رواية جوازة مؤجله الفصل السادس عشر 16 - بقلم دنيا ثروت

زين: هتركبي ولا أركبك غصب عنك. ريتال ركبت بعصبية وطلعوا في الطريق. ريتال بنفاذ صبر: أي مش هتقول انت زهقت من الكتم؟ زين ببرود: أقول إيه؟ ريتال: إيه اللي تقول إيه؟ انت شايف إن عادي تبعد عني؟ زين: وهو مش انتي عايزة كده؟ ريتال: آه بس مش كده. زين: يعني إيه مش كده؟ أنا عملتلك اللي انتي عايزاه. انتي بتقرفي مني، تخليني ألمسك ليه تاني؟ ها؟ صباح: حامل إزاي ومن مين؟ أنا ناقص. صباح: يعني إيه حامل من مين؟

هو مش انت جوزها ودخلت عليها؟ شهاب: بس أنا عندي ابني ومش مجبر إني أجيب طفل كمان، ولا انتوا بتهزروا. عثمان: هو انت متجوز البنت عشان تعيش معاك كده من غير عيال؟ شهاب: عثمان بيه، هو حضرتك مش مدرك إن العروسة اللي أنا دخلت عليها بتفكر في ابن أخوك ومش بعيد نامت معاه. بس ضربه بالقلم بقوة: اخرس، قطع لسانك. دي أشرف منك ومن اللي جابوك.

شهاب: ابن أخوك ما كانش بيدخل على بنات. وارد أوي طالما البنت متعلقة بيه يبقى نامت معاه. أنا ماشي، ولو رجعت لراسها وعقلت هبقى أرجع. غير كده مش همشي من عند مراتي وابني. لسه هيمشي. بص لعثمان، آه قبل ما أنسى. يا عثمان بيه لو حاولت تيجي جنب ابني ومراتي هكون فاضح بنت أخوك، مش في مصر لا في العالم كله. شهاب دخل البيت، ما كناش في صوت. فجأة خرج طفل من الأوضة: بابي بابي. شهاب بفرحة: حموزي حبيب قلبي بابي.

نهلة خرجت من الأوضة: الله الله شرفت يابيه البيت أخيراً. شهاب: خلاص بقى سماح. ده هما يومين، يرضيكي يعني أسيب الشغل لوحده؟ نهلة وهي بتتجمع الدموع في عينها: الشغل ولا مراتك التانية؟ شهاب بدأ يتوتر: مرات إيه وتانية إيه؟ أكيد هرمونات دي. نهلة بتطلع الصور من الموبايل وتحطها قدام وشه: ودي برضو مش مراتك التانية ياشهاب بيه؟ ريتال: هتروح لواحدة متقرفش منك؟ زين: أروح المكان اللي أنا عايزه. على الأقل مش هتحسسني بنقص زيك.

ريتال: وانت عايز مني إيه؟ حط نفسك مكاني. زين: الكلام خلص واتفضلي انزلي. وصلنا، وإياكي تبيني حاجة للعيلة. إحنا كنا مسافرين يومين. دخلوا البيت. صفية بتجري عليهم: مرحب مرحب. فينك يا ولدي؟ كنت مختفي فين يا حبيبي؟ زين: مفيش يا ماما. قولت أفسح ريتال شوية. عثمان: زين عايز أتكلم معاك شوية. زين: معلشي يا حج، هطلع أنام شوية وأنزل نتكلم. عثمان بعصبية: لا دلوقتي. زين: ماشي، اتفضل يا حج. عثمان: انت نمت مع نيڤين؟ زين: يعني إيه؟

عثمان: يعني رد عليا. انت نمت مع نيڤيييين؟ زين: آه يا أبويا. عثمان ضربه بالقلم بقوة: وانت عشان متعرفش تدخل على بنات تروح تنام مع بنت عمك؟ زين: وفيها إيه؟ طالما هي بنت بنوت يبقى خلاص. مش جوزها دخل عليها. عثمان: انت عايز جوزها يكمل معاها إزاي؟ البنت حامل يا بيه. زين: ما تحمل أنا مالي. مطلوب مني إيه؟ عثمان: تستر عليها وتتجوزها يا زين الرجال.