رواية جوازة مؤجله الفصل الرابع عشر 14 - بقلم دنيا ثروت

نور طلعت بنت بنوت بس في مشكلة عندها نسائية. رحيم: يعني إيه مشكلة نسائية؟ الدكتورة: يعني لما جوزها يدخل عليها مش هيبقى فيه دليل إن دخل عليها، عشان فيه مشكلة نسائية وحرجة، ومينفعش أقولها. رحيم: اممم. وطالما بتقولي كدا، ماهو ممكن هي مش بنت بنوت، إنتى عرفتى منين بقا؟ الدكتورة: لا، هي بنت بنوت، ولو مش بنت بنوت كان بان قدامي، لكن المشكلة دي تخصها هي. قمر بفرحة: يعني إيه بنت بنوت صح يا دكتورة؟

الدكتورة: آه صح يا مدام قمر. عن إذنكم. نور: خلاص بقا ابعد عني، أعمل إيه أكتر من كدا؟ أنا هانتحر عشان أخلص منك، عايز إيه مني تاني؟ حرام عليك. راجي بصدمة: انتحرتي إزاي؟ ولي؟ لي يا نور؟ نور بضحكة ممزوجة بتعب: لي يا نور؟ إنت خليت فيها لي؟ بعد ما دمرتني وأذيتني بتقولي لي؟ ياسيدي أنا كرهت نفسي، كرهت أبص في وشي في المراية. راجي: أنا آسف. نور: ضحكت والله. مش قادرة. آسف على إيه يا راجي؟

ولا بتقول كدا عشان أخلص التعب وأصور لك شوية صور؟ راجي: مسحتهم كلهم يا نور، بس ارجوكى ارجعيلى. نور: أرجع لمين ولا إيه؟ إنت مستوعب اللي بتقوله؟ ما تمسحهم ولا تغور. راجي: سامحيني يا نور عشان خاطر... نور: أسامحك على إيه؟ إنت عيشتني أسوأ أيام حياتي، أنا كرهت حياتي، حتى لو مسحتهم أنا مش هنسى، هتبقى نقطة سودا في حياتي. ابعد عني وعن حياتي يا راجي. قفلت في وشه وهي منهارة. هايدي بتريقة: المزة قفلت في وشك ولا إيه؟

راجي: ميخصكيش. وبعدين كذا مرة قولتلك متجيبيش سيرتها على لسانك. هايدي: أجيب زي ما أنا عايزة، بعدين هي واحدة رخيصة. راجي: احترمي نفسك، دي هتبقى مراتي. ولسه جاى هيمشي، هايدي وقفته: لو فكرت تتجوزها صورها هتبقى منشورة في كل السوشيال. نبيل: فردوس، بس لو عملت كدا رحيم ممكن يموتك فيها. فردوس: ولا هيقدر يعمل حاجة، أنا بس هثبت إنها أم زبالة وأخد يزن في الآخر. نبيل: وإنتى عايزة تاخدى يزن وتجيبيه هنا ومعرفش ألم عليكى على السرير.

فردوس: يزن مين اللي أجيبه هنا؟ أنا هرميه في أي دار أيتام، هو أنا ناقصة؟ أنا بس بعمل قرصة ودن عشان رحيم بيه يتعلم. نبيل: طيب يا ستي، اللي تحبيه. في المساء. رحيم: بكرة إن شاء الله نور هتطلع يا أمي، متقلقيش. هويدا: على خير يا ابني، بس ميصحش البنت تعمل كدا عشان ضغط مذاكرة. رحيم: يا أمي عادي، بعدين إنتى عارفة إن نور هرمونات. صوت التلفزيون كان واطي، كأنها سمعت صوتها. قمر: رحيم على التلفزيون بعد إذنك. بعد ثواني.

نبيل بكل جرأة على الشاشة: السادة المشاهدين، إزاي توافقوا إن طفل يتربى مع واحدة غير أمه؟ وكمان كانت متجوزة قبل كدا؟ أنا بوجه رسالتي لأستاذة قمر: لي رخصتي نفسك وخدتي زوج من فرشة مراته؟