رواية جرح الأيهم الفصل الثلاثون 30 - بقلم أيلان

باجر نروح للشيخ، أطلقها وأريد أطلقها بالمحكمة هم. ما أريد أي صلة بيها بعد. واليوم بنت الـ**** دازتلي فيديو وأني أقتلها، تكلي: "أخذ أبيل منك بهالفيديو". مُلاذ: أبيل يمك؟ أيهم: أي. مُلاذ: أكو على جلده آثار ضرب؟ أيهم: أي، بنت الـ**** مستقوية عليهم. مُلاذ: كافي تفشر. أيهم: لج شنو من نقمة، شنو من بلاء أسود! أخير شي وصلتله تشربني مخدرات! مُلاذ: دحك، عوفها هسه. صور إيدين أبيل، كل أثر تلكاه مال ضرب صوره، وودي أبيل يمها.

أيهم: شنووو؟ أودي أبيل يمها؟ تردين تخبليني! (عطت بي متنرفزة) ما يخليني أكمل كلامي. مُلاذ: تسمعنييي لووو شلون؟؟؟ أيهم: انجبي ولا تصيحين، صوتج نص. مُلاذ: ما جاي تخليني أحجي! أيهم: حجيج مو من منطقي. مُلاذ: لعد ظل خليها تاخذ أبيل منك. أيهم: مُلااااذ. مُلاذ: لمن تريد تفتهم مني وتريد تاخذ ابنك، خابرني عود. لأن بمشاهد الضرب هاي اللي عدها، ناهيك عن يخلون أبيل يمك، شوفه ما يخلونك تشوفه. (نزلت التلفون وسديت الاتصال)

أعرفه راح يرجع يتصل ويفهم مني. كمت غسلت، ورفعت شعري كباية، بدلت ملابسي. وأني ألبس تشيرتي دك تلفوني. التفتت دحكتله. تقدمت أخذته من على الجرباية. كعدت ورديت على الاتصال. ظل ساكت. گلت بهدوء: مُلاذ: راح تفتهم وتسوي الأكوله؟ أيهم: احجي. مُلاذ: شوف، ودي أبيل يمها، بس راح تخلي هتان تروح وياه. أيهم: ليش هتان تروح؟ مُلاذ: لأن... (كعدت أسولفله الخطة اللي بعقلي وأفهمه ليش لازم أبيل يروح)

وأول فرصة يطلبون أبيل يروح الهم، أيهم لازم يوافق. تنهدت ورا شرح طويل. مُلاذ: فهمتني؟ أيهم: والفيديوهات العدها؟ مُلاذ: مقابل اللي راح نخلي الها بالمحكمة. وأهلك أكيد شاهدين على أعمالها بأبيل، أكيد يخلون أبيل يمك. أيهم: تعبان لَـذة، تعبت منها. مُلاذ: شوف، أنا ما أريد أتدخل بعلاقتكم ولا أريد أتدخل بينكم، ما أريد أزيد نفورك تجاهها. لكن أبيل كلش خطية وما يستاهل هيج يصير بي.

أيهم: زين هي لو تعامله عدل، هم جنت راح تساعديني أخذه يمي؟ مُلاذ: لا، لأن مو من حقي أحرم أم من طفلها، ولا من حقي أحرم أب من ابنه. لذلك راح أبقى بعيدة. أيهم: أبيل كل شي أسوي علـمـوده. مُلاذ: طبعاً أنت أبوه، هذا الشي بفطرتك. أيهم: لو تشوفينه شلون نايم هسه. مُلاذ: أكزكز عليه. أيهم: إني أكزكز عليج وعليه، شلون بيه؟ مُلاذ: لو تشوف أنا شگد منطيتك مجال. أيهم: شلون يعني؟

مُلاذ: يعني لو واحد غيرك جان حظرته إذا يتغزل بيه لو يگلي شي حلو. أيهم: أخ مُلاذ أخ. مُلاذ: اوف أيهم اوف. أيهم: عود شني اوف؟ شو تتاففين عليه؟ مُلاذ: عود شني اخ؟ شو تتاخخ عليه؟؟ أيهم: هههههه. مُلاذ: راح يكعد الجاهل من صوتك. أيهم: هسه لو أضرب يمه مدفع ما يكعد. مُلاذ: يااااا، هذا مثل ملاك. أيهم: ههههه، شبيها؟

مُلاذ: أنا مو أوصلها الصبح لمدرستها، فأروح أكعدها. أيهم تخبلني، تشلع كلبي. تظل اجرجر بيها، بمرة ضجت كلش. شلتها من الجرباية گوه، شمرتها جوه الدوشك. گعدت لكت روحها سابحة بالمي. أيهم: أنعل أبو الفواصة العدج. مُلاذ: دروح تضوجني، تظل نايمة وتمشي. عاد أنا أتخبل من أحد ما يكعد من أول صيحة، وأتخبل من أظل الح على شخص بشغلة. أيهم: عمي شني تردين الوادم من أول صيحة يوكفولج على قدم وساق. مُلاذ: أي، أنا يمي هيج.

أيهم: من نتزوج شلون إذا كعدتي أبيل وما كعد؟ (وسعت عيوني مصدومة) مُلاذ: هيوووووو، وين رحت؟ نتزوج؟ ليش عسى ما شر؟ والله أحظرك. أيهم: شبيج؟ هو زواج. مُلاذ: أيهم وخر عني، خل أروح آكل أحسن الي. أيهم: عود تغير الموضوع، عود شكد نحسهم. مُلاذ: لا تخليني أروح أوسوس براس لينا وأخليها ما تقبل تتطلق. أكعد راحة واسكت. أيهم: يعني هذيج السنين صرفتها كلها، إني أراقب بيج وأعاينلج وساكن الكلية. تاليها ما تتزوجيني.

مُلاذ: شني أنت مني جابرك تراقبني؟ ما أتزوج، ما أظل يم أمي، ما أتزوجك. أيهم: نشوف ست مُلاذ، نشوف. مُلاذ: ما أتزوج مطلّقين، ههههههه. أيهم: خلصنا من سالفة المتزوج. طلعت لي سالفة المطلق. شلون يعني أعيد روحي؟ أرجع أنولد مرة ثانية؟ گليلي شلون؟ مُلاذ: أيهم أيهم، أنت واحد كذاب ومطلق. أيهم: وبعد؟ مُلاذ: ومراقب وعندك طفل. أيهم: شوكت كذبت عليج ست مُلاذ؟ مُلاذ: گلتلي ما أراقبج، وأنت ٤ سنين طول بعرض تراقبني. أيهم: كذبة بيضة هاي.

مُلاذ: تخلي ألوان لكذباتك أنت. أيهم: أي، مثلاً وحدة حمرة، وحدة خضرة، وحدة بيض. مُلاذ: والسودة؟ أيهم: ولج هاي لا، معناتها مصخم حياتي مو بس مكذب. مُلاذ: عدك هيج صخام؟ أيهم: أي عدي، أنتِ صخامي ومصيبتي. مُلاذ: عمي شنهاي نقمة! ساعة جرحك، ساعة صخامك، ساعة مصيبتك. شايفني أنت ها ها؟ ششايفني؟ أيهم: شايفج لَـذة گلبي. مُلاذ: هاي شني نوب؟ أيهم: عمي، بالعباس علاقة أحلامي. أحاجي وحدة وتگلي شني؟ يبوووم.

