رواية جوز هند الفصل الأول 1 - بقلم رقية

بكلمك بجد أنا مبقتش طايقك. إن شاء الله بكرة تطيقني عادي يا حبيبي. أنتِ إيه؟ مفيش دم ولا كرامة؟ ردت بضحك: حاجة زي كده. أنتِ مستفزة أوي. أنا نازلة لعمو وطنط تحت عشان أجهز الغدا. انزليلهم يا أختي، ما هما السبب في الابتلاء ده. طب بعد إذنك. (أبويا وأمي قرروا يخطبولي هند، هي خير زوجة بس أنا مش متقبلها خالص، وبقالنا ست شهور متجوزين وأنا دايماً على خلاف معاها، بس هي دايماً بتتبادر بالردود وبتستفزني ببرودها ده.)

يلا يا شادي الغدا. مش طافح. أنا حطيت الأكل ومامتك وباباك عندهم علاج هياخدوه بعد الأكل، ما تنكدش عليهم عشان ياكلوا كويس وانزل عشان تاكل. سابتني ونزلت. جهزت الأكل. تسلم إيدك يا بنتي. الله يسلمك يا طنط. الأكل بتاعك كل يوم بيبقى أحلى من اللي قبله. ده عشان أنت اللي بتاكله بس. الأكل زي الزفت، بطلو مجاملة. أنا فعلاً بقول إن الأكل مش مطبوخ حلو، بس بلاش نقول على نعمة ربنا كده. أيوه أنت قمت ليه دلوقتي؟ مش لما تكمل أكلك!!

أبويا وأمي طبعاً اتخانقوا معايا إني إزاي أعمل كده قدامهم وإني إزاي مش مقدر مراتي. أجيبلك تتعشى هنا! أنتِ ما بتفهميش، أنا مبقتش طايقك، غورى من هنا بقى. حاضر، أنا ماشية. أخيراً يا شيخة بقى عندك دم. بعد ساعتين. وحشتك صح؟ أنتِ إيه اللي جابك؟ والله نزلت قعدت مع طنط تحت لحد ما نامت، قولت أطلع أنام أنا كمان في شقتي. هتجلطيني! أنا هكلمك بكل هدوء، أنا مش عايزك. أومال خطبتني ليه واتجوزتني ليه؟

أهلي اللي اختاروكي، أنا كنت باعتهم لواحدة اسمها هند غيرك، ولما سألوا حد دلهم على بيتك وأنا اللي لبست ومش عارف أطلقك عشان زعلهم، وحالفين عليا لو طلقتك مش هيبقوا راضيين عني. ما تزعلش، أنا من هند التانية، مش هتفرق كتير، في الحالتين هتبقى مكسرات. إيه؟ هتبقى جوز هند يعني. اطلعي برا. حاضر. أوعى بس كدا، هدخل أجيب حاجة من جوا وأمشي. دخلت وقفلت على نفسها الباب ونامت. صباح الخير. فين هند يا ماما؟ لسه ما نزلتش. لا هي مش فوق.

والله ما نزلت النهاردة، ما جتش، أنا مستنياها نفطر مع بعض. إزاي يعني؟ طلعت التليفون ورنيت عليها. أنتِ فين؟ مش أنت عايزني أمشي من البيت؟ مشيت. أيوه، روحتي فين برضو؟ في بيت أبويا، وورقتي توصلني. دا من العين دي قبل العين دي. قفلت معاها وكنت حاسس إن قلبي بيرقص من كتر الفرحة. وبعدها بساعات.