رواية جرحتني اختي الفصل السادس 6 - بقلم دودا حوده

ياسمين: لاااا، طيب من إيه؟ الدكتور: ساكتة قلبية. نجوى: جوزي حبيبي، حرام، ليه كده؟ يا ربي. ياسمين: حرام عليكي إيه اللي بتقولي ده؟ نجوى: أعمل إيه بس، جوزي مات. ياسمين: يا. أحمد: خديها يا ياسمين واخرجي. ياسمين: حاضر. وخرجت ياسمين ونجوى. أحمد: أنا عايز أعرف هو مات إزاي يا دكتور؟ ده كان كويس. الدكتور: قولت لحضرتك ساكتة قلبية. أحمد اتصل وعمل الإجراءات عشان ينزل صبري القاهرة. وفعلاً خلص الإجراءات واندفن.

وكانت مديحة، أخت صبري، في العزا وشايفاه نجوى وهي بتعيط. مديحة: بطلي شغلك ده، الكل عارف إنك ما كنتيش بتحبي أخويا، الله يرحمه. منك لله يا شيخة، انتي اللي قصرتي عمره. ياسمين: مش وقته كلامك ده يا مديحة. ولو أختي كانت بتكره أخوكي، كانت هتكمل معاه ليه؟ مديحة: انتي عارفة وأنا عارفة، مين كان هيقدر على مصاريف أختك دي إلا أخويا، الله يرحمه. نجوى: عشان رحمة أخوكي الغالي عندي، مش هكلمك. ده وقتي. اطلعي بره.

ياسمين: عيب كده يا نجوى، بس يا جماعة، إحنا في عزا. مديحة: ورحمة أخويا ما هسيب حقه. ماشي. ومشيت مديحة. والعزا خلص. الأم: روحي انتي، إحنا مصدقنا تبقي حامل يا حبيبتي، وأنا هبات مع اختك. ياسمين: لا يا ماما، خليكي انتي مع بابا، وأنا هبات هنا وتعالي الصبح. الأم: عشان جوزك يا حبيبتي، اسمعي الكلام. ياسمين: أنا عايزة أفضل مع نجوى. روحي انتي يا ماما. الأم: ماشي يا حبيبتي. مع السلامة. وطلع أحمد. أحمد: هي ماما مشيت إزاي؟

أمال مين هيبات مع نجوى؟ ياسمين: إحنا. معلش يا أحمد، هنبات هنا انهارده. انت عارف إن ماما ونجوى مش بيرتاحوا مع بعض. خلينا هنا معلش. أحمد: مفيش مشكلة. والتلاتة كانوا في الصالة. نجوى: أنا هقوم أحضر الأكل. ياسمين: خليكي انتي، أنا هقوم. وقامت. أحمد: صبري مات إزاي يا نجوى؟ نجوى: ربنا بعت عزرائيل أخد روحه. أحمد: وطلع. نجوى: انتي بتهزري؟ أحمد: هو وقته هزار. نجوى: الراجل كان كويس لحد ما قولنا إننا هنرب. أحمد: انتي بتهزري؟

نجوى: اديك قولت، قولت هنرب، ليه اقتله؟ أحمد: مش مرتاح ليكي والله. نجوى: اخس عليك، وأنا اللي فرحت إنك بايت هنا عشان تصبرني عن بعد صبري. تصدق، مطلع أغنية كويسة. أحمد: انسي أي كلام بينا حصل. انسي. نجوى: كان زمان. دلوقتي مش بمزاجك. أقسم بالله أقول إنك على علاقة بيا، وأسمع مراتك التسجيل، وأقول إننا اتفقنا على قتل صبري، وأوديك في داهية. أحمد: إيه كمية الشر دي؟ الله يخربيتك. ياسمين: خدي يا حبيبتي اللبن اشربيه وقومي نامي.

نجوى: أنام إزاي من غير صبري حبيبي جوزي. ياسمين: معلش يا قلبي. وشربت ودخلت الأوضة. أحمد: مالك؟ شكلك متغير. ياسمين: مصدق الحوارات دي؟ أنا خايفة تكون نجوى اللي قتلته. إحنا عارفين إنها مش بتحبها. أحمد: إيه اللي بتقولي ده؟ بطلي خرافات. ياسمين: عياطها عليه قلقني. كمان. أحمد: نامي. نامي. شكلك بتخرفي. ونامت. وتاني يوم. ياسمين: أنا رايحة لماما وهجيلك بليل. نجوى: ماشي يا حبيبتي. ونزلت ياسمين. واتصلت نجوى بأحمد.

نجوى: الو، ياسمين راحت لماما. هنفذ الخطة. أحمد: لا، أنا مش موافق. نجوى: وأنا مش هتجوز إلا في النور قدام الناس. أحمد: حرام عليكي، وابني اللي في بطنه. نجوى: بقولك إيه؟ أي اخلص، روح على هناك. وقفت السكة. أحمد: منك لله يا نجوى. شيطان. وخرج. دعاء (أخته) : مالك يا أخويا؟ أحمد: مفيش. لازم أنزل. ونزل. الأم: مال أخوكي؟ دعاء: مش عارفة، بس كان بيقول منك لله يا نجوى. تفتكري تكون نجوى أخت ياسمين؟ الأم: أكيد هي، في حد شر غيرها؟

اسمه نجوى. ويا ترى مدبسة ابني فيه إيه؟ وفيه بيت أم ياسمين. نجوى بتخبط جامد. الأم: يا ساتر، إيه؟ وفتحت. نجوى: مالك؟ في إيه؟ نجوى: هي فين خطافة الرجالة؟ ياسمين: بتقولي إيه؟ مين دي؟ نجوى: انتي يا اللي منك لله. أحمد: احفظي أدبك. نجوى: خد اقرا الأول وبعدين كلمني. الجواب ده كان في جيب صبري. الله يرحمه. وقرا الجواب.

"حبيبتي نجوى، ياريت تسامحيني، أنا غلطت مع أختك ياسمين يوم ما روحنا الصيدلية سوا. ومش مسامح نفسي. وخد دواء الضغط كله. ولو الجواب ده معاكي دلوقتي، يبقي أنا ميت." ياسمين: إيه الكلام الفارغ ده؟ أقسم بالله ما حصل. أحمد: اخرسي يا خاينة.