مُلاذ: ما بيناتنا علاقة، لا تروح زايد. أيهم: وأنتِ ليش بالج راح لبعيد؟ يمكن أقصد علاقة صداقة، علاقة أخوة، مو إلا حبايب. مُلاذ: أخوي أنت. أيهم: أختي الغالية. مُلاذ: أخوي نظر عيني. أيهم: أختي فلذة كبدي. مُلاذ: أخوي العزيز. أيهم: شلون تعرف روحك جاي تجذب على روحك؟ أنا وياج كل شي نصير، إلا أخوة. تخيلي أگلج أنتِ أختي.

مُلاذ: يبويي، أختي الغالية. أختي أنا ما أتدخل بيج بس لأن أخوج الجبير، حتى لو ما بيناتنا صلة رحم، بس أنا أريد مصلحتج. أيهم: ههههههه، مُلاذ اتحجبي. مُلاذ: شعليك؟ أيهم: مو أنا أخوج الجبير وأريد مصلحتج. مُلاذ: أيهم روح نام. أيهم: ليش تطردين بيه؟ مُلاذ: أختك الصغيرة، أخاف على عيونك. أيهم: يا بعد عيوني، ترديهم؟ مُلاذ: لا، خليهم عندك. جنهم عيون سبونج بوب، شكبر الوحدة. أيهم: أنعل أبو الفواصة. تتنمرين عليه لَـذة، الفوصة.

مُلاذ: غير الحقائق يا عيني. أيهم: أم براطم يابه، صار لي شگد ما گائلة ها. مُلاذ: اهو شنو أم براطم؟ شبيييك؟ خلصت الكلمات تگلي أم براطم؟! أيهم: مو شفايفج كبار لَـذة. براطمج كبار كلش. مُلاذ: على أساس شفايفك صغار؟ أيهم: جنج منتبهه الهن؟ (حكيت كصتي وسكتت، بديت أحس بآثار جفصتي، وهو يضحك بخباثة) مُلاذ: ما منتبهه الهن. اهو بس هنّه هم كبار. أيهم: يتوالمن وي مالاتج. مُلاذ: امشي نام، أثر عليك النعاس.

أيهم: ما أثر عليه النعاس، أنتِ أثرتي عليهم. مُلاذ: اسمع أيهم، خل نرجع لسالفة طلاقك. أيهم: لعبت روحي. مُلاذ: اسمع، هسه فهمتني شتسوي؟ أيهم: أي. مُلاذ: مو تكعدلهم بالباب. أيهم: أدري، جا تعلميني. مُلاذ: يلا خوش، خل أروح أنا. أيهم: ابقي شوية. مُلاذ: شسوي باقية؟ أيهم: لا تسوين، بس ابقي. مُلاذ: أريد أروح أشوف أهلي. أيهم: عوفي أهالج، كاعدين. أربعة وعشرين ساعة وياج. (ظليت ساكتة ما جاوبته) أيهم: راح تبقين؟

مُلاذ: عشر دقايق وأسد الاتصال. أيهم: هههههه، هاهيه. (سكتنا اثنيناتنا وأنا صافنة، حتى ما عدنا سالفة نسولف بيها) گال بصوت ناصي يهمس: أيهم: أبيل بابا، نام عدل أبيل. (صار صوت تلفون، عبالك انحط بمكان واختفى صوت أيهم) دقايق وسمعته يگول: أيهم: ها لَـذة، بعدج موجودة؟ مُلاذ: أي، وين رحت؟ أيهم: أبيل نايم على ظهره، يختنك، يظل يتحلم. نومته عدل. مُلاذ: أحسه يحبك كلش.

أيهم: دوم ينام يمي، وكله ينام على صدري. مرات تخابرني هتان، أسمعه يگلب الدنيا بالبجي. يكون عندي شغل ومرات أظل مناوبات ليلية، وهو يتخبل، يشيل روحه ويدكها بالكاع. مُلاذ: يا عيني، خطية متعود عليك. أيهم: كلش. مُلاذ: مثل أنا لمن جنت صغيرة، ما أنام إذا ما يجي بابا، وأظل منتظرتهم. مرات أغفى وأنا كاعدة بالباب وأنتظر. أمي شگد تحاول تدخلني، ما أقبل. لو أغفى ع القنفة وأنا كاعدة يم الشباك أراقب شوكت يجي وأشوفه حتى أطلع له ركض.

أيهم: أي. مُلاذ: بمرة من المرات گمت أرافس وأبجي لأن طلع راح لدوامه. جنت نحسة كلش عليه، أضوج إذا ما ألكاه. فـ بيومها ما راح لمدرسة لأن هو مدرس، فـ ما راح لمدرسة. ظل يمي نص الطريق ورجع. أيهم: جان يحبج؟ مُلاذ: كلش، يموت عليه. ما يقبل أحد يأذيني أبد. مرات أمي تعاقبني لأن من جنت صغيرة جنت وكحة، أتعارك وياهم، ولأن هم يتعاركون وياي، أرد أنا أتعارك وياهم وتصيرلك مفاشخ بالطابوكات. فـ أمي تعاقبني. أيهم: شلون تعاقبج؟

مُلاذ: تگلي روحي للغرفة، ومنه لفلان ساعة يلا تطلعين. لو تگلي هي زعلانة مني، تانب ضميري. فـ بابا جان ما يخليها تسوي هيج. هي تعاقبني، أروح للغرفة حتى أفكر بتصرفاتي وأعرف تصرفي جان غلط. يجي بابا يمي ينسيني حتى التفكير. أيهم: يعرف بـ هاي فواصتج؟ مُلاذ: أصلاً تربيته أنا. أيهم: وأمج؟

مُلاذ: هم تعلمت من أمي أكيد. بس أنا مثل بابا، جان ما يخاف ولا يهاب شخص، والي براسه يسويه، لو مدري شيصير. ويوكف وي الحق دائماً، ما يقبل بالظلم أبد. ما يحب الناس الكذابين، ولا فد يوم شكى من عدنا. لذلك أنا أشبهه، هو علمني على هواي أشياء. أيهم: الف رحمة على روحه. ما علمت بتك غير طول اللسان والفواص. مُلاذ: ولك أيهمممم. أيهم: ههههه، أسف. الله يرحمه. (ابتسمت وگلت) مُلاذ: آمين. أيهم. أيهم: هام.

مُلاذ: تدري بيك من عطره، دائماً لمن تحاجيني أشم ريحته بملابسك. عطر وريحة بابا جانت مميزة حرفياً، والآن موجودة بيك. أيهم: أي. مُلاذ: حتى حنيتك وحبك لأبيل، مثل ما جان يحبني وحنين عليه. أيهم: أي. مُلاذ: أي، خلصتها عليه. أي. أيهم: احم، شلون عطره بيه يعني؟ مُلاذ: ما أدري، بس أيهم عطره گد ما قوي. أخير مرة حضني بيها، بقى عطره لازگ بملابسي. حتى ظلت أمي وقتها تسألني، مخلية من عطر أبوچ. وأنا جنت ما مخلية، بس عطره قوي.

