رواية جرح الأيهم الفصل الحادي والثلاثون 31 - بقلم أيلان

مُلاذ : شبيك تفاول على روحك خلص انسى الموضوع و اوكف على رجليك مره ثانية شرب مي من المطاره نظره لـ كدام جسار : انلچم گلبيمُلاذ : شلون تظل هيج ؟ جسار : مجهول مُلاذ : جسار جسار : اعرفها تحبه و اشوف حبها اله كدام عيني مُلاذ : ما تكدر تجبرها على محبتك جسار : ما جبرتها بس انتظرتها هواي مُلاذ : من صغرها هي تحبه جسار : و من صغري انا احبهامُلاذ : ما ينفع جسار بعض الاشياء ما تكدر تجبرها حاول تلتفت لـ حياتك حتى لو تحبها

اجبر نفسك تنساها جسار : مثل ما جبرتي نفسج تنسي؟ عكدت حواجبي مُلاذ : شتقصد؟ جسار : أيهم مُلاذ : جسارجسار : اعترف هو يحبجو انتِ مو فارغه اتجاهه كدرتي تبتعدين و تنسي؟ مُلاذ : ما عندي اي شي اتجاهه أيهم جسار : بـ عمره الحب ما جان عيب بس اذا يكسر اي فعلاً يكسر و يهشم الانسان مُلاذ : اترك هالموضوع جسار : تركتهمُلاذ : ويامن متعارك و شكو؟ جسار : يا عركه ؟ ها مال بارحه بـ الليل من رجعت

واحد دفعني و سكران و بالك عنهانا روحي بـ خشمي حطيته كتلتهمُلاذ : تدري گوه طلعتكبالالف يا علي كاسر خشمه و مطفي عينه جسار : تسلمين ، شكد ادفع؟ كزيت على اسنانيمُلاذ : ولك جساااارجسار : غير اخوج و تدافعيليمُلاذ : اخوي يتعارك بنصاص الليالي جسار: عادي ملوذه عاديكشولت ملامحيمُلاذ : لا تگلي ملوذه جسار : شيصيحلج أيهم لَـذه هههههههههمُلاذ : اهفك بـ الجنطه هسه ضحك و هو متجي راسه ع القنفه

دَرت وجهي عنه و هو مستمر يضحكرجعت دحگتله ، ضحكت بـ هدوء و المندر بـ حضني جسار : لَـذه منين جاب هاللقب مُلاذ : مره بـ حياتك سمعته يگلي لَـذه انساها يا اخي انساها جسار: شوفي مشاعر الغيرة الاخوية هايجة عديف اسكتي خليني ضامهن بـ گلبيمُلاذ : وين ابو لحية مكناسة جسار : ركض على مدرسة ملاك من الصباحيات مُلاذ : الزم اخوك ما يخليني اروح لـ ملاكو يطلع من الصبح يروح يوكف بالباب حتى ما اخذها قبله جسار : تاهه الوكت بعد

صار بيها الزم اخوي الله وكيلجيطكني دفره حتى يلحك على مليكهمُلاذ : مفضوح كوه ساده الموضوع عن اميو الله اذا درت بي تشره ع الحبل جسار : خيولي انعل سلفا سلفاه اذا سوا فد شي غلط مُلاذ : لا انا هم مخليه ملاك بـ تحقيقكله اسألها من يوصلها و يرجعها شيصيرذاك اليوم گلتلي اشترالي ورده الزم اخوك يمعود لا يروح زايد جسار : لا هو ما يسوي شي غلط

مُلاذ : اعرف ما يسوي ولا ملاك تسويما تشوفني انا سامحه اله يوديها و يرجعهابس مو يفضح روحه كدام الدنيا ذاك اليوم بـ العزيمه يشيل و يحط الاكل كدامها جسار : ههههههه و الله ضحكنيصاير الها الام الروحيه يشيل و يخلي كدامهاحتى التمن مالتي شاله خلاه كدامهامُلاذ : كارثه و الله ضحك جسار كمت مُلاذ : انا راح اروح جسار : وين هستوج اجيتيمُلاذ : وراي شغل جسار : شغليش؟ مُلاذ : اعتقد صار الوكتيلي اشرف بي على الخطفوني

جسار: متاكده من قرارج هذا؟ مُلاذ : اكثر من اي قرار ثاني ما جاي يعترفون على الچتال اروح انا هم و احاول جسار : تمام اجت امه و بـ ايدها صينيه بيها اكواب جاي ما رادت اطلع بس انا گلتلها لازم اروح ضاجت وعدتها رح اجيهم مره ثانيه ودعتهم ، طلعت من البيت اتجهت لـ سيارتي صعدت اتصلت بـ ضرغام ضرغام : هلا مُلاذ مُلاذ : هلو ، انا رح اجي ضرغام : بس مُلاذ ... مُلاذ : اعرف يمكن ما راح يفيد بس هم اجرب من الافضل اجرب

ضرغام: لا تنسين خطر عليج مُلاذ : الشرطه و الكل موجودو انت راح تكون وياي ما يسترجي يسوي شي ضرغام : تمام نزلت تلفوني ، سديت الاتصالتنهدت و كملت طريقي لـ المكان المنشود مشينا انا و ضرغام ناحية الغرفة استوقفني قبل لا افتح بابها و ادخل ضرغام : مُلاذ متأكده؟ مُلاذ : لا تخاف انا اريد احاجيهمما رح اتذكر و لا شي بس اريد اعرف الچتالهز راسه بـ قبول فتحنا الباب ، دخلنا لحظة دخولي من الباب اتوقفت بـ مكاني

ضرغام اتوقف يمي ، دحگت لـ الكدامي رفع عينه دحگلي بهت وجهه مُلاذ : الملثم ابتسم و ضحك بـ صوت عالي -اشتاقيتلج وين صرتي ؟ مُلاذ : جنت استمتع بـ شوفتكم تنالون جزائكممثل ما وعدتك يجي يوم و اطلع الصار بيهمن عيونكم و نفذت وعدي اتحولت تعابيرة لـ الغضب اتقدمت جريت كرسي ، كعدت مُلاذ : شنو رأيك بـ السجن ؟ الملثم : مو اسوء من السجن الجنتي بي انتِ هههههههه رمشت بـ هدوء ابتسمت تمر بـ عقلي شكد انجويت و انضربت

اتذكرت لمن انصعقت ، غمضت عيوني حيل دَرت وجهي احاول امحي هالذكرى من كدامي التفتت دحگتله ، ابتسمت مُلاذ : طلعت من هذاك السجن ع الاقل لَكن انت راح تظل هنا لـ الابد الملثم : منو يگول ؟ مُلاذ : انا اگول ، القانون يگول صك اسنانه بـ غضب ابتسمت ، رجعت بـ ظهري لـ ورا ميت ايديه لـ صدري متجتفه ضرغام : الچتال وين؟ و منو هوَ؟ ليش امركم تخطفون مُلاذ و اختها؟ الملثم : ما اعرف ضرغام : تعرف كلش زين اذا ساعدتنا ممكن يتخفف عقابك

الملثم : ما راح اساعدكم ضرغام : تقضي حياتك بـ السجنو ممكن يحاولون قتلك الملثم : مو مهم ضرغام : كل الي يصير كان من اوامركو انت اول شخص اعترفوا عليك الاشياء يلي عرفناها عنك توصلك لـ الاعدام الملثم : اعرف مُلاذ : الچتال وين و شنو اسمه الحقيقي؟ الي يترأسكم وين؟؟ رفع اكتافه بـ عدم معرفة مُلاذ : رح تبقى طول عمرك بالسجن تدري؟ -ههههههههه منو يگول ؟ مُلاذ : ليش عندك حل ثاني ؟

