رواية جوازة مؤجله الفصل السادس والعشرون 26 - بقلم دنيا ثروت

انت بتضربني بالقلم عشان واحدة زيها؟ زين: انتي اللي زنانه ومش عايزة تسكتي، كل شوية مصممة إن قول اسمها وأنا زفت مقولتش اسمها. ريتال بعدت عنه ودموعها بتنزل بصمت. حطت صباعها في وشه بتحذير: إياك تفكر تلمسني تاني. زين بيقرب عليها ولسه هيمسك وشها: ريتريتال.. ريتال بعدت عنه بسرعة وجريت على الحمام، قفلت على نفسها. زين برا حس بنغزة رهيبة في قلبه: ريتال متزعليش، انتي عارفة أنا قد إيه بحبك، متزعليش. مفيش رد. زين كمل

ودموعه نزلت بيتنفس بصعوبة: لو بتحبيني متزعليش. نزل وسابها. *** نيڤين: مش كفاية بقا ولازم أرجع. شهاب: لا مش كفاية يانيڤو، لو عملتي أي أنا مش هطلقك. نيڤين: وأخرتها إيه؟ انت مش عايز تخلف مني، أخرتها إيه ياشهاب، قول. شهاب: أخرتها إنك هتعيشي معايا وإنك ملكي ومش ملك حد. نيڤين وهي بتكسر كل حاجة بإنهيار: وأي فايدة كل ده وانت مش بتحبني؟ أي فايدة كل ده وتعيش مع واحدة مش بتحبها؟ فوق فوق بقا.

شهاب: فايدته إن أعرفهم وأخليهم يعيشوا سواد أيامهم. نيڤين: ماهو قدامك باعوني ليك بالرخيص، عايز إيه أكتر من كدا؟ ولا هيفرقوا مع نيڤين أصلاً. شهاب: هيفرق، هيفرق أوي طالما بنت من عيلتهم. هيفرق، وأوعي تقنعيني إن مش هيفرق مع حبيب القلب. نيڤين قربت عليه مسكت إيديه بعياط: أبوس إيدك ياشيخ، أبوس إيديك ياشيخ، صدقني والله العظيم مافيش بيني وبينه حاجة. شهاب رماها على الأرض بقوة. كان في قطع إزاز دخلت في إيده. نيڤين بوجع: آآآه.

شهاب خرج من البيت ورزع الباب بقوة وهو بيحاول يتحكم في أعصابه. *** صباح: ماتشك فينا، هو إحنا بنعمل حاجة حرام؟ مانتي مراتي في الحلال. عثمان: صباح، انتي عارفة كويس إن صفية لو عرفت إنك ضرتها ممكن تموتك. صباح قربت عليه ولفت راسها حوالين رقبته: بقا كدا ياراجل، تعمل التمثيلية دي كلها عشان نبقى لوحدنا بعيد عن عيونهم. عثمان: أيون طبعاً، بعدين أنا زهقت من كل شوية أتسحب بالليل.

صباح بتبعد عنه بزعل: مانا برضه كدا، مش هشوفك كل يوم زي هناك. عثمان جذبها من خصرها بشدة: لا، ومين قال كدا. صباح: معقول هتيجي هنا كل يوم؟ عثمان: ومجيش لي؟ بعدين ياعبيطة أنا بدل ما أتسلل من غير صوت دلوقتي، هبقى عندنا حرية كبيرة نعمل اللي عايزينه. صباح بخبث: انت طلعت بتفكر. عثمان: قوليلي بقا أوضة النوم هنا أحسن ولا هناك. صباح بمياعة: لا تعالي أوريهالك بقا ههههه. *** اليوم التالي. ريتال

نزلت دخلت عليه المكتب: فين عمي عثمان يازين؟ زين: عايزاه لي؟ ريتال: ميخصكش، دي حاجة خاصة بيني وبينه. زين قام من المكتب وقرب عليها: لا يخصني ويخصني ونص. ريتال بعدت عنه: قولي فين يازين. زين: لا مش هقول، وبعدين انتي لسه زعلانه من امبارح؟ ريتال: مفيش بيني وبينك حاجة عشان أزعل. زين قرب عليها وعيونه حمرا من العصبية: يعني إيه مفيش بيني وبينك حاجة؟ انتي مراتي ياريتال، واكيد عارفة يعني إيه مراتي.

ريتال بصت في عيونه بتحدي: وجسمي من النهارده مش هيكون ملكك يازين بيه. زين متحملش كلامها وشدها من شعرها بقوة: أنا هعرفك انتي ملكي ولا لا ياريتااال.....