ليل، لو مسكتيش هزعلك. أمسكت ليل ذراعه وأجلسته. ليل. ما أنا بصراحة مش متعودة أنام وحد زعلان مني. ادم. والله؟ ليل. والله، خلاص بقا متزعلش. ادم. خلاص يا ستي. ليل بفرحة. شكراً شكراً شكراً. ادم بضحك. إيه كل ده شكراً؟ ليل. كده أنام في راحة بقا. ادم. في تصحيح، معلش، ننام في راحة. ليل. مش انتا يا جدع قلت هنام على الأرض؟ ادم. ده قبل المصالحة، حالياً هنام على السرير. لتقوم ليل سريعاً وتتوجه إلى السرير.

ليل. نام انتا بقا، تصبح على جنة. ليقوم ادم سريعاً ويتوجه إليها. ادم. اتأخري. ليل وهي تخرج لسانها. بعينك. ادم. بقا كده؟ ليل. أيوان. ليتجه ادم إليها ويكبل يديها وأصبح يعتليها. ليل بتوتر. إيه ده؟ في إيه؟ ادم بخبث. بما إنك مش عايزة تتأخري يعني، فحلو كده. ليل. هو إيه اللي حلو؟ هي أي قلة أدب وخلاص، ابعد كده. ادم. بصراحة، الڤيو من عندي رائع، بيطل على المحيط. ليل بخجل. يخربيت الزرافة، ابعد بدل ما أصوت وأصحي ماما، ابعد.

ادم باستفزاز. صوتي يا روحي، معنديش أي مشكلة. ليل. بقا كده؟ ادم. أيوان. ليل. عاااا. ليضع ادم يده سريعاً على فمها. ادم. اسكتي. عضت ليل يده. ادم. يا بنت العضاضة. ليل. نينيني، أبعد عشان أنا مجنونة وهصوت تاني. ادم. وقسماً بالله لو صوتي تاني هسكتك بس بطريقة تاني، وانتِ واحدة بتقراي روايات وفاهمة بقا. لتضع ليل يديها على وجهها سريعاً، فهي عندما تخجل تفعل هذه الحركة. ادم بضحك. شاطرة، كده نامي بقا. ليتركها ادم وينام بجانبها.

في الصباح، كان الاثنان ما زال نائمين، ولكن كانوا ينامون بطريقة رومانسية، فكان ادم يحتضن ليل وليل تضع رأسها على صدره. ليل. عاااا. ادم. في إيه يا مجنونة؟ ليل. أنا إيه اللي جابني في حضنك؟ ادم. وأنا أعرف منين يا نصيبة؟ مش كنتي مكمودة جمبي؟ ليل بضحك. خلاص اقتنعت. ادم. إيه ده؟ شعرك انهارده مش منكوش ليه؟ ليل. ملكش دعوة يا أخ، خليك في حالك. ادم. ماشي، ماشي، طب بصي بقا، بما إنك مراتي فقررت آخد فيكي ثواب. ليل. لا والله؟

ادم. اه والله. ليل. وايه هو القرار؟ ادم. قررت أفسحك. ليل. أحلف؟ ادم بضحك. والله. لتقفز ليل وترتمي في أحضانه، ليضمها ادم إليه، لتستوعب ليل ما فعلته لتبتعد عنه بخجل. ليل. احم احم، مكنش قصدي. ادم بضحك. لا اعتبريني زي جوزك يعني، متتكسفيش. لتضحك ليل بشدة على طريقته في الكلام. ادم بمرح. لا، غمازاتك حلوة. ليل. اقولك سر. ادم بضحك. قولي. ليل. لما كنت في إعدادي واحدة صحبتي كرهتني فيهم. ادم. ليه.

ليل. قعدت تقولي ده عيب خلقي ومتفرحيش بيهم وكلام أهبل كده. ادم. هي الغمازات بيبقا سبب في تغير عضلات الوجه لكن مش عيب خلقي وبعدين تكفي أنها قمر عليكي. ليل بضحك. أنا بقول كده بردو. ادم بغمزة. طب ايه. ليل. لا أنا هقوم بغمزاتك دي وأحضر الفطار عشان نفطر ونخرج أشطا. ادم بضحك. أشطا. بالفعل قامت ليل وحضرت الأ فطار وانتهو من الطعام وبعد مرور قليل من الوقت كانت ليل تقف أمام المرايا تهندم حجابها. ادم. خلصتي. ليل. إيه الشياكة دي.

ادم. أي خدمة بس ثانية كده إيه ده. ليل. ده إيه. ادم. اللي على شفايفك. ليل. ده ملمع. ادم. وهو يخرج منديل. اتفضلي امسحيه. ليل. بالسهولة دي. ادم باستغراب. سهولة إيه. ليل. لا كان في رواية أحدهم كده بيتمسح بطريقة تانية بس احمد ربك إنك مش عارفها. ادم بضحك. طب أنا هخرج أستناكي بره يا مجنونة. خرج ادم وليل من المنزل وسط دعوات مها لهم بأن يديم ربهم لهم سعادتهم ويرزقهم بالذرية الصالحة.

أخذ ادم ليل إلى الملاهي وسط إصرارها عليها فكان ادم يرفض أن يذهب إلى الملاهي ولكن وسط تذمرها قد وافق فهو لا يريد أن يكسر فرحتها فيكفي فراق والدها عنها. قضوا ليلتهم في جو من المرح والسعادة فكانت ليل سعيدة بشدة فهي بدأت أن تتقبل ادم أنه زوجها بالفعل وهذا الموقف الذي فعله معها جعلها ترى به جانب جديد. انتهوا من فسحتهم تلك وذلك ادم الذي جلب ل ليل الكثير من الشوكولاتة التي تعشقها وتلك البلورة التي أحبتها ليل بشدة.

ليل. يعني شوكولاتة وقولنا ماشي بلورة ماشي بردو وفرحتوني جدا اومال إيه دي. ادم. عروسة بتعيط. ليل بنفاذ صبر. ليه. ادم بضحك. شبهك حسيتها كده أوي عشان كل لما أشوفك بلاقيكي بتعيطي. ليل. زرافة. ادم. نروح بقا. ليل. خلاص إفراج المرة دي عشان أنا تعبانك من الصبح. أخذ ادم ليل إلى العربية وتوجهوا إلى وجهتهم ولكن وقف ادم في مكان ما ليس بمنزلهم. ليل باستغراب. ادم انت جبتنا هنا ليه. ادم. فما هو تلك المكان الذي أخذها ادم إليه.