-يمكن او لا ما عنديمُلاذ : حلو ، تحاول تبعد الشبهات عنك عكد حواجبه و سكت ، كررت الاسئلة هواي لَكن ما حصلت اي جواب -ما اعرف ضربت ع الطاوله ، كمت من مكاني صرخت بـ وجهه بـ صوت عالي مُلاذ : احججججي ، شنو المااااتعرفه؟؟؟ ما تعرف من عذبتوني ما تعرف من كهربتونياخذتوا كليتي و ضربتوني و بعتوني ؟؟؟ جبت بنية كدام عيني و قتلتها ظلت الجثه يمي اشهر اتحللت كداااااام عيني و تعفنننن

مُلاذ : شنوووو ذنبببي شنو ذنب كل شخص هنااكالنسوان الكبار و الجهال حتى اطفال رُضع من اجل شخص قااااتل عديم رحمه ما يخاف الله دمررتوا البنات اغتصبتوهم و بعتوهم و قتلتوهم خنكته بـ اثنين ايديه و انا اصرخ اهز بي مُلاذ : شنووو ذنبي؟؟ فزيت على صوت ضرغام انمحى الخيال يلي كان مرسوم كدام عيني ضرغام: مُلاذ مُلاذ : ضرغام : وين صفنتي؟ هزيت راسي بـ رفض مُلاذ : و لا شي دحگت لـ المكان فارغاتلفتت بـ مكاني مُلاذ : وين الملثم ؟

ضرغام : يا ملثم؟ مُلاذ : السجين يلي جان هنا؟ ضرغام : اخذوه غير مُلاذ : وين؟ ضرغام : للسجن غير مُلاذ : ليييش اخذوه!! ضرغام : مو شفتي كدام عينجصارلي شكد اسئله ما يجاوب مُلاذ : ما انتبهت ضرغام :جنتي صافنه اتوقعت استمعتي لـ حديثنا مسحت العرك المتصبب من كصتي بلعت ريكي ، هزيت راسي بـ قبول عكدت حواجبي ، گلت بـ تساؤل مُلاذ : شنو سئلته ؟ ضرغام : عن الچتال عن سبب وجوده هناك عن عملياتهم و الاشخاص يلي يترأسوهم

الاعضاء المن يبيعونها و اسماء الاشخاص لَكن ما جاوبني على اي شي. اعصابي فارت يتصرفون بـ اريحية والناس شبعوا عذاب و قهر منهم مُلاذ : غصباً ما عليه يجي يوم و يعترف ضرغام : ما يعترف الحية الجبيره الوراهمساده حلگهم و بـ احكام همين ما يعترف عليهممُلاذ : و احنا رح ننتظرررهم!! ضرغام : ما ننتظرهم اول و تالي رح نلزم ثغرة طلعت من يم ضرغام قبل لا افقد اعصابي تركت المكان ، اتجهت لـ المكتب دخلت دحگت لـ صافيناز ، كاعده على طاولتها

ابتسمت لمن شافتني گامت وكفت مُلاذ : عجبتج الطاوله و مكان كعدتج؟ صافي : كثير حلو حبيتو ولِكمُلاذ : بس الگا مكتب جديد نخصصلج مكان صافي : مو مهم يا روحي مكاني ما احلاه هون المهم روحي لـ غرفتك انا رح اعمل قهوه و الحقك حتى احكيلك شو عندك شغل اليوم مُلاذ : تمام اتقدمت دخلت المكتب كعدت اتبعتني صافي بعد كم دقيقة دخلت خلت الگهوه على الطاوله صافيناز : كنتِ بدك حاكي مع بابامُلاذ : اي صحيح ذكرتيني حاجيتي؟

صافيناز : اي حاجيتو و كثير سألتوعن يلي اخذ منهم المصاري قال لما لقاني و بلغ عليهم سجنوهم كلهم مُلاذ : متاكده ؟ ما يعرف الچتال؟ صافيناز : ما مر عليه هيك اسم قاليلي اخذ منهم كانو ناس وصلوه الهم بَس چتال ما بيعرفوا و انا عرفت اسمولما حكيتي فيه قدامي بـ المكان هُنيك كشفت عيونها غرغرتمُلاذ : انسي تمام صافيناز : رقبتك لسا فيها اثرمُلاذ : عادي يخف اساساً جاي اغطي صافيناز : كثير اسفه كلو كان بسببيمُلاذ : شوفي گهوتج طيبه

ما اكدر اشمرج بـ الكوب و اضيعها ف انجبي و انعدلي شنو بسببج؟؟ خير؟ ضحكت و مسحت دموعهامُلاذ : صوصه لا تطلعين سوالف من جوا الكاعمالج اي دخل هو الخطفج و خطفني عقله مضروب صافيناز : عنجد مافي مثلك في هالوقت شوفي حرق رقبتك و كثير وجعك بس ما قلتيلو عن مكاني مُلاذ : لج عيني هو انا الخطفتهم مو هم الخطفوني غير خبلتهم صافيناز : ما حكيتيلي شو ساويتي فيهم مُلاذ : فريتهم تك اصبع شايفه هذا المسحتل الخطفج خليت اصبعه يكت دم

صافيناز: شو يعني يكت؟ مُلاذ : يعني يقطر دمصافيناز : كييف؟ مُلاذ : عضيت اصبعه وسعت عيونها ، دخلت بـ نوبة ضحك ضحكت على ضحكتها و كملت الها شسويتانصدمت ما عرفت تضحك لو تضوج صافيناز: لك و انا كنت جنبو لو اتطلع فيني ابكي بس كنت ائلعو كثير مُلاذ : خيولي صوصه لا تخلين بالج انا مشيطنه ما اكدر ابجي و اضعف كدامهم صافيناز : بكرهه الشياطين بس لو انتِ شيطان رح احبهم مُلاذ : انگلبت أيهم صافيناز : ههههههه

ابتسمت و كملت الي شنو عندي اليوم... هتان : -مرت ايام من بعيد اخير حدث صار أيهم راح لـ بيته و ابوي لـ الليل يلا يرجعتطن بـ عقلي كلمة ابوي لمن گال "ابن الچتال" ما كدرت افهم شنو مقصده ولا فهمت جنون أيهم رفعت عيني لمن دخل أيمن ، عاينت اله أيمن : هتانيز وابتسمت بـ هدوء هتان : أيمن اتقدم لـ يمي كعد خلا ايده على القنفه أيمن : ليش هيج مكرفصه؟ ردت احجي ركزت عيوني على قميصة هتان: أيمن ؟ أيمن : ها

اتقربت و انه عاگده حواجبي مستغربه عاينت لـ طكعة دم على قميصه رفعت عيني عاينت اله بـ استغراب هتان : شنو هاااي ؟ أيمن : شنو؟ نزل راسه عاين لـ قميصها شرت عليها بـ اصبعي واضحه نزل ايدي ، كام يحجي و هو يصرفن ردانه أيمن : و لا شي هتان : أيمن احجي تركني متوجهه لـ غرفته ركضت وراه استوقفه ، لزمت زنده هتان : احجي أيمن أيمن : گلتلج ماكو شي صعد بسرعه لـ غرفته و انه لحكته اركض وراه دحل الغرفه دخلت وراه أيمن: ولج اطلعي اريد ابدله

تان : أيمن لا تخبلوووني الف شغله جاي تصير هنا و انه كل شي ما جاي افهم أيمن : قتلت واحد و طفر دمه عليه بلعت ريكي ، اتصنمت بـ مكاني دحگت بـ وجهه مصدومه و هو يدحگلي تعابير وجهه الجامده مثلي لـ كم ثانية اتوسعت شفته ضحك اتقدم ناحيتي حضني ابتعد ، لزم وجهي بـ ثنين ايديه هز وجهي و هو يحجي أيمن : ولج عوفيني ابدل ضربت زنده هتان : ما اطلع منا لحد ما تحجيو الله اروح اگول لـ ماما و تعرف شتتصرف وياك أيمن : ههههههه على

