عند محمد عزيز. محمد : بيشيل فستان نور والشنط. وقال..تيم أتصل فوق الخمس مرات يانور. نور : بتلبس النقاب. وقالت. خلاص ياحبيبي انا جاهزه أهو. وبعدين لسه بدري الساعة لسه مجتش ١٠. محمد : أبتسم. ما أنتي عارفه بقى ياحبيبتي. آرين بالنسبة لتيم إيه؟ وعايزنا نكون موجودين وكل حاجة تمشي تمام. نور : حاضر ثانية واحدة بس. وراحت عند الدولاب. محمد : بتعجب. رايحة فين؟ نور : ثواني بس يامحمد وهتعرف. وجابت صندوق. وحطته على السرير وقعدت.
محمد : كشر عينيه. وحط الفستان. وقعد جنبها وقال. أنا بتهيألي شفت الصندوق ده قبل كده. بس فين؟ مش فاكر. وغير كدا ده مش ليكي صح كدا؟ نور : بضحكة. صح. فعلاً. ده بسيدي صندوق تيم. وهو صغير فاكره.؟ محمد : بدهشة. أيوه أيوه افتكرت. ياااه يانور. ده لما كان في المرحلة الإعدادية على ما أظن. وبعدين بيعمل إيه عندك. وفيه إيه الصندوق ده؟
نور : هتعرف دلوقتي. وفتحت الصندوق. وكان جواه أوراق وجوابات وذكريات كتير. وأكتر من برواز. ومن ضمنهم برواز قديم جواه كروت معايدة من آرين لتيم. محمد : مسك البرواز وشاف إن تيم واخد كروت آرين وحاططها في البرواز وصورتهم مع بعض وهما صغيرين. ومسك برواز تاني وفيه كروت لميرو وكمان لتمارا ورينو ونور. وصور ليهم. نور : جابت ساعة من الصندوق. وقالت بحنين. فاكر الساعة دي يامحمد.
محمد : بزهول. ياااه. دي أول ساعة جبتها لتيم في عيد ميلاده. حتى الساعة محتفظ بيها؟ نور : بحنان. تيم شايل كل ذكرياته الأولى مع العيلة في الصندوق ده. بص الموبايل اللعبة القديم ده. كان من بابا مصطفى. وكمان النضارة دي من ماما شيرين الله يرحمهم. بص كمان بواقي البرفيوم ده. من مامي. وتيم محتفظ بالإزازة. والعربية اللعبة من بابي. هو صندوق مكركب لكن فيه ذكريات بكنوز الدنيا.
محمد : مسك الساعة والموبايل والنضارة. وباصص ليهم. وقال باشتياق للماضي. ذكريات من زمن فات. ومن أجمل الذكريات. وأبتسم وقال. تعرفي لما شوفت كل ده. كأني رجعت صغير من تاني. وحاسس إني في بيت بابا وماما دلوقتي في المطبخ بتعمل كل حاجة حلوة لينا. ياااه يانور. بجد إحساس غريب أوي. نور : باستُه من خده. وقالت حبيبي. أنا مش فاتحة الصندوق علشان تضايق نفسك أوكي؟ بس ابنك بقى مصمم وعايزني آخد ليه الصندوق وأحنا رايحين عندهم.
محمد : بتفهم. أكيد هيقدم البرواز ده لآرين. نور : بضحكة. أكيد. محمد : حط كل حاجة في الصندوق. ونور قفلته. نور : قامت. يلا بينا بقى علشان نشوف آرين هتعمل إيه أول ما تشوف الفستان. محمد : بضحكة. هتتنطط من الفرحة طبعاً. نور : بصراحة يامحمد الفستان وهم بجد. واتصمم زي ما رينو وصفتُه لأدم بالظبط. محمد : آدم بيحب آرين حب أسطوري. ربنا يسعدهم. نور : آمين يارب. المهم بقى. هنقدم هدية آدم وآرين قبل الفرح ولا بعد شهر العسل؟
محمد. : أممم. إحنا نسيب الهدايا في فيلا آدم مراد. ويشوفوها براحتهم بقى. نور : اوكي ياحبيبي. زي ما تحب. محمد : أهو شوفتي تيم بيتصل تاني. يلا بينا وهرد عليه وأنا في العربية. نور : شالت الصندوق. يلا بينا. فيلا زياد جمال. زياد : بإستعجال. يلا ياملكة اتأخرنا. الساعة ١١ ونص. ومالك وسارة ويوسف ومريم سبقونا. مليكة : أيوه حاضر. بس كنت بجيب الهدايا. زياد : تمام. همس هتيجي معانا ولا هتستنى ياسين؟
مليكة : همس والولاد وحياة عند آرين من بدري ياحبيبي. ياسين وصلهم قبل ما يروح الشغل. زياد : طيب يلا بينا بقى أنا لازم أكون مع مراد وفهد. مليكة : يلا بينا. فيلا العدوي. في الجنينة. مراد : بجدية. شاهين أنت وهارون وعاشور. مش عايز أي تهاون من الجهة الأمنية. ومش عايز حد من الحرس عينيه تغفل ثانية واحدة عن المراقبة. ومش عايز أي حد من الصحافة يخطو خطوة واحدة من الباب ده غير لما الباشا الكبير يأذن ليهم.
وبص لعاشور وقال. عاشور أنت تاخد مجموعة من الأمن عند بوابة الفيلا الخلفية. ويصحصحوا كويس. أي غلطة مش هتهاون فيها. وأنت ياشاهين. شاهين : أؤمرني معاليك. مراد : توزع أمن وحراسة حوالين سور المملكة كلها بما فيهم فيلا الدكتور تيم وآريان وآدم والعمارة. مش عايز مكان فاضي إلا ويكون متأمن كويس. أنا عايز عينيكوا تكون مفتوحة زي الصقر. وأنت ياهارون أنت وشاهين. باب الفيلا الرئيسي ده. مهمتكم انتوا الاتنين.
وباقي الحرس يفتشوا أي حد داخل سواء أصحاب العروسة. ومن أصحاب شباب العيلة كمان. وأي حد مشكوك فيه ما يدخلش غير بإذن مني أنا. لكن سليم بدر الدين وعيلته وخالد الشرقاوي وعيلته. أول ما يوصلوا يدخلوا فوراً. وتبلغوني أستقبلهم بنفسي. فاهمين يا رجالة؟ كلهم فاهمين يامراد باشا. زين وتيم وآريان: واقفين مع المصممين. وبيشرحوا ليهم الديزاين اللي آدم مراد عايزه في الفرح.
زين قال. اسمعوا ياشباب. أنا عايز الممشى ده كله من أول الباب الداخلي والسلم من الجانبين لحد طريق منصة العريس وفيلا العريس. شموع وتكون في قلب كاسات حلوة كدا علشان الهوا وزيادة أمان. آريان : وكمان مع الشموع ورد أحمر وأبيض على الأرض. وإضاءة الشجر تكون هادية ومميزة. تيم : وكمان ياشباب سلم الفيلا الداخلي يتزين بقماش الأورجانزا الذهبي مع الستان الأبيض. مع الشمع والورد طبعاً.
زين : وعايز كل الترابيزات تكون إزاز وعليها مفارش باللون الأبيض. وعليها شمع وبوكيه ورد. والكراسي عليها فيونكات باللون الأبيض. تيم : أما كوشة العرسان بقى. العريس عايزها سمبل وهادية جداً. مش عايز شغل كتير وزينة أوفر. وبلالين الهيليوم تكون لونها دهبي وأبيض بس. والاستيدج والدي جي يكون بمسافة مناسبة بينهم. آريان : ومتنسوش الورد المجفف. بكل الألوان. وبلالين على مستوى الجنينة كلها. والبيسين كمان.
وكمان ديزاين السيشن في الفيلا التانية. وإسم آدم وآرين يتكتب على ألواح إزاز وعليها ورد طبيعي. وبعدين فين البنت الفوتوغرافية اللي طلبتها علشان تصوير السيشن؟ شاب : قال على الساعة ٢ هتكون موجودة يافندم. زين : تمام ياشباب. ودي ورقة مكتوب فيها باقي الديزاين وكل حاجة علشان متتلخبطوش. وأهم حاجة البوابة الرئيسية. تتزين بطريقة مالهاش وصف. تمام؟
الشباب : ابتسموا. وواحد قال. زين باشا متقلقش حضرتك ودي مش أول مرة نرتب لحفلة عند الإمبراطور. وإن شاء الله. حضراتكم هتنبهروا من شغلنا. زين : تمام ياشباب وأنا واثق إنكم هتشرفونا. تيم : شاف عربية أبوه وصلت. وقال أخيراً. وراح يقابلهم. محمد نزل من العربية. ونور جنبه. تيم : راح عندهم. صباح الفل. وسلم على أبوه. محمد : ربت على كتفه وقال. صباح الخير يادكتور. تيم : عامل إيه حضرتك يابابا؟ محمد : أنا تمام ياحبيبي. المهم جنى فين؟
تيم : بضحكة. جوه في بيت العيلة. وحضن نور. وقال نوري حبيبتي وحشاني جداً من امبارح. وباس على إيدها. نور : أبتسمت بحب وقالت. وأنت كمان ياتيمو وحشتني أوي. عامل إيه ياحبيبي. تيم : أنا زي الفل يا أمي. إنما إيه القمر ده. وغمز. نور : ضحكت. عيونك اللي قمر ياروحي. محمد : بتحذير. طيب نلم نفسنا بقى علشان نخلي الفرح يتم ولا إيه؟ تيم : بدهشة. أبداً والله أنا مقصدش أعاكس. مش كدا يا ماما؟
نور : ههههه أيوه فعلاً. تيم مقالش حاجة يامحمد. محمد : طيب يلا بقى مش هنفضل واقفين بره كدا. عايز أشوف جنى ومحمد أحفادي وحشوني. تيم : اتفضلوا انتوا. بس الأمانة فين؟ نور : الصندوق في العربية ياحبيبي. محمد : حدف المفاتيح لتيم وقال. خد الأمانة. واركن العربية. وابعت حد يطلع الهدايا عند آدم. تيم : اعتبروا حصل يادكتور إحنا تحت أمرك. نور : ضحكت. ومحمد مسك إيدها في إيده. وداخلين الفيلا.
تيم : ركن العربية وبعت الهدايا مع البنات. واخد الصندوق وراح على الفيلا بتاعته يظبط هدية آدم وآرين. محمد ونور شافوا الكل واقف ومتابع آرين. ووقفوا هما كمان. وانبهروا حرفياً من جمال وفخامة الفستان. الفستان كان عبارة عن حلم آرين واتحقق. نفس المواصفات. فستان أسطوري أبيض وعليه طبقة من الشيفون المطرز باللون الدهبي. والديل طووويل جداً. والطرحة طويلة جداً ومطرزة والتاج ملكي. واكسسوارات في منتهى الجمال.
آرين : شافت الفستان. وواقفة أقل ما يقال إنها مصدومة حرفياً. وأكتر واحدة مبسوطة. لكن عندها حالة من عدم الاستيعاب. ومش مصدقة. من جمال الفستان وكمان حلمها اللي اتحقق. وبتهمس وقالت. مش معقول. اء. أنا مش مصدقة نفسي. هو أنا شايفة الفستان حقيقي ولا بحلم بيه؟ آدم مراد : واقف مربع إيديه. وشاف آرين عينيها تايهة في الفستان. وكأنها مصدومة من الفرحة. ليليان : بتصور اللحظة دي من البداية.
ميرو والبنات مبهورين ومبسوطين جداً. وشافوا صدمة آرين وأنها مش مصدقة. وواقفة زي ما هي في مكانها. تالين : راحت عندها. وقالت بفرحة. ها يا آرين عجبك الفستان؟ آرين : فاتحة عينيها وقالت بتيه. فستان؟ هو.. هو ده فستاني أنا؟ چود : ههههه بت يا آرين أنتي متنحة كدا ليه؟ بس ليكي حق. الله أكبر أنا أول ما شوفته كنت هولد من جماله ههههههه بس ربنا ستر. إيه يابت مالك؟ والله ده فستانك يابنتي. ودي مفاجأة حظابط آدم ليكي.