أيهم: مبين جان عنده ذوق. مُلاذ: طبعاً، إذا اختار أمي. أيهم: حتى أنا عندي ذوق، ترا اختراتج. مُلاذ: ربط السوالف يمك عجيب. شلون توصل المواضيع الي ما أدري. أيهم: مو أنتِ موجودة بكل سوالفي. (ابتسمت، ظلينا نحجي شوي وسديته) ثاني يوم بدلت، لبست سترة سودا وبنطلون أسود. رفعت شعري ذيل حصان. رحت شفت أمي وسألتها إذا تحتاج شي. فيروز: لا يمه، ما أحتاج. مُلاذ: تمام، فوفو إذا احتاجيتي شي اتصلي.

فيروز: تمام، انتبهي على نفسج مُلاذ، وخلي تلفونج مفتوح ويمج. مُلاذ: تمام. (طلعت و تركتها، رحت لمحل الحلويات. مخلصين بنيان وكل شي، بقى بس صبغ. وأجيب أغراض وعمال للمحل) تركت المكان بعد ما شفت بنيانه زين، وحاجيت المقاول وتفاهمت وياه. رحت للمكتب فتحت الباب ودخلت. مُلاذ: صافيي؟ موجودة؟ صافي: لك أي، موجودة. مُلاذ: اليوم شنو عندي مواعيد وي الموكلين؟ صافي: عندك جلسة عند الساعة ١٠. مُلاذ: جلسة منو؟

صافي: مهره يلي بدها تاخذ بنته. مُلاذ: يبووووو، نسيت. خرب حظي. بس إن شاء الله اليوم تكون القضية من صالحنا. صافي: إن شاء الله. بدك شاي ولا قهوة؟ مُلاذ: أنا هسه أقوم أسوي، ارتاحي أنتِ. صافيناز: لا ولك، أنا بدي أسوي. مُلاذ: زين. (راحت هي، وأنا بديت أخلص كم شغل. جأت أنطتني القهوة، شربت. أخذت غراضي وطلعت) خلصت شغلي واتجهت لصالة المحكمة. هتان:

طلعت من الكلية، أنتظر أيهم يجيني. بالعادة ياخذوني باهر أو أيمن، بس هو وصاني أنتظره. بقيت واكفة مكاني. من أسبوع طلق أيهم لينا يم الشيخ. البيت مريح لـ أبعد حد بدونها. التفتت لمن صفت كدامي سيارة أيهم. صعدت بالورا. دنيت نفسي وبست خده. أيهم: يا هلا ويا چثير الهلا. هتان: أيهمووو. أيهم: يلا اطلقي العنان لروحج واتمددي. هتان: أروح فدوة للـ اليعرفني. (ضحكنا، نزعت أحذيتي، تمددت بالورا، خليت إيدي على كصتي)

التفتت لأيهم وأنا أسأله: هتان: ليش ردت أنت تجيني؟ أيهم: أريدج تاخذين أبيل لـ لينا، وتروحين وياه. (كمت كعدت على حيليه) هتان: شنو ليش؟؟ لحظة، أنت الي تريد تودي أبيل لأمه؟ أيهم: أهلها گالولي. هتان: بكل مرة يكلولك وترفض؟ أيهم: اسمعيني جايج بالحجي. (ظل يسولفلي شنو لازم أسوي، والخطه اللي بباله. وصلني للبيت) اتصل بأمي، بلغها تطلع أبيل إله. حولت كعدت بالصدر يمه.

طلع أبيل من البيت، جنطته بظهره ويمشي. نزل أيهم شاله من الكاع. ضحك أبيل بفرح. ظلوا يتشاقون هو وأيهم. رفعت تلفوني صورتهم. أيهم باس خد أبيل، اتقدم صعده لورا. انداريت وگلتله: هتان: ولك الفصعووون. أبيل: اتاااان. (جريته خليته بحضني، أبوس وأعض خدوده) هتان: أنت ماااال أكل، راح أكلك. (ظل يضحك، صعد أيهم اتجهنا لبيت أهل لينا) ظل أيهم يحاجي أبيل طول الطريق، وأبيل مغندب وضايج لأن راح يروح يم أمه. حتى بچي كام يبجي. أخذه أيهم مني.

أيهم: بابا أبيل عاينلي خل نسولف. أبيل: مااااااا. أيهم: أبيل، شنو اتفقنا! أبيل: ما الوووووح (ما أروح) (ظل يمغط بروحه من أيهم، وأيهم يسوق بإيد ومقيده بإيده الثانية) صف على الطريق وكعد يحاجي: أيهم: تزعل بابا من عندك؟ (عاين له أبيل عابس ملامحه وعيونه تدمع) خطيّة يخاف من أمه ومرتاح بدونها. لمن أيهم گله راح أوديك لأمك، ظل يبجي. أيهم: أمك تريد تشوفك، باجر بالليل وأرجعك يمي.

(گام يبجي، جر قميص أيهم. خلا راسه على صدره، لا إرادياً گمت أدمع عليه) أيهم يمسح على راسه ويهدي بيه، يبوس خدوده. (أخذت تلفوني سديت التصوير) وصلنا لبيت لينا. أخذت أبيل وجنطته. نزلنا من السيارة. وكفني أيهم قبل لا أروح. نزل، أخذ أبيل، ظل يبوس بي وأبيل ما يقبل يهده. گوه شلعته من أيهم ورحت للبيت. رجع صعد أيهم بالسيارة وكف بعيد ينتظر. انفتحت الباب طلع لي أخو لينا. هادي: يا هلا. هتان: بيك، جبت أبيل. هادي: أي، تعاي أدخل.

(دخلنا أنا وأبيل للبيت) درت وجهي دحگت لـ هادي. هتان: وين أختك؟ هادي: اسمع صوت الأغاني. ليناااااا، ولج لينااااا. (طلعت أم لينا تركض تعاين له) شكووو؟ شافتني عبست ملامحه. بمعنى ما عاجبها وجودي. هادي: يمه صيحي لـ لينا. (صعدت أمه تصيح لست الحسن. نزلت لينا بعد عشر دقايق بالضبط، وهي كاعدة وتتأفف) نزلت هي وحمرتها وعطوبة تركض، مكيفة عبالها أيهم. شافتني بدلت ملامحها للتضجر. هتان: جبت أبيل. لينا: أيهم وين؟

هتان: بالسيارة. شتسوين بيه؟ لينا: ما يعرف هو ينزل ابنه ويجي يشوفني!! هتان: ليش حتى يشوفج؟ يشوف شلون تحاولين تنطي أدوية، لو شنو يشوف بالضبط؟ لينا: معلييييييج انتِ. هتان: خفى لذاك الصوت. هادي: هتان؟ (عاينت له بطرف عيني) گمت وكفت. أبيل ضام روحه ورايه. هتان: أريد أسفط ملابس أبيل وأعدل المكان اللي ينام بي. أم لينا: ليش، إحنا راح نذبه بمزبلة؟ (ابتسمت وگلت) هتان: مو بعيدة إذا جينا ولكينا لينا ذابته بالزبالة. (عبرتهم ومشيت)

هتان: تعاي دليني بغرفتها. (جت وراي تتأفف) لينا: وين ينجبح غير بغرفتي. (داريت الها خزرته) رفعت إصبعي وگلت: هتان: لينا يا ويلج وسواد ليلج، لو نزلت دمعة من عين أبيل وهو وحدة هنا. صدگيني أيهم يهدم هذا البيت على راسج. (جرت إيد أبيل) لينا: ابني وبكيفي أتصرف. (أبيل عض إيدها، گامت تصرخ وهو يبجي. دفعتها عنه وشلت أبيل) خزرتها، دخلنا لغرفتها. أخذت جنطة أبيل، بديت أرتب ملابسه. هي واكفة بالباب. أخير شي خلت وراحت.