اساس ماما ما تعرفه تان : شنو؟ أيمن : هيج ، تطلعين لو لا؟ هتان : لا استاذ أيمن رح اعرف هاي طكعة الدم شنو؟ نزع قميصه و سعت عيوني على ايده ملفوفه بـ قطع شاش و تنزف خرطت خدودي بسرعه هتان : شنووو هاااااي؟؟؟ أيمن : شاش و بي دم و زندي خزرته ، حجيت بـ غضبه تان : أيمن راح كعد على الجرباية اتقدمت كعدت لـ يمه انتظره يحجي ابتسم بـ نص صفنته التفت عاينلي أيمن : فدوه الها هتان : ها منيه ؟ شنيه؟ أيمن : وحده گالها و بلش يفتح بـ الشاش

انا اعاين اله و لـ ايده مستغربه لزمت فكه ، هزيت وجهه حيل بـ ايديه تان : احججي أيمن : ولج وخريه تان : منيه هاي ؟؟ أيمن : معليج لويت اذانه اخذ ايدي عضها تان : ايدددددي أيمن : اذااااني ظلينا على هالحال لحد ما عاف ايدي و عفت اذانه تان : احجي أيمن : ما احجي وخري ولج فتح الشاش مالته و بدء يعقم جرح هلا و نوب ولا كأنو صاير شي يعقم الجرح بـ كل هدوء ، انه متخصره و واكفه اتصادر لـ مسامعي صوت ابوي عاينت لـ أيمن يلي رافع حاجبه

يسمع صوته و هو ينادي امي لف الشاش على ايده بـ كل هدوء تركته و نزلت لـ جوا عاينت لـ ابوي يلي كاعد على القنفه يدخن جكاره ، ابتسم لمن عاينلي اتقدمت عليه بوسته هتان : هلو بابا شلون صرت؟ هز راسه بـ قبول مبتسم -زين حول ايده على ظهري يمسح عليه نزلت ايده لـ اطراف شعري ، شد ايده عليه تان : اخ بابا شعرري ضحك و بَعد ايده عن شعري -اسف بـ الغلط وخرت عنه شعري يوجعني ابوي: اذيتج؟ تان : شويه ابوي : ما اقصد اسفرجع نظره لـ كدام

و استمر بـ تدخين جكارته ابوي : منو هنا؟ امج وينها ؟ تان : ماما راحت واجب لـ ام ياسين بتها والده و بس انه و أيمن هنا رفع حاجبه گال بـ استغراب و تعجب ابوي : أيمن ! هزيت راسي بـ قبول ضحك بـ صوت عالي ، طفى جكارتهاستغربت ردة فعله گام بـ هدوء عدل ملابسه تان : وين رايح بابا ؟ ابوي : ارحب بـ اخوج اتقدم لـ الدرج يصعد لحكته بسرعه صعدت وراه يصعد و تصدر اصوات خطواته العاليه اتقدم على غرفة أيمن فتح بابها دخلت وراه ، عاينت لـ أيمن

منطينا ظهره و واكف بـ الشباك اتقدم ابوي بـ هدوء ايده بـ جيبه التفت بـ راسه عاين لـ ابوي دار نفسه و ظل واكف مكانه لَكن وجهه النا ابوي : نورت البيت أيمن : بـ نورك ابوي : بـ يا قعر من الجحيم جنت؟ أيمن : بـ جحيمك ابوي : ههههههه ما تلگا مثل جحيمي ابداً أيمن : بـ عمري ما لسعتني نارها اتحولت تعابير ابوي لـ الغضب أيمن يحجي بـ اريحيه أيمن : يمكن تحرگك بس انت ابوي : لا تخاف ما احترك وحديلا بد اجر احد لـ هاي النار وياي

أيمن : جر الي تريده ما رح يتحرك مني ساكنه هز راسه بـ قبول ، مبتسم ابوي : نشوف استاذ أيمن طلع و تركنا انه و أيمن واحد يعاين لـ وجهه الثاني هتان : شنو مقصدكم انتوا؟ كله تحجون بالالغاز و صايرين عصابات بالبيت أيمن: و لا شي هتانو لا تخلين بالج اتقدم و اتمدد على الجرباية تركته طلعت من الغرفه متنرفزه رحت لـ غرفتي كعدت بيها رفعت تلفوني ضايجه و الهم تارس گلبي شفت رساله من جسار جايتني جسار: اللايك هالمره هم بالغلط؟

هتان : لا بالصح ما جاوبني شمرت التلفون تمددت على بطني صافنه بـ الحايط جريت تلفوني لمن اتصادر لـ مسامعي صوت اشعارجسار : شبيج ؟ هتان : شبيه ؟ جسار : حسيتج معصبه هتان : لان انه معصبه جسار : ليش معصبه انتِ؟ هتان : بسبب اهلي جسار : شبيهم وياج ؟ هتان : بيتنا عباره عن الغازكل شي ما جاي افهم منهم جسار : الغاز مثل شنو ؟ هتان : علاقة بابا و أيمن و أيهم ابد مو علاقة مال اب و اطفاله جسار : يمكن همَ هيج طبعهمهتان : ما اعرف

جسار : لا تضوجين نفسج ما تستاهل السالفه هتان : شجاي تسوي ؟ جسار : هستوني دخلت البيتهتان : ليش وين جنت؟ جسار : بالشغل هتان : شنو تشتغل ؟ جسار : بـ شركه هتان : صدك؟ شلون يعني انت مديرها؟ جسار : لا لا بس واحد من عمالها هتان: ها تمام فهمتك جسار : هتان : انه ادرس هندسة جسار : حلو خوش تخصص هتان : احبه من انه و صغيرة و أيهم حققلي حلميجسار : أيهم البطل الخارق هتان : فعلاً انه افكره هيج جسار : الله يحفظه هتان : شكراً

جسار : عفواً ظليت صافنه على محادثتنا ثواني و رسل الي صورته و هو متمدد و مبتسم هتان : استاذ جسار الظاهر الوضع يمك هدوء جسار : كلش هدوء افتحي مكالمة خل اسمع جاتصل عليه جاوبت سمعت صوت عالي من يمه يغني بس طريقة غنائه تزرف الاذن اجاني صوت جسار جسار: تسمعين الهدوء؟ هتان : هههههه منو هاي؟ جسار : سلطان ابو صوت الاگشره تان: العاشق الولهان جسار : العاشق ابو صوت يجوعره تان: ههههههه جسار : هاي انتِ شلون تضحكين؟ شو رجعي ضحكي

رجعت ضحكتو هو يضحك على ضحكتيجسار : عود صدك هاي ضحكتج هههههههه تان : و الله ليش شبيها؟ دخلت بـ نوبة ضحك بعد ما كدر اسكتو هو يضحك على ضحكتي ، يقلد عليها جسار : ولج اول مره اسمع وحده تضحك هيجه تان : حتى أيهم و أيمن يقلدون على ضحكتيجسار: اخانج يقلدون على ضحكتج؟ تان : يااا جسار طلعت مني بـ الغلط جسار : اخانج شبيهم؟ ههههههه تان : جنت اتعارك وياهم و ضيعتلي حرف كلت استمر هيج جسار : استمري على اخانج غطيت وجهي

تان : جســااارجسار : هَتــان تان : مو جنت عصبيه جسار : عمي فلشتي اذاني خابرتيني گلت اي رح اعتذر و احجي مثل الادوامشو استلمتيني عياط و صياح و سديتي بـ وجهيه تان : باللغط جسار : ههههههههههه باللغط ضربت كصتي لازم اجفصاحجي بسرعه بسرعه و من اتوتر اگوم اخبط بـ الحروف ما اعرف احجي بعد جسار : يلا بـ اللغط بـ اللغط ههههههه تان : جسار خل اسده حباب جسار : سدي يابه سدي ههههه نزلت تلفوني و سديت الاتصال