آرين : استوعبت أخيراً. وشُهقت بفرحة كبيرة. فستاني؟ وجريت حضنت الفستان بفرحة كبيرة. وقالت بصوت عالى. واااوووو بجد بجد تحففففة اوووووي. أنا مش مصدقة. بجد الفستان ده اللي كنت بحلم بيه. ووقفت قدامه وبتمشي إيدها على الفستان بزهول وفرحة وانبهار. وقالت: "يجنن بجد.. ولا التاج.. وهم". ومسكت التاج وقالت: "نفس اللي اتخيلته بالظبط". وشافت جزمة الفرح بنفس اللون وعليها تطريز من الفستان، وجريت عليها وفتحت عينيها بزُهول من الإعجاب،
وقالت: "مش معقول.. لأ بجد مش معقول الجزمه جميلة أوي أوي وتحفة". وسابتها، وشافت الإكسسوارات وهزت راسها: "واو بجد شيك جدااا". وجريت مسكت الطرحة وقالت بانبهار: "نفس الطرحة.. ونفس اللون". وشهقت بفرحة أكبر وجريت لآخر ديل الفستان، وشالته بين ايديها وقالت: "واو. ماشاء الله.. اء.. أنا مش مصدقة عينيا يابنات.. أنا حقيقي بحلم.. مش معقول أكون مبحلمش". محمد ماسك إيد نور وواقفين مبسوطين لفرحتها.
آدم ومريم فرحة حفيدتهم كفيلة تنسيهم أي تعب. رينو: دموعها نازلة بصمت من فرحة بنتها الوحيدة. ورفعت عينيها لفهد. وشافته واقف وعينيه على آرين بتحفر فرحتها، وعلى وشه ابتسامة وجع وفرحة كبيرة لفرحتها، ودمعة خانته. لكن قلبه مقسوم نصين ما بين فرحة بنته وبين فراقها له. خلاص بنوته هتتجوز وتستقر في حياتها الخاصة. آدم مراد: متابع ردة فعل آرين، وابتسم لفرحتها. وقبل ما آرين تخرج، هو طلع على أوضته.
آرين: خرجت بسرعة وراحت عند فهد، ومسكت إيدو بفرحة، وقالت بحماس: "بابي.. بابي الفستان يجنن بجد. تعالى شوفه". وشدت فهد لحد الفستان وقالت: "شوفت يابابي الفستان ده أنا كنت بحلم بيه من زمان.. حلو أوي مش كدا". فهد: أخد نفس عميق وطلعه ببطء، وبيكا بر دموعه، وقال: "أحم.. جميل جدا يا حبيبتي.. وأنتي أجمل من كل حاجة". آرين: حضنته بفرحة وقالت: "أنا مبسوطة أوي أوي يابابي.. بجد فرحت جدا لما شوفت الفستان".
فهد: ضمها لقلبه، وغمض عينيه، وقال بغصة: "مبروك يا آريني". آرين: بسعادة: "ميرسي جدا يابابي.. أنت هتلبس البدلة اللي اختارناها أنا وأنت مش كدا". فهد: هز راسه بصمت مع ابتسامة، وباس جبينها. رينو: مسحت دموعها وابتسمت بحب، وراحت عندهم، وقالت: "مبروك ياروحي.. ألف مليون مبروك". آرين: حضنت أمها، وقالت: "ميرسي يا أجمل مامي في الدنيا كلها.. مااامي أنا مبسوطة أوي أوي بجد".
فهد: حس أنه مخنوق، وخرج، وسلم على محمد وباقي العيلة، وخرج الجنينة لمراد، ومعاه محمد. نور: دخلت عندهم وقالت بفرحة: "ألف مبروك يارينو ياصغيرة". وحضنتها. آرين: بفرحة: "ميرسي جدا ياخالتو". وجريت على جدها، وقالت: "بابا آدم الفستان بجنن.. أنتي شوفتيه ياماما". آدم: أبتسم، وقال بهدوء: "الفستان مالوش قيمة.. حفيدتي هي اللي هتعمل للفستان قيمة كبيرة كمان". مريم:
بحب كبير: "شوفته يانور عيني.. وحلو أوي اللهم بارك.. تتهني وتفرحي. يرزقك خيره ويكفيكي شره". آدم: "أمين.. يلا ياحبيبتي روحي لإخواتك وأنا وجدتك هنظبط شوية حاجات". آرين: هزت راسها: "حاضر يابابا". وماشية فرحتها ملخبطاها، ومش عارفة إزاي ده حصل. نور ورينو وفريحة وريتال قعدوا مع بعض يتكلموا والفرحة مرفقاهم. رودي ومريم عزيز دخلوا عليهم وسلموا على الكل وقعدوا معاهم. آرين: وقفت قدام
الفستان وقالت بتيه وحيرة: "طيب إزاي كل ده حصل.. أنا مش فاهمة حاجة". ميرو: بابتسامة: "أنا هفهمك ياعروستنا.. إحنا كلنا كنا قاعدين مع بعض كالعادة.. والكلام جاب بعضه عن حجز فستانك هيكون امتى.. عمتو لارين قالت بالصدفة عن مواصفات الفستان اللي إنتي عايزاه كانت بتتكلم ع الهزار".
"آدم أخويا قال فستان آرين هيتصمم زي ما هي عايزة.. وشرط علينا محدش يتكلم قدامك في أي حاجة.. والفستان جه من شوية.. والمصممة هتكون هنا قبل ما تلبسي الفستان علشان تظبطه عليكي". "وكمان آدم هيعمل بروجرام هيعجبك جدآ أنا واثقة.. والسيشن في الفيلا بتاعتك.. وبكرة إن شاء الله هتسافروا على أوروبا.. ألف مبروك يا آرين.. بجد أنا مبسوطة أوي علشانك إنتي وآدم". آرين: عينيها مفتوحة بدهشة، وقالت: "معقول آدم عمل كل ده علشاني". تالين:
أبتسمت وقالت: "شوفتي بقى.. إنتي اتسرعتي في الحكم على أبيه آدم وزعلتي منه.. حتى حفلة الحنة أول امبارح منزلتيش وعملناها عندك في الشقة فوق.. وأبيه آدم أكيد مطلعش علشان زعلان منك". آرين: بزعل: "طيب وأنا كنت أعرف منين أنه بيعمل كل حاجة حلوة علشاني". تمارا: "آدم عمل كل ده في سرية تامة.. علشان عايز يفاجأك.. بزمتك يا آرين فرحتك دلوقتي ولا لو كنتي اخترتي الفستان بنفسك". آرين:
بحرج: "بصراحة أنا عمري ما فرحت زي دلوقتي.. وفعلا المفاجأة جميلة أوي". وكملت بتوتر: "هي الميكب ارتست هتوصل امتى". ليليان: "نص ساعة بالظبط.. وع فكرة إنتي هتلبسي الفستان فوق في جناح عمتو لارين". آرين: بتفكير: "أوكي.. أحم ثواني يابنات هعمل حاجة مهمة وراجعه". چود: "متتأخريش ومتخرجيش من الفيلا أشطا". آرين: هزت راسها: "لأ لأ.. أنا مش هخرج ولا هتأخر". في أوضة آدم. آدم مراد: بيحط كتب كتير في كرتونة. زينب: حطت مشروب آدم،
وقالت: "عنك إنت ياعريسنا.. أنا هشيل كل حاجة إنت عايزها.. بس قولي على اللي إنت عايزه وأنا هعمله". آدم مراد: "متتعبيش نفسك يا داده.. أنا خلاص خلصت. وهوديهم الفيلا دلوقتي". زينب: شهقت: "يووه والله ما يحصل أبدا.. وأنا اللي هوديهم.. إنت مش هتنزل من هنا غير بالبدلة.. الله أكبر عليك يا سي آدم.. والله أنا فرحتلك أوي". آدم مراد: أبتسم: "متشكر ياداده زينب". زينب:
بفرحة: "اسمع بقى يا سي آدم.. أنا هنزل دلوقتي بالحاجات دي.. وهظبط الدنيا زغاريد.. وسبني برحتي بقى.. أنا فرحتي مش عاطياها لحد.. أول فرح يتعمل هنا ف البيت". ومن حماسها وفرحتها.. زغردت. آدم مراد: أبتسم وقال: "إنتي انهارده مسموحلك تعملي اللي إنتي عايزاه ياداده". زينب: تنحت: "قول والله كدا.. اء.. أحم. تسلم وتعيش يا سيد العرسان.. عنك إنت هات الكرتونة دي.. بس تحب احطها فين في الفيلا". آدم مراد: "حطيها في المكتب ياداده".
زينب: وماله ياعريس. وخارجه بتقول أنا خدت الإذن خلاص يارب ديم علينا الفرح.. وبتزغرد بتكرار وفرحة. ونازلة. آدم مراد: بيضحك بصمت عليها.. وراح عند الكمود.. وبيشرب العصير.. وضهره للباب. آرين: بتوتر ودقة قلب: "ممكن أدخل". آدم مراد: قلبه دق.. أخيرا سمع صوتها وهيشوفها عن قرب. لكن رد عليها بثبات: "أدخلي". آرين: بلعت ريقها.. ولعنت نفسها أنها طلعت ليه.. ودخلت وقلبها بيدق بسرعة.
آدم مراد: حط الكوبايه.. ومبتسم.. ولف ليها بملاح حادة.. وحط إيده في جيبه. آرين: واقفه مكانها.. وقالت بلخبطة: "ياريتني ما طلعت.. اء.. قصدي يعني.. لأ. هو أنا". آدم مراد: رفع حاجبه بتعجب.. ومردش. آرين: نفخت بخنقة وقالت: "قصدي أنا جيت علشان أشكرك على كل حاجة عملتها ميرسي بجد.. بعد إذنك". ولفت وخارجه. آدم مراد: بسرعة مسك إيدها وشدها.. وخبطت في صدره.
آرين: شهقت بصدمة.. وقلبها بيدق بسرعة كبيرة من قربه ليها.. وبتحاول تبعد عنه. آدم مراد: قفل الباب.. وحاوطها من وسطها.. وبيملي عينيه من ملامحها اللي وحشته. آرين: هتتشل مكانها حرفيا.. وبتتنفس بسرعة ومتوترة.. وبتحاول تفك إيده لكن شتان. وقالت بصوت مبحوح: "اء.. آدم لو سمحت سبني". آدم مراد: "أسيبك؟ منا سايبك أسبوع بمزاجي". آرين: بتقاوم.. وقالت بحرج: "آدم عايزة أخرج سبني". آدم مراد: همس في ودنها وقال: "وحشتك".