أبيل كاعد يمي متنحس. جيت أبجي لأن راح أعوفه وأطلع منا بدونه، ويظل وحده يم هاي الما تخاف الله. گمت بسرعة طلعت كاميرا كلش صغيرة. انطاني إياها أيهم، ماخذها من أيمن، لأن يعرف بالكاميرات. ظليت أدور بعيوني، وين أضمها، بيا مكان؟ كون ما تشوفها لينا. ركضت ضميتها ورا مجموعة مخدات وبطانيات. بغرفة لينا محطوطة فوگ طاولة. خليتها بين المخدات. شفتها جاي تصور. رتبت ملابس أبيل بسرعة ورحت بوستها. جت لينا عاينت الني. لينا: ما خلصتيييي؟

هتان: عدلي أسلوبج. مو ميتة عليج وباقية يمج علمود أبيل. (التفتت لأبيل وبوسته مرة ثانية) ظل يبجي متنحس، ما يقبل يبقى. گوه يلا عافني وطلعت. صعدت وي أيهم. أيهم: ها؟ هتان: خليتها. أيهم: بَطله. هتان: ما أريد أعوف أبيل. أيهم: ولا أنا، بس بالليل أرد أخذه. ما أكدر أخليه لباجر يمها، تموته هاي الكلبة. هتان: من صدك كلبة. (شغل سيارته ووصلني للبيت) نزلت وراح هو لشغله.

لـ ليل اجاني أيهم، دخل لغرفتي. وجهه تعبان وبعده توه جاي من الشغل. أيهم: هتانه. هتان: ها أيهومي. أيهم: كومي ناخذ أبيل. مستحيل أخلي لباجر يمها. هتان: والله حتى أنا مقهورة. وأمي بس تبجي عليه هالفصعون. أيهم: يلا امشي وياي حتى تنزلين تجيبيه. (زيت راسي بقبول) گمت بدلت بسرعة وطلعت وي أيهم. توجهنا لبيت لينا. صف أيهم سيارته لمن وصلنه. نزلت من السيارة دكيت باب البيت. طلع لي حسنين أخو لينا. هتان: هلو. حسنين: هلو.

هتان: أريد آخذ أبيل. حسنين: بعدكم اليوم الصبح جبتوه! هتان: أي، أبو گال يريده. حسنين: هي بكيفكم، وأمه... (وإنا أحجي وياه أسمع صراخ لينا ومصايح وهوسة جوا) هتان: هاي شكو!! (سمعت صوت أبيل يبجي ويصرخ) عبرت حسنين، دخلت ركض. (طبيت بيتهم، طلعت بوجهي أم لينا) هتان: شجااااي تسووووي هاي للطفل؟ أم لينا: شتسوين هنا؟ هو وأمه شعليج؟ هتان: شنو شعليج؟ جايبينه يمها تكتله!

خابرتوا أيهم وگلتوله تردون أبيل، ما رفض وجابه الكم، وهاي زينة من عنده. هسه هي كاعدة تكتل بي!!! (عبرتها صعدت الدرج، ركضوا هم يركضون وراي. فتحت باب غرفة لينا) لگيتها تلوي بحلك أبيل وهو يصرخ ويبجي. وذوله الما يخافون الله جوه ويسمعون وساكتين! رحت عليها جريت شعرها. كتلتها كتلة وأمها وإخوانها يردون يفكوه. ملختها وأبيل گام وهو يبجي يكتلها وياي. گمت عنها وأنا أعصابي فايرة. أهلها يصيحون، كلهم تموا بالغرفة.

جريت أبيل لحضني، شلته. طلعت جنطته، لميت ملابسه. ظلت تصيح وتتعارك وياي، أمها وإخوانها وياها همين. رفعت تلفوني خابرت أيهم عليهم. سمع صوت صياحهم گلي "جايج". نزلت التلفون وسديت الاتصال. هتان: ماااا تستحون على رواحكم! طفل جايبينه يمكم يوم واحد وتشوفوها تكتل بي، وأنتوا ساكتين حرف ما تنطقون. (وأنا أعايط صار صوت دك باب عالي، بحيث بيتهم انهد هدم من الدك) طلع هادي بسرعة يفتح الباب. أبو لينا ما موجود، بس إخوانها.

سمعت صياح أيهم من جوه. (خذت أبيل وطلعت برا الغرفة) هتان: أيهم. (رفع راسه عاين لي، شبخ الدرج سواه بايتين. صعد لي يركض ويسأل شصاير) عاين لأبيل اللي يبجي، عيونه صارت بـ كصته. (بـ لحظتها طلعت لينا من الغرفة) رفع عينه عاين لها، وجهه صار أحمر دم. مشى عليها بسرعة، جر شعرها وهو وراها. أيهم: أنا شگتلج؟؟ مو گلتلج أجنزج إذا أذيتي أبيل. (صلخها راشدي ورم خده. رجع صوت الصياح والمعارك)

نزلت أبيل من حضني. رحت ركض، أخذت الكاميرا. دورت النقطة الأطفيها منها، طفيتها. خليتها بـ جنطة أبيل. رجعت شلت أبيل اللي يبجي. إخوان لينا ضامين لينا وراهم. أيهم يصيح عليهم ويتعارك وياهم. (لزمت زنده، حاولت أهديه. گوه هدأ) أخذته وياي، طلعنا من بيت لينا، صعدنا بالسيارة. أيهم خلا أبيل بحضنه طول الطريق ويهدي بيه ويبوسه. أيهم: بعد ما أوديك يمها، خل تولي. (جريت جنطة أبيل من ورا، ظليت أكول بـ الكاميرة أدور منين أشوف الفيديو)

خابرنا لـ أيمن نسأله. أيمن: تعالوا وأنا أشغللكم الفيديو. هتان: تمام. (سديت الاتصال) وكف أيهم بالطريق، نزل هو وأبيل يشترون. صعدوا مرة ثانية، الضحكة تارسة وجهه أبيل. ابتسمت أدحك لـ ضحكته. اتوجهنا للبيت. مُلاذ:

بعد فترة من كل اللي صار، اتصل بيه أيهم بلغني هو اتطلق من لينا. طلاق تام، محكمة وشيخ. وتحديداً بعد شهر. رحنا للجلسة مال حضانة أبيل، أنا وأيهم. شفت باهر وهتان جايين باتجاهنا. أيهم ما قابل يجيبون أبيل. اتقدم باهر وكف يمنا. باهر: اهلاً ست مُلاذ. مُلاذ: هلو باهر، شلونك؟ باهر: الحمد لله، وأنتِ؟ مُلاذ: الحمد لله. (حك لحيته، رجع دحگلنا أنا وأيهم. ابتسم وگال) باهر: أريد أبيع أخوي، محد يشتري؟ مُلاذ: هههههه، ليش؟

باهر: مخليني جيس لبن. خلا محاميتي وأخوه محامي. مُلاذ: ههههه، نفس الشي. باهر: أي، صح، نفس الشي. (گالها كـ بسمار ويدحگلنا بنظرات استغربتها) فرك وجهه أيهم ضايج، وباهر يغمزله. نزل إيده من وجهه يدحك لـ باهر ويخزر. أيهم: امشي ولي منا، لا أشعل الخلفو. باهر: هههههههه. (اتقدم أيمن وكف يمنا) أيمن: سلام عليكم. أيهم: شني شبيكم كلكم جايين؟ تسودنتو، خو ما تسودنتو؟ هتان: نطلع مظاهرات على القاضي إذا انطا أبيل لـ لينا.

مُلاذ: لا تخافون، ما ينطيه. باهر: أي عيني، عندك مُلاذ بعد. منو يتدنالك ها ها؟ أيهم: امشي ولي، لا أشعل الخلفو. (ضحك باهر بصوت عالي) راحوا يمه أيمن وباهر يهمسون له. بس أنا أذاني أذان واوية، كل شي أسمع. أيمن: أحبه. باهر: يا نقمة الله. أيمن: أحبها. باهر: لو أعرف أموت. أيمن: أروح لها. (أيهم يخزر بيهم وهم يضحكون) أيهم: بالمحكمة، خل نطلع وأعلمك. إذا ما أشعل شيب الخلفوكم، أتأدبوا، لا أنعل شرفكم. باهر: هههههههه.

أيهم: اصبرلي أنت، اصبرلي. أيمن: شبيك قاسي؟ تخلي البت تشرد منك؟ هسه. أيهم: أيمن الجلب، صم حلكك. (استلموا باهر وأيمن يضحكون، وهو متنرفز متخبل من سوالفهم) أنا وهتان وحدة تدحك بـ وجهه الثانية. كل شي ما مفتهمين. درت وجهي، دحگت لـ لينا، اللي متجتفة وتخزر بينا أنا وأيهم. انداريت لأيهم يدحگلها ويخزرها. اجا وكف گدامي يدحگلي. أيهم: راح نكدر ناخذه؟ مُلاذ: تثق بيه؟ أيهم: أكثر من كل شي. مُلاذ: لعد اتأكد، راح ناخذ أبيل.

(هز راسه بقبول) بعد فترة صاحوا اسمنا. نادخلنا أنا وأيهم وأهله ولينا وأهله. بعد ما نهى القاضي كلامه، سمح النا بالكلام. وكف محامي لينا يطالب القاضي بأخذ حضانة أبيل لـ لينا، وعرض له فيديوهات ضرب أيهم لـ لينا. رجعت عيني على أيهم الكاعد ومتعصب. وجهه صار أحمر دم. وجه المحامي كلامه للقاضي وهو يأكد من غير المسموح، أنو حضانة أبيل تكون لأيهم، لكونه شخص متعصب ومعنف زوجته، مثل ما ظاهر بالفيديو.

استمع القاضي لكلام المحامي بكل أذن صاغية لحد ما نهى المحامي كلامه. سمح الي القاضي أحجي. مُلاذ: سيدي القاضي، المشاهد اللي انعرضت ما الها أي علاقة وصلة بـ سبب وجودنا هنا. صحيح ممكن موكلي يكون شخص عصبي، لكن بنفس الوقت هو شخص حنون على ابنه. عصبيته وتصرفاته ما مست ابنه أبداً. هذا التصرف كان وي طليقته فقط، وإحنا هنا موضوعنا مو طليقته. موضوعنا هو الطفل أبيل المعنف من أمه، وعدنا دليل يثبت هذا الشي.

(خليناه يشاهد فيديو ضرب لينا لأبيل وشكلها الواضح وهي تضربه راشديات متتالية وتلوي شفايفه وتصيح عليه) راويناه صور آثار جسم أبيل، الجويات والكرصات اللي ما رايحة من ايده. مُلاذ: سيدي القاضي، مثل ما شفت، هنا أم أبيل بنفسها تعنفه وتأذيه. غير عن هذا، اسمح لي أقدم لك فيديو عن أبيل لمن عرف أبو راح يوديه لأمه. (قدمنا له فيديو أبيل وهو يبجي. أيهم يحاجي حتى يقبل يروح لأمه، وهو رافض أشد الرفض ومجلب بأبوه)

غير عن حنية أيهم على أبيل الواضحة بالفيديو. (بعد ما انتهى القاضي من مشاهدة الفيديو، كملت كلامي)

مُلاذ: من المهم صحة الطفل ونفسيته، والمكان اللي يرتاح بيه والأمن له. توضح لنا الأدلة سيدي القاضي، أبيل طفل معنف وغير راغب لأمه، وهي مصدر أذية بدلاً من مصدر أمان. على عكس عن بقية الأطفال اللي يتمنون يبقون بجانب أمهم مهما بلغ حبهم لأبوهم. لكن أبيل طفل متضرر من والدته، وتكدر تشوف حنية أبوه وياه، وتصرفات أبيل الواضحة، هو يريد أبوه.

(نهيت كلامي، أطالب بحضانة أبيل لأبوه. وأكدت تصرفات أيهم وي لينا مالها أي علاقة بتصرفات أيهم وي ابنه. مقام الزوجة يختلف تماماً عن مقام الابن) بعد الأدلة اللي قدمناها، وبعد ما شاف القاضي الوضع، قرر يعطي الحضانة لأيهم. وهذا الشي كلنا كنا متأكدين منه. (عتلى صوت لينا وأهلها رافضين، ما استمع الهم أي شخص، بالعكس احتقروهم) وانتهت الجلسة، الكل فرحان لأن أبيل ما راح يبقى يم أمه، ولأن حضانته راحت لأيهم. (طلعنا من صالة المحكمة)

أيهم أجا يضحك ويسوي بإيده بمعنى "yes". (طلعت لينا وأهلها وراها، دحگت لي) اتقدمت وهي تصيح: لينا: كله من وراج يا ****. (توجهت أنظار المحكمة علينا) قبل لا توصلني، جرها أيهم من شعرها. وإخوانها واقفين يهدون بيه. أيهم: شحدج تجيسيها، أدفنج بـ كاعج وحق هو أبو فاضل. هادي: أيهم هدهااا، وخررر. (نتر راسها من إيده، أخذوها أهلها وطلعوا) المحكمة كلها تدحگلنا. اجاني أيهم بسرعة. أيهم: معليج بيها، خل تولي. مُلاذ: شوف أنا شلون اهتم.

