رواية جوازة مؤجله الفصل الثاني والعشرون 22 - بقلم دنيا ثروت

بس أنا مش عايزة عيال منه ورمت المعلقة بعصبية. صفية بصدمة: أنتي إيه اللي بتقوليه؟ ريتال: بقول إيه يا مرات عمي، أنا مش بتكلم، عندي أنا والله ما عايزة ولاد منه. زين بيضحك بهستيريا. ريتال: أنت بتضحك ليه؟ زين بيمسك إيدها من تحت الترابيزة لدرجة إن هيكسرها وهو بيضحك في وشهم: متعرفيش أنتي يا ماما، هزار ريتال الأيام دي عامل إزاي هههه. ريتال وهي بتتوجع: هزار إيه؟ زين: هكون هزار إيه يا يعني،

ده احنا لسه متفقين فوق على أسماء العيال ولا مش عايزة تقولي عشان الحسد يا بكاشة. ريتال كانت لسه هتتكلم، جذبها من خصرها كأنها اتخدرت أول ما لمسها وهو عارف كده. صفية: يعني هتفرحونا قريب يا زين؟ زين: أكيد يا أمي، إن شاء الله قريب تلاقي دفعة عيال. عثمان: بنت عمك جوزها أخدها بيت لوحده. زين: وأنا مالي بيها يا أبوي؟ عثمان: ملكش بيها وخليك في مراتك، هتتحاول تتعودي هيتعمل معاك الصح. زين ساب إيد ريتال

بعد ما تأكد إنها اتخدرت واتكسرت. قام من على الترابيزة وشدها: هنطلع ونسيبكم عن إذنكم بقى. عثمان: هو أنت ناسي إن في شغل؟ زين: هههه مش أهم من أجيب ولي العهد ولا إيه يا أبوي. بيضحكوا كلهم وييشدها بالغصب ويطلعها. -شهاب: انجزي اعملي الزفت الأكل عشان مش فاكلك. نيفين: أنا مش عايزة أعمل حاجة يا شيخ، طلقني واستريح. شهاب: هتعملي اللي بقولك إيه ولا تاخدي علقة زي إمبارح. نيفين قامت عملت الأكل بعصبية. بعد ساعة رَزَعَت

الطبق في وشه: اتفضل اطفح. شهاب رمى الطبق على الأرض: الأكل مش عاجبني، اعملي غيره. نيفين بتحاول تاخد نفسها: أنا تعبانة، حرام عليك. شهاب: هشرب سجارة برا، تكوني عملتي أكله تانية. وخرج برا وقف يتكلم في التليفون: حبيبي يا حمزه متقلقش، إن شاء الله نتصالح أنا وماما قريب. -زين دخل الأوضة وهو بيرزع بعصبية: يعني إيه مش عايزة عيال مني؟ ريتال: أه مش عايزة حاجة منك، كفاية كفاية بقى تحكمات، أنا زهقت منك وقرفت. زين:

أنتي بس اللي زهقتي، أنا كمان زهقت، أنا إيه اللي يخليني أعيش مع واحدة مش طايقاني؟ ريتال: أهو أديك قولتها لوحدك، كفاية بقى وهاتلي ورقة طلاقي، كفاية حد كده. زين: مش هطلقك يا ريتال. ريتال: مطلقش وأنا من بكرة هعكل محامي يخلعني منك. -=أنتي جبتي كل حاجة بس في حاجة مصعبة الموضوع. صباح: يعني إيه؟ =رابطته قوية ومحتاجة وقت عشان تتفك. صباح: يعني إيه رابطتهم قوية؟ =يعني ممكن يموتوا عشان بعض.. رابطتهم مربوطة كذا عقدة،

صعب إن يسيبوا بعض أو يتفرقوا. صباح: طب وأعمل إيه عشان تكون ضعيفة؟ =حتى أنتي مش هتعرفي... -زين: وأنتي بقى المرادي عايزة تطلقي لنفس السبب؟ ريتال: لا. زين: أومال عشان إيه يا هانم؟ ريتال بصريخ: كفاية كفاية حرام عليك، كل يوم وكل شوية تحكمات، أنت إيه مبتحسش؟ زين بثبات: ريتال أنتي... !!!؟