آرين: غمضت عينيها وقلبها هيطلع من مكانه.. ومش عارفة ترد.. لأنه فعلا واحشها جدًا. آدم مراد: بنفس الهمس: "لو مكنتش وحشتك مكنتيش جيتي بنفسك لحد هنا". آرين: برجفة: "اء.. آدم أنا هيغمى عليا. ابعد بالله عليك". آدم مراد: فك إيده.. وسابها.. وشافها بتترجف.. وقال: "خلاص أهدي مفيش حاجة". آرين: نفخت بأريحية.. ورجعت لورا. آدم مراد: غير الموضوع وقال: "عجبك فستانك". آرين:
هزت راسها وقالت بحماس: "أيوه عجبني أوي أوي.. بجد يجنن.. والتاج والطرحة والاكسسوارات يجنن.. بجد بجد ميرسي يا آدم.. أنا فرحت جدا أوي خالص". آدم مراد: هز راسه بتمثيل الجدية: "أممم تمام". آرين: عوجت بوقها وبتقلدو: "أممم تمام.. بارد". آدم مراد: "بتقولي إيه". آرين: كح كح: "بقول ميرسي أحم.. اء.. أنا هنزل بقى". آدم مراد: بجدية: "ماشي.. واعملي حسابك مش هنبه عليكي". "مفيش ميكب ولا برفان ولا اسمعك تقولي أرقص والكلام ده". آرين:
صكت ع أسنانها بغيظ وقالت: "ما تتدفني أحسن يا آدم.. دي حاجة تقرف". آدم مراد: ببرود: "أنا لو مش مبسوط كنت اتصرفت معاكي.. ولو خالي فهد قالك ترقصي معايا.. ترفضي بأي شكل من الأشكال علشان متزعليش مني فاهمة ولا لأ". آرين: بغضب واضح: "إنت أكتر واحد تضيع الفرحة.. أنا ماشية علشان شوية وهشد في شعري منك". وسابته وخرجت تبرطم. آدم مراد: أبتسم.. ودخل الحمام ياخد شاور علشان يجهز نفسه لأكتر حلم كان بيتمناه يتحقق. آرين:
بغيظ: "طيب هشوف بقى يا مرعب والله لافرح واللي عايز تعمله أعمله.. المهم أعيش اليوم اللي بستناه.. ده إنت خنيق بجد.. يارب ياااارب خليه يبقى هادي وريلاكس أنا اتخنقت منه". تالين: "آرين.. البنات وصلوا يلا علشان تجهزي". بعد شوية. فيلا السيوفي. رنا: قاعدة على السرير وساكتة. طارق: واقف قدام المرايا بيلبس الكراڤت،
وقال: "تعرفي يارانوش.. أنا أكتر واحد ملهوف على الجوازة دي.. علشان أشوف شكل إبن بنتك في الفرح.. تفتكري هيغني كدا ويرقص زي البني آدمين العادية.. ولا هيعملي فيها الوزير ويقف متحنط كدا صنم صنم". رنا: بتنهيدة: "الفرحة في القلب يا طارق". طارق: لف ليها وقال: "مالك يارنا". وشافها ماسكة عقد في إيدها. رنا: "مفيش ياحبيبي أنا كويسة". طارق:
راح وقعد جنبها وقال: "لأ هو أنا مش عارفك.. مالك ياحبيبتي. ملامحك متغيرة وزعلانه من إيه. حد هنا زعلك". رنا: هزت راسها بالنفي: "أبدا يا طارق". وابتسمت بتمثيل وقالت: "إيه رأيك في العقد ده هدية آرين". ودمعة نزلت على خدها. طارق: فهم سبب زعلها.. وقال بتفهم: "ده عقد ماما شيرين الله يرحمها. إنتي هاتديه ل آرين". رنا:
أبتسمت بحنين وقالت: "ل آدم و آرين.. وهطلب منهم يحافظوا عليه.. ويقدموه لأحفادهم.. دي كانت أمنية ماما الله يرحمها.. إن العقد ده وكمان الدهب بتاعها يتوارث لأحفادنا". ومسحت دموعها وقالت: "أنا قدمت لميرو أسورة فرح ماما.. ولچود طقم ألماس. وچواد لو عشت إن شاء الله هقدمله هو ومراته هدية.. و آركان و تالين حتى آيان هوصي فهد بهديه وهشيلها معاه لحد ما يفرح بيه".
"أما العقد ده نادر وغالي عليا أوي وحابه أقدمه لآدم و آرين.. إيه رأيك فيه يا طارق". طارق: أتأثر لكلامها.. ومسد على ضهرها بحنان وقال: "أول حاجة يارنا ربنا يبارك في عمرك.. ويجعل يومي قبل يومك.. لأني عمري ما تخيلت روحي من غير روحك.. تاني حاجة مش عايزك تعيطي.. إنتي تعبانة ويعز عليا أشوفك مضايقة وزعلانه..". "تالت حاجة العقد جميل أوي.. وآرين هتحافظ عليه.. وإن شاء الله هاتدي هدية فرح آيان بإيدك الحلوة دي".
رنا: "ألف بعد الشر عليك يا طارق.. وأنا يعني اللي هستحمل ثانية من غيرك.. دي روحي فيك". تصدق بالله يابو فهد.. طارق: لا اله إلا الله.. رنا: إنك مالي عليا حياتي كلها.. وطول عمرك راسم الضحكه ع وشي.. والسعاده لقلبي.. أنا من غيرك اموت ياتاج راسي..
طارق: باس ع راسها وقال.. ربنا يخلينا لبعض ياست الستات كلهم.. وبعدين بصي أنا ماكرهش قد النكد.. فرفشي كدا وخليكي حلوه.. متبقيش وليا نكد زي حفيدك الصنم ده.. الواد عليه واقفه.. يبقى واقف كدا وتحسي أنه بيحقق مع كل إللي حواليه ف صمت.. يابااااي مش عارف انا الله يكون ف عونك يارين يابنتي.. داخله على أيام كبيسه..
رنا: هههههههه يخرابي عليك راجل.. طيب وهو في زي آدم إبن بنتي حبيبي.. والله ده أكتر واحد هيسعدها.. وبعدين ياخويا الغيره موجوده في العيله كلها.. وسيب العيال في حالهم.. طارق: بغيظ.. هيسعدها.. أما نشوف يختي.. ويلا قومي بقى علشان آدم أتصل.. وقالي المعازيم لو راحوا قبل مني مش هيدخلني من باب الفيلا.. رنا: ههههه عندو حق.. يعني جد العرسان ورايح متأخر.. ده فارس ورودي وچواد زمانهم وصلوا من ساعه واكتر..
طارق: الله.. الساعة لسه مجتش ٢.. لسه بدري.. يلا بينا وماتنسيش الهدايا.. رنا: حاضر ياحبيبي.. يلا بينا.. بعد فتره.. كل العيله بدأت تجهز وتطلع ع الفيلا.. وفارس واقف مع فهد بيساعدوا.. والكل راحوا يصلوا العصر ورجعوا يكملوا باقي الترتيبات.. الترتيبات على وشك الانتهاء.. والتصميم أكتر من رائع.. آدم: الو.. إيه يبني فينك كل ده.. بيتر: جاي يصحبي في الطريق أهو.. ومعايه ديف كمان.. آدم: أبتسم.. طيب حلو اوي.. هيشرفنا أخيرا..
بيتر: حبيبي.. قولي الأسد فين كدا مابيردش ع تليفوني.. آدم: بضحكه. طارق ف الجنينه مع الشباب بيشرف على الترتيبات.. بيتر: طيب كويس والله اهو يعمل بلقمته هههههههه. آدم: ههههه لما تيجي قوله كدا.. بيتر: ههههه لا من ناحية أقول.. ف أنا مجهز قصيدة شعر ليه هو مخصوص تعلي فولت النرفزه عندو.. آدم: بضحكه.. ربنا يستر.. بس خلي بالك طارق عندو الضغط ماتنرفزوش علشان مايتعبش.. بيتر: ببرود.. خايف عليه ياحلو..
آدم: بثقه.. طبعآ. ده نصي التاني ولو تعب هو.. انا أتعب.. مانت عارف طارق ده يشبه عمودي الفقري.. بيتر: مثل الغيره.. اااه طيب كويس أطلع منها أنا بقى.. آدم: بصدق.. أنت ماتقلش حب وتقدير عن طارق يابيتر.. أنت عشرة عمري يابني ادم.. ومش هقدر أتحمل اشوف حد فيكوا واقع.. بيتر: أبتسم.. ربنا يديم محبتنا يا آدم ياخويا.. آدم: آمين.. عند آرين..
البنت: خلصت الماسك ل آرين وكل حاجه. ولفت شعرها.. وقالت خلاص ياعروسه عشر دقايق وتلبسي الفستان.. آرين: نفخت بتوتر.. وهزت راسها.. ميرسي.. چود: لبست فستان دهبي وكان جميله جدا.. وقعدت جمب آرين.. وقالت مالك يا بت ي آرين. مش ع بعضك ليه.. آرين: بعفويه.. مش عارفه ياجود قلقانه من آدم. چود: ههههه متخافيش يابت الجواز حلو والله.. وأكيد طنط رينو قالتلك صح.. آرين: بعدم فهم.. قالتلي إيه..
چود: شهقت وقالت.. إيه.. قالتلك ايه يعني إيه.. هى طنط رينو ماجتش كدا وقالتلك تعالي يا آرين لما اقولك تعملي ايه بعد الفرح.. آرين: هزت كتفها وقالت نو.. وهى يعني هتقولي أعمل أي بعد الفرح ليه.. ماهي معروفه يعني. چود: عوجت بوقها وقالت اه وايه بقى يام العريف اللي معروفه يعني.. سمعيني كدا هتعملي إيه لما يتقفل عليكوا باب واحد..
آرين: بغيظ بتقلد آدم.. وقالت بعد ما ندخل قصر دراكولا المهجور.. هيتخانق معايا.. ويفضل يقولي أنتي بصيتي ع يمينك كام مرة.. وع شمالك كام مرة.. وضحكتي معرفش لمين.. ومش بعيد يقولي ليه فرحتي.. وبعدين هيقولي أول وآخر مرة هتشوفي النور. أنا رايح انام.. ويروح على اوضته.. وأنا بقى هختار جناح كامل أعيش فيه لوحدي.. مع كنزي حبيبي.. وهو بقى يتعايش هعمله إيه يعني..
چود: هههههههه ههههههه هههههههه ااااخ يابطني مش قادره هتولديني قبل أواني يخربيتك ههههههه. آرين: ربنا يسامحك.. وبعدين انتى بتضحكي ع إيه.. چود: بضحك ع خيبتي أقسم بالله.. وقالت جواها.. طيب أقولها إيه دي.. أنا بس لو قولتلها آدم بس هيبو*سها.. ممكن تصوت وتفضح الدنيا. وتبوظ الجوازه.. وأنا اتهزأ في الآخر.. آرين: نفخت بخنقه وقالت چوووود روحتي فين بكلمك.. وايه إللي يضحك في كلامي..
چود: ها..اه أحم أنا معاكي يا آرين.. بصي يا حبيبتي أنا مش بضحك عليكي. أنتي كل كلامك زي الفل.. واه طبعا.. ده اللي بيحصل.. العرسان بتدخل البيت ويتكلموا مع بعض وبعدين يتعشوا.. وكل واحد ينام في اوضه لوحدو وده إللي بيحصل بالظبط.. أصدقاء بقى هههه أحم..
آرين: كشرت عينيها وقالت.. أممم صح كدا.. بس سؤال بقى.. ليه بشوف المتجوزين بيقعدوا في اوضه واحده.. يعني زي بابي ومامي وجدو وتيتة.. وكل الناس ليه بقى.. أنا مش عايزه كدا خالص هو لازم ياچود.. چود: كاتمه الضحكه وقالت.. لأ مش لازم خالص.. وحقك طبعا.. ده بيبقى اختياري. آرين: صح كدا.. وبعدين علشان ولادي اربيهم بطريقتي الخاصة.. بعيدا.. عن المرعب ده.. چود: ههههه اه طبعا ولادك..!!!
بصي يا آرين أنا حاسه إني هولد خلاص.. ربنا معاكي ياحبيبتى.. سلام أنا جوعت هروح أكل أي تصبيره لحد بليل.. وخرجت تضحك بهستريا.. آرين: بتعجب.. أوكي روحي.. رينو: خبطت عليها ودخلت وابتسمت وقالت.. آرين ياورحي.. كنت عايزه اتكلم معاكي شويه قبل ما تجهزي و تخرجي انتي وعريسك.. آرين: أتفضلي يامامي..
رينو: بتوتر.. أحم.. بصي يا حبيبتي.. ف.. في حاجه كان لازم أقولهالك. بس مكنش عندي الشجاعه الكافيه إني أتكلم معاكي فيها.. بس أنتي كبيره وأكيد هتستوعبي اللي هقوله.. آرين: بتركيز.. خير يامامي قولي.. في إيه.. رينو: أحم.. حاضر ياحبيبتى اء.. أنا كنت عايزه أقولك واجبك تجاه جوزك.. وايه اللي هيحصل بعد ما تتجوزي. وا... آرين: شهقت وقاطعتها.. وقالت.. اهااا.. أنا عارفه كل حاجه يامامي متخافيش عليا..