شكد افشل روحي ما ارتاح بلا فشلات دزلي جسار ضحكه رديت عليه بـ ضحكه ظليت صافنه ، كل ما اتذكر ابتسم و اضحك اخذت تلفوني لمن اجتني رساله من أيهم فتحت الرساله عاينت لـ صوره دازهادخلت عليها طالع يخبل بـ الصوره هتان : يمه ايهومي شهالجمال أيهم : حلو؟؟ هتان : تخبللللللل أيهم : زين زين هتان : شوكت تجون انت و أبيل؟ أيهم : ما اجي منا لمن يروح ابوج هتان : أيهم ! أيهم : يلا هتانو و لا تخلين بالج باجر اجي اخذج انتِ و امي و أيمن لـ

يمي هتان : و بيتنا؟ أيهم : من يروح ابوج ترجعونه تان : أيهم ترا ابوي ! ليش ما تريد نبقى يمه ؟ أيهم : خيولي هتان تعالوا يميباجر انه اجي اخذكم يلا بعدين احاجيجه تان : تمام راح و انتهت محادثتنانفخت بـ ضجر لازم كل ما يجي ابوي هيج يصير و ياخدنا أيهم لـ مكان ثاني ... مُلاذ : -كاعده يم امي و ملاك بالصالهملاك تحل واجباتها و امي تصلي و انا حاطه بـ حضني ماعون اقطع بي تفاح و برتقال و امد لـ ملاك

دَرت وجهي ناحية تلفوني لمن اجتني رساله بَعدت كذلتي بـ اخير اصبع عن وجهي دحگت أيهم داز الي صوره دخلت عليها انرسمت ابتسامة على شفتي لابس شماغ و عگالمُلاذ : طلعت تلبس شماغ؟ أيهم : حلو؟ مُلاذ : اييأيهم : انه لو الشماغ؟ مُلاذ : الشماغ أيهم : يعني انه مو حلو؟ مُلاذ : لا مو حلو أيهم : يا فوصهمُلاذ : انت افوص وخرت التلفون من كدام عيني دحگت لـ امي لمن گالت فيروز : المن هاي الابتسامه هيجمُلاذ : ها؟ رجعت عيني دحگت لـ ملاكلمن

ردت عليه و هي تغمزملاك : ها؟ شلت المندر من يمي هفيتها بي كامت تضحك مُلاذ : جاي احجي وي غاده نزلت عيني لمن اجاني الي مسج من غاده وسعت عيوني مصدومه لمن قريت الكاتبته غاده : انا حامل كمزت من مكاني وكفت على القنفه دخلت على رسالتها و رديت مُلاذ : شنووو؟ غاده : حااااامل مُلاذ : عليج العباااااس؟ غاده : و العباااااااس حطيت ايدي على حلگي كمت اصرخ و ارافس بـ مكاني فيروز : يا اتخبلت بتي ولج شبيج؟ ياا ولج مُلاذ

مُلاذ : غااااده حااااامل فيروز ، ملاك : يااااااا كمت ارافس فرحانه اتصلت عليها طكيتها بـ هلهوله ثلاثية الابعاد مُلاذ : و كللللللللللووووووليييييش غاده : سمعونه الهلاهل و طشو جكليتكووولللليششش مُلاذ : ولج يبووو اوكفي جايتج فيروز : ولج وين ما تطلعين؟ مُلاذ : ها اتذكرت امي ما تخليني اطلع غاده : گلتلج اول وحده حتى باهر ما گلتلها جن امي و ملاك لـ يمي يباركن الها فرحانات و هي تجاوبهم فتحت الحاكيه ، كمنا نحاجيها تلاثتنا

ملاك: غاده سوي مفاجئه لـ باهر دام بعدج ما گايلتله غاده : ولج فكررت فكرت راح اسوي طبعاً صارلي من العصر لسا احوصحتى امي ما گلتلها هم اريد اسويلها سبرايز نروحلها انا و باهر و نگللها سويه نفس الوقت اريد اجيب غراض و احضر مفاجئتيمُلاذ : باجر اجيج العصر نطلع انا وياج و نجيب الغراض و ارتب وياج غاده : الله حماااااااس خاله خاله فيروز مو تگولين لـ اميفيروز : هههههه سرج بـ بير غاده : ابوس هذا البير اناااامُلاذ :

لج لج رح تصيرين ام غاده : لج اي ، خاله زوجي بنتجفدوة حبابه حتى تصير عدها بنيهو نزوجها هي و ابني مُلاذ : هاي شنو صارلج شكد حاملشوكت لحكتي تعرفين جنس الجاهل غاده : شهر ولج صارلي بس احساسي يگول ولد مُلاذ : تدرين دوم يطلع عكس احساسج غاده : ههههههه هو انا جاي احس ولدحتى بعدين انصدم و تطلع بنيه مُلاذ : هههههه عابت غاده : اي خاله نرجع لـ موضوعنامو احسلج تزوجين بتج و الله خاله فيروز : الگيلها رجل و ميخالف غاده: عندي خاله

لگيتلها من زماااان فيروز : هههه يا منو؟ غاده : أيهم وسعت عيوني ، ظليت جامده و غاده تحجي بـ حماس الثوله فضحتني انداريت لـ امي العاكده حواجبها صار هدوء و صمت بـ الصاله فيروز : يا أيهم ؟ مُلاذ : ههه يمه هذا أيهم شسمه أيهم أيهم ذاك لا مو اخو باهر خل افهمج أيهم واحد هذا ابو سمنت يبيع سمنت مو أيهم المتزوج العنده ابن التطلق هسه الدكتور اخو باهر لا مو هو ذاك واحد ثاني يبيع سمنت ، مو صحيح غااااااده؟ غاده : ها اي صحيح خاله

مو مره گلتلي اشتريت سمنت من أيهم ف انا ظلت بـ بالي ههه جذب ما لگيتلها رجل ظلت امي صافنه ما مفتهمه ابتسمت و گلت بـ هدوء مُلاذ : سدي الاتصال غاده بعدني ما مكمله ، سدت الاتصال خليت التلفون يمي ، حكيت كصتي رجعت عيني على امي فيروز : مُلاذ مُلاذ : فيروز فيروز : مُلاذ مُلاذ : فيروز فيروز : غردي مُلاذ : واق واق واقملاك : ههههههههههههمُلاذ : ههههههههههه كمنا نضحك انا و ملاكاريد اضيع السالفه جريت تلفوني

گمت بـ هدوء امشي و اتلفت ادحك لـ اميتدحگلي ساكته تتابع خطواتي ركضت للغرفه قبل لا تحجي امي سديت الباب رفعت تلفوني اتصلت بـ غاده ما ردت اتصلت ٣ مرات ما ردت دزيتلها رسالة "اشردي اشردي باجر جايتج" دخلت محادثة أيهم داز "غلست" مُلاذ : ما غلست بس صار شي أيهم : شصار؟ مُلاذ : بعدين تعرف أيهم : اريد اعرف هسه شلون؟ مُلاذ : أيهم : ها صارت بيننا اسرار مُلاذ : اي شعبالك أيهم : لَـذه لَـذه الفوووصهمُلاذ : انت افوص أيهم : لَـذه

مُلاذ : أيهم : اريد اشوفجمُلاذ : باوع لـ السما و تشوفني أيهم : ههههه لا اريد اشوفج انتِ ما اريد شبيهج مُلاذ : انت وين شو لابس شماغ ؟ أيهم : صاحبي يريد يخطب رحت وياه و اخذت أبيل مُلاذ : أيهم : اتصل عليه رديت أيهم : لَـذه شبيج ثلجه وياي مُلاذ : جا شجاوب ؟ أيهم : اي شي مُلاذ : انت هسه مو يم صاحبك؟ أيهم : خطبناله من زمان هسه انه طالع مُلاذ : وين طالع ؟ أيهم : اشتري لـ أبيل شوف الاخلاق سز كام يحوص يريد يحاجيج مُلاذ :

