رواية جروح العشق الفصل الثامن 8 - بقلم سلمي حمدي

صحت ملك من النوم على ريكورد من أدهم كان محتواه: "صباح الخير يا حبيبتي، أنا طلعت مشوار صغير، قومي صحصحي وفتحي دولابك هنلاقي بوكس، البسي ونزلي فطري، استنيني لحد مارجع".

استغربت من كلامه، دي أول مرة يقولي "حبيبتي". أنا مركزتش على باقي الكلام بعد كلمة "حبيبتي" دي. أول مرة أسمع كلام حلو من أدهم من لما اتجوزنا، طلعت زي السكر منه، مكنتش مصدقة. جريت وفتحت دولابي وأنا مش مصدقة، لقيت بوكس كبير، أخدته وقعدت على السرير وفتحته، لقيت فستان بنك في غاية الروعة وحذاء أسود. كنت مبسوطة ومش مصدقة فرحتي. أخدت شاور ولبست الفستان، كان ضيق من فوق وواسع من تحت. حطيت ميكاب خفيف وطلعت.

بعد ربع ساعة سمعت سيارة أدهم تعلن وصولها، نزلت وأنا مبسوطة بفستاني وأنا طايرة من الفرحة. أدهم كان واقف وعلى وشه ابتسامة واسعة وهو شايف فرحتها. "ملك، وأنتِ تلفي بالفستان... "حلوة؟ أدهم وهو يقرب منها: "ما شاء الله، قمر 14 يا ناس." ملك بستغراب: "أدهم، أنت سخن، فيك حاجة؟ أدهم: "تؤ، أنا زي الفل." ملك: "شايفه اتغيرت عن امبارح وقعد تقول كلام حلو." أدهم طبع قبلة صغيرة على خدها: "من الليلة اتعودي يا حبيبتي."

كنت واقفة زي العبيطة ومش فاهمة حاجة. أدهم: "مش هتطلعي ولا إيه؟ يلا هنتأخر." ملك: "هتوديني فين يا ابن حنان؟ أدهم بغمزة: "هخطفك." ملك: "عندك مانع؟ أدهم بابتسامة: "تؤ." *** أخد ملك لمطعم معروف بفخامته. أدهم: "مالك بتبصيلي كده؟ ملك: "قدامك، ممكن أفهم سبب التغير المفاجئ ده؟ أدهم مسك إيدها وباسها: "بصي يا ملك، من غير لف ودوران، أنا بحبك. عارف إني اتأخرت لحد ما فهمت، بس والله بحبك." ملك بحزن: "اتأخرت يا أدهم."

أدهم بحب ظاهر: "أنا عارف إني حمار وندل، بس والله بحبك." ملك بحزن أكبر: "بس أنت لسه بتحب نور يا أدهم، وعمرك ما حبيبتني." أدهم بحب: "تؤ، أنا بحبك أنتِ. أنا عرفت الحب على إيدك، فرصة، اديني فرصة واحدة لحد ما أثبتلك قد إيه بحبك." ملك بحزن طفيف: "خايفة." أدهم بحب: "واحدة يا ملك، ومش هتندمي، صدقيني." ملك: "دي هتكون آخر فرصة يا أدهم." أدهم بمقاطعة: "مش هتندمي، بوعدك." ***

ومن هنا شفت حب أدهم وحنانه، وزي ما قال، مخلنيش أندم. وبخصوص نارين، اعترفت على كل عملاها هما وعدل. وبعد فترة عرفت نارين إن عادل هو اللي قتل أخوها، وأدهم بريء. واتحكمت 5 سنين سجن. أدهم: "مسمحاني؟ ملك: "أنا مبعرفش أزعل منك." النهاية.