رينو: فتحت عينيها بصدمه وقالت.. عارفه.. وعرفتي منين ومين اللي قالك حاجه زي كده.. آرين: بعدم فهم.. مالك يامامي حضرتك ليه اضايقتي كدا.. الموضوع تافه ومش مستاهل كل ده.. رينو: بصدمه اكبر.. إيه.. الموضوع تافهه.. عرفتي منين يا آرين اتكلمي.. آرين: يامامي ياحبيبتى.. چود لسه حالا مكلماني في الموضوع ده.. متقلقيش عليا..
رينو: نفخت بأريحية.. وقالت.. الحمدلله.. طيب ياحبيبتى كويس جدا إن حد نبهك للمرحله دي.. وبعدين يا آرين عايزاكي تهدي كدا ودي سنة الحياة يابنتي.. وبلاش جنان الله يهديكي. أوكي ياحبيبتى.. آرين: أبتسمت اوكي يامامي ياقمر.. رينو: أنا وخالتك نور جهزنا ليكي شنطة السفر وحطيت فيها كل حاجه تلزمك ماشي ياحبيبتى.. آرين: ميرسي جدا يامامي.. البنت جت وقالت.. يلا ياعروسه علشان تلبسي الفستان.. ف جنينة الفيلا.. سليم وخالد وشريف وصلوا..
فهد: استقبلهم.. وشاور لأحمد يوصل فتون لحد جوه. مراد: بضحكه.. أهلا أهلا حمدلله بالسلامه يارجاله.. وسلموا على. سليم: أبتسم.. الف الف مبروك يامراد أنت وفهد.. ربنا يتمم بخير.. مراد: حبيبي ياسليم عقبال ولادك إن شاء الله. فهد: الله يبارك فيك ياسليم. ومكنش ليه لزوم كل الهدايا.. كفايه إنك تشرفنا والعيله الجميله دي. خالد: بهزار.. قوله يابني. انا طول الطريق أقوله يابني وفر وفر ماسمعش مني.. هههههههه ألف مبروك ياشباب.
مراد: ضحك الله يبارك فيك يامهيبر.. اذيك ياشريف باشا نورتنا والله.. شريف: أبتسم الله يكرمك يامراد.. وألف مبروك.. وربنا يتمم بخير للجميع. فهد: حبيبي ياشريف باشا.. اتفضلوا استريحوا.. اومال أمان وسيف وبدر فين.. سليم: جايين حالا كل واحد جايب اخته معاه ف العربيه.. شباب بقى يسيدي.. مراد: خليهم يفرحوا.. وماله.. تعالوا استريحوا. سليم: الامبراطور فين اومال.. عايز أسلم عليه.. مراد: الحج جوه وشويه وجاي.. في اوضة آدم..
الشباب بيساعدوه.. والباب خبط. آريان فتح الباب وأبتسم أهلا بابا آدم.. أتفضل حضرتك. آدم: ربت ع كتف آريان.. و أبتسم ودخل.. وبص لأدم.. آدم مراد: لابس بدلة الفرح وكانت وهم عليه.. وشاف جدو وأبتسم.. وقرب منه.. آدم: مبتسم بفخر واعتزاز.. وبيكبر مشاعرو.. وطلع علبه صغيره من جيبه. وكسر الصمت وقال. الدبوس ده..!! دبوس فرحي.. جدتك جابتهولي هديه.. مكتوب عليه آدم. الدبوس ده غالي على قلبي. زي غلاوة أحفادي بالظبط..
وبدأ يلبس آدم الدبوس في جاكيت البدله.. وقال. هديتي ليك ياحفيدي الغالي..!!! آدم مراد: متابع عيون جدو. والدموع المتحجره فيها.. وبص ع الدبوس وكان شيك وزود جمال للبدله.. وحضن جدو ف صمت تام.. آدم: ابتسم بحب.. وضم حفيدو وربت ع ضهرو.. وقال.. مبروك ياحفيدي.. آدم مراد: أبتسم وقال.. الله يبارك فيك يا بابا.. بعد كده.. كل العيله جهزت ونزلت.. وفي إنتظار خروج العرسان في الليفنج.. مريم: بضحكه جميله.. أهلا يافتون ياحبيبتى.
فتون: حضنتها بسعاده وقالت.. ماما مريم حبيبتي وحشاني جدا.. ألف مبروك.. مريم: الله يبارك ف عمرك يابنتي.. بسم الله ماشاء الله.. زي البدر ياتونا.. حنين: بضحكه.. طيب وأنا زي القمر مش كدا ياماما.. وحضنتها.. مريم: بفرحه حنين وحشاني اوي والله.. أنتي أحلى من القمر ياحبيبتي.. نجوان: ماما مريم القمر.. ألف مليون مبروك للعرسان. وتفرحي بذريتهم يارب.. مريم: تعيشي يانجوان ياحبيبتى.. والله نورتوني.. دول البنات مستنينكم من بدري..
فتون: بابتسامه.. الطريق زحمه جدا ياماما.. سامحينا بقى.. المفروض كنا جينا من بدري.. مريم: كأنك جيتي يانور عيني.. اومال البنات فين اومال.. يطلعوا للعروسه.. فتون: جايين حالا ياحبيبتى.. مريم: بالسلامه إن شاء الله.. اتفضلوا استريحوا.. هبعت للبنات حالا.. وبعتت دعاء ليهم ونزلوا واستقبلوا الضيوف وسلموا على فتون.. بعدها.. آركان نازل من السلم.. ولابس بدله.. نور: بإبنهار.. اللهم بارك إبن أختي القمر.. تعالى هات بوسه لخالتك..
آركان: بغمزه.. بوسه بس.. ده بوسه وحضن كبير كمان ههههه.. وحضنها. نور: ههههه جايب الشقاوه دي منين ياريكو.. بس بجد البدله متفصله عليك.. وماشاء الله الفورمه مع البدله توقع قلب اي بنت.. حرام عليك.. آركان: بهزار.. مبحبش أتكلم عن نفسي ههههه. طول عمرنا جامدين. أروح بقى ارشي بتاع الدجي علشان فقرتنا ههههه.. وفونه وكان مصطفى.. ورد الو ايه يادرش بتتصل ليه..
مصطفى: معلش يا آركان انا فوق مع العريس ومش عارف أنزل دلوقتي.. الواد سعيد داخل ع الفيلا بالله عليك أطلع هاته.. علشان الحرس وكدا.. آركان: تمام اقفل أنت أنا رايح أهو.. رعد وصل مع العيله.. مراد: سلم ع رعد.. أهلا أهلا حمدلله على السلامه يارعد باشا.. رعد: سلم عليه.. وقال الله يسلمك يامراد باشا.. وآسف جدًا ع التأخير، انت عارف بقى الستات عما تجهز. مراد: كان الله في العون.. اومال فين ابنك؟
رعد: زي ما انت عارف المحامي مصمم ماينزلش من إيطاليا غير لما يكمل شوية إجراءات عشان إثبات الملكية لوالدته. توكيل بقى وحوارات كدا يعني. مراد: ربنا يوفقه إن شاء الله.. أهلاً مدام هيلينا. هيلينا: ابتسمت.. مبروك يا جماعة.. ألف مبروك. مراد: الله يبارك فيكي. فهد: حضن رعد. رعد: إيه يا عم فهد مالك كدا؟ فهد: ابتسم.. أنا تمام يصحبي. مراد: شاف باري.
رعد: أحب أعرفكم.. الآنسة باري الجوهري.. وجاية ومتحمسة جدًا لمقابلة الإمبراطور. أعرفك يا باري.. عمك مراد وعمك فهد صداقة قديمة ومترابطة جدًا. فهد: ابتسم.. ما شاء الله.. منورة يا باري. باري: ميرسي جدًا يا عمو فهد. مبروك. مراد: ابتسم.. ما شاء الله. كنت فاكرها صغيرة يا رعد.. لكن ما شاء الله عندك عروسة زي القمر ربنا يخليهالك. رعد: حاوطها من كتفها وقال.. تسلم يصحبي.
فهد: بص لهيلينا وباري وقال.. اتفضلوا جوه المدام في انتظاركم. وشاور لأحمد يوصلهم. مراد: تعالى يا رعد أعرفك ع سليم وخالد.. لسه جايين حالا مفيش عشر دقايق. باري: ماشية جمب هيلينا.. وقالت.. اووو نسيت فوني وشنطتي في العربية يامامي. هيلينا: طيب حبيبتي هتصل على بابي ويجبهالك عشان العربية بره الفيلا. باري: بصت ع أبوها.. وقالت.. داد واقف مع ناس كتير هناك. بصي أنا هروح أجيبهم وهرجع بسرعة أوكي؟
هيلينا: أوكي خدي المفتاح.. وبليز باري ترجعي بسرعة. باري: أوكي مامي سي يو.. واتحركت ومبهورة بالتصميم. شاهين: واقف قدام الباب.. ورد ع هبة.. إيه يا هبة اتأخرتي ليه كل ده؟ هبة: حبيبي أنا خلاص عشر دقايق وأكون عندك.. معلش رفيف تعباني والله. آسفة. شاهين: ولا يهمك يا حبيبتي.. أنا مستنيكي.. يلا سلام هقفل دلوقتي عشان الشغل كتير. وجه ضيوف كتير زي الدكتور مروان ونرمين وأكرم. وأصدقاء العيلة سواء في الشغل أو الجامعة. عند آرين.
البنات كلهم واقفين ف الجناح منتظرين خروج آرين. البنت خرجت والإبتسامة ع وشها وقالت.. تعالي يا عروسة. آرين: خارجة وكانت تشبه الملكات حرفيًا.. وخطفت قلوب البنات وانبهروا بجمالها. ميرو: بدهشة وفرحة.. بسم الله ما شاء الله.. قمر بجد اللهم بارك. تالين: ضحكت بسعادة وقالت.. اللهم بارك جميلة أوي أوي خايفة أحسدها. همس: صفرت بإعجاب وقالت.. الله أكبر.. ده العريس مش هيسمي عليكي يا موزة.
چود: بانبهار.. ده لا هيسمي ولا هينطق.. الله أكبر عليها. قال كل واحد في أوضة قال.. غلبانة أوي. همس: أنا بقول كدا بردو. ليليان: هشش بطلوا رغي بقى.. إيه الجمال ده يا آرين قمر ما شاء الله. آرين: بتضحك بتوتر.. وقالت.. بجد يابنات أنا طالعة حلوة؟ كلهم: حلوة بس.. انتي زي القمر. وسلموا عليها. الباب خبط. ليليان: أدخل ياللي ع الباب. حياة بدر الدين فتحت الباب ودخلت ومعاها فريدة وجنى الشرقاوي. وقالوا بمرح.. سيربرايز. وضحكوا.
البنات: بحماس.. هااااي تعالوا. وسلموا على بعض. حياة بدر الدين: بانبهار.. اووو انووو.. آرين مش معقول إيه الجمال ده ما شاء الله. جنى الشرقاوي: بجد ما شاء الله يا آرين خيال. فريدة: ومن غير ميكب بجد عسولة أوي أوي يا آرين. آرين: بسعادة.. ميرسي جدًا يابنات. وبعدها قالت.. چود اتصلي على زهره شوفي… والباب اتفتح.. وزهره صرخت بفرحة من جمالها وجريت عليها.. آرين مش معقول قمر ياناس ما شاء الله.
آرين: ضحكت وقالت.. يسلام لسه فاكرة يختي. زهره: اوبس.. أسفة والله الطريق زحمة. أسفة يابنات دخلت في وشي كدا مسلمتش. وسلمت عليهم. چود: قوليلى بقى يابت آرين هتغني إيه لجوزك ها؟ آرين: بغيظ.. بتفكريني ليه؟ آدم قالي متتحركيش من مكانك. تمارا: بصراحة عنده حق.. أنا لو مكانه هخبيكي من عيون الناس ياروحي. همس: ومالو يا آرين ماتغنيش بره.. غني هنا اللي نفسك فيه. آرين: بدهشة.. إيه؟ لأ لأ.