ههههه انطينيا أيهم : ولك الدشداشه انعل الخلفوك اذا انشكت أبيل : اريد اهاجي الهلووه ( احاجي الحلوه) أيهم : يا تربيه سز مُلاذ : ههههههه لك خطيهانطي التلفون خل نسولف انا وياه أيهم : تكيفين انتِ مُلاذ : يلا انطينيا أيهم : اخذ يابه اخذ هاي مرة ابوك فوصه عضيت اصبعي حيلمُلاذ : ولك أييييييهم أبيل : الو مُلاذ : هلو أبيل شلونك حبيبي أبيل: انتِ الهلوه؟ مُلاذ : اي انا الحلوه أبيل : اي مُلاذ : اي شلونك؟ أبيل : ذين ( زين)

مُلاذ : شبيك وي بابا ؟ أبيل : ما بيني أيهم : جذاب ابو لسان مُلاذ : ها أيهم ها جاي تتصنت علينا أيهم : ولج اخذ التلفون و راح يمشي يسولف وياج مُلاذ : هههههههه طالع على ابوأيهم: يلا كافي عوفها أبيل : ماااااأيهم : عود بعدين اشوفلك وحده أبيل : الهلوووووه أيهم : عوف الحلوه مرة ابوك هاي ولك مُلاذ : أيهم أيهم ام سووواديلا تگول لـ الطفل هيييج منين اجيت مرتك أيهم: معليج مرتي مرتي عن قريب مُلاذ : بكيفك هي

أيهم : يا عيني اذا اظل عليجمنا لـ سبع سنين بعد كل شي ما احصلو ارجع على الرسائل الورقيه مُلاذ : اهو أيهم انا وياك اصدقاء أيهم: ديلا خوش تعال ولك أبيل لا تروح منا و منا اوكفي خل نصعد السيارة مُلاذ : اصعدوا انا شعليه أيهم : اش مُلاذ : دروح أيهم : انعل ابو الفواصه فحطت اركD ولك انت أبيل اهجد خل نصعد مُلاذ : مرمرت الولدأيهم : ولج هو مرمرني يعض بـ الدشداشهمُلاذ : هههههههه أيهم : انجلب ولك عوفها مُلاذ : روح من

تركد بمكانك خابرني أيهم : اطرديني عاد انتِ مُلاذ : ملك الدراما أيهم : ملكة الجنان وهضحكت سامعها من عزيز ، سديت الاتصالفزيت على صوت صراخ من برا -مُلاااااااااااذ شمرت تلفوني بسرعة طلعت اركض لـ برا الغرفهدحگت لـ امي و ملاك المصدومات مُلاذ : ديربالجن تطلعن رجع تكرر صوت الصياح عرفته اسكندر ، لبست اي شي فوك ملابسي حذرت امي و ملاك يطلعن فيروز : ولج لاا تطلعيييين ولج تعااااي طلعت كدام الباب دحگت لـ اسكندر

عكدت حواجبي ، دحگت لـ سلاحه بـ ايده اتقدمت عليه صيحت بـ وجههمُلاذ : شتررريد يا البلاء الاسوووود جر ايدي خلاني على السيارة رفع سلاحه خلاه بـ رگبتي اسكندر : الدكتور شيسوي كدام بابج قبل كم يوم ! لزمت ايده اريد ادفعهاما يقبل يوخرها عني مُلاذ : شيخصك انت !! شعلييييك؟ ضغط اقوى بالسلاح على رگبتي اسكندر : احجي لا افرغ مخزن كامل بـ راسج هسهمُلاذ : خوفتني لزم فكي حيل و بـ ايده الثانية السلاح على رگبتي سمعت صوت امي تصيح عليه

خليت ايدي فوك ايده يلي على فكي مُلاذ : وخر ايددددك جريتها حيل ، نترتها من وجهي اسكندر : ***** شيسوي هنا؟؟؟ ضربته بـ كفى ايدي على وجهه قبل لا يسوي شي دفعته عني مُلاذ : انتتتت منو حتى تجي و تحجي ؟؟؟ شنو موقعك بحياتي ؟؟ اخوي ؟ ابوي ؟ منو انت! شمسوي بـ كل حيااتك حتى هسه تجي تتحكم بيه ! اسكندر : امووووتج مُلاذ اموووتج بـ مكانجمُلاذ : ايدك و ما تطول ، ما تهز شعره منيتفكرني رح اخاف من امثالك ! وجهك ما اريد اشوفه و لا اريد

اشوفك كدام بيتنا اسكندر : نشوف مُلاذ نشوووف صعد بـ سيارته و راح ، درت وجهي دخلت جوا فكي يوجعني و متنرفزه ، اتصلت بـ جسار گلتله يلي صار گال هو رح يتفاهم وياه سديت الاتصال منه اتصل عليه أيهم ما جاوبت ما ردت انفجر بـ وجهه و انا ضايجة ثاني يوم الصبح رحت لـ شغلي بعدين رجعت لـ البيت ارتاحيت العصر رحت لـ غاده اخذتها من بيتها اول ما صعدت ، لزمتها كتلتها

غاده : راح الجااااهل يا دادددهيـ بعد امك دتشوف يكتلووون امكمُلاذ : ادبسزززز البارحه گوه خلصت روحي من امي حيوانه غاده : اسفه اسفه بـ الغلط اتحمست و گلتلها أيهم غير يحبجمُلاذ : تخرطين من وحدجما عدنا شي انا و أيهم غاده : ولج ولج الجذابه غير يحبج و يموت عليج الله اعلم شصايرو انتِ ما تسولفيلي و لا تفتحين حلگج مُلاذ : كل شي ما صاير اش يلا غاده: دباركيلي عاااابتمُلاذ : مبرووك ع الجاهل مخبل ثالث بـ عائلتكم فدوه فدوه

ضحكت غاده طلعنا انا وياها لـ المحلات و بلشنا ندور على الاشياء يلي تريدها اشترينا نفاخات و كيكه و ورد و شموع رحنا ندور بـ المحلات على فستان لـ غاده فعلاً بعد فتره من البحث لگينا فستان قصير مثل الفستان يلي بـ خيال غاده خلصت كل مشترياتها و الاشياء يلي تحتاجهم صار المغرب ، انا و غاده بعدنا نفتر رجعتها لـ البيت ، نزلت وياها اتصلت بـ باهر سألته شوكت يرجع گاللها ما يتأخر بس هي تريد تأخرهوصته يجيب كومه اشياء حتى يتأخر

سدت الاتصال ، ضحكت بـ انتصار بلشنا نرتب انا وياها ميز خلينا فوكاه الكيكه و الشموع نثرنا الورد على الكاع خلينا على الميز ملابس اطفال كتبت على فايل بـ خط واضح "BABA" رسمت بـ جانبهم قلوب و ابتسامه ابتسمت على ضحكتها صفقت ايديها بـ خفه وكفت برمت شعرها خليت الها مكياج لطيف يبرز ملامحها خلصت من مكياجها لبست فستانها انبهرت لمن شفت شكلها مُلاذ : تمَووووووتين غاده : و الله؟ مُلاذ : و الله تخبليييين! غاده : اتحمست

ابتسمت زينت شعرها بـ طوكلبستها كلاده فضيه وي فستانهازينت ايدها بـ سوار فضي اخذت العطر رشيت الها ترستها تر اتصلت بـ باهر تسأله اذا اجاجاوبها "اي اجيت" لزمنا ايدين بعض كمنا نكمز بـ مكاننا ، متحمسه على حماسها اخذت جنطتي ، ودعتها و طلعت دزتلي بوسه بـ الهوا تودعني ابتسمت سويتلها "باي" صعدت بـ السياره حركت و طلعت من يمهم بسرعة دحگت بـ المراية شفت سيارة باهر دخلت فرعهم اتوسعت ابتسامتي اكثر رفعت تلفوني