أيهم: هههههه، نسيت القدامي لَـذة. مُلاذ: مبروك لأن حصلت حضانة ابنك. أيهم: احتارييييت أكحل عيوني بيج وأنتِ تحجين، لو أكيف لأن حضانة أبيل صارت الي. (ابتسمت تك خد وأنا أدحكله) أيهم: لَـذة، وخري لا أروح أحضنج بالغلط. مُلاذ: يمه اسم الله، امشي أحضن أختك. (جريت هتان خليتها گدامه، وأنا طفرت على صفحة) دحگ لي يضحك. جر هتان حضنها لـ صدره. (تقدموا باهر وأيمن ناحيتنا) باهر: عمي صفنتيني. رح أرجع أتدرب يمكم.

مُلاذ: هههههه، لا تسمعك غادة. (ضحك باهر، أيمن دار وجهه. دحك لأيهم گال بصوت عالي) أيمن: يا نقمة الله. (گال باهر وراه: أحـ... بعده ما مكمل سد حلكه أيهم. جرهم اثنيناتهم كل واحد من صفحة، وهو بنصهم وأطول منهم، ساد حلكهم بإيدهم. (مشينا وراهم أنا وهتان نضحك عليهم) أيهم: جلاب، شبيكم بس تنبحون. (طلعنا من المحكمة) أول ما وصلنا يم السيارات، صاحت هتان فرحانة: هتان: خلصنا من لينا المسمووومه، كلللللللللوليششششش.

(التفتت أيهم النا وضحك) جر باهر وأيمن من أذانهماخذهم بعيد عنا وهم يتوسلون بي يعوفهم. موكفهم اثنينهم، لاوي أذاناتهم ويحجي. عبالك جهال، فد ضحكوني على منظرهم. وهتان استغلت الفرصة تصورهم. هتان: يا يابه، شلون حصلت لزمة عليهمم. مُلاذ: هههههههه. هتان: بس ما يقبلون يسوولي شي، أنشر صورتهم هاي. (رجعوا اجونا باهر وأيمن يفركون أذانهم، وأيهم يمشي وراهم) باهر: أخ، أذاني. أيمن: شنو من إيد عندك، ما تگلب. باهر: إيدين الدكاترة بعد.

أيمن: هاي التسويله عملية، إذا تدخل إيدك جو جلده وتلزم معدته، الله وكيلك يموت بمكانه. أيهم: أيمن الجلب، شسوي مدخل إيدي بمعدته؟ أيمن: غير تسويلهم عمليات. أيهم: امشوا، ولو كافي شگد تمسلتون. باهر: عود اجينا نوكفلك ونشد ظهرك. أيهم: شديتوه بتيب. (ضحكت وأيهم ضحك وياي) دحگلونا تلاثتهم وواحد يغمز لـ الثاني. باهر: أي، إحنا نروح. أيمن لم بإيديه باهر وهتان. أيمن: أي، يلا بعد ما يريدنا. لگ بديلنا. امشوا يمه، خالكم ما يريدكم.

(التفت أيهم متخصر يدحگلهم، وأنا ما أكدر أبطل من الضحك) علاقتهم تضحك ولطيفة، وهم يبسمرون بأيهم. التفتوا سووا لنا "باي"، سوينا لهم نفس الشي وراحوا لسيارة باهر. (تقدم أيهم وكف گدامي) أيهم: شوكت عندج جلسة بعد؟ مُلاذ: ليش؟ أيهم: أريد أجي أشوفج، وأنتِ تحجين وتدافعين هيج. مُلاذ: حجي مثل أي حجي. أيهم: ما شفتي نفسج وأنتِ واكفة وي هاي كذلتج النازلة وتحجين بثقة، وفوكاها ربحت ابني من وراج. يابه تعبت وإنه أحس بالفخر بيج.

مُلاذ: دكتور، بعمري ما خجلانة، وهسه جاي تخجلني بشرفك. ما أحب هالشعور. أيهم: هههههه، ليش؟ مُلاذ: ما أدري، لمن أحس بالخجل أحس روحي فاهية، عقلي يعطل. (ضحك بصوت عالي) أيهم: مال تنضمين عن كل الدنيا أنتِ. مُلاذ: اهو دكتور، دروح. ما عندي وقت أخجل، وراي شغل. (ضحك وأنا هم ضحكت) فتحت باب السيارة وهو يمشي. حجيت وأنا أصعد. مُلاذ: بوس أبيل هواي بدالي. أيهم: ماكو بوسة لأبو؟ مُلاذ: أكفخك بالجنطة هسه. (ضحك وسد باب السيارة)

دنك يحاجيني من الجام. أيهم: انتبهي لنفسج وأنتِ رايحة. مُلاذ: تمام. (لبست المناظر) بعدني أريد أشغل السيارة، وكفني أيهم گال: أيهم: انزعي المناظر. مُلاذ: ليش؟ أيهم: طالعة حلوة. مُلاذ: جا وإذا؟ أيهم: شنو وإذا؟ انزعيهن ولج. مُلاذ: مااا، عوفهن. أيهم: بشرفج مُلاذ، انزعيهن. مُلاذ: ما أنزعهن. أيهم: صيري حبابة، لا تخليني أبوكهن. يلعبن النفس ومو حلوات، انزعيهم. (رفعتهم خليتهن على شعري) مُلاذ: ارتاحيت؟ (ضرب كصته وگال)

أيهم: نوب بدونهن أحلى. خرب حظي المصخم. مُلاذ: هسه أنت شتريد؟ أيهم: أريد ترجعين للبيت. مُلاذ: ليش أرجع للبيت؟ أيهم: مُلاذ، بشرفج، اليوم طالعة حلوة. بداعة العزاز، ارجعي للبيت، لا تسودنيني. مُلاذ: خاب دروح. أيهم: زين، انتظري. مُلاذ: شكو؟ أيهم: انتظري. (ظليت بمكاني وأدحك وراه) راح لسيارته، ظل يدور بيها ويبحوش. أخيرًا سد الباب واجاني بـ إيده أغراض. أيهم: أي لذه، تعالي. مُلاذ: شكو؟ أيهم: شو، البسي هاي. مُلاذ: ولك ليش؟؟؟

أيهم: مُلاذ، حبابة، يلا. مُلاذ: ما ألبسهن. (رفعه راسه گال) أيهم: انعل أبو الفواصة. (رجع دنك) أيهم: بس اليوم بشرفج. مُلاذ: يا ولك أيهم، عوفني. أيهم: يلا، البسيهن. مُلاذ: تعوفني إذا لبستهن؟ أيهم: والله أعوفج، البسيهن ولا تنزعيهن. (جريت الكمامة من إيده لبستها، ولبست الكاسكيته جبيرة على راسي) دحگت لـ وجهي بالمراية. انداريت اله، لا عيوني، لا خشمي، لا حلكي. مختفية ملامحي. اللي يشوفني عباله داعشية ومتنكرة ورايحة أفجرهم.