چود: اومال كنتي عايزة تغني قدام المعازيم إزاي؟ غني يلا سمعيهم الطرب ع أصوله. حياة بدر الدين: بتشجيع.. يلا يا آري وأنا هشغل ميوزك للأغنية اللي تختاريها. آرين: بتوتر بس… البنات: اتحايلوا عليها وشجعوها. آرين: بصراحة كان نفسي أغني لحماقي.. من يوم ما جت عيونه في عينيا. البنات: اووووو جامدة جدًا. حياة بدر الدين: أوكي هي جميلة جدًا.. ثواني أشغل الميوزك.. وانتوا يابنات شجعوها يلا. وشغلت الميوزك.
كارما وحياة جمال: بفرحة وحماس.. واحنا هنرقص. وشدوا همس وليليان معاهم. آرين: كانت متوترة.. وغنت وهي مكسوفة.. لكن بعد كدا اندمجت مع كلمات الأغنية.. واتخيلت أنها بتغنيها لآدم. البنات: بيسقفوا وبيرقصوا مع بعض.. وكأنه فرح مميز ليهم وقضوا وقت جميل ف ضحك وسعادة. بعد كدا. مراد وفهد راحوا يلبسوا ويجهزوا. قدام الفيلا.
باري: بتدور في العربية. وقالت بنرفزة.. اوووف فين الزفت الفون.. كان هنا.. تؤ.. يارب مامي ترن أو بابي.. أيوه خلاص لقيته. وأخدت الفون والشنطة. وقالت.. بابي راكن في آخر الدنيا.. لسه هرجع كل ده.. اوووف ياربي. آركان: واقف واتخنق.. وقال.. أنا أكتر حد بيكره الإنتظار. فينك يا عم سعيد.. اوووف. أنا هتمشى يمكن أقابله قدام شوية.. صحاب عرر.. وماشي.
باري: ماشية وعينيها ع المملكة بإعجاب كبير. وقالت بانبهار.. واو.. بجد فعلاً يليق عليها لقب مملكة زي بابي بيقول. أنا ما كنتش متخيلة إن المكان بالحجم والضخامة دي. سفيان ديما يقولي لما نشوف حاجة تعجبنا نقول.. ماشاء الله تبارك الرحمن. ما شاء الله إسم الإمبراطور واخد مساحته.. والديزاين يجنن.. أنا متشوقة أشوف آرين وهي عروسة.. كان نفسي سفيان يكون موجود معايا. وماشيه باصة ع الڤلل.
آركان: ماشي ومش منتبه.. وطلع الفون وقال.. لما أتصل ع الأستاذ زفت ده. وكل واحد ماشي مش باصص قدامه.. وهوب خبطوا في بعض.. وفون باري وقع واتكسر. آركان: بخنقة.. مش تحاسب يا كابتن؟ باري: مصدومة. وهمست.. الآيفون؟ آركان: نزل يجيب الفون.. وشاف ديل الفستان وقال.. اوبس ده مش كابتن خالص.. دي طلعت أنثى. باري: بغيظ.. أنت بتقول ليا أنا مش تحاسب؟ وانت ماشي يعني مش شايف قدامك.
آركان: جاب الفون.. واتعدل.. وشافها.. وقال.. بصي يا آنسة أنا بجد مخدتش بالي.. وعشان أنتي بنت.. أنا بعتذر منك. باري: بغضب.. تمشي مش شايف قدامك وتكسر ليا الآيفون وتقولي بعتذر؟ آركان: طيب ممكن تهدي وتوطي صوتك؟ باري: بنرفزة.. أنا حرة أعلي صوتي براحتي.. أنت مش عارف حجم المصيبة اللي حضرتك عملتها.
آركان: مسح وشه بأيديه وقال.. يا صبر أيوب. ونفخ بخنقة وقال.. اسمعي يا آنسة لو ع الفون أجيب لك غيره مع إن الغلط مشترك.. بس عشان أنا عارف أهمية الفون للبنات ف أنا مقدر موقفك. باري: اووو ماي جاد.. مقدر موقفي؟ أنت بجد إنسان مستفز جدًا. آركان: بغيظ.. صدقي بقى إنك لسانك ده عايز قص. باري: شهقت وقالت.. دي شتيمة دي صح؟ آركان: ههههههه لأ ده مدح فيكي.. يلا يا شاطرة.. شوفي أنتي رايحة فين.
باري: من بين أسنانها.. أنت بتكلمني أنا كدا؟ أنا لو مش مستعجلة كنت عرفتك قيمتك بجد يا مهرج. آركان: كشر عينيه وقال.. قصدك إني بلياتشو؟ يا بت بلاش أنا.. صدقيني هخليكي ماشية معيطة. باري: عاااااا انت بجد لا تطاق.. وأنا هجبلك بابي يربيك.. يا همجي يا لوكل. آركان: أنت متربية فين يابت؟ يلا من هنا شوفي أنتي رايحة فين. باري: اتنفست غيظ وقالت.. أنت.. بتقولي أنا بت؟ أنت إنسان همجي وقليل الذوق جدًا.
آركان: بتحذير.. أقسم بالله كلمة زيادة وهخلي وشك في قفاكي.. غوري من قدامي عشان متغبش عليكي. باري: اتغاظت جدًا.. وشدت الفون من إيده.. ولعنته وسابته ومشيت متنرفزة. آركان: هرش في قفاه ومتابعها. وقال.. البت حلوة.. بس عايزة تتربى.. يلا وأنا مالي.. اوووف فينك يا سعيد الزفت. بعد شويه. ومريم ونور ورينو وفريحة وريتال وفتون وحنين ونجوان وهيلينا (وحريم العيلة كلهم)
طلعوا يسلموا على آرين وكان سلام مؤثر من مريم ورينو ورنا والكل كان مبهور بيها. ورنا قدمت ليها العقد. ونزلوا. هيلينا: مالك يا باري انتي متعصبة ليه؟ باري: بغيظ مكبت.. فوني وقع واتكسر يامامي.. وده غالي عليا أوي.. ده هدية سفيان ليا. هيلينا: طيب يا حبيبتي متزعليش. واضحكي عشان شكلك واضح أوي.. وكدا مش ينفع عشان الناس. باري: ابتسمت بغيظ.. وقالت بضحك.. أهو يامامي.. بضحك.
هيلينا: ضحكت.. أيوه كدا بيبي.. استعدي بقى عشان والد آرين راح يجيبها ويسلمها للعريس. آدم مراد: نزل ومعاه تيم وآريان وكريم وباقي الشباب. فريحة: ضحكت بدموع وقالت.. ما شاء الله.. حبيبي يا آدم زي القمر يا قلب ماما. وعيطت. آدم مراد: ضمها لقلبه وقال.. أمي أنا جمبك ومعاكي.. أرجوكي انتي بالذات مش عايزك تبكي. تمام؟ فريحة: حاضر يا حبيبي.. ألف مبروك يا روحي.
آدم مراد: هز رأسه بابتسامة وباس ع أيدها.. وقال.. الله يبارك فيكي. وبص ع مريم. مريم: مبتسمة وعينيها كلها دموع الفرح وبتقاوم عشان متعيطش.. لكن مستحيل. آدم مراد: قرب منها وباس ع أيديها و جبينها.. وقال.. ست الكل.. إيه رأيك في حفيدك؟
مريم: بدموع الفرح.. ورجفة. رفعت أيدها ع خده وقالت.. حصنتك بسم الله الذي لا يضر مع اسمه شيء في الأرض ولا في السماء وهو السميع العليم. أعوذ بكلمات الله التامة من كل شيطان وهامة ومن كل عين لامة. اسم الله عليك يا نور عيني.. تبارك الرحمن عليك. يحفظك ربي من عيون الناس. آدم مراد: ضحك بحب كبير.. وضمها لقلبه وقال.. أنتي نور البيت ونور حياتنا كلها والله العظيم. مريم: ربتت ع ضهره.. وقالت.. مبارك يا روح قلبي.
آدم مراد: الله يبارك فيكي يا حبيبتي.. وسلم ع كل الموجودين. تيم: تعالى بقى يا عريس.. اقف هنا ع أول سلم الفيلا عشان تستلم عروستك من أبوها. آرين: واقفة في نص الأوضة والبنات بيفردوا ديل الفستان.. والطرحة. تالين: خالو فهد جه.. يا آرين.. تالين: خالو فهد جه.. يا آرين.. آرين: غمضت عينيها وبتعد من واحد لعشرة عشان تهدأ.
فهد: واقف قدام الباب.. وشاف آرين.. وقلبه اتخطف ودق.. وقد إيه بنته ملكة جمال العالم في عيونه هو وبس. عشقه ليها وحبه طاهر.. من غير مقابل. الكل اتأثر لنظرة فهد لبنته. آرين: بعفوية.. بابي شوفتني وأنا بالفستان إيه رأيك؟ فهد: انتبه.. وابتسم وقرب منها.. ومسك ايديها وباس جبينها وقال.. أجمل فراشة لقلبي يا روحي.
آرين: ظبطت الكرافت لفهد وقالت.. كدا أحسن.. بابي انت جميل أوي.. والبدلة تجنن عليك. وقمر خطفت قلبي.. وحذاري أي بنت تعاكسك.. ماتتغرش بالفستان.. أنا هعمل من اللي تبصلك بس شاورما سوري. فهد: ضحك.. وضمها لقلبه وقال. مبروك ياروحي. آرين: عيطت بصمت، وقالت برعشة في صوتها: الله يبارك في حضرتك. ومسحت دموعها بسرعة، وخرجت من حضنه مبتسمة. فهد: حط إيدها في دراعه، وخارج وبيصارع إحساس غريب جواه.
البنات ماشيين وراها وماسكين الطرحة، مع زغاريد زينب والبنات اللي زودت البهجة في قلوب الحاضرين. آدم مراد: واقف ثابت، لكن جواه ملهوف عليها بطريقة غير طبيعية. تيم: امسك ياعريس بوكيه الورد ده، قدمه لعروستك أول ما تنزل. آدم مراد: (بعدم اهتمام) خليه معاك. تيم: تنح. نعم ياخويا؟ وأنا هاشيلك الورد؟ آركان: هات ياعم، أنا هقدمه لأختي. هو مالوش في الحوارات دي. آيان: لابس بدلة جميلة، وواقف جنب رينو،
وسقف بحماس وقال: آليييين بيبتي علوووسه... الكل انتبه، وانبهر حرفياً. آدم مراد: رفع عينيه، ولعنة سحرها فرضت نفسها على قلبه بدون مقدمات، وفقد السيطرة على دقات قلبه. وهمس بتوهان ودقة قلب وقال: آريني... !!! آرين: شافت الدايزين في الفيلا وفرحتها فرحتين، والمفاجأة جميلة جداً. لكن عينيها جت على قدامها، وكل الناس اختفوا ومش شايفة غيره، ولا هو شايف غيرها. آدم وطارق وبيتر ومحمد وفارس وزين وأشرف وجاسر وكبار العيلة واقفين.
ومراد واقف ومبسوط ومعاه سليم وخالد وشريف، ومالك وزياد ويوسف. فهد: نازل، وبيكاير دموعه. الكل سقف بفرحة كبيرة، مع الزغاريد. ومصطفى خرج بسرعة وراح عند الدي جي، وقال: امسك يانجم، دي قايمة بالأغاني اللي أنت هتشغلها. الشاب: قال: بس العريس مختار بروجرام معين. مصطفى: (بتريقة) بزمتك أنا راضي ذمتك؟ هي دي أغاني تشجع الواحد يقوم من مكانه حتى؟
دي أغاني شد اللحاف ونام. واحنا عايزين نفرح، إحنا عندنا فرح مش عشاء عمل. اسمع مني علشان ما أقطعش عيشك. الشاب: أوكي يابرو، زي ما أنت عايز. مصطفى: أيوه شاطر. أطير أنا بقى ويا كأننا ما عملناش حاجة. وجرى عليهم. آرين: نازلة زي الملكات. آدم مراد: تايه في ملامحها البريئة. تيم: مبسوط جداً لآرين، لكن شاف آدم سرحان. وخبطه في دراعه بخفة، وقال: اصحى ياعم. آدم مراد: انتبه، ومردش. واتحرك وراح يقابلها.