دحگت لـ مكالمات من أيهم ، اتصلت عليه اول رنه فتح الاتصال أيهم : وييييينج انتِ!!! مُلاذ : شكووو شبيك تصييح! أيهم : صارلي من العصر لسا ادك مُلاذ : تلفوني ما جان يمي ، شكو؟؟؟ أيهم : شنو سالفة اسكندر شصاييير؟ مُلاذ : أيهم بَطل صياحك هذا شبي صخام شبي نقمة الله ؟؟ أيهم : انه جاي اسئلج شبي! شيريد من عندج الظهر سلطان خابرنيمُلاذ : شنو خابرك شكوو؟

أيهم : تعالي لـ يم المستشفى انتظررجنزلت التلفون سديت الاتصالاتوجهت لـ المستشفى ... غاده : -گلبي ينبض فرح رجفة تسري بـ جسمي منتظرة باهر و متحمسه لـ ردة فعلة لزمت ايد بـ ايد كعدت ع الجربايه ما كدرت اظل كاعده كمت افتر بـ مكاني فزيت على صوت فتحة الباب ركضت شغلت الشموع ، ايديه ترجف طككطكت بـ اصابيعي متوتره باهر : غااده وينج جبت الغراض بلعت ريكي مبتسمه اسمع صوته بـ الصاله يناديني غاده : بـ الغرفة انا

فتح باب الغرفة اتصنم بـ مكانه يدحگلياتوسعت ابتسامتي و انا واكفه بـ جانب الطاوله گال بـ انبهار و هو يتقدم ناحيتي باهر : سيدة قلبي اتقدمت ناحيته انا هم جريت ايده ، حاوط خصري بـ ايده رفعت ايدي خليتها على خده باهر : شنو هالجمال! غاده : جمالك سيدي اتقرب باس خشمي اتوسعت ابتسامتي اكثر گال بـ صوت هادء باهر : بـ شنو نحتفل؟ اخذت ايده من خصري دحگت بـ عيونه ، خليتها على بطني غاده : بـ ابن نادمعت و ضحكت غاده : أو بنتنا

دحگت لـ تعابير وجهه المصدومه ظليت على ابتسامتي و هو مخلي ايده على بطني باهر : شنو! غاده : رح تصير ضحك و هو يدحگلي باهر : غاده بلا مقالب غاده : و داعتك مو مقلب وكف بـ مكانه فتح ايدَيه يدحك لـ بطني و يتلمسها باهر : يبوووووووووي شالني من رجليه يصرخ و يركض بيه من المطبخ للغرفة روحه و رجعه يركض بيه و يصرخ "يبووووي" فرحان غاده : ولك بااااهر ههههههه رح اسقط اذا ظليت تسوي هيجن زلني بسرعه و حضني حييل بادلته الحضن مبتسمه

ابتعدت عنه سند كصتي على كصته خلا ايدي على گلبه و هو يلهث و يضحك گلبه ينبض بـ جنون باهر : ما جاي اكدر احجي الكلام ضاع مني و الله الكلام ضاع مني صدك انتِ حامل ؟؟ غاده : و الله شالني من خصري رحنا للغرفة اتمددت اجا يمي اتمدد على بطنه بصفي ، رافع راسه يدحگليوخر شعري عن وجهي غاده : اهدء حبيبي خليت ايدي على خدودهو هو وجهه احمر ما يكدر يخفي ابتسامته بَعد شعري عن وجهي مبتسم باهر : شوكت عرفتي؟ غاده : البارحه

باهر : ليش ما گلتيلي ؟ غاده : ردت اسويلك مفاجئه حتى امي ما تدري بس مُلاذ گلتلهاباهر : تشيب راسج هسه ههههه غاده : عادي عادي نرضيها بـ دشداشه باهر : انه شلون ترضيني ؟ غاده : ليش ؟ باهر : زعلان لان ما گلتيلي اول واحد غاده : امممم باهر : امممم ضحك و دنك باسني و انا ارافس و اضحك باهر اللمعه واضحه بـ عيونه و ابتسامته لحظات خلتنا نطير من السعاده ما فرحت هيج فرحه من قبل ابداً... مُلاذ : -وصلت لـ المكان يلي بي أيهم

مكان فارغ قريب على المستشفى هو وصفه الي و اجيت اله دحگتله يروح و يرجع لمن شافني اشرلي انزل بسرعه ، صفيت سيارتي بعدني اطفيها فتح باب السياره دنكلي أيهم : انزززلين زلت من السيارة مستغربه ادحك بـ وجهه و هو متنرفز و عاكد حواجبهمُلاذ : شكووو؟ شكووو خبلتني شكوو؟!! سد باب السياره حيلاتخصر اتقدم عليه و هو يدحگلي وكف كدامي أيهم : شتسوين انتِ شسووويتي؟ اتمالكت اعصابي بـ صعوبة

مُلاذ : أيهم كافي تصيح بعدني لساساكته و متحمله تصرفاتك هاي. لا تخليني اطلع خبالي أيهم: تطلعين خبالج! مُلاذ : احجي شكو ؟ أيهم : انه الاسئلج شكو انه اللازم اسئلجقابله بـ اسكندر و رح تنخطبون و انتِ قابلهمُلاذ : شنو؟ أيهم : اي جاوبيني ست مُلاذ شسويت ؟ شنو لازم اسوي بعد؟ تستغلين نقطة ضعفي انتِ و توافقين على اسكندر؟ مُلاذ : عن شنو جاي تحجي انت! يا خطوبه و يا اسكندر شكو؟؟ فرك وجهه ابتعد عني

انطاني ظهره ، رجع اندار دحگلياتقدم عليه و انا وراي السياره مسفوطه سفط عليها ، وكف كدامي كز على سنونه گال بـ عصبية أيهم : توجعين گلبي انتِ؟؟ تدمريني انتِ ؟ تستغلين نقطة ضعفي! ادمر الكل و الأجمعين مُلاذ ادمر كل شخص ياخذج مني لو يقرر هيج يسوي بيهمُلاذ : انت وااااعي على كلامك !! جاي و تهددني ما اعرف شي و لا اعرف اسكندر شگايل و اذا انخطب من اسكندر او ما انخطبهذاااا الشي ماااا يخصك فهمت ؟

ابتعد و هو ينتفض اتخبل كدام عينياكرهه شخص يهددني و هو يهددني وكف بـ مكانه يصيح عليه أيهم : شسووووويت انه شسويت ؟ ما تصيرين لـ اسكندر لو على جثتي اگلب الدنيا و اخربها خراب بس ما اخليج لـ اسكندر و لا لـ اي واحد ثاااااني لا تخبليني مُلاذ لاااا تخبلينيمُلاذ : ماااا جاي افتهم مننننك شي اناا ما موافقة على خطوووبة صخام ماااا موافقة أيهم : منين لاگي الجرأه

و رايح لـ عمامج و سلطان و جسارو گايللهم أيهم يروح يم خطيبتي ياااا خطيبته منين صرتي خطيبته مُلاذ اجنزه اطلعه جنازه و الله مُلاذ : يا خطيبته يحجي من وحده ! أيهم : عمامج حاجوني مُلاذ : شبيهم؟؟ أيهم : يگلولي مخطوبه و شنو توكف بـ بابها ! مُلاذ لا تدمرين اعصابي لا تدمريني مُلاذ : بكيفهم يحجووون جاي اگلك ما موافقه! و مو علمود اي شخص انا ما موافقة عليه من زمان فرك وجهه حاله حال صاروجهه احمر و عيونه ،

