رواية جوز هند الفصل الثاني 2 - بقلم رقية

الو انتي فين؟ مش انت عايزني أمشي من البيت؟ مشيت. أيوه، روّحتي فين برضو؟ ف بيت أبويا، ورقتي توصلني. دا من العين دي قبل العين دي. قفلت معاها وكنت حاسس إن قلبي بيرقص من كتر الفرحة. وبعدها بساعات حسيت إن يومي ناقصه كتير، وأبويا وأمي كانوا زعلانين إنها مشيت زعلانة وقاعدين يكلموها تيجي، وهي رافضة، وقالتلهم: "أنا عايزة أطلق." طلاق إيه يا بنتي؟ ربنا ما يجيب طلاق.

لا يا حبيبتي، إن شاء الله هنطلق، هو حلو وأنا حلوة بس مفيش نصيب بينا، بس هتفضلوا أهلي وهبقى أزوركم. يا بنتي استهدي بالله، إيه اللي حصل؟ ولا حاجة يا طنط، والله معلش، هقفل دلوقتي عشان هطلع أكلم أخويا. ماشي يا بنتي، بس فكري كويس. حاضر، سلام. السلام عليكم. وعليكم السلام، فين ورقة طلاقي؟ أنا كنت برن أسألك على الحزام البني بتاعي فين. هتلاقيه في درج التسريحة اللي في أوضة الأطفال. طيب، وفين التيشيرت البيج؟

هتلاقي في الدولاب الرف اللي تحت، موجود في التيشيرتات من تحت. ماشي، شكراً. عايزة ورقة طلاقي. إن شاء الله ربنا يسهل. محمد. نعم. عايزة أخرج عشان مخنوقة شوية. من عيوني. مش ناوي تقولي مالك؟ مالي؟ منا زي الفل أهو. هكذب؟ زعلانة انتي وجوزك ليه؟ مش زعلانة، هو مسافر فترة وأنا بخاف أنام لوحدي في الشقة، فجيت أنام معاكم لحد ما ييجي. ماشي، كدا كدا مش هعرف أوصل لحاجة معاكي طالما انتي مش حابة تحكي، المهم تعالي ناكل آيس كريم. يلا.

هتطلبوا إيه يا فندم؟ اتنين آيس كريم. لا استني، هناكل حاجة بسيطة عشان جعانة قبل الآيس كريم. تمام، تاكلي إيه؟ هات خمسة كريب. نعمم! خمسة!! هتعرفي تخلصيهم؟ آه، منا كدا كدا مش هقدر آكل عشان نفسي مسدودة. هات اللي طلبته. متأكد يا فندم خمسة كريب؟ آه. بعد نص ساعة. محمد. يا عيونه. جعانة. تعالي كُليني، ما دا اللي ناقص، انتي اتفجعتي إمتى يابت؟ بصيلي في اللقمة. قصدك في المخبز، ربنا يعين جوزك على أكلك ده كله، وياريته باين عليكي.

ربنا يعينه. روحنا البيت، وكان يوم جميل، طلعني من مود الزعل. تاني يوم لقيت محمد بيصحيني بسرعة. قومي يا بت يا هند، جوزك جه من السفر وقاعد تحت. عايزة أنام. يا بت بقولك جوزك جه. ما ييجي هو، أنا إيه؟ ولية أمره؟ ووووه جوزي!!