آدم مراد: مد إيده ليها، مع ابتسامته الجميلة. فهد: (بوجع حقيقي) مسك إيد آرين، وحطها في إيد آدم. وقال قدام الكل بقلب أب: خلي بالك من حبيبتي. دي نور حياتي ودنيتي. سلمتهالك وفي قلبي غصة من فراقها. حتى التخيل في بعدها قاتلني. آرين مش مجرد بنت وكبرت قدام عينيا. آرين دي قصة عشق من البداية، لما كانت بالضفاير قلبي طاير من جمالها. فراشة الحياة بالنسبة ليا...
بين الضلع والضلع تلاقيها ساكنة روحي وكياني. امنتك أمانة، تحافظ عليها، وأوعى في يوم تغمض عينيها وهي مجروحة منك. خلي السعادة بين إيديها، وده أمر مش طلب!!! ولو في يوم جاتلي واشتكت! هتلاقيني في يوم خاطفها منك، ولو تدور بالزمن مش هتلمح طرف توبها. آريني اتخلقت علشان تتصان. بنتي وحبيبتي لازم تعيش أميرة الزمان!!! ودمعة خانته وساب إيدها في إيده. آرين: عيطت، وكل البنات دمعوا، والكل سقف.
آدم مراد: اتأثر لخاله، وضغط على إيد آرين بحب، وقال:
وعد مني ودايم للوعد، لاتكون آرينك بين رموشي. متصانة محفوظة مرفوع مقامها لفوق. دي قبل ما تكون الزوجة هي بنتي والحبيبة. وإن كانت هي ليك فراشة. بالنسبة ليا ضي عمري. ضي عتمة ليالي وسنين طويلة. مجنونة حبه لأ حبتين، بس جنانها بيجدد عشقي ليها. بفوت وبعدي علشان هي من ضلعي، ووصية حبيبي وشفيعي، وغصب عني أحطها في نيني عيوني. وإن كانت هي بين ضلوعك، فهي ساكنة شرياني ووريدي. اطمن ياخال، بنتك في أمان مع زين الرجال!!!
وباس على إيدها قدام الكل. كل الشباب صفروا وسقفوا بحماس. فهد: مسح دموعه، وأبتسم. وطبطب على كتف آدم. آرين: قلبها بيدق بسرعة، وبتضحك بسعادة من كلام آدم. آدم مراد: قرب منها وباس جبينها، وهمس: بحبك يآرين. آرين: قلبها هيطلع من مكانه. آدم مراد: حط إيدها في دراعه. آركان: جه وسلم عليها وباس جبينها وقدم ليها بوكيه الورد. آيان: بيشد إيده من رينو، وعايز يجري على آرين. آدم مراد: أتحرك، وماشي جنب عروسته،
والميوزك اشتغل: الزين والزينة -لعلي الحجار. وكل الحاضرين مبهورين ومبسوطين جداً. تيم وآريان فتحوا بوابة فيلا آدم مراد، علشان تصوير السيشن. آرين: ماشيه عيونها فيها انبهار ملحوظ، من التصميم، والزينة والإضاءة وكل حاجة. والجنينة كلها بالونان، وورد مرسوم بأشكال مختلفة على الأرض. وإسم آدم وآرين موجود في أماكن كتيرة وفيه إضاءة هادية. بعد كدا بدأ تصوير السيشن، وآرين لسانها عاجز عن التعبير، حتى الفوتوغرافيك بنت مش شاب.
وبدأ التصوير بأشكال مختلفة، وكل العيلة بدأت تتصور معاهم. وآيان ليه النصيب الأكبر من الصور مع آرين وآدم. وكمان عملوا سيشن جميل لأطفال العيلة: محمد وآيان وعمر ومحمود وحمزة وجنى، وكلهم لابسين بدل عرسان، وجنى لابسة فستان أبيض مزود من جمالها وبرائتها. والإمبراطور اتصور مع أحفاده وكمان آرين. وطارق وباقي العيلة. صور آدم وآرين كانت جميلة جداً، ورومانسية. خلصت فقرة السيشن.
وآدم وآرين رايحين على فيلا العدوي، طول المشاية بين الشموع والورد. وبدأت الميوزك بأغنية: حلم سنين -تامر حسني. آرين: بسعادة كبيرة قالت: آدم أنا حاسة إني بحلم. آدم مراد: فرحته الكبيرة غصب عنه خلت ملامحه كلها سعادة وواضحة عليه، وقال: لأ يا آرين، أنتي في حقيقة. انهرده فرحك يا ضي آدم. ووصلوا الكوشة اللي عجبت آرين جداً، وقعدوا. آرين: بصت حواليها وشافت أفخم فرح وحلم بيتحقق ليها.
بدأت المعازيم وشباب وبنات العيلة تطلع تسلم على آدم وآرين. وبيتر وديف باركوا لآدم. حياة جمال خطفت قلب آسر، وكارما كانت جميلة جداً في عيون جوادها، اللي عينيه اعترفت ليها بأهتمامه الواضح أخيراً. وسعيد بيدور على دعاء بين الموجودين ونفسه يشوفها، وعلى أمل إنه هيقابلها. الميوزك شغال وأغاني كلها حماسية، وشجعت الشباب، وكلهم طلعوا على الاستيدج وبدأت هيبرة شباب العيلة. آرين: بحماس: واو، الأغنية دي بحبها أوي. آدم مراد:
قرب منها وهمس بتحذير: مش عايز ولا حركة. أنا عامل كل ده علشان متزعليش وتقولي إني جاي عليكي. أنا لو عليا آخدك دلوقتي على البيت. آرين: (بغيظ) ولا حركة؟ هو أنت ماسكني في كمين يا آدم؟ حرام عليك بجد، عايزة أفرح بقى. آدم مراد: (بحدة) كل ده ومفرحتيش؟ الرقص والأغاني هو اللي هيفرحك؟ اعقلي علشان متزعليش مني، فاهمة ولا لأ؟ آرين: صكت على أسنانها بغيظ وقالت: هو ده الوعد اللي وعدته لبابي؟ مقولتليش ليه إنك هتاكلني في الوعد ده.
آدم مراد: صك على أسنانه، ولسه هيتكلم. أكرم: قرب منه وقال بفرحة: ألف ألف مبروك ياديزل. الله أكبر عليكم يا ولاد. وحضنه. آدم مراد: حضنه، وبص بنظرة نارية لآرين. آرين: بلعت ريقها بتوتر، وبصت بعيد، وقالت جواها: ربنا يهد القوي ياشيخ. ده أنت بريفيكتو نكد أبو شكلك. آدم مراد: أبتسم لأكرم وقال: الله يبارك فيك ياعمي. أكرم: مبروك ياعروسة. ربنا يتمم بخير. آرين: (بتمتص غيظها) ابتسمت بغيظ، وقالت: ميرسي لحضرتك ياعمو.
أمان وحياة وسيف وجنى طلعوا وسلموا على العرسان، ونزلوا. حياة: قالت بجد: الديزاين يجنن. وياسلام بقى العريس يغني لعروسته. يبقى سو كيوت أوي. سيف: (بتريقة) ليه هي متجوزة حماقي؟ ده مخابرات يابنتي. يعني بيحط الجثث فوق بعض ويعمل منهم استراحة. حياة: (بتريقة) ده مخابرات. وبعدين أنا بتكلم مع جنى، إنت مالك بقى؟ ولا أنت فاكر كل الشباب جاهلين زي ناس كدا. سيف: (بغيظ) لمي لسانك ياحياة علشان ما أنكدش عليكي. حياة: (ببرود)
لا عاش ولا كان اللي ينكد على حياة بدر الدين. فوق لنفسك، أنت لا خطيبي ولا أنا أخصك في حاجة علشان تتكلم معايا كدا. جنى: (بخنقة) أووف بقى خلاص منكم ليها بجد، تعبتوني. مفيش يوم من غير ما تتخانقوا فيه؟ أنا رايحة أقول لأمان. حياة: بصت لسيف بتحدي وقوة، وسابته قبل ما يتكلم، وبتضحك. سيف: كشر عينيه وقال: ماشي يابنت سليم بدر الدين. مسيرك تبقي حلالي، ووقتها هتعرفي مين هو سيف الشرقاوي. مصطفى: إيه ياكابتن سيف واقف بتتكلم نفسك ليه؟
سيف: لا مفيش يامصطفى. أحم، بقولك إيه، هو ينفع أغني؟ مصطفى: يسلام، دانت جيت في ملعبي. وشد سيف وطلعوا على الاستيدج. سليم: كشر عينيه وقال: خالد، هو سيف هناك بيعمل إيه؟ خالد: مط شفايفه وقال: أممم، علمي علمك. بس أبني حبيبي اللي ديماً مشرفني، أكيد هيعمل عظمه. مصطفى:
مسك المايك وقال: سماااااع هوووس. الكل يركز معانا كدا، ومعانا ضيف مميز وحبوب، سيف الشرقاوي. وحابب يهدي أغنية لعريسنا الحلو. يلا سقفه كبيرة هنا لسيف الشرقاااااوي. الكل انتبه، وحياة لفت بسرعة وفتحت عينيها بدهشة وقالت: يامجنووون!!! سيف بيضحك ومسك المايك، والميوزك اشتغل وغنى لحماقي: قلبي تك. وكان صوته مقبول جداً، والكل اتفاعل معاه وسيف قدر يخلي بهجة للفرح. وخالد وسليم كانوا مبسوطين.
وآمان وبدر طلعوا وشاركوا الفرحة، والكل بيرقص ويغني. حياة: حطت إيدها على قلبها اللي دق لسيف أخيراً. فتون وحنين ونجوان كانوا مبسوطين وبيضحكوا على ولادهم. آرين: كل ما تفرح تلاقي آدم بيحذرها. آدم مراد: جواه نار غيرة غير طبيعية. وأول مرة يندم على قرار أخده في حياته. آرين جميلة، جميلة جداً، وانهرده الكل هيركز الأضواء عليها. وده شاعل الغيرة جواه، وكل شوية يبص في الساعة وعايز الوقت يخلص.
آرين: قاعدة ومخنوقة منه ومتغاظة، وهاين عليها تعيط. البنات لاحظت ده، وراحوا اتكلموا معاها، وعرفوا سبب زعلها. وميرو حكت لتيم، وتمارا قالت لاريان. مراد وفهد وفارس وزين وزياد بيستقبلوا الضيوف مع التدقيق الأمني. الإمبراطور جمب طارق وبيتر وعينيه على آدم حفيده. فهد واقف عينيه على بنته، ولاحظ أنها مكشرة. وآدم هاين عليه يطلع نار. وقال لمراد: ثواني وراجع يامراد. وراح عند آرين، وقال بصوت واطي: مالك يا حبيبتي.
سعيد طلع مع مصطفى يبارك لآدم. آرين: كأنها مصدقت إن آدم مش منتبه، وقالت: بابي آدم مش عايزني أقوم من مكاني. هو أنا مش عروسة؟ أنا عايزة أفرح بليززز. أنا هعيط بجد. فهد: (بتفهم) طيب ياحبيبتي متزعليش. هو بس غيران عليكي. بس بابي هنا وهيحققلك كل حاجة. قومي معايا. آرين: بحماس: واو، أجمل بابي فهد في الدنيا. آدم مراد: بيلف وشاف فهد ماسك إيد آرين، وبيشاور للدي جي بأغنية هادية، لرقصة سلو، وقبض على إيديه بغضب واضح. آدم شاور لمراد.
مراد: لحق ابنه، وقال بتحذير: وحياة أمك لو عملت أي حركة، ل تشوف مني وش مش هيعجبك. أهدى كدا واتمالك أعصابك.. عروستك من حقها تفرح. آدم مراد: بنظرة نارية لآرين.. وسكت. مراد: يخربيت كدا يبني فوّقها شوية.. وشاور لفريحة تحاول تهديه. فريحة: طلعت في إيه يا جماعة؟ مراد: اتكلمي مع ابنك علشان ماجيبش آخري منكم.. وسابهم ونزل. فريحة: بتتكلم معاه وقد إيه آرين تعبت الفترة الأخيرة.. واترجته يعدي اليوم ع خير.