صدمني لمن گالأيهم : اريد اخطبجمُلاذ : أيهم أيهم : لا تگليلي صخام لا تگليلي أيهم مُلاذ اتخبلت حرت و احتاريت اخطبج شكد ما نظل مخطوبين بس المهم محد يكدر يتدنالج محد يجبرج على خطوبه و لا اي شي مُلاذ : مستحيل أيهم ما رح اوافق! أيهم : ليش ما توافقين؟؟ مُلاذ : مستحيل لا أيهم أيهم : ما عندج احسااااس انتِ ما جاي تشوفين شجاي يصير بيه ليش هيج جاي تسوين بيه ليش ما تحسين بـ نار گلبي شنو احجي بعددد

ليش هيج تاذيني ما عندج احساس انتِ ما تحبييين و لا تكرهين و لا تقدريييين! مُلاذ : اي ما عندي حساس شنو تتوقع مني ؟ شنو تتوقع من وحده ضمدت جروح الناس و حفرت بـ جرحها . أيهم : تعبت تعبت كافي انهد حيلي عليج كل ما يمسج طرف انه جاي ينهدم كل حيل بيه لو جابو طاريج بـ سالفه اتخبل بـ مكاني انتفض و ادورج و اريد اضمج عن الدنيا بس انتِ ؟ انتِ جاي تشردين مني و بـ كل فرصهمُلاذ ياذونج و ياخذوج مني و داعة عيونج لو اذوج و اتقربوا الج

بعدها لا انه الابقى و لا هم اليبقون مُلاذ : محد يكدر ياذيني محد يكدر يسويلي اي شي أيهم : اي و انه موجود محد رح يكدر يمس شعره منج مُلاذ : ما اريد أيهم أيهم : ليييييش لييش؟ رفعت عيني رديت عليه بـ نفس نبرة صوته و اعلى مُلاذ : لااااان ماااا اريدددد ما اريد انا ما شبعت من امي ما اريد اتركهم ما اريد انخطب و لا اريد اي شي من اي شخص يكفيني اعيش بـ سلام ما اريد احب شخص و لا اريد افكر بـ شخص و لا اريد غيرهم

أيهم : ماااا رح امنننعج عنهم ! مُلاذ : محد يكدددر يمنعني اساساً انا انجويت و اتعذبت و اتكهربت انباعيت و انجبرت على اشياء بس الله يعلم بيها كل شي صااار بيه ، صبرت و انتظرت الشي الوحيد يلي خلاني اعيش امي و ملاك اتحملت كل شي وصلت للموت انهارت قوتيرديت و رجعت علمووودهن علمود اجمعهنو علمود اجتمع بيهن محد دور عليه غير اميمحد اتعذب بـ فراگي غيررر امي اما همَ؟ عمامي ، اسكندر ؟ كل شي ما سوو

اجيت لـ هنا و رجعت ، خلوني اسوي فحصاتشككوا بيه ما همتهم حياتي همهم شرفي ! خلوني علج بـ حلك يلي يسوى و ما يسوى هم وكفت على حيلي اتخطيتهم كأنما شيئاً لم يكن خليت اهلي يكملون حياتهم منين ما وكفت خليتهم يرتاحون و يرجعون لـ استقرارهم قبلو هسه كلام عمي كلام اسكندر كلام كائن من يكون مااا يهمني و لا يهز شعره مني اعرف نفسي شنو و اعرف تربية إلياس شنو! هاي انا مُلاذ ، ادوس عليهم و اعبر ما احتاج اي شخص ينقذني او يخلصني منهم

او يصير الي درع طول عمري حميت نفسيو رح ابقى احمي نفسي و احمي اهلي منهم ظل أيهم يدحك بـ وجهي قوس شفته أيهم : تمام ما ازعجج انه اكثر هسه تكدرين ترجعين لـ بيتج ما رح تلگيني واكف بـ طريقج مره ثانية روحي اتزوجي انخطبي عيشي حياتج انه اساساً مصدر اذيتج هسه اريد اصير دواج؟ مُلاذ : أيهم ... أيهم : روحي مُلاذ ظليت واكفه بـ مكاني ادحگلهاتراجعت بـ خطواتي التفتت ، صعدت السيارة وصلت قريب البيت و التفكير ماخذني اتصلت بـ اسكندر

مُلاذ : انت شحااااااجي !! اسكندر : شحاجي ؟ مُلاذ : شنو گايل عني خطيبتك؟؟ المن گايل هيج و ليش! اسكندر : اول و تالي رح توافقين على خطوبتي انتِ محد جاي يخليج حد و انا الاخلي هذا الحد رفعت حواجبي ابتسمت بـ استهزاء مُلاذ : انت ! انت تخليلي حد ؟ اسكندر : اي انا مُلاذ : بـ اول فرصه يخطبني بيها شخص غيرك رح اوافق و روح إلياس سديت الاتصال منه ، بعد ما صرخ بـ اسمي يريد يخليلي حد ! خلي لـ نفسك اول

رجعت لـ البيت ، سلمت على اهليدخلت غرفتي ، فتحت قرءان بـ تلفوني خليت التلفون بـ الغرفة ، طلعت غسلت بدلت ملابسي و اتمددت حسيت بـ راحه اكبر الغرفه بـ صوت القرءان مريحه لـ ابعد حد تدريجياً بديت اغفى على الهدوء و صوت القرءان ، نمت بـ عمق حسيت نفسي من سنين ما نايمه و اليوم نمت فزيت الصبح على صوت المنبه مسحت وجهي ، احاول افتح عيوني التفتت اخذت تلفوني بعده على نفس السوره يعيد بيها من البداية غسلت وجهي و جهزت نفسي

وكفت ادحك لـ روحي بـ المراية على ركبتي اثر الجويهلَكن خف بـ مرور الوقت طلعت من البيت اتوجهت لـ بيت صافيناز اخذتها وياي لان حسب ما عرفت سايقها ما موجود بـ هذني الكم يوم وصلنا لـ المكتب و نزلنا دخلت فوراً راحت على مكاني ترتبه رفعت بطالة المي و اكواب الجاي و انا اساعدهارغم هي ما تقبل لَكن لازم اساعدها لمينا المكتب و نظفناه و رتبناه اتقدمت كعدت على الكرسي مالتي ، دخلت صافي

بـ ايدها صينيه بيها كوب جاي و كوب ميمُلاذ : شكراً صافي صافيناز : ما سويت شي ولِكمُلاذ : احب الـ ولِك مالتج ههههه صافيناز : ولِك رجعت ضحكت مُلاذ : و أيمن تگليله ولاك؟ صافيناز : شو ؟ أيمن اي أيمن ؟ مُلاذ : ولج صافي ولج عليه ؟ ها صافي عليه ؟ منو گالج انا عميه غطت وجهها و كامت تركض طلعت من يمي ضحكت على توترهاما تعرف شتحجي و لا تعرف شنو تسويل گفتهم مره يتعاركون كدام المكتب ما اقتربت منهم بقيت بعيدة و ادحگلهم

لَكن حسب الفهمته علمود الخطف صافيناز نفضت افكاري ، بديت انجز شغلي اليوم عين على الاوراق و عين على التلفون فتحت تلفوني دحگت لـ رقم أيهم اتراجعت سديت تلفوني بقيت بـ دوامة من التفكير صار وكت الغده اخذت صافيناز طلعنا ناكل بـ مطعم قريب ع المكتب انا وياها قفلنا المكتب ، رحنا انا وياها لـ المطعم كعدنا ، طلبنا اكل صافيناز : غاده وين؟ لو جايه معناحتى نور ما في الها صوت

مُلاذ : ثنينهن موجودات بس عدهن شغلو اساساً نور ما تحب المطاعم و الطلعات ذاك اليوم گوه جريتها جر وياي و رحنا لـ مطعم صافيناز : اي بقينا نسولف لحد ما وصل الاكل ضحكتني صافي لمن اگللها أيمن تظل تدور بـ وجهها و ما تحجي رفعت راسي على اثر صوت -يا بنيه .. دحگتله عكدت حواجبي كمل كلامه متسائل -انتِ مو نفسج الشفتج بالعرس كمت وكفت ، ابتسمت مُلاذ : انت ابو أيهم ؟ ابو الأيهم : اي بالضبط وصلتي هههه سلمنا على بعض