مُلاذ: ولك أيهم، ولك! شنو تريدهم يسجنوني؟ عبالهم داعشية. أيهم: شو تخبلين. مُلاذ: باع الكاسكيته شكبرها. أيهم: جيبي أصغرها، هاي أنا ألبسه. مُلاذ: راسك شكبره، بگد راسي ٣ مرات. أيهم: الفوصة تتنمر. (صغر لي الكاسكيته وانطاني إياها) لبستها. أيهم: بـ داعة أبوچ لا تنزعيها. (نزلت الكمامة وعضيت إصبعي معصبة) هو هم سوا مثلي وعض إصبعه. أيهم: انجلبنا، گمنا نعضعض أصابعنا. مُلاذ: سوالفك مو بس تجلب الواحد، تخلي يتسودن. شبيييك؟

هسه أنا شلون أخلص شغلي هالشكل. أيهم: عادي لَـذة، عادي. مُلاذ: عمي دروح، رح أموت من الخنكة. (نزعت الكمامة) أيهم: الا تطلع براطمها. مُلاذ: معليك بيهن. أيهم: ابقي بالكاسكيته والمناظر. (تنهدت وهزيت راسي بقبول) شغلت سيارتي وطلعت وهو ورايح. جا بـ صوت مسموع: أيهم: طحت بـ وحدة، بس الله يكدر لها. (ضحكت وكملت طريقي) نزعت الكاسكيته، دحگت شعري مهووس. رجعت لبستها مرة ثانية.

مر يومين من بعد هاليوم. اندك باب بيتنا، طلعت أشوف منو. دحگت لـ عمي الغثه، واكف بالباب. أحمد: شلونج بنيتي؟ (دحگت له بـ استغراب) مُلاذ: هلا. (جت أمي وراي تسأل منو، أنا صافنة عليه) أحمد: جنج راح تبقيني بالباب. (ردت اگله شعندك جاي، وطلعت أمي ترحب بيه وتگله يتفضل. وهو هم ما گال لا، گبل دخل وأنا أخزر بيه) تقدم دخل بيتنا. التفتت لـ أمي. مُلاذ: شبيييج؟ شنو يتفضل؟ فيروز: مُلاذ، عيب أمي، يبقى عمج. مُلاذ: **** على هيج عم.

فيروز: أدبسزززز، أنا أعلمج. (خزرتها ودخلت جوه) دحگت له كاعد على القنفة. اللي يشوفه يگول البيت بيته. عفته ودخلت لـ الغرفة. دحگت للـ تلفون لمن رن، ابتسمت لمن شفت مكتوب الاسم "أم سوادي". رديت على الاتصال وگلت مبتسمة: مُلاذ: اتفضل وياك المستمعة إلى المخابيل. (دام الصمت لثواني، وفوراً انمحت ابتسامتي لمن سمعت نبرة صوته) أيهم: مُلاذ. (صوته مبحوح ومشحرج وهادئ. شلون كلهن اتجمعت، ما أعرف) مُلاذ: أيهم؟ شبيك؟ (تنهد، سكت لثواني)

مُلاذ: أيهم شبيك؟ أحس نَفسه يرجف. گال بـ خفوت وصوت تعبان: أيهم: احتاجج، لميني مُلاذ، أنا تطشرت. (كعدت عدل، أحس راح كل حيلي بيه. خفت عليه، ألف احتمال اجت بـ بالي) مُلاذ: وين أنت؟ شبيك؟ شصاير؟!! (منتظرج بالفرع اللي يمكم) أيهم: شلون أجي عمي هنا؟ (لميني) گالها يجر الكلمة بتعب وهدوء. سد الاتصال. دخيلك ياربي، شصاير!! التوتر والخوف احتل گلبي. (لبست أي شي گدامي، لأن ملابسي مو مال أطلع بيهن) طلعت من الغرفة، اتحمحمت.

مُلاذ: فوفو، غادة جايه هي وباهر، وواكفين بالفرع. ناسيه ملف قضية بسيارتي. فيروز: وين تطلعين بهذا الوقت؟ (ماما والله خطية، اجت مناك لهنا) فيروز: خو گليلها تنزل؟ مُلاذ: ما تقبل. أحمد: و شني بويه مبتلية بيها أنتِ؟ (رفعت حاجبي ودحگتلهم) مُلاذ: وكفت ويانا هي وأمها أكثر من الگرايب اللي تكتلوا على صفحة وضموا روحهم. ووقت محد جان النا، بس الحمد لله، الله لا يعوزنا، عرفنا ناسنا على الأقل.

(ظل ساكت ويدحگ لي، ما عاجبه. وأنا سطرتهن بسمر. أمي تغمز لي، تدك على رجلها، تخزرني بس ماكو فايدة) ما يرتاح گلبي إذا ما أردّه. مُلاذ: يلا فوفو، أنا رايحة وأرجع بسرعة. أحمد: شني عمي، حتى ما أخذتي موافقتي؟ (رفعت حاجبي ودحگتلهم) هذا من كل عقله!

مُلاذ: ما أعتقد، أنت حملت بيه ٩ شهور وربيتني وسهرت وياي لمن تمرضت وداريتني وتعبت عليه. هالاشياء كلها أمي سوتها. ما دام فيروز موجودة، ما يحق لأحد يحجي شي. يلا يمه، أنا رايحة. هياتني بالفرع هنا أنطيها الملف وأجي. (دحگت لـ أمي، بعد ما تدري شتسوي حتى تسكتني. لا غمزات فادت، ولا تأشير، ولا دك على الرجل. لو ما أيهم جان تربعت له وكعدت أعد وأصفو وأطلع ضيم گلبي، بس أيهم أريد أروح له) عفتهم وطلعت أسمع أمي تگول لـ أحمد:

أمي: ههه، تتشاقى، ما قصدها شي. (هزيت إيدي، طلعت لـ الباب) دكيت على أيهم: بعدك موجود؟ أيهم: ام. (سديت الخط، رحت أمشي سريع. ياما يوصلني وأشوف شبي. شفت سيارته. دخلت ركض لـ الفرع. وصلت يمها. فتحت الباب وصعدت) دحگت له مصدومة، دموعه تصب. متجي راسه على الكشن. مُلاذ: أيهم! أيهم شكو؟ (عبس شفته گال) أيهم: مات مُلاذ، مات. (دك على رجله، بـ إيده سبحة. وجهه أحمر، شعره مخربط، دمارات وجهه ناطة) انرعبت، منو ميت! مُلاذ: منو مات؟؟

(دمع وحجه بروح رايحة) أيهم: تذكرين الحجي؟ (هزيت راسي بقبول) مرة سولفلي عنه، عدهم بالمستشفى. أيهم: مات اليوم، جنت كاعد يمه، وطلعت روحه گدام عيني. (اهتز جسمه يبجي، يضرب على رجله حيل، وعلى صدره، السبحة بـ إيده، بحيث صدره صار طبع خرزات السبحة) خبلني، بس أريد أوكفه وأهدئه، وهو منهار يضرب ويبجي، مفرفح. أيهم: مُلاذ، عافني بعد المن أشكي؟ جان أبوي وأخوي، جان أبوي. مُلاذ: أششش، اهدء أيهم. بس على كيفك وي نفسك، حباب اهدء.