الميوزك اشتغل.. ع أغنية أحمد بتشان "قابلتك امتى". فهد: مد إيده لبنته. آرين: رغم خوفها من آدم.. لكن سندها موجود.. ومن فرحة قلبها.. حطت إيدها في إيده.. وبدأت ترقص مع باباها. الكل سقف ليهم. سليم: اتشجع وقام وقف وقال: تسمحيلي بالرقصة دي يافتوت هانم. فتون: ضحكت من قلبها وقامت مع سليم ووقفوا جنب فهد وآرين. وفجأة الكل اتحمس.. خالد وحنين. وفارس ورودي ومالك وسارة وشريف ونجوان. ويوسف ومريم.
ومحمد أخد تمارا قدام عيون آريان ورقص معاها. ورعد شايف باري متعفرتة واخدها يرقص معاها.. وزياد ومليكة. والمنصة اتلمت بالاحباب. ميرو: بتوتر.. وبعدين ياتيم ده آدم أخويا وشه بيقول أنه هيفجرنا.. أنا خايفة ع آرين. تيم: ثواني بس يامريم بفكر في حل أهو.. وقال: لقيتها.. وشاور للشباب والبنات.. وقال: أسمعوا إحنا هنا كلنا عيلة.. واحنا بقى عايزين آدم يرقص مع آرين. كلهم: طيب إزاي؟ ده مستحيل. تيم: الحل كله في إيد تالين.
تالين: إزاي يا أبيه؟ تيم: أسمعوا الخطة وركزوا كويس.. وشرح ليهم.. وبدأوا بالتنفيذ. آدم مراد: واقف وبيسلم ع الضيوف وجواه بيستحلف لآرين. تالين: جريت عليه وحضنته بتلقائية وقالت: أبيه آدم حضرتك هتسبني وتبعد عني خلاص؟ آدم مراد: نفخ بخنقة.. وضمها لقلبه وقال: تالين أنا عمري ما أبعد عنك انتي بالذات.. فاهمة.
تالين: بحنين.. أنا عارفة كل ده يا أبيه.. بس برضو حضرتك هتعيش جمبنا.. الأول كنت بطمن وحضرتك في الأوضة اللي جمبي.. دلوقتي كل حاجة هتتغير.. وعلشان كده.. نفسي في طلب صغير وتحققهولي.. أنا عمري ما طلبت منك حاجة.. بسمع كلامك ديما.. بس بالله عليك دلوقتي عايزة ما تكسرش خاطري. آدم مراد: حط إيده ع خدها وقال: انتي طلباتك كلها أوامر يا تالي.. قولي ياحبيبتي طلبك. تالين: مسكت فستانها بقوة..
وبلعت ريقها بتوتر وقالت: أحم.. نفسي… نفسي ترقصي معايا سلو.. لمرة واحدة بس بالله عليك يا أبيه. آدم مراد: بجدية.. انتي اتجننتي ياتالين؟ تالين: اتخضت.. وقالت: اء.. آسفة مش قصدي.. اء.. أنا بس… كنت.. احم.. آسفة جداً. متزعلش مني. كنت متحمسة مش أكتر.. أنا هروح لماما.. ولفت ضهرها. آدم مراد: مسح وشه وقال: استني ياتالين. تالين: قالت جواها. يااارب يوافق علشان المسكينة آرين.. ولفّت ليه: نعم يا أبيه.
آدم مراد: ابتسم وقال.. أنا قولت طلباتك أوامر.. متزعليش مني أنا بس كنت مضايق شوية. تالين: فتحت عينيها وتنحت.. وقالت: حضرتك وافقت؟ آدم مراد: حط إيدها في إيده وقال بإبتسامة.. تحت أمر تالي. تالين: فرحت جداً.. وطلعت جمب آدم.. وبصت لتيم. آدم مراد: رغم ناره إلا إن تالين في حتة تانية عنده. الكل تنح حرفياً.. لما شافوا آدم بيرقص.. وخصوصاً.. آرين. آدم متابع حفيده.. وأبتسم.
تيم: بحماس.. يس أيوه بقا.. تعالي ياميرو وانتوا ياشباب اتحركوا يلا. ياسين أخد همس وطلعوا يرقصوا. وكريم أخد ليليان ومصطفى وجود.. وآسر وكارما أخته. مريم ونور ورينو وفريحة وريتال فرحوا جداً. زين: غمز ل روتي وراح بيها.. ومراد شد فريحة والكل كان في عالم تاني. آركان: راح قعد جمب طارق وقال: عيني عليا سنجل بائس.. ماتيجي يارانوش نرقص حبة حبة.. ههههه. رنا: ضحكت. طارق: بغيره. وحياة أمك يابن المتخلفين. قوم ياض من هنا.
آركان: بيضحك وبالصدفة شاف باري بترقص وضهر رعد ليه.. وتنح.. وقال: ينهار اسوس.. انتي هنا؟ اه يابنت اللذين.. ياما نفسي أشقلب ملامحك دي.. بقى أنا بلياتشو يابنت الزومبي.. وياترى مين اللي بترقصي معاه ده؟ أممم ياترى انتي هنا بصفتك إيه؟ باري: شافته بيبص ليها.. وبصتله من فوق لتحت.. ورفعت راسها بكبرياء. آركان: كشر عينيه بغيظ وقال: مبقاش اللي انتي يابتاعة أو ماي جاد تحرقي دمي وتبصيلي كدا؟ ماااااشي..
تيم: بيرقص واتعمد يروح جمب فهد. آريان: جه وقال لمحمد: بعد إذنك مراتي بقى أرقص معاها شوية. وبدأوا الكل يعمل دايرة كبيرة وفهد وآرين وآدم وتالين في النص.. والإضاءة كلها طفت لثواني.. وفهد في ثانية أخد تالين وساب آرين قدام آدم. آدم مراد: شاف آرين قدامه. آرين: واقفة ومكسوفة يحرجها.. وبصت لآدم بعتاب. آدم مراد: فتح إيده ليها. آرين: فتحت عينيها بزهول.. وقلبها دق. آدم مراد: حس بفرحتها وقال.. تسمحيلي بالرقصة دي؟
آرين: هزت راسها وضحكت بسعادة.. وحطت إيدها وبدأت ترقص مع بطل قصتها. آدم مراد: حاوطها من وسطها وقربها منه.. وباس جبينها.. وآرين رفعت إيديها حوالين رقبته. وغمضت عينيها. ودقات قلوبهم مسموعة ليهم وعاشوا تفاصيل الأغنية مع مشاعر عشق صادقة. تيم: غمز لفهد وقال.. ييجي مني؟ فهد: ضحك وقال.. طبعاً. فاجأتني بصراحة.. وبص لتالين وقال: ورطوكي ياتوتا. تالين: بضحكة رقيقة.. والله ياخالو كان هيغمى عليا.
فهد: باس جبينها وقال.. سلامتك ياحبيبة خالك. بعد كدا وهما بيرقصوا.. الدجي جاب أغنية ملكة جمال الناس محمد شاهين. وآرين عاشت فرحتها اللي بتتمناها أي بنت. آركان: ماشي بيتكلم في الفون وبيضحك.. لكن وقف مرة واحدة.. وشاف باري واقفة بعيد. وماسكة الآيفون.. ومسحت دموعها.. وشكلها كانت مضايقة جداً ع الفون.. ورمت الآيفون في الباسكت ورجعت للفرح.. آركان.. صعبت عليه.. وبعدها طرد الفكرة.. وكمل المكالمة.
سعيد عيونه بتدور بين كل الحضور. وأخيراً.. شافها.. وقلبه دق.. ورايح يكلمها.. لكن شاف أحمد واقف معاها.. واضايق جداً.. وافتكروا أنه خطيبها.. وخاب أمله. مصطفى: من وراه.. يبقى أخوها الكبير ع فكرة!! سعيد: رجعت ليه الابتسامة. ومصطفى شرح ليه ظروف دعاء كلها.. وأنها مش من العيلة. لكن العيلة بتعتبرها فرد منهم. بعد التهاني والمباركات.. وعدا الوقت للفقرة الشعبي.
وطلع آركان ومصطفى وسعيد وآمان وسيف وكل الشباب.. وغنوا ورقصوا على أغنية. حكيم "رقصوني". والجو كان مبهج جداً.. وبعد كده جت التورتة وكانت هدية من عم وخال العرسان.. فارس السيوفي وزين العدوي.. وكانت ضخمة جداً.. وكانت على رسمة عربية سندريلا.. اللي بهرت كل الموجودين. وكان حرفياً.. فرح أسطوري للديزل وضيه.
وعدا الوقت والفرح على خير والكل ودع آدم وآرين ووصلوهم لحد عش الزوجية أخيراً.. وكل واحد رجع ع بيته.. وفيهم اللي زعلان وفيهم اللي فرحان. آدم مراد: قفل باب الفيلا. آرين: رغم كسوفها إلا أنها مطمنة.. وبتتفرج ع الديكور بحماس واضح.. وقالت.. ياااه بجد كل حاجة جميلة جدا. آدم مراد: واقف وبيتأمل فيها.. ومش مصدق أنها أخيراً.. معاه.. ملكة وبين إيديه. آرين: آدم أنا بكلمك.. و…!!! وشافته باصص ليها أوي.. واتكسفت.
آدم مراد: قرب منها خطوة. آرين: بلعت ريقها بتوتر.. ورجعت لورا. آدم مراد: بدون مقدمات.. ورغم فستانها العملاق.. شالها بين إيديه وطالع بيها ع الجناح. آرين: شهقت.. واتصدمت وقلبها بيدق بسرعة كبيرة جداً.. والكلام كله اتبخر. آدم مراد: نزل آرين.. وساكت. آرين: بتتنفس بسرعة. وحطت إيدها ع قلبها.. وقالت.. أنت بتشلني ليه؟ أنا كنت هطلع لوحدي. آدم مراد: جواه مشاعر متلخبطة وخرجت عن السيطرة.. معقول آرين موجودة معاه وقدامه؟
آرين: شافته ساكت.. وقالت جواها.. هو ماله كدا بيبصلي كدا ليه؟ لأ وكمان ساكت.. يامامي. لا يكون بيفكر إزاي يرعبني وينتقم مني علشان رقصت مع بابي.. عااا أنا خايفة.. أنا عايزة باااابي. آدم مراد: كسر تفكيرها.. وقال. بحبك. آرين: هاااا؟ أحم. اء. اه ميرسي. آدم مراد: رفع إيده ع خدها وقال.. آرين انتي معايا.. وأنا قد الوعد اللي وعدته لخالي. آرين: اطمنت.. ولسا عايزة تقوله أنا هنام في الجناح ده….!!!
آدم مراد: شدها لحضنه بقوة وكأنه بيعوض سنين طويلة عاشها جمبها بحدود. آرين: تنحت ورجفت. وقلبها دق. آدم مراد: بهمس.. بحبك يا آرين. آرين: جواها مشاعر متلخبطة وجديدة من قرب آدم منها بالشكل ده.. ومش فاهمة إيه هي. لكن قالت برقة مصطنعة.. آدم. إحنا اتكلمنا المفروض نتعشى بقى.. وكل واحد يروح ينام.
آدم مراد: غصب عنه ضحك من أسلوبها وعارف أنها خايفة.. وباس جبينها وقال.. غيري الفستان.. وأنا هستناكي.. وسابها. ودخل أوضة اللبس.. واخد بنطلون. واتحرك.. لكن رجع أخد تيشرت علشان عارف رد فعلها لو شافته من غير تيشرت.. ودخل الحمام ياخد شاور. آرين: وقفت قدام المرايا.. وبتقلد الموديلز.. وقالت. أنا أجنن بجد شبه الأميرات.. واو كان يوم كله مفاجآت.