گلتله يكعد ويانا على الطاوله و ياكل ويانابس رفض و ما قبل استغربت نظراته لـ وجهي ظل يدحگلي بـ تركيز ابو الأيهم : صدفه حلوه لقائي بيج ابتسمت و هزيت راسي بـ قبول ودعني راح كعد بـ طاوله مقابيلي سألتني صافيناز عن منو يكون هالشخص مُلاذ : ابو رجلج المستقبلي أيمن صافيناز : ما فهمت؟ مُلاذ : ابو أيهم و أيمن ما شاء الله اذا ما اشوف أيهم اشوف ابوه ضحكت صافيناز و انا اكل رفعت عيني لمن دخلوا مجموعه

رياجيل هواي اتجهوا لـ طاولة ابو أيهم حاوطوه و كعدوا ، حسيت الكلام بدأ يحتد بينهم ظليت ادحك مستغربه وجوههم مو مال ناس اوادم و هو يحاجيهم بـ اريحيه ، بـ ايده سبحه يسبح بيها خلصنا اكل انا و صافيناز دفعنا الحساب و طلعنا مرت يومين من بعد هذا اليوم غاده فرحت الكل بـ خبر حملها خاله جنات من فرحتها ظلت تبوس بـ غاده اتصل بيه جسار مُلاذ : الو؟ جسار : ها مُلاذ اگلجمُلاذ : گول جسار : ما تعرفين خبر عن أيهم ؟؟ مُلاذ : شنو ، ليش؟

جسار : اخته و امه و اخوه خايفين عليه ماخذهم يمه و صارله ٣ ايام ماكو لا هو لا ابنهمُلاذ : شنو ماكو؟؟ جسار : ما اله كل اثر يتصلون عليه ما يجاوب و لا محاجيه مو تگول اخته هاي مو من عوايده هيجمُلاذ : انت شمدريك؟ جسار : دريت بعد هسه گليلي ما تعرفين خبر؟ مُلاذ : لا و الله ما اعرف جسار : اذا عرفتي اي شي اتصلي بيهمُلاذ : تمام نزلت تلفوني سديت الاتصال رحت بسرعة على رقم أيهم اتصلت ماكو جواب رحت لـ المستشفى سألت عنه گالو ما اجا

خابرت لـ باهر سألته گال ما يدري و هو هم قلقان ظلينا ندور على أيهم اسبوع كامل و ما لگينا اله اي اثر! اتصلت بي هواي ، ماكو اي جواب اهله اتاذوا كلش بـ غيابه امه على طول تتخربط طبعاً هالكلام ينقله الي جسار منين يعرف ما اعرف دخلت بـ حالة قلق وياهم ظليت افكر بـ كل دقيقة و خفت يكون بسببي خفت عليه وين راح و شبي و ليش ؟؟ أبيل وين و ليش اخذه وياه ؟

من بعد اسبوع اتصالات و ارسل رسائلقررنا هذا اخير يوم اذا ما حصلنا خبر عنهنبلغ الشرطه و نطلع موقعه من الشرطه بـ يوم اتصلت و اليأس ياكل بـ گلبي و اخيراً جاوبني على اتصالي ! حسيت گلبي رح يطلع من مكانه مُلاذ : أيهم ؟ أيهم : لَـذه مُلاذ : انت وين ؟؟؟ أيهم : ليش؟ مُلاذ : وين جنت مختفي؟؟ أيهم : ردت ابـ... صرخت بـ صوت زرفت اذانهمُلاذ : انطيني مكانك وينك انت؟؟ انطاني عنوانه گلت لـ امي رايحه لـ غاده طمنتها راح ارجع بسرعه

رغم الدنيا بعد هستوها رح تغرب الشمسبس هي تخاف يصيرلنا شي ما قبلت اطلع بـ التواسيل يلا خلتني اطلع بعد ما طلعت روحيانفجر اذا ما اتعاركت وي أيهم على سوايته هاي صعدت بـ السيارة اتجهت لـ مكان أيهم اتصلت بي حتى يدليني عدل أيهم : شبيج انتِ گليلي انه اجيمُلاذ : اش و لا حس اسكت لا تحجيدليني و اسكت لا تحجي حرف ظل يدليني لحد ما وصلت نزلت لگيته واگف بـ باب بيت كل شي مابي واكف حي يرزق و انا و اهله شعرايه و نتخبل من الخوف رحت عليه

گال و انا اتقدم عليه أيهم: شتريدين؟ مُلاذ : انت شجاي تسوي ! شتسوي هنااا وينك صارلك اسبوووع أيهم : جنت اريد ابتعد عن كل شي فترهاذاناتي و عيوني يطلعن نار مُلاذ : تبتعد؟ دفعته من صدره حيلمُلاذ : تبتعد ؟؟ تروح و ما تخلي اي اثر الك عايش مييت ما ندري بيك وين ماخذ الطفل وياك ؟؟ تعاقبني انت شجاي تسوي؟ أيهم : ليش على اساس يهمج ؟ لو اختفيت الف سنه من حياتج ما رح تهتمين مُلاذ : ما رح اهتم ؟ فتحت تلفونك و شفت شكد اتصلت ؟؟

شفت اهلك و اتصالاتهم ردنا نبلغ عنك مفقود اليوووم جان اخير يوم و لو ما مجاوب جنا رح نبلغ و استاذ أيهم هنا يريد يبتعد ! أيهم : مُلاذ مُلاذ : تعاقبني انت ؟ لان ما قبلت ؟ أيهم : ما اعاقبج يا بشرر انه ما اكدر مُلاذ : شنو ما تكدر ؟؟ تدري امك شصار بيها؟ أيهم : قربي و وجودي وياكم يأذيكم هذا الجان لازم يصير و صار مُلاذ : ليش قربك يأذينا أيهم : عندي سببي مُلاذ : عندك سببك ؟

خوش هذا سببك وفره لـ نفسكو على الاقل اتصل بـ اهلك طمنهم امك ما تدري بـ ابنها شنو من برود عنده تركته درت وجهي اريد اروح ركض صار كدامي مانعنيمُلاذ : وخر من كدامي أيهم اذا انا السبب هيج يصير بـ اهلكو انت حضرة جنابك تبتعد بـ هالطريقة فـ خل اگلك ماكو اي داعي و انا الاروح أيهم: عاينيلي رفعت عيني دحگتله ركزت بـ نظري على كصته نازل شعره عليها و كذلته مُلاذ : أيهم ، كصتك مجروحه؟ هز راسه بـ رفض مُلاذ : ارفع شعرك عن كصتك

أيهم : انضربت بـ مال كاونتر و عورتنيمُلاذ : متأكد؟ أيهم : اي مُلاذ : تمام وخر خليني اروح! أيهم : لا ترحين خل احاجيجمُلاذ : احجي شتريد ؟ ها شراح تحجي لان خطبتني و رفضتكرامتك و رجولتك ما سمحت الك و قررت تبتعد و تختفي من الدنيا اسبوع و ما فكرت لا بـ اهلك و لا بـ اي شخص أيهم : موووو هيج مو هيجمُلاذ : لعد شنوو عندك غيررر تبرير؟؟ انطيني سبب انطيني سبب واحد ! أيهم : قربي منج يااااذيج انه اخاف عليج منيمُلاذ : ليش من شنو تخاف

ليش تخاف عليه ؟! بلع ريگه ، يدحك بـ وجهي و انا احجي من دون انقطاع أيهم : لان انه احبچ اكثر من كل شي اخاف عليج من الهوا لو خنكج اخاف عليج حتى من روحي انه احبج لَـذه .