رواية جوازة مؤجله الفصل الثالث عشر 13 - بقلم دنيا ثروت

يعني هعيش عمري كله مادخلش على مراتي. الدكتور: زين بيه، إحنا ممكن نبدأ بالعلاج بس هياخد وقت طويل. زين بعصبية: انت بتتزفت تقول إيه؟ مراتي اللي هي حلالي مش عارف المسها، وانت بتقولي علاج! الدكتور: حضرتك، دي قدرة ربنا، وأكيد في حكمة، ومفيش حل قدامنا غير إنك تبدأ العلاج. زين: وإيه العلاج بقى يا سيادة الدكتور؟ الدكتور: أنا هكتب لك على أدوية، وبعد 3 شهور تيجي تعمل نفس التحاليل، وخير إن شاء الله، متقلقش.

زين: طيب اتزفت اكتبها وابعتها. وقفل في وشه بعصبية. دخل البيت تاني، كانت قاعدة على الترابيزة بتعيط. أول ما لقيته داخل جريت عليه. ريتال: طلقني بقى، انت مزهقتش؟ زين: انتي زنانه ليه؟ ادخلي البسي البدلة اللي في الدولاب عقبال ما أجهز القعدة. ريتال: قصدك إيه؟ زين قرب عليها ورجع شعرها لورا وهو بيلمس وشها: قصدي إن عايز أشوف رقصك يا حلوة. *** شهاب: انت بتجبرني أرد؟ واحدة بتفكر في راجل تاني وأنا بلمسها.

صباح: اخرس، قطع لسانك. بنتي أشرف منك ومن اللي جابوك. شهاب بإستهزاء: اخرس إيه؟ انتي اللي فوقي واقتنعي بالواقع. بعدين دي بنتك، انتي مش عارفة إنها بتحبه؟ نيڤين وهي نازلة: أنا مش بحب حد، انت اللي موهوم بكده. شهاب بصدمة: أه، يعني زين مش في قلبك يا هانم؟ نيڤين: محدش في قلبي غيرك، ولا انت مش جوزي بقى؟ عثمان بجدية: قلت إيه يا شهاب؟ عايز تخرج تكون خسرت الناس اللي بتحبهم، ولا تخليك معانا؟

نيڤين: عمي، أنا مش هجبره يبقى معايا، وطالما عايز يمشي خلاص يامشي. عثمان: يمشي فين يا بنت الكلب؟ انتي فاكرة إن الجواز لعبة؟ انتو لسه داخلين امبارح، عايزاه يمشي والبلد كلها تتكلم؟ نيڤين: انتو أهم حاجة عندكم البلد والناس والكلام. بقولك هو مش عايزني، ولا أنا عايزة حد يهيني يوم الصباحية وطلقني. وسابتهم وطلعت. شهاب: خلي بالك يا عثمان بيه، اللي هيبدأ بالإجبار هينتهي نهاية مش حلوة للكل. وطلع الأوضة بتاعتهم. قفل الباب بعصبية

وهو بيبص عليها بقرف: أنا مجبر إني أكمل معاكي. نيڤين: يعني إيه مجبر؟ اطلع برا، أنا مش عايزك. وأقولك على حاجة تخليك تطلقني؟ أنا بحب زين، وأوي كمان. شهاب بيخلع قميصه بجراءة: بتحبيه؟ وأنا اللي دخلت عليكي. باين أوي، انتي ملك مين يا روحي. *** زين: يلا بقى، انتي بقالك 5 ساعات بتلبسي البدلة. مكنش في رد منها. قرب على باب الأوضة بيخبط: ريتو، ريتو. مكنش في رد. قلبه دق بسرعة من الخوف عليها. فتح الباب بقوة وشاف... !!!