يلا بقى يا آرين غيري الفستان ده تقيل جدا.. اممم آدم بقى جوزي يعني عادي لما أكون قاعدة بشعري. وبعدين هو خرج خلاص. وراحت عند الدولاب وجابت بيجامة. وقفلت على نفسها بالمفتاح.. وحاولت بعد معاناة تفك الطرحة والفستان.. ودخلت الحمام واخدت شاور ولبست البيجامة.. وخارجة من الحمام تغني.. لكن وقفت مكانها واتخضت.. وهمست: دخل إزاي أنا قافلة بالمفتاح؟ آدم مراد: قاعد ع الكنبة.. ومعلقش ع لبسها.. وقال بجدية.. يلا علشان تتعشي.
آرين: حست بالإحراج.. وقعدت قدامه من سكات. آدم مراد: من غير ما يبصلها.. مكانك جمبي مش قصادي. آرين: بحرج.. اء.. أنا مستريحة هنا. آدم مراد: بصلها. وقال. مبحبش أعيد كلامي ي آرين. آرين: قامت وقعدت جمبه بمساحة صغيرة. آدم مراد: نفخ بنفاذ صبر.. وحاوطها من وسطها وشدها جمبه… وقال.. انتي مراتي وف بيتنا. ياريت تحاولي تستوعبي بسرعة. آرين: هزت راسها بحرج.. وساكتة. آدم مراد: يلا كلي. آرين: قالت جواها.. يلا كلي؟
يخربيتك بجد. دانا لو جعانة هتسد نفسي بأسلوبك ده.. ده دراكولا أرحم منك. آدم مراد: همس في ودنها وقال بمكر. أنا أعرف أتعامل أوي.. لكن خايف عليكي.. فخليكي شاطرة واسمعي الكلام.. لأن بصراحة كدا أنتي وحشاني. آرين: تنحت.. ومش عارفة ترد. آدم مراد: أبتسم بمكر.. واخد قطعة فراخ.. وقال. يلا أول قاعدة.. من دلوقتي طول ما إحنا في الجناح ده. هتاكلي من إيدي أنا وبس. آرين: بتحرك بؤبؤ عينيها ومتنحة ومش مستوعبة.. وقالت: طول ماحنا مين؟
اء.. أنا هروح الأوضة التانية. آدم مراد : مردش على كلامها.. ورفع حاجبه ليها في إشارة تفتح بقها. آرين : خافت تتكلم.. وأكلت من سكات.. ونفسها تجري من قدامه.. وبتجاهد نفسها من التوتر الداخلي. آدم مراد : أكل آرين.. ومراقب كل حركاتها.. وقال: كنتي بتقولي أوضة تانية؟ آرين : كحت.. وقالت: أيوه ده اختياري على فكرة.. وبصراحة الجناح ده عجبني أوي.. فلو تروح أنت بقى تنام في الأوضة التانية بليز بجد. آدم مراد :
مط شفايفه: اممم.. اختياري وكل واحد في أوضة.. وأبتسم بغيظ مكبوت وقال: القاعدة التانية. طول ما أنتي هنا مفيش نوم غير في حضني وبس!! آرين : شهقت بصدمة وقالت: مستحيل ده يحصل. آدم مراد : شاف آرين في حالة قلق غير طبيعي.. وساب الأكل.. ومسح إيديه بالمنديل.. وقال: اسمعيني كويس يا آرين.. أي زوجين من بداية يوم الفرح مابيفترقوش عن بعض. انتي فاهمه طبعاً. آرين : وده علاقته إيه؟ محنا اتجوزنا من زمان ومفترقناش. آدم مراد : ضحك بيأس.
آرين : بغيظ: أنت بتضحك عليا ليه بقى؟ آدم مراد : حلوة البيجامة دي. آرين : ابتسمت: اممم حبيتها أوي. آدم مراد : بص في عينيها وقال: وأنا حبيتك أكتر حاجة في الدنيا. آرين : نزلت وشها في الأرض واتكسفت. آدم مراد : في لحظة حنين.. رفع دقنها وقرب منها وباسها. آرين : فتحت عينيها بصدمة.. واتصدمت في آدم واغمى عليها. آدم مراد : اتخض عليها.. آرييين.. وشالها بسرعة وحطها في السرير.. وخبط على خدها: آرين.. آرين فوقي.
ونفخ بنفاذ صبر وقال: مش معقول كدا.. أنا متجوز طفلة؟ وجاب إزازة برفان وفوقها بيها. آرين : فاقت.. وبتئن. آدم مراد : مسح وشه بإيديه ونفخ براحة.. ومسد على شعرها بحنان وقال: حبيبتي أنتي كويسة؟ آرين : بتوهان: أنا فين؟ آدم مراد : ابتسم: أنتي مع المرعب يا مجنونة. آرين : افتكرت اللي حصل.. وفتحت عينيها بدهشة.. وخافت. آدم مراد : حاول يحتويها.. وقال بهدوء: آرين أنتي خايفة مني؟ آرين : هزت راسها بسرعة وقالت بقلق: أيوه.
آدم مراد : أخد نفس عميق جداً.. ومسك إيديها.. وبص في عينيها وقال: ليه يا آرين؟ آرين : ببراءة: عشان أنت بتفضل تبرقلي وكمان بتتعصب ديما.. ده غير رياكشن وشك لما بتتحول.. قصدي يعني لما تضايق.. أنت ليه كدا يا آدم. ونزلت وشها وقالت بكسوف: ده غير إللي أنت عملته دلوقتي. آدم مراد : ابتسم وبص لشعرها.. وحط إيده بين خصلاتها.. وقال: طيب على كدا بقى أنا معملتش حاجة كويسة خالص مع آريني حبيبتي؟ آرين :
قلبها دق وقالت: لأ أنت عملت كتير جداً.. ووقفت جمبي وقت الحادثة ومتخلتش عني.. وانقذتني.. وكفاية مفاجآت انهردا كلها فرحتني كتير أوي.. أنت بتعمل علشاني كل حاجة حلوة يا آدم. آدم مراد : باسها من خدها بحنان ورقة.. وقال: طيب أنا مش وحش أوي يعني؟ آرين : بلعت ريقها بتوتر وغمضت عينيها وهزت راسها: لأ اء.. أنت مش وحش. آدم مراد : باسها من خدها التاني.. وقال: اومال أنا إيه يا آريني؟ آرين : بتتنفس بسرعة وشبه متخدرة..
وهمست بتوهان: اء.. أنت.. أنت.. آدم مراد : بدقة قلب: قوليها يا آرين. آرين : مسكت تيشرت آدم وقلبها بيدق بقوة.. واخيراً قالت: بحبك أوي يا آدم!!! آدم مراد : نجح في أنه يطمنها ويقربها منه.. وبص في عينيها وقال بغرام: وآدم بيعشق آرين. وقرب منها بكل شوق وحب ولهفة.. وقدر يخترق حصونها بعشقه ليها.. وعاش معاها عشق مالهوش نهاية ولا وصف.. كانت آرين بالنسبة لآدم جنته على الأرض.
وآرين عاشت حلم جميل وكان آدم بالنسبة ليها.. سعادة وعشق لا متناهي. وبعد فترة كبيرة.. تم بحمد الله نقل ملكية آرين السيوفي.. لحرم آدم العدوي.. ونقول مبارك عليكم. آرين : مخبية وشها في حضن آدم.. وشها كتلة طماطم من الإحراج. آدم مراد : ضحك بصمت.. وضمها لقلبه بحنان أكتر.. وباس راسها.. وقال: مبروك يا روحي. آرين : هزت راسها ومردتش عليه من الإحراج ومكسوفة جداً. آدم مراد : ضحك.. وشدها لحضنه.. ونام وهي في حضنه.
آرين : غمضت عينيها وساكتة. آدم مراد : بضحكة.. قال: طيب انتي ساكتة ليه؟ آدم مراد : ههههه.. طيب يلا نامي عشان هنسافر بكرة بدري. آرين : فتحت عينيها بدهشة وقالت: بيجاااد.. هنسافر أوروبا؟ آدم مراد : همس ليها بغرام وقال: لأ.. دي بقى مفاجأة. آرين : رفعت راسها وقالت بترجي: بليييززز قول طيب هنروح فين؟ آدم مراد : شدها لحضنه وقال: قولت مفاجأة.. ويلا نامي عشان هما تلات ساعات ونسافر. آرين : بغيظ: أوكي طيب. آدم مراد :
باسها وقال: تصبحي على خير يا روحي. آرين : اتكسفت.. وغمضت عينيها.. وهمست بحرج: وأنت بخير. وبعد لحظات نامت من الإرهاق. آدم مراد : بيتأمل تفاصيلها.. بشرتها عيونها شعرها.. وأبتسم بحب.. وقال.. بحبك أوي يا آري. تاني يوم.. آدم مراد : فتح عينيه.. وشاف آرين نايمة في آخر السرير.. والغطا على الأرض.. وكشر عينيه بعدم فهم من طريقة نومها. وبص في الساعة.. وشد الغطا عليها.. وبدأ يصحيها. آرين.. آرين قومي هنتاخر. آدم مراد :
نفخ بنفاذ صبر وقال: شكلك هتتعبيني ومفيش وقت.. وقام.. وشالها على كتفه.. ودخل بيها الحمام. آرين : بنوم: بس بقى يازفت أنت.. ياامااامي خليه يسكت البارد ده. آدم مراد : هز راسه بنفاذ صبر.. وقال: آرييين فوووقي. وفتح المايه وبيغسل وشها. آرين : نفخت بتذمر.. بس بقى المايه ساقعة يامامي خلاص هصلي خلاااص.. وفتحت عينيها. آدم مراد : خطف بوسة وقال.. صباح الخير. آرين : اتصدمت وقالت.. آدم؟ أنت بتعمل ايه هنا؟
آدم مراد : أبداً جاي أزورك عندك مانع؟ يلا يا آرين ورانا سفر. آرين : شهقت بصوت عالي وقالت.. صح أنا عروسة وكدا.. أيوه صدق نسيت خالص. آدم مراد : حط المعجون على الفرشة ليها.. وقال بتحذير.. عشر دقايق وتلبسي عشان منتأخرش. وسابها وخرج يجيب لبس ليه. آرين : بتقلدو قدام المرايا.. عثر دقايق وتلبثي.. ياساااتر.. يخربيت كدا. آدم مراد : بتحذير.. آريييييين.
آرين : هييه.. حاضر حاضر خلصت أهو.. وغسلت أسنانها.. وأخدت شاور.. ولبست.. وخرجت. وصلت. آدم مراد : خلص صلاه. آرين : لبست فستان كشمير.. وبتتاوب وعايزة تنام. آدم مراد : ضمها لقلبه من الخلف.. وقال.. روحي أنا عايزة تنامي؟ آرين : بدأت تاخد على آدم وابتسمت وقالت.. جداً يا آدم.. أنا منمتش كفاية. آدم مراد : باسها من كتفها وقال.. نامي جنبي في العربية. أوكي. آرين : بترجي.. بليز قول هنسافر فين بقى؟ فيلا العدوي..
مراد : بتعجب.. الله الواد آدم مخدش تذاكر السفر ليه؟ أنا هروح اصحيه يمكن راحت عليه نومه. هارون : آدم باشا سافر هو والهانم الصغيرة من بدري ومحدش عارف سافر فين معاليك…!!! مراد : رجع الفيلا وقال للموجودين بدهشة.. مين قال أنه سافر.. وازاي متعرفوش؟ فريحة : لأن بابا آدم اتصل عليه.. وابنك قاله أنه مش موجود في الفيلا.. وكمان قال محدش يدور عليه ولا يتصل.. هو اللي هيبقى يتصل علينا ويطمنا عليهم.
مراد : كشر عينيه وقال.. امممم لأ حركة حلوة. الواد آدم ده جامد. بس ياترى الحوت هيعمل إيه لما يعرف هههههه.. هارت اتاك يا حوت. ف الطريق.. آدم مراد : سايق العربية.. وآرين نايمة على كتفه. آدم مراد : وقف بالعربية.. وصحى آرين وقال.. آرين فتحي ياحبيبتي وصلنا. آرين : فتحت عينيها بكسل.. وبتبص من الإزاز.. وفتحت عينيها بزهول وقالت.. مش معقول.. بيت المزرعة؟
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!