(حسيته طفل ينوح، ما يدري شيسوي. حاسة بـ هذا الشعور، خسارة أعز شخص على گلبه يسلب روحك) أيهم: شكيت له على حبج، لج شكيت له على لوعاتي عليج وواساني. بعد ياهو اليواسيني؟ يدك جتفي ويطمني بـ دُعائه، تصيرين من نصيبي. مات گدامي، ما عالجته، مات. مُلاذ: بس اهدء، الله يخليك. حد يومه قدر هذا، ما تكدر تغير شي. أنت سويت العليك، صار لك سنين تركض بي، وبس تريد يطيب، بس هذا حد يومه. الرجال جبير. (ظل منزل راسه يبجي)

فد انقهرت، ظليت لا آخذ ولا أنطي. أيهم: جان أبوي. مُلاذ: الله يرحمه. أيهم: جان يحبج حتى وهو ما يعرفج، ومن أگله سواياتج بيه يگلي تمون. مُلاذ: اهدء، الله يخليك. هسه دفنتوه لو شنو؟ (هز راسه بقبول) مُلاذ: الله يرحمه، ما يجوز هيج تاذي روحك. ترا هو الرجال خطية، أنت مو تكول جان مريض؟ مو صحيح جان مريض؟ أيهم: أي. مُلاذ: والله هسه ارتاح. هو صح خطية، بس أيهم، المرض يدمر، والله هسه ارتاح وهو بـ مكان أفضل.

أيهم: جنت مخلي بـ مقام أبويه. مُلاذ: أعرف عيني، بس لازم تتقبل. بالعكس، سويله ثواب، وخلي الناس تدعي له بالرحمة. (فرك صدره وتنهد، مسح دموعه، بلع ريگه، هز راسه بقبول) أيهم: تمام. (دورت بـ عيوني، لگيت اكو بطل مي بـ سيارته) انطيته يشرب، هز راسه برفض. مُلاذ: لـ خاطري. (أخذ بطل المي، شرب شوية ورجعه) نزلت من السيارة، انداريت لـ جهتهم. مُلاذ: غسل وجهك، افتح إيدك. خل أدور بيها مي وغسل وجهك.

(مد إيديه، درت مي بيهن، غسل وجهه، سديت بطل المي) رفعت عيني دحگتلهم. مُلاذ: انزل شم هوا. أيهم: ما اريد. مُلاذ: حباب، أتنفّس خنكة السيارة. أيهم: فاتح الجام. (زيت راسي بقبول، رجعت صعدت وياه) انطيته كلينس نشف وجهه. مُلاذ: هسه صرت أحسن؟ گال بـ صوت مبحوح: أيهم: أي. (التفت دحگ لي، عيونه حمر) أيهم: يلا روحي، ارجعي للبيت. مُلاذ: شلون أعوفك هيج؟ أيهم: مابيه شي. مُلاذ: زين، دحك، افتح اتصال. لحد ما توصل لبيتك يلا تسده. ها شگلت؟

اقبل، حباب، ترا أظل قلقانة. (هز راسه بقبول) دكيت عليه وجاوب. نزلت من السيارة. مُلاذ: انتبه على نفسك. (هز راسه بقبول) أيهم: يلا روحي. مُلاذ: مو تكطع الاتصال. أيهم: تمام. (رجعت للبيت) دحگت لـ عمي يريد يطلع. مُلاذ: مع السلامه. (هز راسه، عبرته ودخلت)

رحت لـ غرفتي، خليت تلفوني على أذني. ظل هدوء بـ سيارته دقايق. بعدين انفتحت قصيدة وسمعته يبجي. عبست شفتي ضايجة عليه. اتذكرت لمن مات أبوي. اتحجرت الدموع بـ عيوني، بلعت ريگي. استمعت للقصيدة اللي مشغلها: "وينك أسأل عليك إبكل كتر ... وينك كل عمري عايش أنتظر ... وينك ما ظل على إفراقك صبر ... وينك عمري شمعة و ذابت بـ نار انتظارك ليل صبري يرتقي بـ طلعة نهارك" (رجفت شفتي، ظليت ساكتة وهو يبجي بحرگة من كل گلبه)

حتى ما أكدر أمنعه، أعرف حركة الگلب لمن واحد يكتم، أشبه بشخص ينجوي وما يبجي. لمن بلغني هو وصل للبيت، ارتاحت. بقيت وياه على الاتصال وأسمع أمه تحاجيه، تريد تفتهم شبي هيج. ما حجالها، طمنها مابي شي. سمعت باب غرفة ينفتح. أيهم: تكدرين تسدين الاتصال؟ وصلت. مُلاذ: لا، خل أظل وياك. أيهم: لا تشفقين عليه، بس لأن جنت أحبه هواي هيج صار بيهم. مُلاذ: أيهم!!! ما شفقانة عليك، ليش هيج تفكرني؟ (ظل ساكت، أنا هم سكتت)

ترجع كام يسولف لي شگد جان يحبه ويذكر مواقفهم سويه ويبجي، وأنا أهديه وأسمع له. تدريجيًا بدأ يقل كلامه لحد ما اختفى صوته وسمعت صوت أنفاسه عالية. مُلاذ: أيهم؟ (ما جاوبني، رجعت كررت، هم ما جاوب. مبين نام، نزلت تلفوني وسديت الاتصال) وأنا أدعي الله يرحم الحجي ويصبر گلب أيهم. مبين كلش يحبه. هتان:

هدوء البيت والراحة النفسية اللي بيه، بعد ما خلصنا من لينا المخبله. فتحت تلفوني، دحگت لـ منشور جديد لـ جسار. ابتسمت بـ فرح، وفوراً استغربت ابتسامتي الواسعة. سديت تلفوني، گمت طلعت من الغرفة. نزلت دحگت لـ أيهم واكف گدام الشباك. حاله من أيام تعبان. گال لـ أمي "الحجي مات". أمي انفجعت وضاجت. ما أعرف الحجي، بس سامعته يحجي عنه ويحبه كلش. بعدني ما مكملة نزلة الدرج. دحگت لـ أبوي اللي دخل البيت. صوت خطواته واضح. انصدمت. نزلت أريد أسلم عليه، وكفت بمكاني لمن التفت له أيهم ودحگله.

أيهم: أنت شتسوي هنا؟؟ (بيتي ورجعت له) أيهم: ارجع منين ما جيت! (ما أرجع لمكان) أيهم: اطلع روحك هنا، هسه. اررررجع منين ما جيت. (لا تخاف، بعد ما اقتربت منها) أيهم: وحق الحق، انحرك، فهمت لو لا! إذا لمستها لو لمست شعرة منها، انحرك. (ما نحرتني من قبل، هههههه) أيهم: بختك بـ أمي، بس لا أمي ولا أي أحد يوكف بعيني. إذا لمستها، أذبحك بمكانك. (ابتسم أبوي بـ خبث)

اقترب على أيهم بـ خطوات خفيفة، وكف گدامه وهو مخلي إيديه بـ جيبه. گال كلمات خلت أيهم يتخبل. (يا ترى شنو ردة فعلها لو عرفت أنت ابن الچتال التدور عليه؟ ضحك ضحكة طويلة بـ صوت عالي، مما سبب الجنون لأيهم. وبـ حركة سريعة، خنگ أبوي وخلّاه على الحايط، ضاغط على خوانيكه. ظليت مصدومة ورجليّه تجمدن بمكانهن! ...